რა იწვევს ბაქტერიულ ვაგინოზს, რა სიმპტომებით ვლინდება ის, როგორ ვუმკურნალოთ?
ექიმი-რეპროდუქტოლოგი მანანამგალობლიშვილი სოციალურ ქსელში ფეისბუქ გვერდზე საუბრობს:
„საშოდან გამონადენი თუ გაწუხებთ, რომელსაც შესაძლოა, არასასიამოვნო სუნი, ქავილი, წვა, სქესობრივი კონტაქტის დროს დისკომფორტი ჰქონდეს და თუ ჩამოთვლილთაგან რომელიმე სიმპტომი პერიოდულად მწვავდება, ან სქესობრივი კონტაქტის შემდეგ, ან კავშირშია მენსტრუალურ ციკლთან. მაგალითად, მწვავდება ყოველი მენსტრუაციის დროს ან შემდგომ, დიდი ალბათობით, ბაქტერიული ვაგინოზი გაქვთ.
ბაქტერიული ვაგინოზი სქესობრივად გადამდები ინფექცია არ არის. ის საშოში ბაქტერიებს შორის ბალანსის დარღვევის შედეგად ვითარდება. საშო სტერილური ორგანო არ არის. მასში თანაცხოვრობენ როგორც ბოროტი, ასევე კეთილი ბაქტერიები. ბაქტერიებს შორის ბალანსის დარღვევა ნიშნავს იმას, რომ ბოროტი ბაქტერიები მრავლდება, მათი რაოდენობა აჭარბებს კეთილი ბაქტერიების რაოდენობას და არეულობა იწყება. შედეგად, ვიღებთ ბაქტერიულ ვაგინოზს და იმ სიმპტომებს.
საშოს ნაცხის ბაქტერიოსკოპია, დათვალიერება ხდება, რომლითაც საშოს ნაცხის მჟავიანობას განვსაზღვრავთ. საშოს ნაცხს მჟავე გარემო აქვს. როცა ბაქტერიული ვაგინოზია, ტუტე გარემო იქმნება“.
#datashvil #drpkhakadze #sheniganatleba #sheniambebi #sheniekimi
