პროფესორი ინგა მამუჩიშვილი მშობლებს მოუწოდებს, რომ არ სტრესონ ბავშვები ლაბორატორიული კვლევების ჩატარების დროს. ის ხაზს უსვამს, რომ ყოველწლიურად ოთხიდან ხუთჯერ ჩატარებული გამოკვლევები არ არის საჭირო ექიმის თანხმობის გარეშე. მნიშვნელოვანია, რომ მშობლებმა შეთანხმდნენ ექიმთან კონკრეტულ გამოკვლევებზე, რათა ბავშვების ნერვული სისტემა და ფინანსური რესურსები არ დაზარალდეს. ასევე, აღსანიშნავია, რომ მსოფლიო მოსახლეობის ათი პროცენტი იტანჯება დაავადებების შიშით, რაც შესაძლოა ბავშვებზე უარყოფითად იმოქმედოს. მშობლებს სთხოვენ, აკონტროლონ საკუთარი ქცევა, რათა ბავშვები არ განიცდიდნენ დამატებით სტრესს.
მედიცინის მეცნიერებათა დოქტორი, პროფესორი ინგა მამუჩიშვილი მშობლებს მიმართავს:
„მეგობრებო,დღეს ძალიან ტრენდული გახდა ლაბორატორიული კვლევების ჩატარება ბავშვებში, ისე,პრევენციულად,წელიწადში 4-5 ჯერ!!!! ნუ სტრესავთ ბავშვებს!!! არ არის საჭირო ექიმის გადაწყვეტილების გარეშე ამ ინვაზიური კვლევების ჩატარება!!! შეუთანხმდით ექიმს ყველა კონკრეტული გამოკვლევის წინ!!! საჭიროების მიხედვით მხოლოდ!!!
გაუფრთხილდით ბავშვის ნერვულ სისტემასაც და თქვენს ფინანსურ რესურსსაც!!! ტყვიას, ლითიუმს და სხვა მძიმე მეტალებსაც კი საზღვრავთ რამდენიმეჯერ წელიწადში…. მსოფლიო მოსახლეობის 10% იტანჯება იპოქონდრიით (დაავადებების შიშით) ესეც პანიკური აშლილობაა,რომელიც შეიძლება ჰიპერაპეკით და თქვენი ემოციური მდგომარეობით ბავშვებზეც გავრცელდეს!!! დიახ,ასეთი მშობლების შვილები (მოზარდები განსაკუთრებით) გიყურებენ თვალებში ვიზიტის დროს და ხშირად სვამენ კითხვას – მჭირს რამე??? აკონტროლეთ თქვენი ქცევა გთხოვთ“ – წერს ინგა მამუჩიშვილი სოციალურ ქსელში.
