აკადემიკოს ნიკოლოზ ყიფშიძის სახელობის ცენტრალური საუნივერსიტეტო კლინიკა (რესპუბლიკური საავადმყოფო)

აკად.ნ.ყიფშიძის სახ. ცენტრალური საუნივერსიტეტო კლინიკა – რესპუბლიკური საავადმყოფო, გაიხსნა და ფუნქციონირება დაიწყო 1973წელს, საავადმყოფოს კლინიკური ნაწილის ფართი იყო 36,000 მ2, (12 სართული), საწოლების რაოდენობა 1100, მთლიანად 12 სართული, სარდაფი და დამხმარე ფართი ერთად 36,000მ2 შეადგენდა. მისი მშენებლობისთვის გამოყენებული იყო ასაწყობი რკინაბეტონის და შუშის კონსტრუქციები. ახალი საავადმყოფო აღჭურვილი იყო თანამედროვე სადიაგნოსტიკო აპარატურითა და მოწყობილობით. შენობის ბოლო სართულზე საოპერაციო იყო განთავსებული, დანარჩენ სართულებზე კი განაწილებული იყო ქირურგიული(აბდომინალური, თორაკალური, ჩირქოვანი), პროქტოლოგიური, თვალის სნეულებათა, თერაპიული, ნერვული, ტრავმატოლოგიური, უროლოგიური, ნეფროლოგიური, რადიოლოგიური, კარდიორევმატოლოგიური, გასტრო–ენტეროლოგიური, ენდოკრინოლოგიური და ნივთიერებათა ცვლის დარღვევის სამკურნალო კვების (იმ დროს ერთადერთი ამიერკავკასიაში), ქალთა და მამაკაცთა ნერვული განყოფილება, ცენტრალური ლაბორატორია, ელექტროფიზიოლოგიური და სამკურნალო ფიზკულტურის, ფუნქციური დიაგნოსტიკის და ყელ–ყური–ცხვირის განყოფილებები. ამიტომ კლინიკას ,,საავადმყოფო გიგანტსაც’’ კი უწოდებდნენ.რესპუბლიკური საავადმყოფო გახსნის დღიდან იყო საუნივერსიტეტო კლინიკა, ის იყო ბაზა თბილისის სახელმწიფო სამედიცინო უნივერსიტეტის, სადაც ყველა პირობა იყო იმისათვის, რომ სტუდენტს ღირსეული განათლება მიეღო.( 14 კლინიკური კათედრა, საკონფერენციო დარბაზები, სასწავლო ოთახები და ა. შ.) დღეს კლინიკა ინარჩუნებს ტრადიციებს, მულტიპროფილურ ფუნქციას და ორიენტირებულია პაციენტიზე. ჩვენთან თქვენ მიიღებთ მაღალი ხარისხის მომსახურებას,