იაშვილის სახელობის ბავშვთა ცენტრალური საავადმყოფოს სამედიცინო დირექტორის, ივანე ჩხაიძის განცხადებით, ბათუმიდან თბილისში გადმოყვანილი ახალშობილის ჯანმრთელობის მდგომარეობა სტაბილურია და ყველა კლინიკური, ლაბორატორიული მაჩვენებელი დამაკმაყოფილებელია.
მისივე თქმით, ბავშვი ბინაზე გაწერის ყველა კრიტერიუმს შეესაბამება და არც ერთი პარამეტრი, რომელიც ახლა პაციენტს აქვს, კლინიკაში მეთვალყურეობას არ საჭიროებს. ჩხაიძე განმარტავს, რომ მან მშობლებთან ყველა საკითხი განიხილა და ბავშვის კლინიკიდან გაწერის წინააღმდეგები არ არიან.
ივანე ჩხაიძე განმარტავს, რომ ბავშვი ამჟამად 1 თვის და 3 კვირისაა და ის იაშვილის სახელობის ბავშვთა ცენტრალური საავადმყოფოში 5 მაისიდან მკურნალობდა.
„პაციენტი შემოყვანილი იქნა 5 მაისს იაშვილის ბავშვთა ცენტრალურ საავადმყოფოში. ბავშვი გადმოყვანილია ბათუმის დედათა და ბავშვთა ცენტრალური ჰოსპიტლიდან გადმოყვანის მიზეზი იყო ნეიროქირურგიის და ნევროლოგის აქტიური ჩარევის საჭიროება, ვინაიდან პაციენტს ბათუმის კლინიკაში გულყრა აღენიშნა. დიაგნოსტიკის მიზნით, ჩატარდა თავის ტვინის კომპიუტერული ტომოგრაფიული კვლევა და ნანახი იქნა ქალა ტვინის ტრავმის რადიოლოგიური სურათი. ამ მიზეზით ვინაიდან ბათუმს არ აქვს ნეიროქირურგიის და ნევროლოგ 24-საათიანი სპეციალიზებული სერვისის შესაძლებლობა, ბავშვი იყო გადმოყვანილი ჩვენთან. კლინიკაში შემოსვლისთანავე ჩაუტარდა ყველა აუცილებელი დიაგნოსტიკური ღონისძიება, სხვადასხვა კვლევები.
გულყრა ჩვენთან შემოსვლის შემდეგ არ განმეორებულია, ანუ ჩვენთან არ ჰქონდა. პაციენტის ზოგადი მდგომარეობა გაუმჯობესდა. ამჟამად პაციენტის მდგომარეობა ფასდება, როგორც სტაბილური. ყველა კლინიკური, ლაბორატორიული მაჩვენებელი დამაკმაყოფილებელია. წონაში მატება აღენიშნა. საკვებს აქტიურად იღებს, ბუნებრივ კვებაზეა, რაც ძალიან მნიშვნელოვანია. შესაბამისად, იქნა გადაწყვეტილება მიღებული ბავშვის ბინაზე გაწერასთან დაკავშირებით, თუმცა ეს არ ნიშნავს, რომ ამით დასრულდა ბავშვზე მეთვალყურეობა. გეგმურად ბავშვი საჭიროებს ნეიროქირურგიულ კონსულტაციას ერთ თვეში, ასევე თავის ტვინის ელექტროენცეფალოგრაფიის ერთ თვეში და თუ იქნება აუცილებელი, ასევე თავის ტვინის მაგნიტურ-რეზონანსული კვლევის ჩატარება.
მშობლებს დღეს დილით ვესაუბრე. ბევრი რამ ავუხსენი. მშობლები გაწერის წინააღმდეგები არ არიან. თუ რაიმე დამატებითი კვლევაა, რაც შეიძლება ჩატარდეს, ამის შესაძლებლობასაც განვიხილავთ, მაგრამ ბავშვის მდგომარეობიდან გამომდინარე, ამ ეტაპზე ბავშვის გაწერა იქნება აუცილებელი. არც ერთი პარამეტრი რომელიც ახლა პაციენტს აქვს, არ საჭიროებს კლინიკაში მეთვალყურეობას. არ სჭირდება მას ექიმის ყოველდღიური მეთვალყურეობა, არ სჭირდება გადასხმები, რომელიმე ლაბორატორიული მაჩვენებლის განმეორებით შეფასება. ყველაფერი აქვს ნორმაში. ბავშვი შეესაბამება ბინაზე გაწერის ყველა კრიტერიუმს და მშობლებთან ყველა საკითხი განხილული გვაქვს. ბინაზე გაწერა არ ნიშნავს, რომ ჩვენ ამ ბავშვთან დავამთავრეთ მეთვალყურეობა. მონიტორინგი მომდევნო პერიოდშიც იქნება საჭირო. მონიტორინგში ვგულისხმობ პედიატრისა და ნიიროლოგის შეფასებას.
განხილული გვაქვს. ბინაზე გაწერა არ ნიშნავს, რომ ჩვენ ამ ბავშვთან დავამთავრეთ მეთვალყურეობა მონიტორინგი მომდევნო პერიოდშიც იქნება საჭირო. მონიტორინგში ვგულისხმობ პედიატრისა და ნევროლოგის პერიოდულ შეფასებას ჩვენ შევთანხმდით, რომ პირველი ასეთი შეფასება ერთი თვის შემდეგ მოხდება. გეთანხმებით იმაში, რომ მშობლებს ჰქონდათ გარკვეული წუხილი ბინაზე გაწერასთან დაკავშირებით, მაგრამ ყველა დეტალი განხილულია დედასთან, მამასთან და ოჯახის წევრებთან წევრებთან ერთად და ვფიქრობ, ბავშვისთვის ყველაზე კარგი არის ბინაზე მეთვალყურეობა ბინაზე მოვლა, კვების უზრუნველყოფა ერთი თვის შემდეგ ჩვენ ხელმეორედ ჩავატარებთ ბავშვის დეტალურ შეფასებას. ჩვენ შევთანხმდით, რომ პირველი ასეთი შეფასება ერთი თვის შემდეგ მოხდება. მშობლებს ჰქონდათ გარკვეული წუხილი ბინაზე გაწერასთან დაკავშირებით, მაგრამ ყვლა დეტალი განხილულია მშობლებთან და ოჯახის სხვა წევრებთან ერთად, ვფიქობ, ბავშვისთვის ყველაზე კარგი იქნება ბინაზე მეთვალყურეობა, ბინაზე მოვლა, კვების უზრუნველყოფა. ერთი თვის შემდეგ ჩვენ ხელმეორედ ჩავატარებთ ბავშვის დეტალურ შეფასებას,“ – განაცხადა ჩხაიძემ.
