27 ივნისს ბათუმის სამედიცინო გაერთიანება „მედცენტრის“ პაციენტთა საბჭოების პირველი შეხვედრა გაიმართა – კანადური სტანდარტი ქართულ კლინიკებში

პაციენტთა კმაყოფილების კვლევის პროცესში აქტიურად არის ჩართული ბათუმის სამედიცინო გაერთიანება „მედცენტრი“, რომელშიც შედის კლინიკები:

1. შპს ,,მაღალტექნოლოგიური ჰოსპიტალი მედცენტრი” (პუშკინის ქუჩა)
2. შპს ,,მაღალტექნოლოგიური ჰოსპიტალი მედცენტრი (ბაგრატიონის ქუჩა)
3. შპს ,,სოლომედი”
4. შპს ,,ინოვაციური მედიცინის საუნივერსიტეტო კლინიკა”
5. შპს “საოჯახო მედიცინის რეგიონული ცენტრი”

აღნიშნულ კლინიკებში, გარდა პაციენტთა კმაყოფილების კვლევისა, ასევე შეიქმნა „პაციენტთა საბჭოები“, რომელთა პირველი შეხვედრა 27 ივნისს ქალაქ ბათუმში გაიმართა.

პს “საოჯახო მედიცინის რეგიონული ცენტრის” პაციენტთა საბჭო:

• თეონა შავაძე 
• ქრისტინე ბროლაძე 
• ია საგინაძე 
• სოფო კონცელიძე  
• ლია ცისკარიძე    
• უმიკო ბოლქვაძე    
• მარინა ტუსკია 
• ია თოდრია       
• ნინო ცხვარაძე           
• ლიზი ჯიჯავაძე      
• ანრი ცინცქილაძე      

შპს ,,მაღალტექნოილოგიური ჰოსპიტალი მედცენტრის“ (პუშკინის ქ)/ სოლომედი – პაციენტთა და მრჩეველთა საბჭო:

• ლელა ქაჯაია
• გიორგი გელავა
• ქეთი დევაძე
• ზაზა ჩხაიძე
• გიორგი მურვანიძე
• კახა ჯიჯიეშვილი
• ირმა პაპუნიძე
• ნანული კოკობინაძე
• ბესო ფარტენაძე

შპს ,,მაღალტექნოილოგიური ჰოსპიტალი მედცენტრის“(ბაგრატიონის ქ)  პაციენტთა და მრჩეველთა საბჭო:

• ლია სეიდიშვილი
• დოდო ჭანტურაია
• გიორგი კოვალიოვი
• გიორგი მექვაბრიშვილი
• ნუცა კვიტაიშვილი
• ირმა ჯაში
• ქეთევან ანთიძე – ჩიტიშვილი
• სვეტლანა ჯაკონია
• ვახტან ადამია
• თამაზ ზოიძე

შპს “ინოვაციური მედიცინის საუნივერსიტეტო კლინიკა” – პაციენტებისა და ოჯახების მრჩეველთა საბჭო:

• ნელი ჯორთმენაძე;
• ლიკა აბულაძე;
• ნატალია დანირაშვილი;
• თამუნა ხუციშვილი;
• მადონა გოგუაძე;
• ვარდო ჯორთმენაძე;
• გოჩა ალფენიძე;
• ია გოგიტიძე;
• ცირა გობაძე.

პაციენტები რეგულარულად – თვეში ერთხელ შეიკრიბებიან და იმსჯელებენ პაციენტთა კვლევის შედეგად გამოკვეთილ საკითხებზე, რადგანაც ეს მნიშვნელოვანი იქნება კლინიკების განვითარებისთვის. 

„პაციენტთა საბჭოების“ პირველ შეხვედრას დაესწრნენ სამედიცინო გაერთიანება “მედცენტრის” წარმომადგენლები; პაციენტთა საბჭოების სამდივნოს ხელმძღვანელი, იოსებ დემეტრაშვილი და “აკრედიტაცია კანადის საზოგადოებასთან ურთიერთობის ხელმძღვანელი თათია გოჩაძე.

