სირიელმა ამბოხებულებმა ქალაქ კარდაჰაში გაქცეული პრეზიდენტის ბაშარ ასადის მამის, ჰაფეზ ასადის აკლდამა დაწვეს. ინფორმაციას BBC ავრცელებს.
სოციალურ ქსელებში ვრცელდება კადრები, თუ როგორ წვავენ ამბოხებულები ბაშარ ასადის მამის საფლავს ლატაკიის პროვინციის ქალაქ კარდაჰაში. BBC-მ მათი ვეფირიკაცია შეძლო.
ქალაქ კარდაჰაში ჰაფეზ ასადის გარდა მისი მეუღლის, ანისას და მათი უფროსი ვაჟის ბასილის საფლავებიც არის.
BBC აღნიშნავს, რომ ჰაფეზ ასადის შემდეგ სირიის მმართველი ბასილი უნდა ყოფილიყო, თუმცა ის 1994 წელს ავტოკატასტროფაში დაიღუპა, რის გამოც ხელისუფლება ჰაფეზის შემდეგ ბაშარ ასადმა გადაიბარა.
ჰაფეზ ასადი სირიას 30 წლის მანძილზე მართავდა.
