ჯანმრთელი კბილები და მათი მოვლა მნიშვნელოვანია, განსაკუთრებით ორსულობის პერიოდში. პროფესორი ქეთევან გოგილაშვილი აღნიშნავს, რომ ჰორმონალური ცვლილებები პირის ღრუში ნადების გაჩენას უწყობს ხელს, რაც საფრთხეს უქმნის ნაყოფის განვითარებას. კატეგორიულად იკრძალება ღამით დატკბილული სითხეების გამოყენება, უნდა გამოიყენოთ მხოლოდ წყალი. კბილების მოვლა უნდა დაიწყოს პირველივე კბილთან. მნიშვნელოვანია, რომ ყველა ზედაპირი გაწმენდილი იყოს, რადგან ჩვეულებრივი ჯაგრისით მხოლოდ ხილული ზედაპირები იწმინდება. კბილთაშორისი სივრცეები ხშირად რჩება უყურადღებოდ, ამიტომ სპეციალური კბილთაშორისი ჯაგრისების გამოყენება რეკომენდებულია.
გადაცემა „იმედის დილა“
ჯანმრთელი კბილები და სწორი ჰიგიენის დაცვა
საუბრობს საქართველოს სტომატოლოგთა ასოციაციის პრეზიდენტი, პროფესორი ქეთევან გოგილაშვილი:
„არსებობს ბევრი მითი, მაგალითად, ორსულობის პერიოდში არ შეიძლება სტომატოლოგთან ვიზიტი. ორსულობის დროს ჰორმონალური ცვლილებები პირდაპირ აისახება პირის ღრუზე, ხელს უწყობს ნადების გაჩენას და ანთებითი პროცესის განვითარებას. შეიძლება, ამან ნაყოფის განვითარებასაც შეუქმნას საფრთხე“.
მისი თქმით, პირველ კბილსაც კი, რომელიც ამოიჭრება, მოვლა უნდა.
„პირველ კბილსაც კი, რომელიც ამოიჭრება, მოვლა უნდა. კატეგორიულად იკრძალება ღამით დატკბილული სითხეების გამოყენება. უნდა გამოიყენოთ მხოლოდ წყალი. ნახშირწყლები და მჟავეები არის იდეალური საშუალება, რომ პირის ღრუში განვითარდეს კარიესი.
კბილს აქვს 5 ზედაპირი, უნდა მოხდეს ყველა ზედაპირის გაწმენდა. ჩვეულებრივი ჯაგრისით მხოლოდ ის ზედაპირები იწმინდება, რომლებიც ჩანს. კბილთაშორისი სივრცე რჩება ისე. კბილთაშორის ზედაპირებზე შეიძლება დიდი რაოდენობით დაგროვდეს ნადები. არსებობს კბილთაშორისი სპეციალური ჯაგრისები, რომლებიც სპეციალურად უნდა შეირჩეს,“ – განაცხადა ქეთევან გოგილაშვილმა.
