✅საშარდე გზების ინფექცია ქალებში
✅რა არის ცისტიტის ძირითადი გამომწვევი მიზეზი?
✅ცისტიტის სიმპტომები
კიდევ ერთი მნიშვნელოვანი ფაქტორი ქალებში საშარდე გზების ინფექციების გაზრდილ რისკთან არის მათი მოკლე შარდსადენი მილი, რომელიც პერიანალური ზონასთან და საშოსთან ახლოს მდებარეობს. ეს არქიტექტურული თავისებურება ქმნის პირობებს, სადაც ნაწლავის ჩხირი იძენს შარდსადენ მილში გადასვლის შესაძლებლობას და ინფექციის გავრცელებას.
არაერთი ფაქტორი ხელს უწყობს საშარდე გზების ინფექციის განვითარებას, მათ შორის სქესობრივი ცხოვრება, რომელიც საშოს ფლორის ცვლილებას იწვევს და ხელს უწყობს ბაქტერიის გამრავლებას. ამ პროცესის დროს გამწვავება ხშირად ხდება, და ინფექცია გადადის შარდსადენ მილში.
სიმპტომები:
- გახშირებული შარდვა
- ტკივილი და წვა მოშარდვის დროს
- ტკივილი შარდის ბუშტის მიდამოში
- შარდის სუნის ცვლილება (მძაფრი და სპეციფიკური სუნი)
- თირკმელების ანთება (წელის ტკივილი, ცხელება, ოფლიანობა, მაჯის წნევის ცვლილება)
დაუყოვნებლივ ექიმთან ვიზიტის მიზეზები: თუ შეამჩნევთ შარდის სუნის ცვლილებას ან სხვა სიმპტომების გაუარესებას, უმჯობესია, სასწრაფოდ მიმართოთ ექიმს.
ორსულობისას საშარდე გზების ინფექციები განსაკუთრებული ყურადღებით უნდა იქნას გაკონტროლებული. ორსულობის დროს შარდსაწვეთების შეკუმშვადობა იცვლება, რაც ინფექციის განვითარებას უწყობს ხელს.
საშარდე გზების ინფექციების მკურნალობა დროული დიაგნოზისა და მკურნალობის შემთხვევაში, როგორც ქალებში, ისე მამაკაცებში, წარმატებით ხდება. ამიტომ მნიშვნელოვანია არ მიატოვოთ ეჭვები და დაუყოვნებლივ მიმართოთ უროლოგს.
ზოგადად, საშარდე გზების ინფექციები ამბულატორიულ-უროლოგიურ პრაქტიკაში, დაახლოებით, 20%-ს შეადგენს. ამის ძირითადი მიზეზი არის ის პროცესი, რომელიც ჯერ კიდევ ნაწლავში იწყება. საშარდე გზების გამომწვევი ნომერ პირველი ბაქტერია ნაწლავის ჩხირია. ნაწლავის ჩხირი ნაწლავში ბინადრობს, ცხოვრობს და რაღაც გარკვეული ფუნქცია-მოვალეობა აქვს. მაგრამ, აღნიშნული ბაქტერია განიცდის მუტაციას. ხშირად ეს შეიძლება, გენეტიკურიც იყოს. ახალგაზრდა გოგონასთან ეს პრობლემა რომ იწყება, შესაძლოა, დედასთან, ბებიასთან, დეიდასთანაც იყო.
როდესაც აღნიშნული ბაქტერიის მუტაცია მოხდება, ის ნაწლავიდან მოძრაობას იწყებს. გამოდის გარეთ, პერიანალურ ზონაში, გაივლის საშოს და შარდსადენ მილთან ახლოსაა. რაღაც მომენტში, ის იქ გაჩერდება და შემდეგი რამ იწყება: გოგონა სქესობრივად აქტიურ ცხოვრებას იწყებს. რა თქმა უნდა, მანამდეც შეიძლება, 1-2 გამწვავება იყოს. მაგრამ, სქესობრივი ცხოვრების დროს უფრო აქტიურდება. სქესობრივი ცხოვრება საშოს ფლორას ძალიან ცვლის. საშოს ფლორის შეცვლა ნაწლავის ჩხირის ბაქტერიის ზრდას განაპირობებს და ერთადერთი გზა, სადაც შეიძლება, გადავიდეს, შარდსადენი მილია. შემდეგ უკვე საშარდე გზების ინფექცია გვეწყება.
უხშირესი სიმპტომებია: გახშირებული შარდვა, წვა, ტკივილი მოშარდვის დროს და ტკივილი შარდის ბუშტის საპროექციო მიდამოში. ეს ძირითადი გამოვლინებაა. თუ ეს პროცესი შარდის ბუშტის პრობლემითაა შემოფარგლული, ტემპერატურული რეაქცია არ გვაქვს. ხოლო, თუ ანთებით პროცესში თირკმელიცაა ჩართული, მაშინ შესაძლოა, წელის ტკივილი, შემცივნება, ცხელება, ოფლიანობა, მაჯის წნევის დაცემა ან პირიქით, მატება აღინიშნებოდეს.
სიმპტომებიდან კიდევ ერთ დეტალს გამოვყოფდი – შარდმა შეიძლება, სუნი შეიცვალოს და სპეციფიკური, მძაფრი სუნის მატარებელი გახდეს. მეტიც, შესაძლოა, პრობლემა სრულად უსიმპტომოდ მიმდინარეობდეს და ერთადერთი ნიშანი შარდის სუნის შეცვლა იყოს. როდესაც შარდს სპეციფიკური სუნი აქვს, ამ დროს ძალიან ფხიზლად უნდა ვიყოთ და ექიმს მივმართოთ.
ხშირია შემთხვევა, როდესაც ეს პრობლემა ელოდება ისეთ ფიზიოლოგიურ მოვლენას, როგორიცაა ორსულობა. ორსულობის დროს არაერთი ფიზიოლოგიური ცვლილებაა, შარდის გამოდინების დაყოვნება ნაყოფის ზეწოლის გამოა, შარდსაწვეთების შეკუმშვადობა უფრო ნაკლები. ეს ბაქტერიაც ასეთ წვრილმან დეტალებს ელოდება და მერე უკვე ვლინდება.
