ნათია მოსიავა

დაიბადა 1973 წელს ტრადიციულ ქართულ ოჯახში, სადაც ადრეული ასაკიდანვე ეზიარა ძირძველ ფასეულობებსა და ჰუმანურ პრინციპებს. სასკოლო პერიოდში ის გამოირჩეოდა განსაკუთრებული ნიჭიერებითა და პასუხისმგებლობის მაღალი გრძნობით — იყო ფრიადოსანი მოსწავლე და აქტიურად მონაწილეობდა საზოგადოებრივ ცხოვრებაში, ასევე ეკავა იმ დროს კომკავშირის მდივნის საპასუხისმგებლო პოზიციაც. პროფესიული არჩევანი მედიცინის სფეროზე შეაჩერა და წარმატებით ჩააბარა თბილისის სამედიცინო ინსტიტუტში, სადაც თავდაპირველად, კარდიოლოგიის მიმართულებით იმაღლებდა ცოდნას. თუმცა, პაციენტების ჯანმრთელობისადმი უფრო ფართო, კომპლექსური და მრავალმხრივი მიდგომის სურვილმა ის საოჯახო მედიცინასთან მიიყვანა. ნათია მოსიავა სრულად გადაერთო ამ უმნიშვნელოვანეს დარგზე, სადაც თითოეულ პაციენტთან უწყვეტი და გრძელვადიანი ურთიერთობის დამყარების შესაძლებლობა მიეცა. ამჟამად იგი პროფესიულ საქმიანობას ეწევა ქალაქ ქუთაისში, ნაზარიშვილის სახელობის საოჯახო მედიცინის ცენტრში, სადაც მუშაობს როგორც ოჯახის ექიმი, თერაპევტი და ტრენერი. თავისი მდიდარი პრაქტიკული გამოცდილებითა და ღრმა ცოდნით, იგი არა მხოლოდ უშუალოდ ზრუნავს მოსახლეობის ჯანმრთელობაზე, არამედ აქტიურად უზიარებს გამოცდილებას კოლეგებსა და ახალგაზრდა სპეციალისტებს. ჰყავს მეუღლე და ორი ქალიშვილი.

რა არის კარგი ექიმი?
მთავარი კრიტერიუმები გულისხმიერი ექიმისთვის არის განათლება, კარგი კომუნიკაციის უნარი, პასუხისმგებლობა პაციენტის მიმართ და მასთან უწყვეტი კონტაქტი. ასევე, მნიშვნელოვანია მუდმივი განვითარების სურვილი, რადგან პაციენტისთვის სწორი დიაგნოზის დასმის გარდა, ექიმის დამოკიდებულებაც უაღრესად ფასეულია.

რატომ აირჩიეთ მედიცინა?
ბავშვობიდან მქონდა ექიმობის სურვილი. ძალიან ბედნიერი ვარ ხოლმე, როდესაც ადამიანებს ვეხმარები. ექიმობამ ეს პასუხისმგებლობა ასმაგად გამიორკეცა.

ვინ არის თქვენი მისაბაძი?
ჩვენს ქვეყანაში უამრავი განათლებული და პროფესიონალი ექიმი იყო და არის. დასაფასებელია მათი უწყვეტი განათლება, პაციენტის მიმართ გაწეული შრომა, თანადგომა და სიყვარული.

რჩევა მომავალ ექიმებს
ეს ნამდვილად რთული პროფესიაა. ახლა რომ ვირჩევდე, ისევ ექიმობას ავირჩევდი და ჩვენს მომავალ კოლეგებს ვურჩევდი, რომ განათლებასა და შრომისმოყვარეობასთან ერთად, რაც პაციენტისთვის უმნიშვნელოვანესია, უდიდესი ყურადღება მიაქციონ ექიმისადმი ნდობის ფაქტორსა და თბილ სიტყვას. ხშირად მხოლოდ წამალი როდია მკურნალი - ზოგჯერ სიტყვაც კი პაციენტისთვის იმედის მომცემი სინათლეა.

გამოცდილება

ნათია მოსიავა დაიბადა 1973 წელს ტრადიციულ ქართულ ოჯახში, სადაც ადრეული ასაკიდანვე ეზიარა ძირძველ ფასეულობებსა და ჰუმანურ პრინციპებს. სასკოლო პერიოდში ის გამოირჩეოდა განსაკუთრებული ნიჭიერებითა და პასუხისმგებლობის მაღალი გრძნობით — იყო ფრიადოსანი მოსწავლე და აქტიურად მონაწილეობდა საზოგადოებრივ ცხოვრებაში, ასევე ეკავა იმ დროს კომკავშირის მდივნის საპასუხისმგებლო პოზიციაც. პროფესიული არჩევანი მედიცინის სფეროზე შეაჩერა და წარმატებით ჩააბარა თბილისის სამედიცინო ინსტიტუტში, სადაც თავდაპირველად, კარდიოლოგიის მიმართულებით იმაღლებდა ცოდნას. თუმცა, პაციენტების ჯანმრთელობისადმი უფრო ფართო, კომპლექსური და მ

სამუშაო ადგილი

გოთუას სამედიცინო ცენტრი