„ასე რომ ლობირებთ ამ ჩინურ ვაქცინას, რამე კვლევა გაგვიზიარეთ…„ფაიზერსა“ და „მოდერნას“ საკმაოდ…“

https://academic.oup.com/brain/advance-article/doi/10.1093/brain/awab148/6226391?fbclid=IwAR2HpKwOW0ZEzlndoz0BPHjC6ADGhHlQN24M0W1K0dwwWUn5Wv7d2HR8mVY

SARS-CoV-2 ინფექციით დაავადებულ ბევრ პაციენტს უვითარდება ნევროლოგიური ნიშნები და სიმპტომები, მაგრამ დღემდე არ არსებობს მტკიცებულებები, რომ ტვინის პირველადი ინფექცია მნიშვნელოვანი ხელშემწყობი ფაქტორია.

წარმოგიდგენთ SARS-CoV-2 ინფექციით ზედიზედ 41 პაციენტის კლინიკურ, ნეიროპათოლოგიურ და მოლეკულურ დასკვნას, რომლებიც გარდაიცვალა, ჩატარდა კვლევა სამედიცინო ცენტრში. საშუალო ასაკი იყო 74 წელი (38–97 წელი), 27 პაციენტი (66%) იყო მამაკაცი და 34 (83%) იყო ესპანური / ლათინქსის ეთნიკური წარმომადგენელი. 24 პაციენტი (59%) მოათავსეს რეანიმაციულ განყოფილებაში (ICU). ხშირი იყო გართულებები, 8 (20%) ღრმა ვენის თრომბოზით / ფილტვის ემბოლიით (DVT / PE), 7 (17%) თირკმლის მწვავე დაზიანება, რომლებიც საჭიროებენ დიალიზს და 10 (24%) სისხლის დადებითი კულტურებით. რვა (20%) პაციენტი გარდაიცვალა საავადმყოფოში მიღებიდან 24 საათში, 11 (27%) გარდაიცვალა საავადმყოფოში მიღებიდან 4 კვირაზე მეტი ხნის შემდეგ. თითოეულის 20-30 უბნის ნევროპათოლოგიურმა გამოკვლევამ გამოავლინა ჰიპოქსიური / იშემიური ცვლილებები ყველა თავის ტვინში, როგორც გლობალურ, ისე კეროვანში; დიდი და მცირე ინფარქტები, რომელთა უმეტესობა ჰემორაგიული აღმოჩნდა; მიკროგლიალური აქტივაცია მიკროგლიალური კვანძებით, რომელსაც თან ახლავს ნეირონოფაგია, განსაკუთრებით თვალსაჩინოა ტვინის ღეროში. ჩვენ დავაკვირდით იშვიათი T ლიმფოციტების დაგროვებას პერივავასკულურ რეგიონებში ან თავის ტვინის პარენქიმაში. ტვინში იყო დიდი არტერიების ათეროსკლეროზი და არტერიოლოსკლეროზი, თუმცა არც ერთს არ ჰქონდა ვასკულიტის მტკიცებულება. თვრამეტი (44%) შეიცავს ნეიროდეგენერაციული დაავადებების პათოლოგიებს, რაც არ არის მოულოდნელი ჩვენი პაციენტების ასაკის გათვალისწინებით. ჩვენ შეისწავლეთ მრავალი ახალი გაყინული და ფიქსირებული ქსოვილი, 28 ტვინიდან ვირუსული RNA და ცილის არსებობის მიზნით, რაოდენობრივი უკუტრანსკრიპტაზის PCR (qRT-PCR), RNAscope და იმუნოციტოქიმიის გამოყენებით, პრაიმერების, ზონდების და ანტისხეულების გამოყენებით, რომლებიც მიმართავენ სპაიკისა და ნუკლეოკაფსიდის რეგიონებს. qRT-PCR გამოვლინდა ტვინის უმეტეს ნაწილში დაბალიდან ძალიან დაბალი, მაგრამ შესამჩნევი ვირუსული RNA დონის, თუმცა ისინი გაცილებით დაბალია, ვიდრე ცხვირის ეპითელიაში. რნმ-სკოპმა და იმუნოციტოქიმიამ ვერ აღმოაჩინეს ვირუსული RNA ან ცილა თავის ტვინში. ჩვენი დასკვნების თანახმად, COVID-19 თავის ტვინში გამოვლენილი ვირუსის დონე ძალიან დაბალია და არ კორელაციაშია ჰისტოპათოლოგიურ ცვლილებებთან. ეს დასკვნები ცხადყოფს, რომ მიკროგლიალური გააქტიურება, მიკროგლიალური კვანძები და ნეირონოფაგია, რომლებიც აღინიშნება ტვინის უმრავლესობაში, არ არის გამოწვეული ტვინის პარენქიმის პირდაპირი ვირუსული ინფექციით, არამედ სისტემური ანთებით, შესაძლოა ჰიპოქსია / იშემიისგან სინერგიული წვლილით. საჭიროა დამატებითი გამოკვლევები, შეიძლება თუ არა ამ პათოლოგიებმა, COVID-19– ით გადარჩენილ პაციენტებში, ხელი შეუწყოს ქრონიკულ ნევროლოგიურ პრობლემებს.

