ცნობილი ტელეწამყვანი და მსახიობი დუტა სხირტლაძე ტელეკომპანია „იმედის“ თანამშრომელი აღარ არის. მედიაში გუშინ გავრცელებული ინფორმაცია ტელეარხმა დღეს, 12 დეკემბერს დაადასტურა.
„არხის დირექციის გადაწყვეტილებით, 10 დეკემბრიდან დუტა სხირტლაძე „ტელეიმედში” აღარ მუშაობს“, – წელია „იმედის“ ფეისბუკგვერდზე გავრცელებულ ინფორმაციაში, თუმცა მასში არ არის დაკონკრეტებული არხის ხელმძღვანელობამ დააკმაყოფილა ტელეწამყვანის განცხადება, თუ თავად გადაწყვიტა ხელშეკრულების შეწყვეტა.
რადიო თავისუფლება ცდილობს ტელეწამყვან დუტა სხირტლაძესთან და არხის დირექტორ მაკა ლომიძესთან დაკავშირებას. კომენტარის მიღების შემთხვევაში მასალა განახლდება.
