გრიპის ვირუსის ახალი ტალღა და გაზრდილი მიმართვიანობა კლინიკებში

მიერ

-

დეკემბერი 20, 2024

გრიპის ვირუსის ახალი ტალღა და გაზრდილი მიმართვიანობა კლინიკებში — #post_seo_title

H1N1 და კოკსაკი – საქართველოში ახლა აქტიურად ეს ორი ვირუსი ცირკულირებს. ბოლო ერთ კვირაში შემთხვევები გაორმაგდა. ე.წ. ღორის გრიპისა და ენტეროვირუსის გართულებებით მიმართვიანობა გაზრდილია ბავშვთა კლინიკებში. ძალიან ბევრი ბავშვი წევს იაშვილის კლინიკაში ფილტვების ანთებით, ჰოსპიტალიზაციის მაჩვენებელიც გაზრდილია

გრიპის ვირუსის სიმპტომებით ბავშვთა კლინიკებს თვითდინებით პაციენტები მაღალი ცხელებით მიმართავენ. მშობლები ჰყვებიან, რომ ტემპერატურის დაწევას სახლის პირობებში მედიკამენტებით ვერ ახერხებენ.

ექიმების თქმით, ბოლო ერთ კვირაში კლინიკებში მიმართვიანობა გაორმაგდა. სხვა სეზონურ ვირუსებთან ერთად ახლა საქართველოში ყველაზე აქტიურად H1N1, ანუ ე.წ. ღორის გრიპი ცირკულირებს. მაღალი ტემპერატურით, სასუნთქი გზების პრობლემებით, ბრონქიტით და გართულების შემთხვევაში პნევმონიით.

ციციშვილის კლინიკაში ამბობენ, რომ გარდა A ტიპის ვირუსისა, გავრცელებულია B ტიპის ვირუსებიც. ბავშვებში გახშირდა სხვა ინფექციური დაავადებებიც. განსაკუთრებით ამახვილებენ ყურადღებას კოკსაკის ვირუსზე, რომელიც სწრაფი გავრცელებით ხასიათდება.

ვირუსების შემთხვევები მნიშვნელოვნად მზარდია ზრდასრულებშიც. გართულებებით კლინიკებს მეტწილად ქრონიკული დაავადებების მქონე პაციენტები და ორსულები მიმართავენ.

სეზონური ვირუსების გავრცელების დინამიკის გათვალისწინებით, ექიმები პიკს იანვრის შუა რიცხვებში ელოდებიან. პრევენციის მიზნით კი მოქალაქეებს ვაქცინაციისკენ მოუწოდებენ.

„ბოლო ორ კვირაში გრიპის გავრცელების მაჩვენებელი გაორმაგდა – ჭარბობს კარგად ცნობილი „ღორის გრიპი“. ძალიან ბევრი ბავშვი წევს იაშვილის კლინიკაში ფილტვების ანთებით, ჰოსპიტალიზაციის მაჩვენებელიც გაზრდილია“,- ამის შესახებ იაშვილის სახელობის ბავშვთა ცენტრალური საავადმყოფოს სამედიცინო დირექტორმა, ივანე ჩხაიძემ მედიაცენტრ „მთავარში“ განაცხადა.

როგორც ივანე ჩხაიძემ განმარტა, დღეს საქართველოში, დადასტურებული გრიპის შემთხვევების რაოდენობა 25%-ს შეადგენს.

„44-ე კვირიდან ფიქსირდება საქართველოში გრიპის შემთხვევები, თუმცა ძალიან მნიშვნელოვანია, რომ ბოლო 3 კვირის განმავლობაში ეს მონაცემები აღმავალ მრუდზეა. მოლოდინი გვაქვს, რომ ეს მატება შემდეგ კვირებშიც გაგრძელდება. ასევე, გვაქვს მოლოდინი, რომ იანვარი იქნება გამორჩეული, პიკის მოლოდინი დეკემბერ-იანვრის პერიოდში გვაქვს. ეს სტატისტიკა ექვემდებარება ანალიზს.

ბოლო 2 კვირაში, 49-ე კვირას, გრიპის დადასტურებული შემთხვევების მაჩვენებელი 12% იყო, 50-ე კვირას, დეკემბერში 2-ჯერ მეტი გვაქვს. დღეს საქართველოში, გრიპის შემთხვევების რაოდენობა 25% არის. დომინანტურია ახლა ქვეყანაში გრიპი.

თუ წინა კვირებში ძირითადად „ა“ ტიპის ვირუსი გვქონდა, ახლა გამოჩნდა „ბე“ ტიპის ვირუსი. 25%-დან 2% არის „ბე“ ტიპის. ყველაზე მეტი მაინც არის H1N1, კარგად ცნობილი „ღორის გრიპი“. ყველაზე მეტი შემთხვევა ფიქსირდება H1N1 ვირუსიდან გამომდინარე. ბოლო 2 კვირაში გრიპის მაჩვენებლები გაორმაგდა, ალბათ გარკვეულ როლს ამინდის ცვლილებაც თამაშობს. გვაქვს მოლოდინი, რომ 51-ე კვირა უფრო აქტიური იქნება.