ლინკი:

კლინიკური გამოკვლევების თანახმად, მაღალი ეფექტურობაა # COVID19 # ვაქცინისთვის, მაგრამ საჭიროა ვაქცინის ეფექტურობის შეფასება რეალურ გარემოში და მაღალი რისკის მქონე პოპულაციებში მწვავე შედეგების საწინააღმდეგოდ, უფროსი ასაკის პირების ჩათვლით. 2021 წლის იანვრიდან მარტამდე აშშ – ს საავადმყოფოების მრავალსახელმწიფოებრივ ქსელში #PfizerBioNTech– ის ან #Moderna #COVIDvaccines– ის მიღება იყო 94% ეფექტური COVID-19 ჰოსპიტალიზაციის საწინააღმდეგოდ სრულად ვაქცინირებულ მოზრდილებში და 64% ეფექტური იყო ნაწილობრივ ვაქცინირებულ მოზრდილებში ≥65 წლის ასაკში. # SARSCoV2 ვაქცინა მნიშვნელოვნად ამცირებს COVID-19 ასოცირებული ჰოსპიტალიზაციის რისკს ხანდაზმულ მოზრდილებში. შეიძლება გამოიწვიოს COVID- ის შემდგომი პირობების და სიკვდილიანობის თანაზომიერი შემცირება“.

ლინკი:https://www.cdc.gov/mmwr/volumes/70/wr/mm7018e1.htm?s_cid=mm7018e1_w&fbclid=IwAR0yeK7Y-B1Aj3iyfBdjtFiJojt4rTmhOsn_MHCGh2YjppADb8x_xKJRZrM

„ფაიზერი რომ ეფექტურია, ამის არაერთი კვლევაა. იხილეთ კიდევ ერთი საკმაოდ საინტერესო კვლევა, სადაც ნათლად ჩანს, რომ ბოლო მონაცემებით შეერთებულ შტატებში „ფაიზერსა“ და „მოდერნას“ საკმაოდ კარგი შედეგები აქვს. ინფორმაციისთვის, დღეის მდგომარეობით მსოფლიოში 1 მილიარდი „ფაიზერის“ ვაქცინა უკვე გამოყენებულია.

ერთი ამგვარი ტიპის კვლევები მანახა რუსულ და ჩინურ ვაქცინებზე … მარტო პოლიტიკური და კორუფციული ტიპის კვლევები არის ხელმისაწვდომი და მეცნიერული კვლევების ხარისხისა რა მოგახსენოთ.
კიდევ რამოდენიმე კვლევა ვაქცინების – „ფაიზერი“ და „ასტრაზენეკა“
რუსული და ჩინური კვლევები სად არის
82 ექსპერტმა, ვაქცინაციის გეგმა რომ მოამზადეს ან ვაქცინაციის საბჭოს წევრებმა გამოაქვეყნონ ამ ჩინური ვაქცინის შესახებ რამე. ასე რომ ლობირებთ ამ ჩინურ ვაქცინას, რამე კვლევა გაგვიზიარეთ…“, – წერს პროფესორი, ორგანიზაციის – „აკრედიტაცია საზღვრების გარეშე“ – ხელმძვანელი გიორგი ფხაკაძე.

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

„კიდე რა მტკიცებულებას ელოდებით? – სტატისტიკა, მეცინიერება თუ იცი და უბრალოდ საღი აზრი თუ გაქვს…

მიერ

ნოემბერი 14, 2021

24/09/2021

ავტორი: ირინა დათაშვილი

#drpkhakadze #accreditationge #გიორგიფხაკაძე

„დღე მსოფლიოში 6 მილიარდი დოზა კოვიდ ვაქცინა არის გამოყენებული 3.4 მილიარდ ადამიანზე

თითქმის დედამიწის ნახევარი არის ვაქცინირებული

კიდე რა მტკიცებულებას ელოდებით?