აქვე აღვნიშნავთ, რომ „შენი ექიმი“ აქტიურად გააშუქებს ყველა კლინიკაში პაციენტთა ჩართულობის საკითხს.

ჩემთვის, როგორც პაციენტისთვის, მნიშვნელოვანი არის სანდოობა ამა თუ იმ კლინიკის. როცა ორი შვილი გაზარდე და ენდობი კლინიკას, შემდეგ რეკომენდაციას უწევ ყველასთან სამედიცინო დაწესებულებას. ჩემთვის მნიშვნელოვანია კლინიკის მიდგომა, პაციენტებისადმი დამოკიდებულება და პროფესიონალიზმი. 

  კლინიკისთვის მნიშვნელოვანი არის უკუკავშირი და თუ კი ჰყავს განაწყენებული პაციენტი, უნდა ხდებოდეს მიზეზის კვლევა, რათა შემდეგ შეეცადოს პრობლემის გამოსწორებას. ყოველთვის ყველა ვერ ვიქნებით მართალი, შეიძლება რიგ შემთხვევაში პაციენტია მართალია, რიგ შემთხვევაში კი კლინიკა, მაგრა ეს საკითხი უნდა განიხილებოდეს აუცილებლად. 

  მე ხაზგასმით შემიძლია ვთქვა, რომ ამ ქალაქში რეკომედაციას ვუწევ „საოჯახო მედიცინის რეგიონულ ცენტრს,’’ სადაც ნამდვილად არის პროფესიონალ ექიმთა გუნდი, რომლებიც ორიენტირებული არიან ხარისხზე და ამ ხარისხში პირველ რიგში იგულისხმება პაციენტი – რომ მას მიაწოდონ ყველა სერვისი და მაქსიმალურად დაიხარჯონ პაციენტისთვის.“

გთავაზობთ პაციენტთა საბჭოების სხვა წევრების კომენტარებსაც:

მადონა გოგუაძე:

„მივესალმები, რა თქმა უნდა, ამ ინიციატივას, მომეწონა ძალიან და ვაპირებ, რომ აქტირად ჩავერთო. პაციენტთა ინტერესი, მოთხოვნა გათვალისწინებული უნდა იყოს და თუ რაიმე ხარვეზი არის,გაითვალისწინებენ. მე მომსახურებით კმაყოფილი ვარ ჩემს ოჯახის ექიმთან.“

 ბოლქვაძე უმიკო:

„ძალიან მომწონს, კარგია განვითარებისთვის რა თქმა უნდა. დიდი ხანია, ვარ პაციენტი და ძალიან კმაყოფილი ვარ“.

ია ცისკარაძე:

„მივესალმები ჩვენს ჩართლობას და იმედი მაქვს, ამით პროცესი კლინიკებში უკეთესობისკენ წავა.“

ნათელა ოდუშაშვილი:

„ექიმი გახლავართ. პაციენტების ჩართულობა ძალიან ღირებულია, რადგან ჩვენი ქმედება დამოკიდებულია იმაზე, თუ რას ფიქრობს პაციენტი. მისი აზრი ნესბიმიერი ჩვენი ქმედებისადმი არის ის ღირებული ინფორმაცია, რომლის შედეგად შეიძლება ჩვენ შევცვალოთ ან დავგეგოთ სხვანაირად. ამიტომ მათი აქტიური ჩართვა ჩვენთვის იქნება უმნიშვნელოვანესი.“

ლიზი ჯიჯავაძე:

„რა თქმა უნდა, მივესალმები ამ წამოწყებას. პაციენტების აზრი უფრო მიღებული და გაგებული იქნება, ურთიერთშეთანხმებით უკეთესს შედეგზე გავალთ. კმაყოფილი ვარ არ მკლინიკის მომსახურებით“.