ჩვენს კლინიკაში, ახლა ყველაზე ბევრი პაციენტი წევს რესპირაციული ვირუსით. მათი აბსოლუტური უმრავლესობა გრიპის ვირუსია. შემთხვევათა 30-40%-ში ვითარდება ფილტვების ანთება. ძალიან ბევრი ბავშვი წევს იაშვილის კლინიკაში ფილტვების ანთებით, ბევრ ბავშვთან დაგვჭირდა ანტივირუსული პრეპარატის გამოყენება. ჰოსპიტალიზაციის მაჩვენებელიც გაზრდილია გრიპის შემთხვევების მატების ხარჯზე“,- აღნიშნა ჩხაიძემ.

დალტონიზმი წარმოადგენს მხედველობის დარღვევას, რომელსაც ახასიათებს თვალის მიერ ერთ ან რამდენიმე ფერის აღქმის უნარის დაკარგვა

მიერ

-

დეკემბერი 20, 2024

0

დალტონიზმი – წარმოადგენს მხედველობის დარღვევას, რომელსაც ახასიათებს თვალის მიერ ერთ ან რამდენიმე ფერის აღქმის უნარის დაკარგვა. როგორც წესი, ადამიანი-დალტონიკები ვერ ახერხებენ ერთი რომელიმე კონკრეტული ფერის გარჩევას. პრაქტიკა გვიჩვენებს, რომ ამას ადამიანები ზრდასრულ ასაკში ხვდებიან.

დალტონიზმი (ფერთა სიბრმავე) არის თანდაყოლილი ან შეძენილი მხედველობის დარღვევა. ხასიათდება თვალის მიერ ფერების არასრულყოფილი აღქმით. ადამიანები, რომლებთაც აღნიშნული პრობლემა აწუხებთ, ერთმანეთისგან ვერ არჩევენ ერთ ან რამდენინე ძირითად ფერს. დალტონიზმის მქონე პირებისთვის, მეტწილად დამახასიათებელია მწვანე და წითელი ფერების გარჩევის შეუძლებლობა. თანამედროვე მედიცინაში დალტონიზმი განუკურნებელი დაავადებების რიცხვს მიეკუთვნება.

რა იწვევს დალტონიზმს?

მიზეზები
დალტონიზმის მიზეზი ხდება დაავადება, რომელიც გამოწვეულია X-ქრომოსომას დაზიანებით. ასევე გვხდება შემთხვევები, როცა დალტონიზმი ნევროლოგიური დაავადებების შედეგია. სამწუხაროდ მიზეზის მიუხედავად, აღნიშნული დაავადება განუკურნებელია. ფერების აღქმის რეცეპტორების არასწორი მუშაობა იწვევს დალტონიზმს.
არსებობს ასევე დალტონიზმის ისეთი ტიპი, რომელიც არ ითვლება დაავადებად. საქმე ეხება ადამიანის მხედველობის ანატომიურ თვისებას, რომელიც აქვს იმ ადამიანებს, ვინც ვერ ანსხვავებს მწვანე და წითელ ფერს, ასევე ვერ აღიქვამენ ხაკის ფერს. მხედველობის ასეთი განსაკუთრებულობა ფიქსირდება ცხოველებშიც, რომლებიც ადვილად გადაადგილდებიან ტყეში და საკვებსაც მარტივად მოიპოვებენ სიმწვანეში.

სიმპტომები
დაავადებისთვის დამახასიათებელია შემდეგი სახის სიმპტომები:
·         ფერების აღქმის დარღვევა;
·         ფერების გართულებეული აღქმა;
·         მწვანე და წითელი ფერის გარჩევის შეუძლებლობა;
·         ლურჯი და მწვანე ფერის გარჩევის პრობლემა.
ზოგჯერ დალტონიზმს თან სდევს სუსტი მხედველობა. გარდა ამისა, აღნიშნული დაავადების მქონე ბავშვები ნივთებს ხედავენ ნაცრისფერის სხვადასხვა ტონალობებში.

დიაგნოსტიკა
როგორც პრაქტიკა გვიჩვენებს, ბავშვებს ფერების გარჩევა შეუძლიათ 3-4 წლის ასაკიდან. დალტონიზმის დაიაგნოსტირება შეიძლება ბავშვზე ხანგრძლივი დაკვირვების შედეგად. ამ დაავადების მქონე ბავშვები, როგორც წესი, ყურადღებას არ აქცევენ ღია ფერის სათამაშოებს. ექიმი-ოფთალმოლოგი აღნიშნული პრობლემის გამოსავლენად იყენებს სპეციალურ ფერად წრეებს და რაბკინის ცხრილს.

მკურნალობა
როგორ უნდა ვუმკურნალოთ მემკვირეობით გადაცემულ დალტონიზმს? სამწუხარდო მეცნიერებმა ვერ აღმოაჩინეს ასეთი მეთოდი. თუმცა სპეციალისტები საუბრობენ იმაზე, რომ შეძენილი დალტონიზმის მკურნალობა შესაძლებელია. მაგალითად, თუ დალტონიზმის პრობლემა დაკავშირებულია კატარაქტასთან, მისი განკურნება შესაძლებელია ქირურგიული ჩარევით.
ასევე დალტონიზმი იკურნება, თუ ამის მიზეზი რაიმე პრეპარატის მიღებაა (მაგალითად „ვიაგრა“). ასევე შეიძლება სპეციალური სათვალის გამოყენება, რომლსაც შეფერილი ლინზები აქვს, რაც ფერების აღქმას უწყობს ხელს. რაც შეეხება დალტონიზმს ზრდასრულ ასაკში – მისი განკურნება არა, მაგრამ გაკორექტირება შესაძლებელია. ზოგადად დალტონიზმის სრულად განკურნება სამწუხაროდ შეუძლებელია.

