შშმ პირებისთვის ალტერნატიული სერვისების განვითარება აქტუალური თემაა. ბოლო შეხვედრაზე, სადაც მონაწილეობდნენ სახელმწიფო უწყებების, არასამთავრობო ორგანიზაციების და შშმ თემის წარმომადგენლები, განხილული იქნა მიმდინარე პროგრამები და სამომავლო გეგმები. მინისტრის მოადგილემ თამილა ბარკალაიამ ყურადღება გაამახვილა შშმ პირების უფლებების დაცვის მნიშვნელობაზე. შეხვედრაზე წარმოდგენილი იყო პრეზენტაციები, რომლებიც შეეხებოდა შშმ პირებისთვის საჭირო სერვისების გაუმჯობესებას. მონაწილეებმა იმსჯელეს, როგორ შეიძლება კიდევ უფრო გაწვდოს სერვისები და გაიუმჯობესოს შშმ პირების ცხოვრების ხარისხი. პრაქტიკული რჩევა იმაში მდგომარეობს, რომ საზოგადოება აქტიურად ჩაერთოს იმ პროცესებში, რომლებიც შშმ პირების საჭიროებებს პასუხობს.
შშმ პირთა უფლებების შესახებ კანონის აღსრულებისკენ მიმართულ ღონისძიებათა ერთიანი საკოორდინაციო საბჭოს წევრებმა, წლის შემაჯამებელ ღონისძიებაზე, მიმდინარე პროგრამები და სამომავლო გეგმები განიხილეს. ინფორმაციას ჯანდაცვის სამინისტრო ავრცელებს.
შეხვედრა ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილემ გახსნა. თამილა ბარკალაიამ, საბჭოს მნიშვნელობასა და შშმ პირების უფლებების დაცვის კუთხით განხორციელებულ, თუ მიმდინარე პროექტებზე ისაუბრა. ღონისძიებაზე, ასევე, სიტყვით გამოვიდნენ: ადამიანის უფლებათა დაცვის საკითხებში პრემიერ-მინისტრის მრჩეველი ნიკო თათულაშვილი, საპარლამენტო ფრაქცია ქართული ოცნების” თავმჯდომარის მოადგილე რატი იონათამიშვილი და ჩეხეთის რესპუბლიკის საელჩოს განვითარების სფეროში თანამშრომლობის ხელმძღვანელი იანა ზელინგეროვა.
შეხვედრაზე, სამინისტროს სოციალური დაცვის, დევნილთა და შრომის პოლიტიკის დეპარტამენტის უფროსმა, თამარ კურტანიძემ, საქართველოში, შშმ პირებისთვის განკუთვნილი ალტერნატიული სერვისების განვითარებაზე წარადგინა პრეზენტაცია. შემაჯამებელ შეხვედრაზე, პრეზენტაციები წარადგინეს საბჭოში შემავალი დეინსტიტუციონალიზაციის, სოციალური სერვისების განვითარებისა და შესაძლებლობის შეზღუდვის სტატუსის განსაზღვრის კომიტეტების წარმომადგენლებმა. ღონისძიების მონაწილეებმა, შშმ პირთა საჭიროებებზე იმსჯელეს და სამომავლო გეგმებიც განიხილეს.
შეხვედრას საჯარო უწყებების, არასამთავრობო ორგანიზაციებისა და შშმ თემის წარმომადგენლები ესწრებოდნენ. ღონისძიება, ჩეხეთის რესპუბლიკის კარიტასისა და სამინისტროს თანამშრომლობის ფარგლებში, ჩეხეთის განვითარების სააგენტოს მხარდაჭერით გაიმართა.
