შიდსის მართვის კუთხით ქვეყნის მიღწევები ბოლო წლებში მნიშვნელოვნად გაიზარდა. ჯანდაცვის სამინისტროსა და ინფექციური პათოლოგიის ცენტრის ორგანიზებით, გაიმართა საინფორმაციო შეხვედრა, სადაც განხილული იყო ინფექციის ადრეული გამოვლენის, ეფექტიანი მკურნალობის და პრევენციული ღონისძიებების მნიშვნელობა. ასევე, ყურადღება გამახვილდა აივ ასოცირებული სტიგმის დაძლევაზე. მინისტრის მოადგილის თქმით, სახელმწიფო პროგრამის ფარგლებში ბენეფიციარებს შეუძლიათ მიიღონ სრული სამედიცინო მომსახურება და შიდსის სამკურნალო მედიკამენტები სრულიად უფასოდ. მნიშვნელოვანია, რომ ყველა მოქალაქემ იცოდეს ამ შესაძლებლობების შესახებ და საჭიროების შემთხვევაში მიმართოს შესაბამის უწყებებს.
ჯანდაცვის სამინისტროსა და ინფექციური პათოლოგიის, შიდსისა და კლინიკური იმუნოლოგიის სამეცნიერო-პრაქტიკული ცენტრის ორგანიზებით,შიდსთან ბრძოლის საერთაშორისო დღის აღსანიშნავად საინფორმაციო შეხვედრა გაიმართა. ინფორმაციას ჯანდაცვის სამინისტრო ავრცელებს.
ღონისძიებაზე, რომელსაც ჯანმრთელობის დაცვისა და სოციალურ საკითხთა კომიტეტის წევრები, ჯანმრთელობის მსოფლიო ორგანიზაციის საქართველოს წარმომადგენლობის ხელმძღვანელი, დარგის სპეციალისტები და პროგრამაში ჩართული პირები ესწრებოდნენ.
„შეხვედრაზე აღინიშნა, რომ აივ ინფექციის პანდემიის დასრულებისთვის უაღრესად მნიშვნელოვანია ინფექციის ადრეული გამოვლენა, ეფექტიანი მკურნალობა, პრევენციული ღონისძიებები,აივ ასოცირებული სტიგმისა და დისკრიმინაციის დაძლევა.
ჯანდაცვის მინისტრის მოადგილის, თამარ გაბუნიას განცხადებით, ბოლო წლების განმავლობაში შიდსის მართვის კუთხით ქვეყანას დიდი მიღწევები აქვს.
აღსანიშნავია, რომ აივ-ინფექციის/შიდსის მართვის სახელმწიფო პროგრამის ფარგლებში ბენეფიციარს შეუძლია მიიღოს ამბულატორიული და ჰოსპიტალური სამედიცინო მომსახურება, ასევე შიდსის სამკურნალო მედიკამენტები.
სახელმწიფო პროგრამით გათვალისწინებული მომსახურება ანაზღაურდება სრულად და არ ითვალისწინებს თანაგადახდას პაციენტის მხრიდან