რისკის ჯგუფი
ძირითად რისკის ჯგუფს შეადგენენ მამაკაცები, რამდენადაც მემკვიდრეობით დალტონიზმის გადაცემა დედისგან ვაჟზე ხდება. გოგონები აღნიშნული პრობლემით იმ შემთხვევაში იბადებიან, თუ ორივე მშობელი დალტონიკია. თუ დალტონიზმით დაავადებულია მხოლოდ ერთი მშობელი, ჯანმრთელი X-ქრომოსომა ბლოკავს დაზიანებულს.

რა ტიპის დალტონიზმი არსებობს?

მონოქრომაზია – თვალი აღიქვავს მხოლოდ ერთ ძირითად ფერს, წითელს, მწვანეს ან ლურჯს;
დიქრომაზია – თვალი აღიქვავს ორ ძირითად ფერს, ხოლო მესამე არასრულფასოვნად ფორმირდება არსებული ორის კომბინაციით;
პროტანოპია – დიქრომაზიის ქვესახეობა, რომელიც ხასიათდება წითელი ფერის აღქმის უუნარობით;
დეიტერანოპია – დიქრომაზიის ქვესახეობა, რომელიც ხასიათდება მწვანე ფერის აღქმის უუნარობით;
ტრიტანოპია – დიქრომაზიის ქვესახეობა, რომელიც ხასიათდება ლურჯი ფერის აღქმის უუნარობით;

#drpkhakadze

მსოფლიოში პირველად – ფერტილოს პროცედურის გამოყენებით, პირველი ბავშვი გაჩნდა

მიერ

-

დეკემბერი 20, 2024

0

მსოფლიოში პირველად - ფერტილოს პროცედურის გამოყენებით, პირველი ბავშვი გაჩნდა — #post_seo_title

მსოფლიოში პირველი ბავშვი დაიბადა ფერტილოს პროცედურის გამოყენებით. ასეთ დროს კვერცხუჯრედები სხეულის გარეთ მწიფდება ღეროვანი უჯრედების ტექნოლოგიის გამოყენებით.

Gameto-ს მიერ შემუშავებული განაყოფიერების ახალი ტექნოლოგია გთავაზობთ უფრო სწრაფ, უსაფრთხო და უფრო ხელმისაწვდომ ალტერნატივას ტრადიციულ IVF-სთან შედარებით (ინ ვიტრო განაყოფიერება).

პროცედურის დროს იყენებენ ე.წ. საკვერცხის დამხმარე უჯრედებს, რომლებიც მიიღება ადამიანის მიერ გამოწვეული პლურიპოტენტური ღეროვანი უჯრედებიდან, რათა დაეხმაროს მოუმწიფებელ კვერცხუჯრედებს ლაბორატორიაში მომწიფებაში.

როგორც ექიმები ამბობენ, ინ ვიტრო განაყოფერებისგან განსხვავებით, Fetrilo მნიშვნელოვნად აუმჯობესებს კვერცხუჯრედის მომწიფებას და ემბრიონის ფორმირებას, 2023 წლის კვლევის საფუძველზე. კომპანია აცხადებს, რომ ეს პროცედურა გამორიცხავს ტრადიციული IVF-სთვის საჭირო ჰორმონალური ინექციების 80%-ს და ამცირებს მკურნალობის ციკლს სულ რაღაც სამ დღემდე.

ახალი ვარიანტი პოსტტრავმული სტრესული აშლილობისთვის

მიერ

-

დეკემბერი 20, 2024

0

ახალი ვარიანტი პოსტტრავმული სტრესული აშლილობისთვის — #post_seo_title

პრეპარატი, რომელიც აერთიანებს ატიპიურ ანტიფსიქოზურ ბრექსპიპრაზოლს და სეროტონინის უკუმიტაცების სელექტიურ ინჰიბიტორს, სერტრალინს, მნიშვნელოვნად ათავისუფლებს პოსტტრავმული სტრესული აშლილობის (PTSD) სიმპტომებს, ვიდრე სერტრალინი პლუს პლაცებო, აჩვენა 3 ფაზის კვლევის შედეგებმა.

წამალი ამჟამად განიხილება აშშ-ს სურსათისა და წამლების ადმინისტრაციის (FDA) მიერ და თუ დამტკიცდება, ეს იქნება PTSD-ის პირველი ფარმაკოლოგიური ვარიანტი 20 წელზე მეტი ხნის განმავლობაში.

კვლევამ მიაღწია ცვლილების ძირითად საბოლოო წერტილს კლინიკის მიერ ადმინისტრირებული PTSD-ს სკალაში ფსიქიკური აშლილობის დიაგნოსტიკური და სტატისტიკური სახელმძღვანელოსთვის -5 (DSM-5) (CAPS-5) საერთო ქულა მე-10 კვირაში და მეორადი პაციენტის მიერ მოხსენებული PTSD სიმპტომების, შფოთვის შედეგები და დეპრესია.

„ნამდვილად კარგია, რაც ნამდვილად ზეგავლენას ახდენს, ის არის, რომ კომბინაციამ უკეთესად იმოქმედა, ვიდრე სერტრალინი და პლაცებო ფსიქოსოციალური ფუნქციონირების მოკლე ინვენტარზე“, – განუცხადა Medscape Medical News-ს კვლევის მკვლევარმა ლორი ლ. დევისიმ, – უფროსი მკვლევარი ფსიქიატრი, ბირმინგემის ვეტერანთა საქმეთა ჯანმრთელობის დაცვის სისტემა, ბირმინგემი, ალაბამა.

