მეტყველების დაგვიანება ხშირად მშობლების შფოთვის მიზეზი ხდება, განსაკუთრებით ორი წლის ასაკში. თუმცა, ბავშვების მეტყველების განვითარება ბევრად ადრე იწყება. ფსიქოლოგი ირინა ნიკოლაიშვილი აღნიშნავს, რომ ორსულობის პერიოდში სტრესი და ტრავმები შეიძლება გავლენა იქონიონ ბავშვის მეტყველებაზე. მშობლები უნდა იყვნენ ყურადღებით და არ უნდა დაელოდონ ორი წლის ასაკს, რათა შეამჩნიონ შესაძლო პრობლემები. მეტყველების განვითარებისთვის აუცილებელია ლაგმის არსებობა და სწორად განვითარებული საარტიკულაციო აპარატი. თუ ბავშვს აქვს პრობლემები წოვის რეფლექსში, ეს შეიძლება მინიშნება იყოს მეტყველების განვითარების სირთულეებზე. ამიტომ, მშობლებს რეკომენდებულია ყურადღებით დააკვირდნენ ბავშვების განვითარებას უფრო ადრე.
გადაცემა „სტუმრად ექიმთან“
რა ასაკიდან უნდა დაიწყონ ფიქრი მშობლებმა ბავშვის განვითარებაზე და როდის ითვლება მეტყველება დაგვიანებულად. რას იწვევს ორსულობაში გადატანილი სტრესი და არის თუ არა კავშირში ის ბავშვებში მეტყველების დაგვიანებასთან
საუბრობს ბავშვთა ფსიქოლოგი, ირინა ნიკოლაიშვილი:
ბავშვი ჩვენთან მოჰყავთ მაშინ, როდესაც პრობლემა უკვე ჩამოყალიბებულია.
სანამ პედიატრთან მივლენ, სანამ ბაღის მასწავლებელი მიუთითებს, სანამ სკოლაში წააყდება სირთულეს, მანამდე მინდა მივაწოდო ინფორმაცია ყველა რთულ, სავალალო სიტუაციასთან დაკავშირებით.
ჩემი გამოცდილებით, ჩემს პაციენტებზე დაყრდნობით, 95 %-ში იყო ორსულობის პერიოდში რაღაც დარღვევა, რაღაც სტრესს ფაქტორი, უმეტეს შემთხვევაში, მშობიარობის ტრავმა იყო.
2 წლიდან მოჰყავთ ბავშვები მეტყველების დაგვიანებით, არადა გვიანია. მეტყველების შეფერხება, რომელსაც მშობლები, 2 წლის ასაკში აწყდებიან და იწყებენ შფოთვას, რომ ბავშვი არ საუბრობს, მინდა გითხრათ, ეს სათავეს ბევრად უფრო ადრე იღებს. პირველ რიგში, მეტყველების განვითარებისთვის აუცილებელია ლაგმის არსებობა, საარტიკულაციო აპარატის სრულფასოვნება, 7-8 თვის ასაკში ბგერების და შემდეგ უკვე სიტყვების გამოცემა. მეტყველება სწორად ვერ განვითარდება, თუ ბავშვმა სრულფასოვნად არ გაიარა ეს ყველაფერი.
თუ არ არის ბგერის გამოცემა, ენის მოძრაობა, კოვზის სრულფასოვნად მოხმარება, ყლაპვის სწორი რეფლექსი, ბგერების მიმბაძველობა, იქ მეტყველება თავისით არ გაჩნდება. მშობელი არ უნდა დაელოდოს 2 წელიწადს, ეს ყველაფერი გაცილებით ადრე, წოვის პერიოდიდან არის შესამჩნევი. როდესაც ნაყოფს უჭირს წოვის რეფლექსი, ეს ცალსახა მინიშნებაა იმის, რომ საარტიკულაციო აპარატის განვითარების პრობლემასთან გვაქვს საქმე“.
