ჯანდაცვის მინისტრის მიხეილ სარჯველაძის განცხადებით, სახელმწიფოსა და ბიზნესის თანამშრომლობა აუცილებელია პაციენტის ინტერესების დაცვის მიზნით. მინისტრმა ბიზნესასოციაციის კონფერენციაზე აღნიშნა, რომ ჯანდაცვის სფეროში მჭიდრო თანამშრომლობა და აქტიური დიალოგი აუცილებელია, განსაკუთრებით ფარმაცევტული პროდუქტების ფასწარმოქმნის საკითხში. მისი თქმით, ყველა მხარე უნდა ხელმძღვანელობდეს პაციენტის საუკეთესო ინტერესებით. ასევე, ყურადღება გამახვილდა შრომის უსაფრთხოების სტანდარტების გაუმჯობესებაზე, რაც მთავრობისა და ბიზნესის შორის დიალოგის შედეგია. პრაქტიკული takeaway არის, რომ აქტიური კომუნიკაცია და თანამშრომლობა აუცილებელია ჯანდაცვის სისტემის ხარისხის გაუმჯობესებისთვის.
ჯანდაცვის მინისტრმა მიხეილ სარჯველაძემ ბიზნესასოციაციის კონფერენციის – „ბიზნესგარემო საქართველოში, დიალოგი მთავრობასა და ბიზნესს შორის“ ფარგლებში, პანელურ დისკუსიაში მიიღო მონაწილეობა.
მინისტრმა ჯანდაცვის სფეროში სახელმწიფოსა და კერძო სექტორს შორის მჭიდრო თანამშრომლობის მნიშვნელობაზე, გამოწვევებსა და სამომავლო გეგმებზე ისაუბრა.
უწყების ხელმძღვანელის განცხადებით, ჯანდაცვის სფეროში ბიზნესთან თანამშრომლობა განსაკუთრებულ მიდგომას საჭიროებს. მისივე თქმით, ჯანდაცვის სისტემაში ჩართული ყველა მხარე პაციენტის საუკეთესო ინტერესებით უნდა ხელმძღვანელობდეს.
მიხეილ სარჯველაძემ დისკუსიისას განსაკუთრებული ყურადღება ფარმაცევტული პროდუქტების ფასწარმოქმნის საკითხს დაუთმო და აღნიშნა, რომ ამ მიმართულებით მნიშვნელოვანია სახელმწიფოსა და ბიზნესს შორის აქტიური თანამშრომლობა და მუდმივი კომუნიკაცია, რათა ფასებთან დაკავშირებული საკითხები სათანადოდ იყოს შესწავლილი და გათვალისწინებული.
შეხვედრაზე ხაზი გაესვა სახელმწიფოსა და ბიზნესს შორის უწყვეტი დიალოგის მნიშვნელობას ასევე – შრომის ინსპექციის სამსახურის საქმიანობის შედეგად სამუშაო ადგილებზე შრომის უსაფრთხოების სტანდარტების გაუმჯობესებასა და უსაფრთხო სამუშაო გარემოს უზრუნველყოფის მიმართულებით მიღწეულ პროგრესს.
ღონისძიებას, რომელიც პრემიერ-მინისტრმა ირაკლი კობახიძემ გახსნა, საქართველოს მთავრობის, პარლამენტის წევრები და ბიზნესსექტორის წარმომადგენლები დაესწრნენ.