„ჩვენ შეგვიძლია ვუმკურნალოთ სიმპტომებს, მაგრამ ეს ის ადგილია, სადაც რეზინი ხვდება გზას, თუ რამდენად უკეთესად ფუნქციონირებს ისინი“, – დასძინა დევისმა, რომელიც ასევე არის ფსიქიატრიის პროფესორი, ჰერსინკის მედიცინის სკოლა, ალაბამას უნივერსიტეტი ბირმინგემში.

დასკვნები გამოქვეყნდა ინტერნეტში 18 დეკემბერს JAMA Psychiatry-ში და მოხსენებული იქნა ამ წლის დასაწყისში, როგორც ტრიო ცდების ნაწილი, რომელიც ჩატარდა Otsuka Pharmaceutical-ისა და Lundbeck Pharmaceuticals-ის მიერ, რომლებიც ნარკოტიკების კოდეველები არიან.

წყარო:

იწვევს თუ არა, კონტრაცეპტივების გამოყენება ღრძილების მოცულობაში გაზრდას?

მიერ

-

დეკემბერი 20, 2024

0

იწვევს თუ არა, კონტრაცეპტივების გამოყენება ღრძილების მოცულობაში გაზრდას?

„მედიკამენტები შეიცავს ესტროგენსა და პროგესტერონს, რომელიც ცვლის პაროდონტიტის ქსოვილების ანთებით პასუხს…“

ალკოჰოლის კალორიულობა მყარ ცხიმთან და დამატებულ შაქართან ერთად, ალკოჰოლური სასმელებიდან მიღებული ენერგია შეიძლება დისკრეციულად ჩაითვალოს

მიერ

-

დეკემბერი 20, 2024

0

ალკოჰოლმა შეიძლება გამოიწვიოს კიბო — #post_seo_title

ალკოჰოლის კალორიულობა მყარ ცხიმთან და დამატებულ შაქართან ერთად, ალკოჰოლური სასმელებიდან მიღებული ენერგია შეიძლება დისკრეციულად ჩაითვალოს; ანუ, მას შემდეგ რაც ნუტრიციული მოთხოვნები დაკმაყოფილდება, ამ წყაროდან მიღებული ენერგია ორგანიზმმა ყოველდღიური ენერგეტიკული მოთხოვნილებების შესავსებად შეიძლება გამოიყენოს. თუ ალკოჰოლი უნდა მიიღოთ, მაშინ ყველა დისკრეციული წყაროდან მიღებული ენერგია გამოთვლილ დისკრეციულ კალორიას არ უნდა აღემატებოდეს.

შესაბამისად, ცხიმისა და დამატებუ ლი შაქრის რაოდენობა უნდა შემცირდეს. თუმცა, ალკოჰოლის მოხმარებასთან ერთად მათი დისკრეციული კალორიების მინიმუმამდე შემცირება გასაკეთებლად არცთუ ისე მარტივია.

საყურადღებო!

ენერგეტიკული მოთხოვნილების გაანგარიშებისას ალკოჰოლიდან მიღებული ენერგია აუცილებლად უნდა გავითვალისწინოთ.

ალკოჰოლისგან მიღებულმა ენერგიამ საკვები წყაროებიდან მიღებული ენერგია არ უნდა ჩაანაცვლოს, რადგან ისინი ორგანიზმს მაკრო და მიკროელე მენტებითაც უზრუნველყოფენ.

დისკრეციული ენერგია: ნუტრიციული მოთხოვნების დაკმაყოფილების შემდეგ კვების რაციონში დარჩენილი კალორიები.

#drpkhakadze

დღეს ძნელია იცხოვრო ფიზიკურად აქტიურად?

მიერ

-

დეკემბერი 20, 2024

0

დღეს ძნელია იცხოვრო ფიზიკურად აქტიურად?

დღეს ძნელია იცხოვრო ფიზიკურად აქტიურად? ფიტნეს კლუბშიც ვერ დადიხარ: რადგან არც საშუალება გაქვს, არც დრო და არც ტერიტორიულად გეწყობობა ხელი?“ “რატომ უნდა იყო რეგულარულად ფიზიკურად აქტიური?“ ამაზე პასუხს ეხლავე გაგცემ.

თანამედროვე ტექნოლოგიები, მ/შ სოციალურ ქსელებზე საათობით მიჯაჭვულობა; სამსახურში ხანგრძლივი დროით ჯდომა, სატრანსპორტო საშუალებები, რომლებიც ყველა მიმართულებით მრავლად დადიან; მარკეტები, სუპერმარკეტები, აფთიაქები, ბაზრები და სხვა საყოფაცხოვრებო მომსახურების ცენტრები ბევრია და ახლოსაა სახლთან თუ სამსახურთან არა? თითქოს ეს ყველაფერი „გაიძულებს“ და „გავალდებულებს“იყო უმოძრაოდ. არადა ეტყობა არ იცი, თუ როგორი მავნებელია ფიზიკური ინერტულობა შენი ჯანმრთელობისათვის.

