გურიაში ძაღლის მიერ დაკბილული ორი წლის ბავშვისთვის ჩატარებული ოპერაცია წარმატებით დასრულდა. ოპერაციის ხანგრძლივობა თერთმეტი საათი იყო, და ახლა ბავშვის მდგომარეობა სტაბილურია. ექიმების განცხადებით, კანის გადანერგვა აუცილებელი იყო, რადგან დაზიანება სიცოცხლესთან შეუთავსებელი იყო. მომავალში კიდევ ერთი ოპერაცია იქნება საჭირო, რათა ძვლოვანი დეფექტი სრულად დახურონ. მშობლები აღნიშნავენ, რომ ბავშვს პირველი ღამე მშვიდად ეძინა და ტემპერატურა არ აქვს. მნიშვნელოვანია, რომ მსგავსი შემთხვევებისას მშობლები ყურადღებით უნდა იყვნენ და საჭიროების შემთხვევაში დროულად მიმართონ ექიმს.
გურიაში ძაღლის მიერ დაკბენილ 2 წლის ბავშვს ოპერაცია ჩაუტარდა. მისი მდგომარეობა ახლა სტაბილურია. ბავშვს დღეს პალატაში გადაიყვანენ.
ექიმის თქმით, კანის გადანერგვა გადაუდებელი აუცილებლობა იყო, რადგან თავის ქალის დეფექტი სიცოცხლესთან შეუთავსებელი იყო. ამასთან, ის აღნიშნავს, რომ 2-3 კვირაში ხელახალი ოპერაცია იქნება საჭირო, რათა ძვლოვანი დეფექტი სრულად დაიხუროს.
იაშვილის სახელობის ბავშვთა ცენტრალური საავადმყოფოს“ სამედიცინო დირექტორის, ივანე ჩხაიძის განცხადებით, ოპერაციას დაახლოებით 13 საათი დაჭირდა.
„ჩვენ რაც გავაკეთეთ, იყო პირველადი შეფასება, ნეიროქირურგიული ჩარევა. დაზიანებული კანის მოცილება და გასუფთავება. დაზიანების დიდი მოცულობის გამო, ინფექციის გავრცელების რისკი იყო. პირველი ეტაპი წარმატებით დასრულდა. ამ ეტაპზე, ძვლის ინფექციის განვითარების, სისტემური ინფექციის რისკი მინიმუმამდეა დაყვანილი. მშობლები აღნიშნავენ, რომ პირველი ღამე იყო, როცა ბავშვს წყნარად ეძინა, ტემპერატურა არ გვაქვს. ვიტალური ფუნქციები ნორმის ფარგლებშია. გადაწყდა პლასტიკური ოპერაციის ჩატარება“,- აღნიშნა ჩხაიძემ.
„რაც იყო დაგეგმილი, ყველაფერი შესრულდა. დეფექტის 80% დახურულია. 2-3 კვირაში კიდევ დასჭირდება ოპერაციის მეორე ეტაპი, იმისთვის, რომ ძვლოვანი დეფექტი სრულფასოვნად დავხუროთ“, – აღნიშნავს “კარაპს მედლაინის” პლასტიკური-რეკონსტრუქციული ქირურგიის დეპარტამენტის ხელმძღვანელი, ალექსანდრე კლანტროვი მედიასთან საუბრისას.
