ყურის ჯანმრთელობა პირდაპირ განსაზღვრავს ჩვენს სმენას, ბალანსს და ცხოვრების ხარისხს

შუა ყურის ანთება (Otitis Media) – ტკივილი, სიცხე, სმენის დაქვეითება, შუილი. ხშირია როგორც ბავშვებში, ისე მოზრდილებში.

გარეთა ყურის ანთება („მოცურავის ყური“) – ხშირად ვითარდება წყალში ბანაობის შემდეგ, ახასიათებს ტკივილი, ქავილი და გამონადენი.

სმენის დაქვეითება – შესაძლოა გამოწვეული იყოს ყურში გოგირდის დაგროვებით, ქრონიკული ანთებებით, ან ასაკობრივი ცვლილებებით.

ტინიტუსი (ყურში შუილი/ხმაური) – შეიძლება იყოს სტრესის, წნევის პრობლემების, ევსტაქის მილის დახშობის ან სასმენი ნერვის დაზიანების შედეგი.

ყურის ტრავმა და ბაროტრავმა(დაფის აპკის მთლიანობის დარღვევა-პერფორაცია) – ფრენისას ან წყალში ყვინთვისას ხშირია ყურში დაგუბების შეგრძნება, რასაც თან ახლავს ტკივილი.

ბავშვებში ხშირია შუა ყურის ანთება და სმენის დროებითი დაქვეითება, რის ყველაზე ხშირ მიზეზს ადენოიდების ჰიპერტროფია წარმოადგენს.

მთავარი რჩევა: ნუ გადადებთ ექიმთან ვიზიტს. დროული დიაგნოსტიკა და მკურნალობა დაგიცავთ გართულებებისგან და დაგიბრუნებთ ცხოვრების ხარისხს.