მაგალითისთვის გეტყვი, რომ ჯანმრთელობის მსოფლიო ორგანიზაციის (ჯანმო) მონაცემების მიხედვით: ფიზიკური ინერტულობა (ფიზიკურად არააქტიური ცხოვრების წესი) მსოფლიოში ავადობის და სიკვდილობის (სიკვდილობის ყველა შემთხვევის 6%) მეოთხე რისკ ფაქტორია. კერძოდ იზრდება: 21-25% ძუძუსა და სწორი ნაწლავის, 27% დიაბეტის და 30% გულის იშემიური დაავადებების განვითარების რისკი. მაშინ, როცა მრავალი ინფექციური და ვირუსული დაავადების ლიკვიდაცია და მართვა მოხერხდა, გააქტიურდა მთელი რიგი ქრონიკული დაავადებები. აღმოჩნდა, რომ 25%-ინსულტის, 30%-გულის იშემიური დაავადებების, დეპრესიის, დიაბეტის განვითარების რისკისა და სხვადასხვა მავნე ჩვევების ჩამოყალიბების შემცირება შესაძლებელია სწორედ რეგულარული, თანმიმდევრული და სისტემატური ფიზიკური აქტივობით. ამავდროულად, უამრავმა კვლევამ აჩვენა, რომ რეგულარული ფიზიკური ვარჯიშით ან ნებისმიერი ფიზიკური აქტივობით დაკავებული თითოეული საათი, დაახლოებით ორი საათით გვიხანგრძლივებს სიცოცხლეს“.

ამის შემდეგ მაინც არ შეეცდები რეგულარული ფიზიკური აქტივობით გაიხანგრძლივო ჯანმრთელობა?

არადა, ისე მარტივად და უბრალოდ შეგიძლია ყოველდღიურ ცხოვრებაში შემოიტანო ფიზიკური აქტივობის ქცევები, რომ თვითონაც გაოცდები.

და თანაც, რეგულარული ფიზიკური აქტივობისათვის საერთოდ არ არის აუცილებელი განსაკუთრებული ფინანსები და სპეციალური სავარჯიშო ხელსაწყოები. თუ აუზზე და სპორტდარბაზებზე ხელი არ მიგიწვდება იმედი არ დაკარგო. ფიზიკური აქტივობა არის, ის რითაც სხეულს აიძულებ იმოძრაოს და დაწვას კალორიები სახლში თუ გარეთ, და მთავარია დაიწყო მინიმალურიდან:

ფეხით სიარული გახადე ყოველდღიური ცხოვრების წესი.
თუ სამსახური საკმაოდ მოშორებულია შენ სახლს და იძულებული ხარ ტრანსპორტით იმგზავრო, ჩამოდი ტრანსპორტიდან ორი-სამი გაჩერებით ადრე და ფეხით გააგრძელე გზა ადგილამდე.
დილა-საღამოს 15 წუთი სახლში შეგიძლია ვარჯიში (თუ გინდა ვარჯიში ჩაანაცვლე: ცეკვით, ლახტით ან მის გარეშე ხტუნვით).
- ჩართე ოჯახი ფიზიკურ აქტივობაში, მოაწყვე ველორბოლა შვილებთან (შვილთან) ერთად, ითამაშეთ ფეხბურთი, ფრენბურთი ან თვითონ ბავშვებს სთხოვე მოიფიქრონ რაიმე ხალისიანი, ახალ-ახალი და ფიზიკურად ინტენსიური გასართობი.
- ძაღლი გყავს? თუ კი: ხშირად ასეირნე ეზოში. მასთან ერთად ირბინე და ითამაშე.
- ტელევიზორის ყურების, ბავშვების მეცადინეობის ან ნებისმიერი საქმის კეთების დროს, რომელიც ჯდომას მოითხოვს, დროგამოშვებით ატრიალე ფეხები, თითქოს ველოსიპედის პედლებს ატრიალებ.
- გაქვს მიწის ნაკვეთი სახთან ახლოს ან აგარაკი? თუ კი: თვითონ დარგე და მოუარე ყვავილებს, ბოსტნეულს.
- სამსახურში შესვენების დროს ჯდომა და წახემსება შეცვალე 10-15 წუთიანი სიარულით. სთხოვე თანამშრომელს შენთან ერთად ისეირნოს – აიყოლიე სხვებიც!
- თუ სავარჯიშო დარბაზი სამსახურთან ახლოსა გაქვს, შესვენების დროს გადაირბინე და 10 წუთი ივარჯიშე.
- იქნებ შესთავაზო თანამშრომლებს რომელიმე სპორტულ სახეობაში გუნდების შექმნა და შესვენების დროს შეეჯიბროთ ხანდახან ერთმანეთს. მე მგონი ღირს ამის ცდა!

მთავარია გააცნობიერო და შენს გარშემო ყველას გააგებინო, რომ ფიზიკურ ინერტულობაში გატარებული თითოეული დღე იმ ქრონიკული დაავადებებისაკენ მისასვლელი უმოკლესი გზაა, დასაწყისში, რომ ვისაუბრეთ. სულ უმოძრაობას, დაბალი ინტენსივობის ფიზიკური აქტივობა ჯობია. თანმიმდევრული და სისტემატური ფიზიკური აქტივობის შემდეგ სულ, რაღაც ორ კვირაში იგრძნობ, რომ, თავისუფლად სუნთქავ, გულის ცემა და პულსი საგრძნობლად აღარ გიჩქარდება, როცა ბაზრიდან ან მარკეტიდან ტვირთი სახლში მოგაქვს, ლიფტით არ სარგებლობ და კიბებზე ფეხით ადიხარ.

