მოუსმინეთ მოკლე მიმოხილვას
მთელ ქვეყანაში დაიწყო საინფორმაციო შეხვედრები ქალთა მიმართ ძალადობის წინააღმდეგ, რაც ოცდაორი დღის განმავლობაში გაგრძელდება. კამპანიის მიზანია საზოგადოების ცნობიერების ამაღლება და ქალთა მიმართ ძალადობის პრევენცია. შეხვედრები მოიცავს სხვადასხვა ჯგუფებს, მათ შორის სტუდენტებს, მასწავლებლებს და ადგილობრივ ხელისუფლებას. ღონისძიებები უკვე დაიწყო მარნეულის მუნიციპალიტეტში, სადაც ჯანდაცვის მინისტრის მოადგილე და სხვა ოფიციალური პირები საუბრობდნენ ძალადობის მსხვერპლთა დახმარებაზე და სახელმწიფო სერვისებზე. მნიშვნელოვანია, რომ საზოგადოება იცოდეს, როგორ უნდა დაეხმაროს ძალადობის მსხვერპლებს. პრაქტიკული რჩევა: თუ თქვენ ან ვინმე გიცნობთ, ვინც ძალადობის მსხვერპლია, აუცილებლად მიმართეთ შესაბამის სერვისებს.
სრული სტატია იხილეთ შენი ექიმის საიტზე
#drpkhakadze #sheniekimi #სამინისტრო #ჯანდაცვისსამინისტრო
„ჯანდაცვის სამინისტრო, შინაგან საქმეთა სამინისტროსთან და სხვა პარტნიორ უწყებებთან ერთად, ქალთა მიმართ ძალადობის წინააღმდეგ, 16-დღიან მსოფლიო კამპანიას შეუერთდა. კამპანიის ფარგლებში, მთელი ქვეყნის მასშტაბით, საინფორმაციო შეხვედრები დაიწყო.“ ინფორმაციას ჯანდაცვის სამინისტრო ავრცელებს.
„პირველი ღონისძიება მარნეულის მუნიციპალიტეტში გაიმართა, რომელიც ჯანდაცვის მინისტრის მოადგილე თამილა ბარკალაიამ გახსნა.
მისი თქმით, მნიშვნელოვანია ქალთა მიმართ ძალადობისა და ოჯახში ძალადობის წინააღმდეგ, საზოგადოების ცნობიერების ამაღლება და მისი პრევენცია. ასევე – საზოგადოებისთვის ძალადობის მსხვერპლთათვის არსებული სახელმწიფო სერვისების გაცნობა.
შეხვედრაზე, მოწვეულ სტუმრებს, სიტყვით მიმართეს: შინაგან საქმეთა მინისტრის მოადგილე ალექსანდრე დარახველიძემ, ადამიანის უფლებათა დაცვის საკითხებში პრემიერ-მინისტრის მრჩეველმა ნიკო თათულაშვილმა, განათლებისა და მეცნიერების მინისტრის მოადგილე თამარ მახარაშვილმა, საქართველოში გაეროს ქალთა ორგანიზაციის წარმომადგენელმა კაორი იშიკავამ, მარნეულის მერმა კენან ომაროვმა და საკრებულოს თავმჯდომარემ, მარნეულის გენდერული საბჭოს თავმჯდომარემ ამირან გიორგაძემ.
ღონისძიებაზე სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს დირექტორმა რუსუდან კოხოძემ „ძალადობის მსხვერპლთათვის სახელმწიფო მომსახურებების შესახებ“ პრეზენტაცია გამართა.
კამპანიის ფარგლებში, მთელი ქვეყნის მასშტაბით, საინფორმაციო შეხვედრები ქალთა და ოჯახში ძალადობის საკითხებზე მომუშავე უწყებებთან, თვითმმართველობის წარმომადგენლებთან, პროფესიული და უმაღლესი სასწავლებლების სტუდენტებთან, მასწავლებლებთან, სკოლის მოსწავლეებთან და სხვა სამიზნე ჯგუფებთან ჩატარდება“. ნათქვამია ინფორმაციაში.
