ბავშვის ჯანსაღი განვითარებისათვის სეზონური კვება განსაკუთრებული მნიშვნელობა აქვს. სპეციალისტები გვირჩევენ, რომ მშობლებმა მაქსიმალურად გამოიყენონ სეზონური ხილი და ბოსტნეული, რადგან ისინი შეიცავს აუცილებელ ვიტამინებს და მიკრონუტრიენტებს, რაც ბავშვის ჯანმრთელობისთვის მნიშვნელოვანია. განსაკუთრებით მნიშვნელოვანია ძუძუთი კვების დროს დედებისთვის სეზონურად ხილისა და ბოსტნეულის მიღება. გაზაფხულზე ხელმისაწვდომი მწვანილი, ყაბაყი და სხვა ბოსტნეული ხელს უწყობს ბავშვის ჯანმრთელობას. მშობლებს უნდა შეამოწმონ, რომ ბავშვები სწორად იღებენ საკვებს, რათა თავიდან აიცილონ ჯანმრთელობის პრობლემები. პრაქტიკული რჩევა: მიაწვდეთ ბავშვს სეზონური ბოსტნეულის პიურე ადრეულ ასაკში.
საქართველოს პირველი არხის გადაცემა „პირადი ექიმი – მარი მალაზონია“
ბავშვის ჯანსაღი განვითარებისთვის სეზონური კვება
საუბრობს პედიატრი თემურ მიქელაძე:
„მაქსიმალურად ვცდილობთ, სეზონური ხილი, ბოსტნეული გამოვიყენოთ სწორედ იმ ეტაპზე, როდესაც აუცილებელია ბავშვის ჯანმრთელობის სწორად განვითარებისთვის. ხილი, ბოსტნეული სწორედ იმ მიკრო და მაკრონუტრიენტებს, ვიტამინებს შეიცავს დიდი რაოდენობით, რაც იმ სეზონზეა აუცილებელი ბავშვისთვის.
ძუძუთი კვების დროს დედებს ვურჩევთ სეზონურად მიირთვან ხილი, ბოსტნეული. სწორედ იმ სეზონზე შეიცავს მაქსიმალურ მიკრონუტრიენტებს, წყალში ხსნად და ცხიმში ხსნად ვიტამინებს, ნახშიწყლებს, ცილებს ეს ხილი და ბოსტნეული. ცხიმებს შეიცავს იმ შემთხვევაში, თუ ვიყენებთ ცხოველურ საკვებს. შეიძლება, თევზი პაციენტებს სეზონურადაც შევთავაზოთ. დედის რძესაც ახასიათებს სეზონური ცვლილებები. ის სეზონურად გადასცემს ბავშვს მიკრონუტრიენტებს, რაც აუცილებელი და დროულია ბავშვის ნერვული სისტემის სწორი მომწიფებისთვის. აუცილებელია ბოსტნეულის პიურე ადრეული ასაკის ბავშვებისთვის სეზონურად დაინიშნოს. გაზაფხულის პერიოდში ჩვენთან დიდი რაოდენობით არის სალათები, მწვანილი, ყაბაყი, კარტოფილი, ჭარხალი, სტაფილო.
ხილი და ბოსტნეული დიდი რაოდენობით შეიცავს უჯრედისს, რაც პერისტალტიკას აუმჯობესებს და ყაბზობის პროფილაქტიკაც არის. ხილი და ბოსტნეული დიდი რაოდენობით შეიცავს ისეთ წყალში ხსნად ვიტამინებს, როგორებიცაა: B ჯგუფის ვიტამინები, C ჯგუფის ვიტამინები, კაროტინოიდები. არის დაავადებები, როდესაც გვაქვს ფრუქტოზის აუტანლობა. აქ შეიძლება შევზღუდოთ კიდეც ხილი ან მოდიფიცირება მოვახდინოთ ნახშირწყლის. კონკრეტული შემთხვევა აუცილებლად უნდა იქნეს ექიმის მიერ შესწავლილი. 12 წელი არის პუბერტული ასაკი. აქ აუცილებელია სწორი, ბალანსირებული კვება.
შეიძლება ბავშვმა იმდენად მაღალი კონცენტრაციით მიიღოს სხვადასხვა ნივთიერება, რომ კუჭის ლორწოვანი გაღიზიანდეს. ამიტომ უნდა იყოს სწორად, რაციონალურად გამოყენებული, რათა ჯანმრთელობის სხვა პრობლემა აღარ წამოგვივიდეს. ხშირად მომმართავენ პაციენტები, როდესაც ბავშვები არ ჭამენ ხორცს, არ ჭამენ ბოსტნეულს.
ყოველთვის ვურჩევ მშობელს, ბოსტნეული და ხორცი – თერმულად დამუშავდეს“ .