ჯანმრთელობის ხელშეწყობის სამმართველო

#drpkhakadze

ᲡᲐᲘᲜᲤᲝᲠᲛᲐᲪᲘᲝ ᲤᲣᲠᲪᲔᲚᲘ ᲯᲐᲜᲓᲐᲪᲕᲘᲡ ᲛᲣᲨᲐᲙᲔᲑᲘᲡᲐᲗᲕᲘᲡ

მიერ

-

დეკემბერი 20, 2024

0

კვლევა - ღვიძლის მჟავა, შესაძლოა, სიცოცხლის გახანგრძლივების „ელიქსირი“ გახდეს — #post_seo_title

ᲡᲐᲘᲜᲤᲝᲠᲛᲐᲪᲘᲝ ᲤᲣᲠᲪᲔᲚᲘ ᲯᲐᲜᲓᲐᲪᲕᲘᲡ ᲛᲣᲨᲐᲙᲔᲑᲘᲡᲐᲗᲕᲘᲡ

დიფთერიის, ყივანახველას (არაუჯრედული), ტეტანუსის, ინაქტივირებული პოლიომიელიტის საწინააღმდეგო კომბინირებული ვაქცინა თხევადია.

ვაქცინის ერთი საინექციო დოზა შეიცავს ≥ 30 ს.ე დიფთერიის ტოქსოიდს, ≥40 ს.ე ტეტანუსის ტოქსოიდს, 25 მკგ. ყივანახველას ტოქსოიდს, პოლიომიელიტის სამი ტიპის ინაქტივირებულ ვირუსს ( ტიპი 1 (Mahoney) – 40D ანტიგენ-ერთეული, ტიპი 2 (MEF-1) – 8D ანტიგენ-ერთეული, ტიპი 3 (Saukett) ) – 32D ანტიგენ-ერთეული).

დყატპ

#drpkhakadze

დიფთერია, ყივანახველა, ტეტანუსი (დყტ/DPT)

მიერ

-

დეკემბერი 20, 2024

0

დიფთერია, ყივანახველა, ტეტანუსი (დყტ/DPT)

იცავს დაავადებისგან

დიფთერია, ყივანახველა, ტეტანუსი

ვაქცინის დოზა, ადმინისტრირების მეთოდი

ერთი საინექციო დოზა შეადგენს 0,5 მლ- ს, აცრა კეთდება კუნთში, 2 წლამდე ასაკში ბარძაყის ანტეროლატერალურ ზედაპირზე შუა მესამედში, ზედა ასაკში – დელტისებური კუნთის ზედა მესამედში.

ნამდვილი უკუჩვენებები. ვაქცინაცია არ ტარდება.

მძიმე ალერგიული რეაქცია ვაქცინის წინა დოზაზე ან ვაქცინის კომპონენტზე;
ენცეფალოპათიები (მაგ. კომა, გონების დაკარგვა, პროლონგირებული კრუნჩხვა ვაქცინის წინა დოზის მიღებიდან 7 დღის განმავლობაში;
პროგრესირებადი ნევროლოგიური აშლილობები – ბავშვთა ასაკის აფებრილური კრუნჩხვები ანამნეზში (ვაქცინაცია ტარდება ყივანახველის კომპონენტის გარეშე);
არაკონტროლირებადი ეპილეფსია, პროგრესირებადი ენცეფალოპათია (გადადეთ ვაქცინაცია ნევროლოგიური სტატუსის გარკვევამდე და სტაბილურობამდე).

გაფრთხილება

ცხელება > 40,5°C არაუგვიანეს 48 საათისა ვაქცინის წინა დოზის მიღების შემდეგ;
კოლაფსი ან შოკის მსგავსი სტატუსი ე.წ. ჰიპოტონურ-ჰიპორესპონსიული ეპიზოდი არაუგვიანეს 48 საათისა ვაქცინის წინა დოზის მიღების შემდეგ;
კრუნჩხვები არაუგვიანეს 3 დღისა ვაქცინის წინა დოზის მიღების შემდეგ;
შეუჩერებელი ხანგრძლივი ყვირილი და/ ან ტირილი > 3 საათის განმავლობაში და არაუგვიანეს 48 საათისა ვაქცინის წინა დოზის მიღების შემდეგ;
საშუალო სიმძიმის ან მძიმე მწვავე დაავადება ტემპერატურით და/ან მის გარეშე – გადადეთ ვაქცინაცია გამოჯანმრთელებამდე!

ცრუ უკუჩვენებები. ვაქცინაცია ტარდება.

მცირედ ან ზომიერად გამოხატული ადგილობრივი რეაქცია ვაქცინის წინა დოზაზე;
პერინატალური ენცეფალოპათია;
სტაბილური ნევროლოგიური მდგომარეობა (მათ შორის ცერებრალური დამბლა, განვითარების და/ან გონებრივი ჩამორჩენილობა, კარგად კონტროლირებადი კრუნჩხვები);
ანემია, ქრონიკული ტონზილიტი, ოტიტი;
თიმუსის ჩრდილის გადიდება;
ალერგია, ასთმა, პოლინოზი, ეკზემა,
დიათეზი;
განვითარების მანკები, ფერმენტოპათია;
დისბაქტერიოზი;
ადგილობრივი ხმარების სტეროიდები, ანტიმიკრობული პრეპარატები;
ჰიპოტროფია;
დიარეა (ინტოქსიკაციის გარეშე);
ინფიცირებულ პირთან კონტაქტი და/ან გადატანილი ინფექციური დაავადება ახლო წარსულში;
დღენაკლულობა და/ან მცირე წონა (>2000 გრ);
სეფსისი ანამნეზში;
აუტოიმუნური დაავადება (წითელი მგლურა, რევმატიული ართრიტი);
ახალშობილთა ჰემოლიზური დაავადება;
მკურნალობას დაქვემდებარებული ეპილეფსია;
ორსულობა – დედა და/ან სხვა ახლო კონტაქტი;
ბუნებრივი ან ხელოვნური კვება;
რეციპიენტის რეპროდუქციული ასაკი.

