ჯანდაცვის მინისტრობის კანდიდატმა ზურაბ აზარაშვილმა განაცხადა, რომ ქვეყანაში უხარისხო მედიკამენტების შემოსვლა და მათი გაყიდვა უნდა შეჩერდეს. ის აღნიშნავს, რომ ბოლო თვეების განმავლობაში, მოხდა მაღალრისკიანი ქვეყნების იდენტიფიცირება, სადაც მედიკამენტების ხარისხი კონტროლდება. აზარაშვილი ამბობს, რომ საჭიროა პრევენციის გაწვრთნა და საეჭვო წარმომავლობის მედიკამენტების შემოტანა უნდა შეიზღუდოს. მინისტრობის კანდიდატის თქმით, უახლოეს დღეებში წარმოდგენილი იქნება ცვლილებები, რათა ეს საკითხი უფრო მკაცრად გაწვდოს. პრაქტიკული რჩევა: ყოველთვის შეამოწმეთ მედიკამენტების წარმომავლობა და ხარისხი, რათა თქვენი ჯანმრთელობა დაცული იყოს.
იყო სპეკულაციები, თითქოს, კონკრეტული მედიკამენტის შემცვლელებთან მიმართებაში, ხარისხს ვერ ვაკონტროლებდით და რეფერენტული ფასწარმოქმნით, მოტივაცია შევუქმენით, იაფფასიანი, აზიური მედიკამენტების ბაზარზე შემოსვლასა და მათ ძვირად გაყიდვას. ამას სიმართლესთან არანაირი კავშირი არ აქვს. სამწუხაროდ, ხშირ შემთხვევაში, ვინც განცხადებებს აკეთებდა, თითქოს, ჩვენ, ხელს ვუწყობდით უხარისხო მედიკამენტების ქვეყანაში შემოსვლას, თვითონ შემოჰქონდათ უხარისხო მედიკამენტები. ეს, უბრალოდ, უხერხულია და ძალიან საზიანოა ჩვენი ქვეყნისთვის. ეს, ეტაპობრივად, უკვე აღვკვეთეთ და გავაგრძელებთ პრევენციას“, – განაცხადა ჯანდაცვის მინისტრობის კანდიდატმა ზურაბ აზარაშვილმა, პარლამენტში, გაერთიანებულ საკომიტეტო მოსმენაზე.
მისივე განცხადებით, სწორედ მედიკამენტების ხარისხის კონტროლის მიზნით, ბოლო თვეების განმავლობაში, მოხდა მაღალრისკიანი ქვეყნების იდენტიფიცირება, სადაც სამედიცინო და ფარმაცევტული საქმიანობის რეგულირების სააგენტო, ადგილზე ამოწმებს ყველა იმ საწარმოს, რომლებიდანაც საქართველოში, მედიკამენტების იმპორტი ხორციელდება.
„ზუსტად, ამ ყველაფრის საფუძველზე, მივიღეთ გადაწყვეტილება, უახლოეს დღეებში, როგორც კი მთავრობა დამტკიცდება, წარმოვადგინოთ შესაბამისი ცვლილებები – სამწუხაროდ, დაფიქსირებულია ფაქტები, რომ რამდენიმე მაღალრისკიანი ქვეყნიდან, მედიკამენტების შემოტანა ხდება დაუფასოებელ და თხევად მდგომარეობაში, შემდეგ კი აქ ხდება დაფასოება. ასეთი ტიპის, საეჭვო წარმომავლობის მედიკამენტების ქვეყანაში შემოტანა და წარმოება შეიზღუდება“, – განაცხადა ზურაბ აზარაშვილმა.
#datashvil #drpkhakadze #sheniganatleba #sheniambebi #sheniekimi
