მოუსმინეთ მოკლე მიმოხილვას
ნუტრიციოლოგი ნატა გაგუა გვირჩევს, რომ საკვები პროდუქტების საყიდლად არასდროს წახვიდეთ მშიერი. ჯანსაღი კვების წესები მოითხოვს, რომ დღეში მინიმუმ სამი და მაქსიმუმ ხუთჯერ ვიკვებოთ, ზომიერი ულუფებით და ორიდან ოთხ საათამდე ინტერვალით. მნიშვნელოვანია, რომ საკვები ნელა მივირთვათ და თითოეული კერძის გემო ვაგრძნობინოთ. ასევე, დღეში ერთი კვება სეზონურ ხილს უნდა დაეთმოს, რაც ხელს უწყობს ჯანმრთელობას. ყურადღება მიაქციეთ მარილისა და შაქრის რაოდენობას, რადგან ეს თქვენს ორგანიზმზე გავლენას მოახდენს. პრაქტიკული რჩევა: ყოველთვის მოამზადეთ და მიირთვით საკვები სწორად, რათა მისი სასარგებლო თვისებები შეინარჩუნოთ.
სრული სტატია იხილეთ შენი ექიმის საიტზე
#drpkhakadze #sheniekimi #სხვაამბები #ჯანსაღიკვება
ნუტრიციოლოგი ნატა გაგუა ჯანსაღი კვების წესებზე წერს:
1. სასურველია მიირთვათ ყოველდღე მინიმუმ 3-ჯერ, ხოლო მაქსიმუმ 5 ჯერ – ზომიერი ულუფებითა და 2-4-საათიანი ინტერვალებით.
ამავდროულად, გახსოვდეთ, საკვები უნდა მიიღოთ ნელა. გაუსინჯეთ თითოეულ პროდუქტსა და კერძს მისი უნიკალური გემო. კვებისადმი ასეთი მიდგომა დანაყრებისა და კმაყოფილების განცდას უწყობს ხელს.
2. კვების რაციონში მნიშვნელოვანია არა მხოლოდ ჯანსაღი პროდუქტების გამოყენება, არამედ ამა თუ იმ კერძის სწორად მომზადების ცოდნაც, რათა მომზადებისას ყველა არსებული სასარგებლო თვისება შევინარჩუნოთ.
დილით, საუზმემდე მინიმუმ 30 წუთით ადრე დალიეთ წყალი. დღის განმავლობაში არ დაგავიწყდეთ მისი მიღება. წყალი უმჯობესია იყოს ოთახის ტემპერატურის.
3. დღის განმავლობაში ერთი კვება დაუთმეთ სეზონურ ხილს, მიირთვით ცოცხლად ან სმუზის (ბლენდერში ათქვეფილი ხილი) სახით. ამასთანავე, უმჯობესია, ხილი მიირთვათ სადილამდე 2-3 საათით ადრე.
4. კალორიებით ყველაზე მდიდარი ულუფა დღის პირველ ნახევარში მიირთვით. ყურადღება მიაქციეთ საკვებში მარილის, სუნელების, შაქრის რაოდენობას, რათა არ შეაკავოთ ორგანიზმში თქვენ მიერ მიღებული სითხე. სითხის შეკავება ორგანიზმში ჯანმრთელობისთვის არასასურველია, ეს წონის კლების შეჩერებას ან შენელებას იწვევს.
5. არ წახვიდეთ საკვები პროდუქტების საყიდლად მშიერი.
