10 ოქტომბერი ფსიქიკური ჯანმრთელობის მსოფლიო დღეა.
ევროკავშირის ფინანსური მხარდაჭერით 17-19 სექტემბერს ჯანმრთელობის მსოფლიო ორგანიზაციის ევროპის რეგიონულმა ოფისმა ქ. ერევანში ჩაატარა QualityRights-ის სასწავლო სემინარი, რომელშიც მონაწილეობდნენ პოლიტიკის შემქმნელები, ფსიქიკური ჯანმრთელობის სპეციალისტები და სოციალური მომსახურების მიმწოდებლები საქართველოდან, სომხეთიდან და მოლდოვიდან. ტრენინგის მიზანი იყო ფსიქიკურ ჯანმრთელობაში ადამიანისა და პაციენტის უფლებებისა და გამოჯანმრთელებაზე ორიენტირებული ფსიქიკური ჯანმრთელობის დაცვის ხელშეწყობა. ასევე მომსახურების მიწოდებისას იძულების აღკვეთა.
ტრენინგი მოიცავდა პრაქტიკულ მიდგომებს, მათ შორის დეესკალაციის ტექნიკებს, გამოჯანმრთელების დაგეგმვასა და სტიგმისა და დისკრიმინაციის შემცირების სტრატეგიებს.
გამოჯანმრთელებასა და პაციენტის უფლებებზე ორიენტირებული მოვლა ეფექტური ფსიქიკური ჯანმრთელობის სისტემების ქვაკუთხედია. ჯანმოს ევროპის რეგიონული ოფისი მხარს უჭერს წევრი სახელმწიფოების მიერ ადამიანსა და მის უფლებებზე ორიენტირებული და სამართლიანი ფსიქიკური ჯანმრთელობის სერვისების განვითარებაში.
ღონისძიება ჩატარდა DG-ENEST-ის მიერ დაფინანსებული პროექტის „ჯანმრთელობის მდგრადობის მხარდაჭერა აღმოსავლეთ პარტნიორობის ქვეყნებში“ ფარგლებში.
გაიგეთ მეტი – https://lnkd.in/dbGBvF-b
გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!
მიიღე სანდო და აქტუალური ინფორმაცია ჯანმრთელობის შესახებ – საქართველოდან და მთელი მსოფლიოდან.
iPhone: https://apps.apple.com/fr/app/sheni/id6746877342?l=en-GB
Telegram არხი: https://t.me/SheniEkimi
შენი ექიმი – ცოდნა ჯანმრთელობისთვის.
