ელექტრონული რეცეპტების სისტემამ ბოლო ერთი წლის განმავლობაში მნიშვნელოვნად გააუმჯობესა მედიკამენტების გამოწერის კონტროლი. ჯანდაცვის მინისტრის განცხადებით, მოხდა იმ დაწესებულებების გამოვლენა, რომლებიც არაკეთილსინდისიერად აწვდიდნენ რეცეპტებს. ათასობით არაკეთილსინდისიერი რეცეპტი გამოავლინეს, რაც დიდ რაოდენობით მედიკამენტების უკანონო გაყიდვას გულისხმობდა. მინისტრმა აღნიშნა, რომ აფთიაქების კონტროლიც გამკაცრებულია და ყველა მსგავსი შემთხვევა გადაეცა პროკურატურასა და ფინანსურ პოლიციას. მნიშვნელოვანია, რომ მოქალაქეები ყურადღებით მოეკიდონ რეცეპტების მიღებას და მხოლოდ სანდო წყაროებიდან შეიძინონ მედიკამენტები.
„ელექტრონული რეცეპტების შედეგია ის, რომ ბოლო ერთი წლის განმავლობაში უკვე აქტიურად ვაანალიზებთ იმას, ვინ რა რეცეპტებს წერს და რამდენად კეთილსინდისიერად წერს“, – განაცხადა ჯანდაცვის მინისტრმა, ზურაბ აზარაშვილმა „ქრონიკაში“.
„სწორედ, ასეთი გამოწერილი რეცეპტების ბაზიდან შევძელით გამოგვევლინა ის რამდენიმე დაწესებულება, რომელსაც თითქოს ამბულატორიული კლინიკები ეწოდებოდათ, იქ დასაქმებული ექიმები კი წერდნენ ათასობით რეცეპტს. ეს ათასობით რეცეპტი ასიათასობით მედიკამენტია, რომელიც სამწუხაროდ მთელი ქვეყნის მასშტაბით იყიდებოდა სხვადასხვა აფთიაქიდან. ჩვენ ასევე გავამკაცრეთ აფთიაქების კონტროლი. ხდებოდა ზოგიერთი არაკეთილსინდისიერი აფთიაქის შეთანხმება არაკეთილსინდისიერ კლინიკებთან და ხდებოდა ყალბი რეცეპტების გამოწერა. ეს საქმეები გადაგზავნილია პროკურატურაში, ფინანსურ პოლიციაში და ისინი გააგრძელებენ გამოძიებას“, – აღნიშნა ზურაბ აზარაშვილმა.
