მოუსმინეთ მოკლე მიმოხილვას
ღვიძლის დაავადებები ხშირად რთულად შესამჩნევია. მათ შორის არის სიყვითლე, ქოლესტაზი, პორტული ჰიპერტენზია, ასციტი, ღვიძლისმიერი ენცეფალოპათია და ღვიძლის უკმარისობა. ზოგჯერ სიმპტომები, როგორიცაა დაღლილობა, შეუძლოდ ყოფნა და წონაში კლება, სხვა დაავადებებსაც ახლავს. ამიტომ, ღვიძლის დაავადების ადრეული აღმოჩენა რთულია, განსაკუთრებით საწყის სტადიაში. მნიშვნელოვანია, რომ ყურადღებით ვადევნოთ თვალი ჩვენს ჯანმრთელობას და საჭიროების შემთხვევაში, დროულად მივმართოთ ექიმს. ნებისმიერ შემთხვევაში, თუ იგრძნობთ რაიმე უცნაურს, ნუ დააყოვნებთ სპეციალისტთან კონსულტაციას.
სრული სტატია იხილეთ შენი ექიმის საიტზე
#drpkhakadze #sheniekimi #ღვიძლი
ღვიძლის დაავადების გამოვლინებები
ღვიძლის დაავადება შეიძლება გამოვლინდეს: სიყვითლით (კანისა და თვალის თეთრი ნაწილის მოყვითალოდ შეფერვა), ქოლესტაზით (ნაღვლის დინების შემცირება ან შეწყვეტა), ღვიძლის გადიდებით, პორტული ჰიპერტენზიით (პათოლოგიურად მაღალი წნევა იმ ვენებში, რომლებსაც სისხლი ნაწლავიდან ღვიძლში მიაქვს), ასციტით (მუცლის ღრუში სითხის დაგროვება), ღვიძლისმიერი ენცეფალოპათიით (ტვინის ფუნქციების გაუარესება ტოქსიკური ნივთიერებების ზემოქმედების გამო, რომელთა გაუვნებელყოფა, ჩვეულებრივ, ღვიძლში ხდება) და ღვიძლის უკმარისობით.
ზოგჯერ ღვიძლის დაავადების გამოვლინებები არ არის თვალნათელი. მაგალითად, სიმპტომები შეიძლება იყოს დაღლილობა, შეუძლოდ ყოფნა, უმადობა და წონაში კლება. ეს სიმპტომები ბევრი სხვა დაავადებისთვისაც არის დამახასიათებელი. ამიტომაც, შესაძლოა, რომ ღვიძლის დაავადება ვერ იქნეს ამოცნობილი, განსაკუთრებით, საწყის სტადიაში.
წყარო: ჯანმრთელობის ენციკლოპედია. მერკის სახელმძღვანელო:
ჯანმრთელობის საშინაო ცნობარი. (გამომცემლობა პალიტრა L)
ჯანმრთელობის საშინაო ცნობარი. (გამომცემლობა პალიტრა L)