ყველა მაჩვენებლებით და ყველა მტკიცებულებებით (ნაკლებ ეფექტური ვაქცინების ჩათვლით) ვაქცინაცია არის უსაფრთხო

რავი, სტატისტიკა, მეცინიერება თუ იცი და უბრალოდ საღი აზრი თუ გაქვს ამას რაღა უნდა დაუმატო?“- წერს პროფესორი, ორგანიზაცია – „აკრედიტაცია საზღვრების გარეშე“ ხელმძვანელი, გიორგი ფხაკაძე.

MD, MPH, PhD

#ПрофессорПхакадзе

„უკვე განვახორციელეთ კონკრეტული საპილოტე პროექტი, რომელიც წარმატებით მიმდინარეობს და არაერთმა …“

მიერ

ნოემბერი 14, 2021

25 ოქტომბერი, 2021

#drpkhakadze

„აკრედიტაცია საზღვრების გარეშე,

უწყვეტი სამედიცინო განათლების ტექნიკური ჯგუფის შეხვედრა.

ჯანდაცვის სისტემა ვერ იქნება ძლიერი უწყვეტი განათლების სისტემის გარეშე

ჩვენ უკვე განვახორციელეთ კონკრეტული საპილოტე პროექტი, რომელიც წარმატებით მიმდინარეობს და არაერთმა ასეულმა კოლეგამ უკვე მიიღო უწყვეტი სამედიცინო განათლების კრედიტქულა

ჩვენ ერთად ვაშენებთ ჯანდაცვის თანამედროვე სისტემას“, – წერს პროფესორი, ორგანიზაცია – „აკრედიტაცია საზღვრების გარეშე“ ხელმძვანელი, გიორგი ფხაკაძე.

—

Professor Giorgi Pkhakadze, MD, MPH, PhD

—

ავტორი: ირინა დათაშვილი #datashvil

„არც ერთი ვაქცინა არ მუშაობს ახალი შტამების წინააღმდეგ. მილიარდებია ჩაყრილი“- გიორგი ფხაკაძე

მიერ

ნოემბერი 14, 2021

23/04/2021

ავტორი: ირინა დათაშვილი

პროფესორი, ორგანიზაციის – „აკრედიტაცია საზღვრების გარეშე“ – ხელმძვანელი გიორგი ფხაკაძე ჯანდაცვის საკითხებზე და ვაქცინაციაზე გვესაუბრა:
„ჩამოიტანეს ნაგავი ჩინური ვაქცინა, რომელიც ბრიტანულ შტამზე არ მუშაობს, საქართველოში უკვე 80%-ზე მეტი ბრიტანული შატმის გავრცელებაა, 3-4 კვირაში კი ქვეყანაში მხოლოდ ბრიტანული შტამის ცირკულირება იქნება;
მსოფლიოში არის სამი ძალიან საშიში – სამხრეთ აფრიკული, ბრაზილიური და ინდური შტამი, რომელთა წინააღმდეგ არც ერთი ვაქცინა არ მუშაობს.
ეს არის გიორგი ფხაკაძის რეფერენსი – ასე ჩაწერეთ! პასუხს ვაგებ ჩემს სიტყვებზე!
ხუთი დღეა, დეპრესიაში ვარ, ისეთი ინფორმაციები მოდის, არ მინდოდა ლაპარაკი. გინდათ სიმართლე? ეს არის სიმართლე:
„დარხეული გვაქვს ყველას“, მთელ მსოფლიოს. ბოდიში ამ გამოთქმისთვის, არც ერთი ის ვაქცინა, რომელიც დღეს არის მსოფლიოში, უკვე ვერ გვიშველის. ყველა ვაქცინა მუშაობს ვუხანის ვირუსის წინააღმდეგ და მეტნაკლებად ბრიტანული შტამის წინააღმდეგ.
ისრაელში ჩატარდა კვლევა, – ყველა ბრაზილიური შტამით არის რეინფიცირებული,, ანუ ვერც ფაიზერიც ვერ მუშაობს ამ შტამზე.
თუ ქვეყანაში გინდათ ვაქცინაციის გაკეთება, ჯერ ჩამოიტანეთ ვაქცინა, – 3 მილიონი ვაქცინაა მინიმუმ საჭირო. თუ გვინდა, რომ საქართველოს მოზრდილი მოსახლეობის ანუ 18 წელზე ზევით მოსახლეობის 70% თუ გვინდა, იყოს დაცული, ამისთვის მოსახლეობის 90% უნდა ავცრათ. 2-3 თვეში უნდა გააკეთოთ სრულად მიყოლებით. დაიწყე, გააკეთე, დაამთავრე. ეს არის მათემატიკა და მეცნიერება. ეს არის ეპიდემიოლოგია! ნუ თამაშობთ ვაქცინობანას ქვეყანაში! 10 0000 და 20 0000 და თუნდაც 10 000 100 000 ვაქცინის ჩამოტანა არის თვალებში ნაცრის შეყრა!
იცით, რომ ვაქცინაციის შემდეგ 6 თვის შემდეგ ისევ ხელახლა არის გასაკეთებელი ერთი ნემსის ანუ მესამე დოზაა საჭირო. ფაიზერი მაგალითად.
უბედურება ისაა, რომ ეს ახალი შტამები მოდის, უკვე თურქეთში არის დაფიქსირებული ბრაზილიური და სამხრეთ აფრიკული შტამი. ჩვენ საზღვრები ღია გვაქვს ამ ქვეყნებთან, რუსებს და ინდოელებს აქვთ მიმოსვლა ერთმანეთთან და ჩვენ ღია გვაქვს საზღვარი რუსეთთან. რომ ჩავკეტეთ ინდოეთთან, ირიბი გზით ხომ შემოდიან მაინც ინდოეთში ნამყოფები სხვა ქვეყნებიდან? გესმნით, რა არის საშიშროება?
ვაქცინებში – „ატრაზენეკა“ და Johnson&Jonson მილიარდებია ჩაყრილი, არ ვარგა ეს ორი ვაქცინა!

