„მაიმუნის ყვავილის გავრცელება საგანგაშოა!“, – ინფორმაციას ჯანდაცვის საერთაშორისო ექსპერტი, პროფესორი გიორგი ფხაკაძე ავრცელებს.
ჯანდაცვის მსოფლიო ორგანიზაციამ (WHO) 14 აგვისტოს გამოაცხადა მაიმუნის ყვავილის ეპიდემია (Mpox), რომელიც აფრიკის კონტინენტზეა გავრცელებული, ჯანმრთელობის გლობალურ საგანგებო მდგომარეობად.
მაიმუნის ყვავილის ვირუსის გავრცელების შესახებ საქართველოში და მსოფლიოში საგანგებო მდგომარეობა გამოცხადდა! – ინფორმაციას ჯანდაცვის საერთაშორისო ექსპერტი, პროფესორი გიორგი ფხაკაძე ავრცელებს.
ეს გადაწყვეტილება მიიღეს, რადგან ვირუსის ახალი, მეტად სახიფათო შტამი, სახელად clade Ib, უკვე გავრცელდა აფრიკის ოთხ ახალ პროვინციაში, რომლებიც აქამდე ვირუსით არ იყვნენ დაზარალებული. ამ შტამი მანამდე მხოლოდ კონგოს დემოკრატიულ რესპუბლიკაში იყო დაფიქსირებული.
აღსანიშნავია, რომ პროფესორი გიორგი ფხაკაძე ამის შესახებ აგვისტოს დასაწყისშივე საუბრობდა და აფრთხილებდა მოსახლეობას.
დაზარალებულთა რაოდენობის ზრდაზე ფხაკაძემ პოსტი განათავსა საკუთარ ფეისბუქ გვერდზე და ასევე საინფორმაციო პორტალზე “შენი ექიმი”.
6 აგვისტოს პოსტში ის აღნიშნავდა:
„მაიმუნის ყვავილის უფრო საშიში შტამი აფრიკის რამდენიმე ქვეყანაში ვრცელდება!“
ფხაკაძე ყურადღებას ამახვილებდა ვირუსის ახალი, მეტად სახიფათო შტამის გავრცელებაზე და მოუწოდებდა მოსახლეობას სიფრთხილისკენ.
საგანგებო კომიტეტის დამოუკიდებელი ექსპერტები WHO-ს დირექტორთან ერთად ვირტუალურად შეხვდნენ, რათა განეხილათ ეპიდემიის მასშტაბი და მისგან მომავალი საფრთხე. შეხვედრის შემდეგ, WHO-ს დირექტორმა გამოაცხადა საერთაშორისო საგანგებო მდგომარეობა, რაც ჯანმრთელობის გლობალურ სამართალში განგაშის უმაღლეს დონეს წარმოადგენს. ვირუსის გავრცელებას მიენიჭა PHEIC სტატუსი, რომელიც აღნიშნავს “განსაკუთრებულ შემთხვევებს”, რომელთა დროსაც ვითარება სხვა ქვეყნების მოსახლეობის ჯანმრთელობასაც უქმნის საფრთხეს და შესაძლოა საერთაშორისო კოორდინირებული რეაგირება საჭირო გახდეს.
აფრიკის დაავადებათა კონტროლისა და პრევენციის ცენტრების ინფორმაციით, 2024 წლის დასაწყისიდან დღემდე, 13 აფრიკულ ქვეყანაში დაფიქსირდა 17,000-ზე მეტი ინფიცირების და 500-ზე მეტი სიკვდილის შემთხვევა, რაც ამ დაავადებას “ძალიან მაღალი რისკის მოვლენად” აქცევს.
13 აგვისტოს, აფრიკის დაავადებათა კონტროლისა და პრევენციის ცენტრმა ასევე გამოაცხადა მაიმუნის ყვავილის ეპიდემია კონტინენტური საზოგადოებრივი ჯანმრთელობის საგანგებო მდგომარეობად, რაც ცენტრის დაარსების დღიდან, 2017 წლიდან, პირველი ასეთი ხასიათის განცხადებაა.
Mpox, ცნობილი როგორც მაიმუნის ყვავილი, არის ვირუსული დაავადება, რომელიც ადვილად ვრცელდება ადამიანებსა და ინფიცირებულ ცხოველებს შორის. WHO-ს მიხედვით, ვირუსი შეიძლება გავრცელდეს მჭიდრო კონტაქტით, შეხებით, კოცნით ან სექსუალური გზით. ინფიცირებული ადამიანისგან ვირუსი ასევე შეიძლება გავრცელდეს ტანსაცმლით, თეთრეულით ან ნემსით. ვირუსის სიმპტომებია: ციებ-ცხელება, მტკივნეული გამონაყარი, თავის და კუნთების ტკივილი, ენერგიის ნაკლებობა და გაფართოებული ლიმფური კვანძები.
ეს არ არის პირველი შემთხვევა, როდესაც ჯანდაცვის მსოფლიო ორგანიზაციამ მაიმუნის ყვავილის გამო გლობალური საგანგებო მდგომარეობა გამოაცხადა. მსგავსი ზომები მიღებულ იქნა 2022 წელსაც, ინფიცირების შემთხვევების ზრდის გამო. WHO-მ ეს გადაწყვეტილება მიიღო სპეციალური კომიტეტის მეორე შეხვედრის დასრულების შემდეგ.
წყარო: [UN News](https://news.un.org/en/story/2024/08/1153176).
