ჯანმრთელობის მსოფლიო ორგანიზაცია, ქართველ პარტნიორებთან ერთად, პირველადი ჯანდაცვის დაწესებულებებს ესტუმრა.
ვიზიტის მიზანი იყო პირველადი ჯანდაცვის რეფორმების მიმდინარეობის შეფასება და იმ შემდგომი ნაბიჯების განსაზღვრა, რომლებიც კიდევ უფრო გააუმჯობესებს პირველად სამედიცინო მომსახურებაზე ხელმისაწვდომობას, განსაკუთრებით სოფლად მცხოვრები მოსახლეობისთვის.
საყოველთაო ჯანდაცვის პარტნიორობის (UHC Partnership) მხარდაჭერით ორგანიზებული მისიის ფარგლებში, სამუშაო ჯგუფი პირველადი ჯანდაცვის იმ დაწესებულებებს ეწვია, რომლებსაც სულადობრივი დაფინანსების გაზრდილი ტარიფის ფარგლებში პირველადი ჯანდაცვის გაფართოებული პაკეტი მიეწოდებათ.
ოჯახის ექიმებთან, ექთნებთან, კლინიკების მენეჯერებსა თუ მუნიციპალიტეტების წარმომადგენლებთან ერთად გაიმართა მსჯელობა, თუ როგორ აისახება ბოლოდროინდელი რეფორმები მკურნალობის ხარისხსა და ჯანმრთელობის უკეთეს გამოსავალზე. განხილული იყო არაგადამდები დაავადებების მქონე პაციენტების მკურნალობის გაუმჯობესება, პირველადი ჯანდაცვის ექიმებისა და ექთნების მზარდი როლის მხარდაჭერა, პირველად და სპეციალიზებულ სამედიცინო მომსახურებებს შორის კოორდინაციის დახვეწა.
ეს შეხვედრები საინტერესო შესძლებლობა იყო გამოცდილების გასაზიარებლად, საერთო გამოწვევების გადასაჭრელად პრაქტიკული გზების მოსაძებნად და ჯანდაცვის სფეროს სპეციალისტებისა და მენეჯერების საერთო მიზნის განსამტკიცებლად, რაც მთელ საქართველოში უფრო ძლიერი და ადამიანზე ორიენტირებული პირველადი ჯანდაცვის სისტემის ჩამოყალიბებას გულისხმობს.
მიღებული ინფორმაცია აისახება საქართველოში პირველადი ჯანდაცვის რეფორმის მიმდინარეობის პროცესში, რათა კიდევ უფრო გაუმჯობესდეს სამედიცინო მომსახურებაზე ხელმისაწვდომობა, არაგადამდები დაავადებების მართვა და ნაბიჯების გადადგმა საყოველთაო ჯანდაცვის მიზნების მისაღწევად.