ფაიზერსაც აქვს იგივე პრობლემები თრომბოზთან დაკავშირებით, ასევე მოდერნასაც,
„ჩინური ვირუსი“ როცა გავრცელდა, ვაქცინები – ფაიზერი, ასტრაზენეკა, Johnson&Jonson, მოდერნა მუშაობდნენ, ასევე ჩინური და რუსული ვაქცინაც. დაახლოებით 5-6 თვის წინ ვირუსმა განიცადა მუტაცია. ერთ-ერთი მულტირებული ვირუსი გაჩნდა ბრიტანეთში, ბრიტანული შტამის წინააღმდეგ ფაიზერი და ასტრაზენეკა მეტ-ნაკლებად მუშაობს. ჩინური ვაქცინა არ მუშაობს ბრიტანული შტამის წინააღმდეგ. წამოვიდა უკვე სამხრეთ-აფრიკული შტამი, ვირუსი შეიცვალა და გახდა სხვანაირი, არც ერთი ვაქცინა არ მუშაობს ამ ვირუსის წინააღმდეგ. უსაშინლესი აფეთქებაა ინდოეთში, კატასტროფა ხდება, ძირითადად ახალგაზრდები იღუპებიან! არც ერთი ვაქცინა ინდური ვაქცინის წინააღმდეგ არ მუშაობს.
ისრაელში ჩატარდა კვლევა, რა უკუჩვენებები აქვს ვაქცინებს! ყველა, ვინც არის რეინფიცირებული, არის ძირითადად ბრაზილიური შტამით, ფაიზერი და ასტრზენეკა ვერ მუშაობს ბრაზილიური და სამხრეთ-აფრიკული შტამების წინააღმდეგ.
არის სამი ძალიან საშიში ბრაზილიური, სამხრეთ-აფრიკული და ინდური შტამები! ეს ვაქცინები არ მუშაობენ ამ შტამების წინააღმდეგ! ეს ყველამ იცის!
ვაქცინის გაკეთების შემდეგ დაახლოებით 5%-ს აქვს რაღაც გართულებები (სიცხე, ქავილი). ვაქცინაციის შედეგად 1 მილიონზე არის 5 გარდაცვლილი.
ქვეყანაში თუ გინდათ ვაქცინაციის პროგრამის განხორციელება, ჯერ ჩამოიტანეთ 4 მილიონი ვაქცინა.
აგიხსნით, საზოგადოებრივი ჯანდაცვა როგორ მუშაობს:
თუ გვინდა, საქართველოს მოზრდილი მოსახლეობის (18 წლის ზემოთ) 70% რომ იყოს დაცული ვირუსისაგან, მოსახლეობის 90%-ის ვაქცინაცია არის საჭირო, 2-3 თვეში.
ისწავლეთ ისრაელის მაგალითიდან, შეიტანეს ქვეყანაში ვაქცინა ყველა მოსახლისთვის ორი დოზა, დამატებით კიდევ 20%, ასევე ხუთი თვის შემდეგ მესამე დოზისთვისაც აქვთ შენახული. როცა კეთდება ვაქცინა, ექვსი თვის შემდეგ ხელახლა არის ვაქცინა გასაკეთებელი!
როცა კეთდება ფაიზერის ვაქცინა, 28 დღის შემდეგ კეთდება მეორე დოზა, მესამე დოზა უნდა გაკეთდეს ხუთი თვის შემდეგ!
მსოფლიოში უმძიმესი მდგომარეობაა. საქართველო, მე მგონი, ერთადერთი ქვეყანაა, ტაშფანდურია, გახსნილია ყველაფერი და კიდევ უფრო გავიხსნათო. ბიზნესმენები გამოდიან, კიდევ ერთ ლოქდაუნს ვერ გავუძლებთო. მაინცდამაინც ყოველი მეორე უნდა მოკვდეს, რომ აღიქვათ საშიშროება?
ვირუსის მაჩვენებელი ძლივს იყო ჩამოსული ქვემოთ იანვარში, ეს უნდა შეგვენარჩუნებინა. როცა ქვეყანა ერთ დღეში გახსენით, ვთქვი და ახლაც ვამბობ, ყველაზე დიდი მავნებელია დაავადებათა კონტროლის ცენტრი-მეთქი. გასაგებია, პრემიერი ახალია და უნდა, ცვლილებები აჩვენოს ხალხს, მაგრამ შენ რომ ხარ სფეროს წარმომადგენელი და პროფესიონალი თუ ხარ, უნდა გამოხვიდე და თქვა, – არ შეიძლება, უნდა აუხსნა, რომ ეს რისკია და დაასაბუთო, დაგიჯერებენ. მაგრამ რაც ხდება, ეს არის არაპროფესიონალიზმი და კორუფცია ერთად!
ჩინოვნიკები უნდა გვაძლევდნენ სწორი ქცევის მაგალითს და რა ხდება სინამდვილეში? გამოდის მაგალითად ვიღაც მინისტრის მოადგილე და საუბრობს პირბადის გარეშე. მე რომ ვიყო, სამსახურიდან გავუშვებდი.
ქვეყანაში ორი პრობლემაა – რუსეთი და კოვიდი. გონივრულად უნდა ვებრძოლოთ ხილულ და უხილავ მტერს!
გვახსოვდეს – პირბადე, დისტანცია და ხელების დაბანა! არ ვიცი, მეტი რა ენაზე გითხრათ და რა გითხრათ!
ჯანმრთელობას გისურვებთ!“