#drpkhakadze

დიფთერია – რა უნდა ვიცოდეთ

მიერ

-

დეკემბერი 20, 2024

0

დიფთერია – რა უნდა ვიცოდეთ

1.ზოგადი მიმოხილვა – დიფთერია მწვავე ინფექციური დაავადებაა, ხასიათდება ნუშურების, ხახის, ცხვირის, ხორხის, ტრაქეის, ზოგჯერ თვალისა და გენიტალიების, იშვიათად კანისა და სხვა ორგანოების ლორწოვანი გარსების ფიბრინული ანთებითა და ზოგადი ინტოქსიკაციით.

90-იან წლებში საქართველოში დიფთერიის ეპიდემია დაიწყო. რომელიც გაგრძელდა 90-იანი წლების ბოლომდე, 1500-ზე მეტი შემთხვევა და მათ შორის 150 -მდე ლეტალური შემთხვევა დაფიქსირდა.

ბოლო წლებში საქართველოში დიფთერიის ერთეული შემთხვევები მხოლოდ მოზრდილთა შორის ფიქსირდება, ჯანმრთელობის მსოფლიო ორგანიზაციის მონაცემებით, 2014 წელს, ევრო¬პის რეგიონში სულ დარეგისტრირდა დიფთერიის 35 შემთხვევა, ხოლო მსოფლიოში – 7324 შემთხვევა, შემთხვევების დიდი წილი (7217 შემთხვევა) სამხრეთ-აღმოსავლეთ აზიის რეგიონზე და ამ რეგიონში ინდოეთზე (6094 შემთხვევა) მოდის.

2.გამომწვევი აგენტი – დიფთერიის გამომწვევია Corynebacterium diphtheridae-ს ტოქსიგენური შტამები.

3.მიზეზები/რისკის ფაქტორები – ავადდებიან დიფთერიაზე აუცრელი ან არასრულყოფილად აცრილები, უფრო ხშირად ბავშვები, თუმცა თანამედროვე პირობებში, შემთხვევები ძირითადად მოზრდილებში გვხვდება. დაავადების გავრცელების ალბათობა იზრდება წელიწადის ცივ და ნესტიან დროს.

4.რეზერვუარი – ინფექციის წყაროს წარმოაგენს დიფთერიით დაავადებული, რეკონვალესცენტი ან ბაქტერიამტრებელი ადამიანი.

5.გადაცემის გზები – დაავადება გადაეცემა წვეთოვანი მექანიზმით, თუმცა დაინფიცირება შესაძლებელია კონტაქტურ-საყოფაცხოვრებო გზითაც (სხვადასხვა საგნების, სათამაშოების საშუალებით). დიფთერიის გადაცემის რისკი პირდაპირ არის დაკავშირებული კონტაქტის სიახლოვესა და ხანგრძლივობასთან. ახლო კონტაქტად ითვლება პირი, რომელიც უვლიდა, ცხოვრობდა ან ქონდა პირდაპირი კონტაქტი დაავადებულის რესპირატორულ სეკრეტთან უკანასკნელი 7 დღის განმავლობაში.

6.ინკუბაციური პერიოდი – 2-7 დღეა.

7.გადამდებლობის პერიოდი – ავადმყოფი ადამიანი ინფექციის წყარო ხდება დაავადების დაწყებიდანვე. დაავადების გავრცელებაში ყველაზი მეტი როლი ენიჭება ცხვირ-ხახის ფორმით დაავადებულებს. მოსახლეობაში ანტიტოქსიური იმუნიტეტის დაბალი დონის ან არ არსებობის შემთხვევაში კონტაგიოზურობის ინდექსი 6-15%-ია.

8.მიმღებლობა – ძირითადი მიმღებია აუცრელი ან არასრულყოფილად აცრილი პირები. იმუნიზაციის შედეგად ყალიბდება ხანგრძლივი, მაგრამ არა მთელი ცხოვრების მანძილზე მყარი იმუნიტეტი. მოზრდილ მოსახლეობაში უნდა ჩატარდეს ვაქცინაცია არსებული სქემით (ყოველ 10 წელიწადში). ბუნებრივი იმუნიტეტის ჩამოყალიბება დიფთერიის გადატანის შემდეგ არ არის გარანტირებული.

9.კონტროლის ღონისძიებები:

ა)პრევენციული ღონისძიებები – დიფთერიის პრევენციის მთავარი ღონისძიებაა ვაქცინაცია. იმისათვის, რომ ადამიანი დაცული იყოს დიფთერიისაგან, უმნიშვნელოვანესია დროული და სრულყოფილი ვაქცინაციის ჩატარება. იმუნიზაციის ეროვნული კალენდრის მიხედვით, დიფთერიის საწინააღმდეგო ვაქცინაცია ტარდება 2, 3 და 4 თვის ასაკში, კომბინირებული ვაქცინით; 18 თვის, 5 წლისა და 14 წლის ასაკში ასაკში ტარდება რევაქცინაცია.

