გვანცა გოგინავა

დაიბადა 1973 წლის 4 ოქტომბერს. 1990 წელს წარჩინებით დაამთავრა ქალაქ სენაკის №1 საშუალო სკოლა. 1992 წელს ჩაირიცხა თბილისის სახელმწიფო სამედიცინო უნივერსიტეტის პედიატრიულ ფაკულტეტზე, რომელიც დაამთავრა 1999 წელს და მიენიჭა ექიმი-პედიატრის კვალიფიკაცია. მანამდე, 1989-1991 წლებში, მუშაობდა ქალაქ სენაკის საავადმყოფოში სანიტრად. 2000-2001 წლებში საქმიანობდა ქალაქ სენაკის რაიონული საავადმყოფოს რეანიმაციული განყოფილების მორიგე ექიმად, ხოლო 2001- 2005 წლებში, სენაკის ბავშვთა საავადმყოფოს ექიმად. 2001 წელს გაიარა სრული სასწავლო ციკლი ანესთეზიოლოგია-რეანიმატოლოგიაში, ხოლო 2003 წელს აიღო სერტიფიკატი სპეციალობით „კრიტიკულ მდგომარეობათა მედიცინა“. 2005-2016 წლებში მუშაობდა ქალაქ სენაკის სამშობიარო სახლ „სენამედში“ ახალშობილთა ბლოკის ექიმ-რეანიმატოლოგად. 2016 წელს წარმატებით გაიარა ოჯახის ექიმის სასწავლო პროგრამა და ამავე წლის დეკემბერში მიენიჭა ოჯახის ექიმის კვალიფიკაცია. 2016 წლიდან დღემდე მუშაობს ქალაქ სენაკის საოჯახო მედიცინის ცენტრ „მკურნალში“ ოჯახის ექიმად და პედიატრად. გვანცა გოგინავა 2003 წლიდან მუდმივად არის ჩართული უწყვეტი სამედიცინო განათლების პროგრამაში და მიღებული აქვს სერტიფიკატები სხვადასხვა ვიწრო სპეციალობაში. ჰყავს მეუღლე და სამი შვილი.

რა არის კარგი ექიმი?
იმისათვის, რომ ექიმი გულისხმიერი და პროფესიონალი გახდეს, მან კლინიკური ცოდნა უნდა შეუთავსოს ისეთ ადამიანურ თვისებებს, როგორიცაა ემპათია, პაციენტის მოსმენის კულტურა, კომუნიკაცია და სამედიცინო ეთიკის უზადო დაცვა. ჩემი აზრით, პროფესიონალიზმი განსაზღვრავს მის სამკურნალო უნარებს, ხოლო გულისხმიერება -პაციენტთან ნდობისა და თანაგრძნობის ხიდის გაბმას.

რატომ აირჩიეთ მედიცინა?
პროფესიის არჩევა სპონტანური არ ყოფილა, ადრეული ასაკიდანვე, ჯერ კიდევ ბაღის პერიოდში, მქონდა წარმოდგენა იმის შესახებ, თუ რისთვის მინდოდა მიმეძღვნა ჩემი ცხოვრება და ეს ყოველთვის უკავშირდებოდა სამედიცინო სფეროს.

ვინ არის თქვენი მისაბაძი?
დიახ, ჩემს იდეალად მიმაჩნია ჩემი ლექტორი, ირაკლი ციციშვილი. მისი დამოკიდებულება სტუდენტებისა და პაციენტების მიმართ გულისხმიერი ექიმის საუკეთესო მაგალითია. ამასთანავე, მისი მაღალი პროფესიონალიზმი და ღრმა ცოდნა მას იმ პიროვნებად აქცევს, რომელსაც დღემდე ჩემს მთავარ ინსპირაციად აღვიქვამ.

რჩევა მომავალ ექიმებს
თქვენი პროფესია უძველესია. ის იყო, არის და მუდმივად იქნება ფუნდამენტური რგოლი საზოგადოების ფიზიკური, სოციალური თუ მენტალური ჯანმრთელობის სადარაჯოზე. ექიმობა არ არის მხოლოდ შესწავლილი პროფესია - ეს ცხოვრების სტილია, ხოლო ამისთვის საჭირო უნარები ადამიანის პიროვნებაშია ჩაქსოვილი იმაზე ბევრად ადრე, სანამ მას ექიმის სტატუსი მიენიჭება.

განათლება

დაამთავრა ქალაქ სენაკის №1 საშუალო სკოლა. ჩაირიცხა თბილისის სახელმწიფო სამედიცინო უნივერსიტეტის პედიატრიულ ფაკულტეტზე, რომელიც დაამთავრა 1999 წელს და მიენიჭა ექიმი-პედიატრის კვალიფიკაცია.

გამოცდილება

გვანცა გოგინავა დაიბადა 1973 წლის 4 ოქტომბერს. 1990 წელს წარჩინებით დაამთავრა ქალაქ სენაკის №1 საშუალო სკოლა. 1992 წელს ჩაირიცხა თბილისის სახელმწიფო სამედიცინო უნივერსიტეტის პედიატრიულ ფაკულტეტზე, რომელიც დაამთავრა 1999 წელს და მიენიჭა ექიმი-პედიატრის კვალიფიკაცია. მანამდე, 1989-1991 წლებში, მუშაობდა ქალაქ სენაკის საავადმყოფოში სანიტრად. 2000-2001 წლებში საქმიანობდა ქალაქ სენაკის რაიონული საავადმყოფოს რეანიმაციული განყოფილების მორიგე ექიმად, ხოლო 2001- 2005 წლებში, სენაკის ბავშვთა საავადმყოფოს ექიმად. 2001 წელს გაიარა სრული სასწავლო ციკლი ანესთეზიოლოგია-რეანიმატოლოგიაში, ხოლო 2003 წელს აიღო სე

სამუშაო ადგილი

ღია გული / მე-5 კლინიკური საავადმყოფო