ინდოეთში აღმოაჩინეს კორონავირუსის ახალი შტამი, რომელმაც ორმაგი მუტაცია განიცადა. ქვეყნის ჯანდაცვის სამინისტროში ჯერჯერობით ვერ ადასტურებენ, არის თუ არა ახალი სახეობა ვირუსით ინფიცირების შემთხვევების სწრაფი ზრდის მიზეზი. ქვეყნის 18 შტატში დაფიქსირებულია კორონავირუსის ბრიტანული, ბრაზილიური და სამხრეთ აფრიკული შტამებიც. ინდოეთი სიკვდილიანობის მაჩვენებლით მსოფლიოში მესამე ადგილს იკავებს.
ქვეყანაში გამოვლენილია ინფიცირების 11.7 მილიონი შემთხვევა, ვირუსს 160 000-ზე მეტი ადამიანი ემსხვერპლა.
კორონავირუსი გარდაცვლილთა მასობრივი კრემაცია ინდოეთში მიმდინარეობს.

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

Georgian Public Health Expert: The virus must be stopped – Dr Giorgi Pkhakadze

მიერ

ნოემბერი 14, 2021

12 May, 2021

Public Health Expert and Healthcare Advisor to the UN Secretary-General, Dr Giorgi Pkhakadze, says in his Facebook post that the Safe and Effective Vaccination program has produced results.