მარი ტუსკია:

„მივესლამები ამ წამოწყებას, მიხარია, რომ პაციენტების მდგომარეობას უფრო უკეთესად გავიგებთ და სათანადო დონეზე ავიყვნთ ყველა სერვისის მომსახურებას.“

დოდო ჭანტურაია:

„დადებითად ვუყურებ ამ ჩართულობას. ძალიან დიდი მნიშვნელობა აქვს სამედიცინო პერსონალსა და პაციენტს შორის კომუნიკაციას. მადლიერ პაციენტზე უკეთესი არაფერია“.

ლელა ქაჯაია:

„აუცილებელი და დროული გადაწყვეტილებაა, ძალიან კარგი ინიციატივაა და მივესალმებით“.

ქეთი დევაძე:

„ძალიან სასიამოვნოა, როდესაც სერვისს იღებ და თან გისმენენ, გეკითხებიან – როგორ გსურს ამ სერვისის მიღება, ხარ თუ არა კმაყოფილი. ვეცდები, რომ ღირებული იყოს ჩემი მონაწილეობა.“

სოფო კონცელიძე:

„ძალიან სასიამოვნ, მნიშვნელოვანი და ნამდვილად ღირებულია, რასაც თქვენ გააკეთებთ. ეს ურთიერთშეთანხმება ძალიან საინტერესოა პაციენტისთვის და ჩვენი შეფასება, რა თქმა უნდა, შედეგს გამოიღებს.“

ნუციკო კვიტაიშვილი:

„პაციენტისთის ძალიან მნიშვნელოვანია, იცოდე –  არიან თუ არა პაციენტები კმაყოფილი კლინიკის მომსახურებით. ჩემთვის ძალიან მნიშვნელოვანია ეს წამოწყება.“

ჯაკონია სვეტლანა:

 

„პაციენტების ჩართულობა აუცილებელია. მე თავად ღვიძლი გადავინერგე და მახსოვს, როგორ შიშით ვუყურებდი ამ პროცესს თავიდან. ამიტომ ვფიქრობ, მნიშვნელოვანია პაციენტების ინფორმირებულობა ამ საკითხთან დაკავშირებით. აუცილებელია, პაციენტს, რომელიც გადანერგვის წინაშე დგას, ჰქონდეს სათანადო ინფორმაცია. ძალიან დიდი მადლობა კლინიკას, ყველა ექიმს.“

ნანუკა ჯორთმელაძე:

„მადლობა მოწვევისათვის, მინდა რომ ჯანდაცვის სისტემა უკეთესობისკენ წავიდეს“. ქეთი ანთიძე:

„მე მადლობას მოვახსენებ რეფერალურ სავადმყოფოს და მთელ პერსონალს, ფაქტობრივად, ათი წელი ჩემი მეუღლე აცოცხლეს. მე თვითონ ვარ ძალიან მადლიერი პაციენტი, ყოველთვის გავუწევ რეკომედაციას, ხალხი სამკურნალოდ თურქეთში რატომ უნდა მიდიოდეს? – დროულად უნდა მიხვიდე, სწორ ექიმთან, რომლებიც ჩვენთან საკმაოდ მრავლად გვაყვს. მე აქტიურად ჩავერთვები ამ პროცესში“

 მამუკა ჩხაიძე:

„რა თქმა უნდა, კარგი წამოწყებაა. პაციენტი როცა ერთვება კლინიკის მუშაობაში, ეს გამოიწვევს ამ სფეროში, ჯანდაცვის სფეროში მომსახურების გაუმჯობესებას“

პაციენტების ჩართულობა კლინიკების განვითარების პროცესში, საქართველოს ისტორიაში სიახლეა და მიმართულია ჯანდაცვის ხარიხსის გაუმჯობესებისკენ. 

 სამედიცინო გაერთიანება „მედცენტრი“  საერთაშორისო აკრედიტაციის პროცესს გადის მსოფლიოში ერთ-ერთი უმსხვილესი მააკრედიტირებელი ორგანიზაციის – „აკრედიტაცია კანადის“ სტანდარტების მიხედვით და პაციენტთა ჩართულობა კლინიკის განვითარების პროცესში სწორედ დასავლური სტანდარტის უმაღლესი ხარისხია.

