ჯანდაცვის სამინისტროს დაავადებათა კონტროლისა და საზოგადოებრივი ჯანმრთელობის ეროვნული ცენტრი მასპინძლობს ჯანმრთელობის მსოფლიო ორგანიზაციის ვირუსული ჰეპატიტების ელიმინაციის საერთაშორისო ვალიდაციის მისიის. ამ პროცესში შეფასდება საქართველოს მიერ მიღწეული პროგრესი ვირუსული ჰეპატიტების წინააღმდეგ ბრძოლაში, განსაკუთრებით C ჰეპატიტის ელიმინაციისა და B ჰეპატიტის დედიდან შვილზე გადაცემის საკითხებში. საქართველოში C ჰეპატიტის მქონე პაციენტების განკურნების მაჩვენებელი ოთხმოცდათხუთმეტ პროცენტს აღწევს, ხოლო B ჰეპატიტის პრევენციის მიმართულებით მიღწეული შედეგები ასევე შთამბეჭდავია. პრაქტიკული რჩევა: თუ თქვენ ან თქვენი ახლობლები გაქვთ კითხვები ვირუსული ჰეპატიტების შესახებ, მიმართეთ ექიმს და გაიარეთ სკრინინგი.
ჯანდაცვის სამინისტროს დაავადებათა კონტროლისა და საზოგადოებრივი ჯანმრთელობის ეროვნული ცენტრი ჯანმრთელობის მსოფლიო ორგანიზაციის (WHO) ვირუსული ჰეპატიტების ელიმინაციის საერთაშორისო ვალიდაციის მისიას მასპინძლობს.
საერთაშორისო მისიის ფარგლებში შეფასდება საქართველოს მიერ ვირუსული ჰეპატიტების წინააღმდეგ ბრძოლის მიმართულებით მიღწეული პროგრესი, კერძოდ, C ჰეპატიტის ელიმინაციისმიმართულებით განხორციელებული ღონისძიებები და B ჰეპატიტის დედიდან შვილზე გადაცემის ელიმინაციის შედეგები. ასევე, სტუმრები ადგილზე თავად გაეცნობიან, ქვეყანაში ვირუსული ჰეპატიტების პრევენციის, სკრინინგის, დიაგნოსტიკისა და მკურნალობის პროგრამებს.
მისიის წარმომადგენლები შეხვდნენ ჯანდაცვის მინისტრს. შეხვედრები გაიმართა დაავადებათა კონტროლის ცენტრის ხელმძღვანელობასთანაც. აღინიშნა, რომ საერთაშორისო ვალიდაციისპროცესი საქართველოსთვის მნიშვნელოვანი ეტაპია ვირუსული ჰეპატიტების ელიმინაციისმიმართულებით მიღწეული პროგრესის შეფასების, შედეგების მდგრადობის უზრუნველყოფისა და ჯანმრთელობის მსოფლიო ორგანიზაციის უმაღლესი ოქროს დონის საერთაშორისო აღიარების მოპოვების გზაზე.
სპეციალისტების განმარტებით, საქართველოში მიღწეული პროგრესი ეფუძნება თანმიმდევრულ სახელმწიფო პოლიტიკას, ძლიერ საერთაშორისო პარტნიორობასა და ქართველი ექიმების, მეცნიერებისა და საზოგადოებრივი ჯანმრთელობის სპეციალისტების მრავალწლიან პროფესიულ საქმიანობას.
ვიზიტის ფარგლებში საერთაშორისო ექსპერტებმა რიჩარდ ლუგარის სახელობის საზოგადოებრივი ჯანმრთელობის კვლევითი ცენტრიც დაათვალიერეს და მის შესაძლებლობებსა და საქმიანობის ძირითად მიმართულებებს გაეცნენ.
აღსანიშნავია, რომ საქართველომ C ჰეპატიტის ელიმინაციის მასშტაბური სახელმწიფო პროგრამა 2015 წელს დაიწყო და ათწლეულის განმავლობაში მნიშვნელოვან პროგრესს მიაღწია. ამჟამად C ჰეპატიტის მქონე პაციენტების განკურნების მაჩვენებელი 99%-ს აღწევს. მნიშვნელოვანი შედეგებია მიღწეული B ჰეპატიტის პრევენციის მიმართულებითაც: ბავშვებში B ჰეპატიტის გავრცელება 0,03%-ს შეადგენს, ახალშობილებში დაბადებისას ვაქცინაციის მოცვა 95,5%-ია, ხოლო სამ-დოზიანი ვაქცინაციის მოცვა — 90,5%.
საერთაშორისო მისიას დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალური დირექტორი ირაკლი ფურცელაძე, მოადგილეებთან პაატა იმნაძესთან, ირმა ხონელიძესთან, ეკა ადამიასთან და ია ახალაიასთან, ასევე ცენტრის სხვა წარმომადგენლებთან ერთად მასპინძლობს.
