საზოგადოებრივი ჯანდაცვის ექსპერტი, ჯანდაცვის მსოფლიო ორგანიზაციის კონსულტანტი, ექიმი, აკრედიტაცია კანადას წარმომადგენელი საქართველოში, პროფესორი გიორგი ფხაკაძე გადაცემაში “იმუნიტეტი” ბარიატრიულ ქირურგიაზე საუბრობს:
„სამწუხაროდ, ბევრი მიზეზის გამო ჩვენი მოქალაქეები იღებენ გადაწყვეტილებას, რომ გაიკეთონ ოპერაცია იქ, სადაც არის უფრო იაფი. ხომ უნდა დავფიქრდეთ, რატომ არის იმ ქვეყანაში იაფი?!
ვამბობ საჯაროდ, ეს ჩემი სიტყვები არ არის, ეს არის ბრიტანეთის ჯანდაცვის სამინისტროს გაფრთხილება, თურქეთის ჯანდაცვის სამინისტროს მიმართ. ეს არის ოფიციალური საჯარო ინფორმაცია.
სამწუხაროდ, შარშან გარდაიცვალა რამდენიმე ბრიტანელი პაციენტი, ბარიატრიული ქირურგიის [თურქეთის კლინიკაში] ჩატარების შედეგად.
ბარიატრიულ ოპერაციას ჭირდება მომზადება. რეკომენდაცია არის, რომ ბარიატრიული ოპერაცია გაიკეთოთ იმ ქვეყანაში, სადაც ცხოვრობთ.
მხარი უნდა დავუჭიროთ საქართველოს მედიცინას იმიტომ, რომ ჩვენ სხვა სამშობლო არ გვაქვს!“
გადაცემის წამყვანმა, „ვივამედის” დირექტორმა ნინო ნადირაძემ დიდი მადლობა გადაუხადა გიორგი ფხაკაძეს.
„ძალიან დიდი მადლობა გადავუხადოთ ჩემს მეგობარ გიორგი ფხაკაძეს, რომელსაც ძალიან დიდი წვლილი მიუძღვის ჩვენი კლინიკების ხარისხის გაუმჯობესებაში…“ – განაცხადა ნინო ნადირაძემ.