ამიტომ სამედიცინო გაერთიანება „მედცენტრის“ მხრიდან ეს გადადგმული ნაბიჯი საზოგადოების ინტერესებსა და სამედიცინო სერვისის მიწოდების ხარისხის ამაღლებაზეა ორიენტირებული.

ყველაფერ აღნიშნულის ინიციატორი გახლავთ ჯანდაცვის მსოფლიო ექპსერტი, პროფესორი გიორგი ფხაკაძე, რომელიც საქართელოში „აკრედიტაცია კანადის“ წარმომადგენელია.

ცნობისთვის: “პაციენტთა საბჭო“  შეიქმნება ყველა იმ კლინიკაში, რომლებიც საერთაშორისო აკრედიტაციის პროცესს გადიან მსოფლიოში ერთ-ერთი უმსხვილესი მააკრედიტირებელი ორგანიზაციის „აკრედიტაცია კანადის“ ჩართულობით. აღნიშნული ინიციატივა ეფუძნება დასავლურ სტანდარტებს და მოტივირებულია ჯანდაცვის მომსახურების ხარისხის გაუმჯობესების მისაღწევად.

რაც შეეხება პაციენტთა კმაყოფილების კვლევას, აღნიშნული გამოკითხვა უკვე ტარდება ყველა იმ კლინიკაში, რომელიც ასევე აკრედიტაციის პროცესს გადის „აკრედიტაცია კანადის“ სტანდარტების მიხედვით. გამოკითხვა შესაძლებელია QR კოდის დასკანერების საშუალებით, რომელიც განთავსებულია ყველა აღნიშნულ კლინიკაში და ასევე ვებპორტალზე – sheniekimi.ge.

გამოკითხვა მომზადებულია და ტარდება ,,საქართველოს საზოგადოებრივი ჯანდაცვის ინსტიტუტის” მიერ საერთაშოროსო ,,აკრედიტაცია კანადის” (Accreditation Canada)-ის სტანდარტების მიხედვით, სამედიცინო დაწესებულების მომსახურების ხარისხის გაუმჯობესების მიზნით.

კვლევის მიზანია, პაციენტის სამედიცინო მომსახურების გაწევის/მიღების პროცესის შესწავლა; არსებული სამედიცინო მომსახურების, საერთაშორისო ხარისხის სტანდარტების შესაბამისად გაუმჯობესება; საჭირო სტანდარტების დანერგვის აუცილებლობის და საჭიროების გამოვლენა; შესაბამისი რეკომენდაციების შემუშავება.

მკვლევარი: საერთაშორისო “აკრედიტაცია კანადის” წარმომადგენლი საქართველოში ექიმი პროფესორი, გიორგი ფხაკაძე.

აღსანიშნავია, რომ გამოკითხვა ანონიმურია და რესპონდენტის იდენტიფიცირება შეუძლებელია. კითხვარის შევსების დროს პირადი მაიდენტიფიცირებელი მონაცემები არ ივსება.

შევსებული ინფორმაცია კონფიდენციალურია და ორიენტირებულია მხოლოდ შედეგზე, რაც გულისხმობს სამედიცინო მომსახურების მიწოდების ხარისხის შესწავლას და გაუმჯობესებას.

ანონიმურობა დაცული იქნება კვლევის ყველა ეტაპზე.

აღნიშნული კვლევის შესახებ დამატებითი კითხვების შემთხვევაში, დეტალური ინფორმაციის მისაღებად გთხოვთ, დაუკავშირდეთ:

,,საქართველოს საზოგადოებრივი ჯანდაცვის ინსტიტუტის’’ პაციენტთა საბჭოების სამდივნოს ხელმძღვანელს: იოსებ დემეტრაშვილს.
საკონტაქტო: +995 555 423 845
info@accreditation.ge
მისამართი: საქართველო, თბილისი, ბეთლემის აღმართი 3, საფოსტო ინდექსი: 0105 www.sheniekimi.ge