ზაფხულის პერიოდში ბავშვების კუჭ-ნაწლავის ინფექციები განსაკუთრებით ხშირია. პედიატრი მაია ჩხაიძე აღნიშნავს, რომ ბასეინის წყალი შესაძლოა შეიცავდეს რინოვირუსს, რაც ინფექციის გავრცელების მიზეზი შეიძლება გახდეს. ასევე, საკვები, რომელიც არ არის სწორად შენახული, შესაძლოა სალმონელოზური ინფექციის წყარო გახდეს. განსაკუთრებით მნიშვნელოვანია ჰიგიენური წესების დაცვა — ხშირად უნდა ვიბანთ ხელები და უნდა შევეცადოთ ონკანის წყლის დალევისგან თავის შეკავებას. რეკომენდებულია, რომ ბავშვებს არ მივცეთ მალფუჭებადი პროდუქტები, ხოლო საკვების მომზადებისას უნდა ვაკვირდეთ ჰიგიენურ პირობებს. პრაქტიკული რჩევა: ყოველთვის დარწმუნდით, რომ ადგილები, სადაც ბავშვებს კვებავთ, სუფთა და უსაფრთხოა.
ბავშვების კუჭ-ნაწლავის ინფექციები – „შესაძლებელია, რინოვირუსი ბასეინის წყლით გადავიდეს“
„სასურველი არ არის, ბასეინის წყალი პირში მოხვდეს. შესაძლებელია, რინოვირუსი ბასეინის წყლით გადავიდეს. ასევე ძალიან ხშირია ბაქტერიული ნაწლავური ინფექციები ბავშვებში, რომლებიც საკვებით გადადის. შესაძლოა, საკვებში შეჰყვეს ბავშვს და რამდენიმე საათიდან 24 საათამდე განუვითარდეს სალმონელოზური ნაწლავური ინფექცია. აუცილებელია ჰიგიენური პირობების დაცვა, ხელების ხშირად დაბანა. უნდა შევეცადოთ, ონკანის წყალი არ დავლიოთ. გადადუღებული წყალი არ ვარგა. გადადუღებულ წყალში არ არის ელექტროლიტები. ელექტროლიტები იშლება გადადუღების დროს. ბოთლის წყალი, რომელიც იყიდება, გაფილტრულია და საშიში არ არის.
ზღვის წყალი თუ მოხვდება პირის ღრუში და იქ ფეკალიებია, შესაძლოა, ამ შემთხვევაშიც ინფექციის შეიჭრას. თავი უნდა შევიკავოთ ბავშვებისთვის მალფუჭებადი პროდუქტების მიცემისგან, კარგად უნდა დავიცვათ შენახვის წესები.
როდესაც ზღვაზე ისვენებთ, ძნელია იქ საკვების გაკეთება. სადაც ბავშვს ვაჭმევთ, უნდა ვიცოდეთ, რომ იქ ჰიგიენური პირობები არის დაცული“.
