მოუსმინეთ მოკლე მიმოხილვას
DRG რეფორმა, რომელიც საქართველოში სამედიცინო დაწესებულებებისთვის იმპლემენტირდა, წარმატებული აღმოჩნდა. მისი გავლენა მოსახლეობაზე შთამბეჭდავია, რადგანაც ჯიბიდან გადახდები მნიშვნელოვნად შემცირდა, რაც მოსახლეობის ფინანსურ დაცულობას აუმჯობესებს. რეფორმა მოითხოვს უწყვეტ მონიტორინგსა და რეგულირებას, რათა მომავალში ახალი სერვისები დაემატოს. ჯანმრთელობის მსოფლიო ორგანიზაციის ექსპერტებმა მნიშვნელოვანი როლი ითამაშეს რეფორმის განხორციელებაში, რაც კიდევ უფრო ზრდის სისტემის გამჭვირვალობას და ეფექტურობას. მნიშვნელოვანია, რომ მოქალაქეები იყვნენ ინფორმირებულები და ყურადღებით ადევნონ თვალყური ჯანდაცვის სისტემის ცვლილებებს.
სრული სტატია იხილეთ შენი ექიმის საიტზე
#drpkhakadze #sheniekimi #სამინისტრო #სილვიუდომენტე
„მიგვაჩნია, რომ საქართველოში, სამედიცინო დაწესებულებებისთვის, დიაგნოზთან შეჭიდული ჯგუფებით დაფინანსების (DRG) სისტემის იმპლემენტაცია, ბოლო ათწლეულის განმავლობაში, ჯანდაცვის სფეროში განხორციელებული მთავარი რეფორმაა. რეფორმა მნიშვნელოვანია, მისი მასშტაბის გამო, რადგანაც მისი იმპლემენტაცია მთელი ქვეყნის მასშტაბით მოხდა.“
რეფორმას ჯანმრთელობის მსოფლიო ორგანიზაციის საქართველოს წარმომადგენლობის ხელმძღვანელი აფასებს.
ინფორმაციას დევნილთა, შრომის, ჯანმრთელობისა და სოციალური დაცვის სამინისტრო ავრცელებს.
სილვიუ დომენტეს თქმით, მისი იმპლემენტაცია, ბოლო ათწლეულის განმავლობაში, ქვეყანაში, ჯანდაცვის სფეროში განხორციელებული მთავარი რეფორმაა. მისივე განმარტებით, რეფორმამ შეამცირა ჯიბიდან გადახდები და მნიშვნელოვნად გააუმჯობესა მოსახლეობის ფინანსური დაცულობა.
„მნიშვნელოვანია მისი გავლენა – რადგან, მან შემოიტანა ბევრად მეტი სიცხადე და გამჭვირვალობა, ჰოსპიტალური სექტორის რესურსების გამოყენებაში. რეფორმამ, ასევე, გავლენა მოახდინა მოსახლეობაზე, რადგან DRG-ს იმპლემენტაციამ შეამცირა ჯიბიდან გადახდები, შესაბამისად, გაუმჯობესდა მოსახლეობის ფინანსური დაცულობა.
სისტემის იმპლემენტაცია ასევე, შესაძლებელი გახდა მთავრობის, ოფიციალური პირების მაღალი ნების შედეგად, რომლებიც იღებდნენ ძალიან გაბედულ პროფესიონალურ და დროულ გადაწყვეტილებებს.
დღეს, რეფორმის დაწყებიდან 1 წლის შემდეგ, შეგვიძლია, დაბეჯითებით ვთქვათ, რომ რეფორმა არის წარმატებული და მისი მიღწევები – საკმაოდ შთამბეჭდავი. რეფორმა ამით არ სრულდება, რადგანაც ნებისმიერ DRG სისტემას ესაჭიროება უწყვეტი მონიტორინგი, შემოწმება-დარეგულირება და გაუმჯობესება.
გვაქვს მოლოდინი, რომ DRG დაფინანსების სისტემაში, ახალი სერვისები შევა. ასევე, როგორც გადახდის ალტერნატიული მექანიზმი, დაინერგება სპეციფიკური სერვისებისთვის“, – აღნიშნა ჯანმრთელობის მსოფლიო ორგანიზაციის საქართველოს წარმომადგენლობის ხელმძღვანელმა.
აღსანიშნავია, საქართველოში DRG მოდელის დაგეგმვისა და იმპლემენტაციის პროცესში აქტიურად იყვნენ ჩართულები ჯანმრთელობის მსოფლიო ორგანიზაციის ექსპერტები. ორგანიზაციის წარმომადგენლები ხელს უწყობდნენ საქართველოს სხვა ქვეყნების გამოცდილების გაზიარებაში, ასევე, მონაწილეობდნენ ჯანდაცვის უწყებისა და სამედიცინო დაწესებულებების ხელმძღვანელების დიალოგის პროცესში.
სამედიცინო დაწესებულებების დაფინანსების DRG მოდელი საქართველოში, 2022 წლის ნოემბერში ამოქმედდა. დაწყებიდან 1 წლის შემდეგ სამედიცინო სერვისებზე პაციენტის თანაგადახდა მნიშვნელოვნად, სამჯერ 27%-დან 10%-მდე შემცირდა