ბ)პაციენტის და კონტაქტების კონტროლი

• დაავდების შემთხვევა უნდა იყოს შეტყობინებული სასაწრაფო შეტყობინების წესით შესაბამის საზოგადოებრივი ჯანმრთელობის სამსახურში.

• დიფთერიაზე ეჭვის მიტანის შემთხვევაში, პაციენტი უნდა იყოს დაუყოვნებლივ ჰოსპიტალიზებული და გაუკეთდეს ანტიტოქსინი (დიფთერიის საწინააღმდეგო შრატი) რეკომენდებული დოზებით.

• დიფთერიით დაავადებულები ექვემდებარებიან იზოლაციას ადექვატური ანტიბიოტიკოთერაპიის დაწყებიდან 7 დღის განმავლობაში.

• უნდა ჩატარდეს ავადმყოფის მოხმარების ან მისი გამონაყოფებით დაბინძურებული საგნების დეზინფექცია.

• დიფთერიით დაავადებულებს სტაციონარიდან გაწერის წინ უნდა გაუკეთდეს დიფთერიის ვაქცინის ბუსტერ-დოზა ან დაეწყოთ/გაუგრძელდეთ ვაქცინაციის კურსი (იმუნური სტატუსის შესაბამისად).

• გამოვლენილი უნდა იყოს პაციენტთან ახლო კონტაქტში მყოფი პირები და დაწესდეს მათზე ზედამხედველობა დიფთერიის შემთხვევასთან ბოლო კონტაქტიდან 7 დღის განმავლობაში.

• რესურსების არსებობის შემთხვევაში შესაძლებელია ახლო კონტაქტირებულთა ცხვირ-ხახის ნაცხის ბაქტერიოლოგიური გამოკვლევა C. diphtheridae-ს ტოქსიგენური შტამის მტარებლობის დადგენის მიზნით.

• რეკომენდებულია ახლო კონტაქტირებულთა ანტიბიოტიკოპროფილაქტიკა იმუნური სტატუსის მიუხედავად.

გ)ეპიდსაწინააღმდეგო ღონისძიებები:

ახლო კონტაქტირებულთათვის დიფთერიის კომპონენტის შემცველი ვაქცინაცით ბუსტერ იმუნიზაცია, თუ გასულია ბოლო ვაქცინაციიდან 1 წელზე მეტი, ან ვაქცინაციის კურსის დაწყება/გაგრძელება (თუ არ არსებობს იმუნური სტატუსი) ასაკობრივად რეკომენდებული ვაქცინით.

დ)ბუნებრივი მოვლენების ზეგავლენა – ეპიდაფეთქებები შეიძლება აღმოცენდეს, თუ დაგროვდა მოსახლეობაში არაიმუნური ფენა

ე)საერთაშორისო ღონისძიებები – თუ დაგეგმილია აუცრელი პირის მოგზაურობა დიფთერიის მაღალი გავრცელების ქვეყნებში, რეკომენდებულია გამგზავრებამდე დიფთერიის კომპონენტის შემცველი ვაქცინით იმუნიზაცია რეკომენდებული სქემით.

#drpkhakadze

გრიპის ვირუსის ახალი ტალღა და გაზრდილი მიმართვიანობა კლინიკებში

მსოფლიოში პირველად – ფერტილოს პროცედურის გამოყენებით, პირველი ბავშვი გაჩნდა

ახალი ვარიანტი პოსტტრავმული სტრესული აშლილობისთვის

იწვევს თუ არა, კონტრაცეპტივების გამოყენება ღრძილების მოცულობაში გაზრდას?

იწვევს თუ არა, კონტრაცეპტივების გამოყენება ღრძილების მოცულობაში გაზრდას?

დღეს ძნელია იცხოვრო ფიზიკურად აქტიურად?

დღეს ძნელია იცხოვრო ფიზიკურად აქტიურად?

ᲡᲐᲘᲜᲤᲝᲠᲛᲐᲪᲘᲝ ᲤᲣᲠᲪᲔᲚᲘ ᲯᲐᲜᲓᲐᲪᲕᲘᲡ ᲛᲣᲨᲐᲙᲔᲑᲘᲡᲐᲗᲕᲘᲡ

ᲡᲐᲘᲜᲤᲝᲠᲛᲐᲪᲘᲝ ᲤᲣᲠᲪᲔᲚᲘ ᲯᲐᲜᲓᲐᲪᲕᲘᲡ ᲛᲣᲨᲐᲙᲔᲑᲘᲡᲐᲗᲕᲘᲡ

დიფთერია, ყივანახველა, ტეტანუსი (დყტ/DPT)

დიფთერია, ყივანახველა, ტეტანუსი (დყტ/DPT)

დიფთერია – რა უნდა ვიცოდეთ

დიფთერია – რა უნდა ვიცოდეთ

ბოლო სიახლეები

პოპულარული ამბები

არ შეიძინოთ ხორცი მსგავს ადგილებში: საქართველოში ტრიქინელოზი დაფიქსირდა

მომაკვდინებელი პარაზიტი, ბავშვი გარდაიცვალა – საქართველოში შოკისმომგვრელი შემთხვევა დაფიქსირდა

კატეგორიები

ჩვენ შესახებ

გამოგვყევი სოციალურ ქსელებში