ასტიგმატიზმი — მხედველობის დეფექტი, რომელიც გამოწვეულია რქოვანის, თვალის ლინზის ან თვალის ფორმის დარღვევით

ასტიგმატიზმი — მხედველობის დეფექტი, რომელიც გამოწვეულია რქოვანის, თვალის ლინზის ან თვალის ფორმის დარღვევით, რომლის შედეგად ადამიანი კარგავს მკაფიო მხედველობის უნარს.
გამოყოფენ ასტიგმატიზმის შემდეგ სახეობებს:
·                     პირდაპირი ასტიგმატიზმი (ვერტიკალური მერიდიანის გამრუდება);
·                     უკუ ასტიგმატიზმი (ჰორიზონტალური მერიდიანის გამრუდება).
ასევე გამოყოფენ ასტიგმატიზმის შემდეგ ხარისხს:
·                     სუსტი ხარისხის ასტიგმატიზმი — 3 დიოპტრიამდე;
·                     საშუალო ხარისხის ასტიგმატიზმი — 3-დან 6 დიოპტრიამდე;
·                     მაღალი ხარისხის ასტიგმატიზმი — 6 დიოპტრიიდან ზემოთ.
წარმოშობის მიხედვით ასტიგმატიზმი იყოფა შემდეგ სახეობებად:
·                     თანდაყოლილი (0.5 დიოპტრიამდე) – გააჩნია ბევრ ადამიანს, თუმცა არ იწვევს დისკომფორტს;
·                     შეძენილი – წარმოიშობა ნაწიბურების ცვლილების შედეგად რქოვანაზე ტრამვის და დაზიანების ან თვალებზე ქირურგიული ჩარევის  შემდეგ.

მიზეზები
ასტიგმატიზმის განვითარების მიზეზებია:
·                     მემკვიდრეობა;
·                     თვალების ტრამვები (გამჭოლი ჭრილობები);
·                     ქირურგიული ჩარევა (კატარაქტის მოცილება);
·                     კერატოკონუსი (რქოვანას დისტროფია);
·                     თვალის ლინზის ანომალიური ფორმა.

ასტიგმატიზმის სიმპტომები
დაავადებისთვის დამახასიათებელია შემდეგი სახის სიმპტომები:
·                     დაქვეითებული მხედველობა;
·                     სწორი ხაზების გარუდება;
·                     თავის ხშირი ტკივილი;
·                     თვალების სწრაფი დაღლა;
·                     თვალების მუდმივი დაძაბულობა.

დიაგნოსტიკა
დიგნოსტიკისთვის ექიმი-ოფთალმოლოგი ატარებს შემდეგ პროცედურებს:
·                     სკიასკოპიას (თვალის რეფრაქციის განსაზღვრის მეთოდი);
·                     რეფრაქტომეტრიას (თვალის ფუნქციონალური მდგომარეობის დიაგნოსტიკა);
·                     ერგომეტრიას (კუნთების მუშოაბის დონის განსაზღვრა);
·                     მხედველობის სისტემის კომპიუტერული ანალიზი.

ასტიგმატიზმის მკურნალობა
ასტიგმატიზმის სამკურნალოდ ინიშნება:
·                     სათვალე;
·                     კონტაქტური ლინზები;
·                     ექსიმერ-ლაზერული კორექცია;
·                     კერატოპლასტიკა (რქოვანას ფორმისა და ფუნქციის აღდეგნა).
ბავშვებში ასტიგმატიზმის მკურნალობისას საჭიროა ექიმის მუდმივი დაკვირვება. დისპანსერული დაკვირვება გრძელდება მხედველობის სისტების სრულ განვითარებამდე.

საშიშროება
ასტიგმატიზმის მკურნალობის დაგვიანებამ შესაძლოა გამოიწვიოს:
·                     სიელმე;
·                     მხედველობის დაკარგვა.

პროფილაქტიკა
პროფილაქტიკისთვის რეკომენდირებულია:
·                     თვალების ხანგრძლივად დატვირთვის გამორიცხვა;
·                     თვალების გაღიზიანების გამორიცხვა (მტვრიან და ცივ შენობაში ყოფნა);
·                     ტრანსპორტში ან წამოწოლილ მდგომარეობაში კითხვის გამორიცხვა;
·                     შენობის კარგი განათების უზრუნველყოფა (სამუშაო ადგილის);
·                     თვალის სავარჯიშოების შესრულება;
·                     ლუთეინიანი ვიტამინების მიღება.

გიორგი ფხაკაძე

მედიცინის მეცნიერებათა დოქტორი (PhD), მედიცინის დოქტორი (MD), ჯანდაცვის მაგისტრი (MPH). საქართველოს საზოგადოებრივი ჯანდაცვის ინსტიტუტის (PHIG) თავმჯდომარე. არის ჯანდაცვის მსოფლიო ორგანიზაციის (WHO) ექსპერტი და Accreditation Canada-ს წარმომადგენელი საქართველოში. ეწევა აკადემიურ საქმიანობას დავით ტვილდიანის სამედიცინო უნივერსიტეტში. არის Georgian Medical Journal (GMJ)-ის დამფუძნებელი და მთავარი რედაქტორი. გამოქვეყნებული აქვს მრავალი სამეცნიერო ნაშრომი საერთაშორისო რეცენზირებად ჟურნალებში, არის სახელმძღვანელოებისა და პროფესიული გზამკვლევების ავტორი. გიორგი ფხაკაძე აქტიურად მონაწილეობს ასობით ეროვნულ და საერთაშორისო სამეცნიერო-პროფესიულ კონფერენციასა და სამუშაო ჯგუფში, 25 წელზე მეტი გამოცდილებით საზოგადოებრივი ჯანდაცვის, ხარისხის სტანდარტებისა და ჯანდაცვის პოლიტიკის სფეროში. #აქხარისხია #drpkhakadze #sheniambebi

  მასტიტი სარძევე ჯირკვლის ანთება

See Full Bio