სისხლის საშიში დაავადებები, როგორიცაა ლეიკემია, ხშირად მკვეთრად გამოხატული სიმპტომებით იწყება. პაციენტებში შესაძლოა განვითარდეს ანემია, სისუსტე, სიფერმკრთალე და ინფექციური დაავადებების მიმართ მიდრეკილება. ძვლის ტვინოვან სიმსივნეებზე საუბრისას მნიშვნელოვანია, რომ ლიმფური კვანძების გადიდება შესაძლოა იყოს სისხლის სისტემური დაავადებების ნიშანი. თუ ლიმფური კვანძი visibly ჩანს, არ უნდა ვცადოთ თვითმკურნალობა, რადგან ეს შესაძლოა უფრო სერიოზულ პრობლემას უკავშირდებოდეს. მნიშვნელოვანია, რომ ექიმთან დროულად მივმართოთ და საჭირო გამოკვლევები გავიაროთ. ჯანმრთელობისთვის ყურადღების მიქცევა და დროული რეაგირება ძალიან მნიშვნელოვანია.
საქართველოს პირველი არხის გადაცემა „პირადი ექიმი – მარი მალაზონია“
არის თუ არა ყოველთვის კავშირში ლიმფური კვანძის გადიდება სისხლის კიბოსთან?
ონკო-ჰემატოლოგმა, თსსუ პროფესორმა, ექიმმა, ჰემატოლოგმა ნინო შარაშენიძემ სისხლის საშიშ დაავადებებზე ისაუბრა:
„კლინიკური ჩივილები, რაც ლეიკემიის დროს ადამიანს უჩნდება, სრულად არის გამოხატული სისხლში არსებული ცვლილებებით. გვაქვს ანემია, შესაბამისად გვაქვს კლინიკური ჩივილი, ადინამია, სიფერმკრთალე, სისუსტე, არის ლეიკოციტების რაოდენობრივი შემცირება და პაციენტი მიდრეკილია ინფექციური დაავადებებისკენ.
ეს ისეთი დაავადებაა და დროის ისეთ სწრაფ მონაკვეთში ვითარდება, რომ კლინიკური ჩივილები თვალში საცემი ხდება და ეს არ ითვლის მრავალ თვესა და კვირას. ვინაიდან საუბარია ძვლის ტვინოვან სიმსივნეებზე, უნდა ვიცოდეთ, რომ ეს სისხლი იბადება ძვლებში. შემთხვევათა გარკვეულ პროცენტში, პაციენტებს ძვლების ტკივილის პრობლემა აქვთ. პაციენტები იწყებენ სიარულს ტრავმატოლოგებთან, ნევროლოგებთან და სწორედ აქედან ხვდებიან ჩვენთან, ხდება გადმომისამართება. ხშირია უმიზეზო სისხლჩაქცევები, პაციენტი ამბობს, რომ არაფერი გაუკეთებია, ტრავმა არ მიუღია და დიდი სილურჯე გაუჩნდა.
ლიმფომები შემთხვევათა მაღალ პროცენტში, სრულიად უსიმპტომოდ, ლიმფური კვანძის გადიდებით იწყება. თუ ლიმფური კვანძი ხილულია, არ უნდა დავიწყოთ მისი თვითმკურნალობა კომპრესებითა და სხვადასხვა მეთოდებით. ლიმფური კვანძების გადიდება ხშირად უკავშირდება სისხლის სისტემურ დაავადებებს.
ზოგადად, ლიმფოიდური სისტემა, ეს არის ბარიერი, რომელიც ჩვენ გვიცავს ყველაფერი ცუდისგან, ის იღებს თავის თავზე პირველ დარტყმას. შესაბამისად ლიმფური კვანძების გადიდების უამრავი მიზეზი არსებობს, რომლის დიფერენცირებაც აუცილებელია“.
