საქართველო წარმატებით მართავს შიდსის ეპიდემიას და ამჟამად ქვეყანაში დაახლოებით რვა ათასი აივ ინფიცირებული ცხოვრობს, რაც ბევრად ნაკლებია სხვა ქვეყნებთან შედარებით. სამთავრობო და არასამთავრობო ორგანიზაციების თანამშრომლობით, საქართველომ მოახერხა შიდსის ფართომასშტაბიანი ეპიდემიის თავიდან აცილება. მიზანია, რომ ოცდამეერთე საუკუნის დასაწყისისთვის ყველა ინფიცირებული გამოვლენილი იყოს და მკურნალობაზე შეთანხმდეს. ამჟამად, საქართველოში აივ ინფიცირებულთა ოთხმოცდაოთხი პროცენტი მკურნალობას იღებს, რაც მათ ჯანმრთელობის შენარჩუნებაში ეხმარება. მნიშვნელოვანია, რომ შიდსით დაავადებულები სრულფასოვან ცხოვრებას ეწევიან და საზოგადოებაში ინტეგრირებულნი არიან.
„საქართველოში დღეისთვის დაახლოებით 8000 აივ ინფიცირებული ცხოვრობს. ეს ბევრად ნაკლებია, ვიდრე ბევრ სხვა ქვეყანაში“, – განაცხადა ინფექციური პათოლოგიისა და შიდსის ცენტრის დირექტორმა თენგიზ ცერცვაძემ ჟურნალისტებთან.
მისი თქმით, საქართველომ თავიდან აიცილა შიდსის ფართომასშტაბიანი ეპიდემია, განსხვავებით სხვა მეზობელი ქვეყნებისგან.
„საქართველოში დღეისთვის დაახლოებით 8000 აივ ინფიცირებული ცხოვრობს. ეს ბევრად ნაკლებია, ვიდრე ბევრ სხვა ქვეყანაში. სამთავრობო და არასამთავრობო სტრუქტურების გაერთიანებული ძალისხმევით საქართველომ მიაღწია იმას, რომ თავიდან აიცილა შიდსის მასშტაბიანი ეპიდემია, განსხვავებით ჩვენი ბევრი მეზობელი ქვეყნისგან. 2025 და 2023 წლისთვის მიზანია, ყველა აივ ინფიცირებულის 95% გამოვავლინოთ. ყველა გამოვლენილის 95% უნდა დავითანხმოთ მკურნალობაზე და ყველა ნამკურნალევის 95%-ში უნდა მივაღწიოთ ვირუსის განულებას.
ჩვენთან ყველა აივ ინფიცირებულის 83% გამოვლენილია, იცის, რომ აქვს აივ ინფექცია და ჩვენი კონტროლის ქვეშ არის. ამ 83%-დან 86% დათანხმდა მკურნალობას და მკურნალობს ყველა წესის დაცვით და იმათგან, ვინც მკურნალობს, 92% განკურნებული მთლიანად არ არის, მაგრამ ვირუსი განულებულია და ის, პრაქტიკულად, ჯანმრთელია. საქართველო შიდსთან ბრძოლის კუთხით უპირობო ლიდერია აღმოსავლეთ ევროპის, ყოფილი საბჭოთა კავშირის ქვეყნებს შორის“, – აღნიშნა ცერცვაძემ.
„მოგეხსენებათ, შიდსი, მიუხედავად იმისა, რომ მის მართვაში სერიოზული წარმატებებია მიღწეული და მიუხედავად იმისა, რომ გაჩნდა ახალი ინფექციები, რომელმაც დროებით მეტი ყურადღება მიიპყრო, ვგულისხმობ კოვიდს, მაინც რჩება ერთ-ერთ ძირითად გამოწვევად მსოფლიო მედიცინისთვის, რამეთუ ის ჯერჯერობით არ არის განკურნებადი, თუმცა ძალიან დიდი პროგრესია მიღწეული და ის სასიკვდილო დაავადებიდან ქრონიკულ, მართვად დაავადებად გადაიქცა. თუ შიდსით დაავადებულს სწორად მართავთ და თვითონ პაციენტიც თავის თავს უვლის, რეალურად, ის მთელი სიცოცხლე ისე იცხოვრებს, როგორც ჯანმრთელი ადამიანი. მისი სიცოცხლის ხანგრძლივობა შეზღუდული არ იქნება. მსოფლიოს წამყვან ქვეყნებში ეს მიღწეულია და საბედნიეროდ, საქართველო ამ ქვეყნებს შორისაა. კერძოდ, საქართველო უპირობო ლიდერია აღმოსავლეთ ევროპის, ყოფილი საბჭოთა კავშირის ქვეყნებს შორის. ჩვენთან აივ ინფიცირებული პაციენტები აბსოლუტურად არ არიან შეზღუდული, ისინი ინტეგრირებული არიან სრულფასოვან ცხოვრებაში, მსახურობენ, ქორწინდებიან, აჩენენ ჯანმრთელ შვილებს და ა.შ“, – განაცხადა ინფექციური პათოლოგიისა და შიდსის ცენტრის დირექტორმა თენგიზ ცერცვაძემ.