In his words, ”this wicked virus” has not killed anyone in the UK, while 31 families in Georgia have passed through misery.

”Not all vaccines are similar, but all of them reduce mortality.

Spare lives!

This virus must be stopped. What protects us? Wearing medical face masks, staying two meters from other people, washing hands, and receiving safe and effective vaccines such as Pfizer.

Stay healthy!” he wrote.

Professor Giorgi Pkhakadze, MD, MPH, PhD #drpkhakadze #გიორგიფხაკაძე #accreditationge

Source: https://report.ge/en/society/georgian-public-health-expert-the-virus-must-be-stopped/

„საკუთარი ვაქცინების პოპულარიზაციის გზით პოლიტიკურ, კორუფციულ და ეკონომიკურ წნეხს“-გიორგი ფხაკაძე

მიერ

ნოემბერი 14, 2021

19/04/2021

ავტორი: ირინა დათაშვილი

პროფესორი, ორგანიზაციის – „აკრედიტაცია საზღვრების გარეშე“ – ხელმძვანელი გიორგი ფხაკაძე ვაქცინაციის შესახებ გვესაუბრება:

„თავად ჩინეთიც აღიარებს, რომ ჩინური ვაქცინების ეფექტურობა მხოლოდ 50%-ია. ჩემს გვერდზე დავდე კვლევები, რომლის თანახმადაც სხვადასხვა ქვეყანაში ჩინურ ვაქცინის ეფექტურობა 50%-დან 83.5%-მდე მერყეობს. ასეთი დიდი ცდომილების მეცნიერული ახსნა არ არსებობს, ეს უკვე იმაზე მეტყველებს, რომ რაღაც რიგზე ვერ არის.“

მისი თქმით, მსოფლიოში ვაქცინების ომია. დიდი დიქტატორული სახელმწიფოები მთელი რიგი ქვეყნების მიმართ საკუთარი ვაქცინების პოპულარიზაციის გზით პოლიტიკურ, კორუფციულ და ეკონომიკურ წნეხს ახორციელებენ.

„ქვეყნებში, სადაც არის რუსული გავლენა, შეტანილია რუსული ვაქცინები, სადაც ჩინეთს აქვს გავლენა – შეიტანეს ჩინური ვაქცინები. საქართველოში ჩინური ინვესტიციების და ბიზნესის გავლენა დიდია, მარტივი და გასაგებია ყველაფერი.

გასათვალისწინებელია, – არც ერთმა დამოუკიდებელმა ექსპერტმა არ დადო დამოუკიდებელი დასკვნა ჩინურ ვაქცინაზე! იმედია, ჩვენი ქვეყანა ბოლომდე შეინარჩუნებს პოზიციას, რომ ვაქცინაცია არის ნებაყოფლობითი და თქვენ, მოქალაქეები, შეძლებთ სწორი გადაწყვეტილების მიღებას, რა უნდა გააკეთოთ!“

როგორც მან აღნიშნა, ზოგიერთები საქართველოში ჩინური ვაქცინის პროპაგანდას ეწევიან. დაუკვირდით, რა ხდება – ჩინური ვაქცინა ჩამოიტანა სახელმწიფომ. ყველა, ვინც არის აფილირებული სახელმწიფო სტრუქტურებთან და ხელისუფლებასთან, უკეთებს რეკლამას ჩინურ ვაქცინას. მარტივი ლუსტრაციაა, ჩანს, ვინ ვინ არის.

„სამწუხაროა, ზოგიერთი ჩემი კოლეგა გახდა პოლიტიკური თამაშის ნაწილი. პოლიტიკაში ყველაფერი დროებითია, გამოიყენებენ ამ ადამიანებს და მოისვრიან. არ ღირს, მეგობრებო, დამიჯერეთ. ხალხი ყველაფერს იმახსოვრებს, – არ გინდათ!

ჩინური ვაქცინის ეფექტურობა ვისაც გჯერათ, კი, ბატონო, გაიკეთეთ, ღმერთმა შეგარგოთ, იქნებ პლაცებოს ეფექტმა მაინც იმუშაოს.

„ასტრაზენეკას“ ვაქცინაზე უკვე ყველაფერი გითხარით. მათ კი, ვინც უკვე გაიკეთეთ პირველი დოზა, მეორე დოზაც აუცილებლად უნდა გაიკეთოთ.

ვისაც გეშინიათ აცრის, ჩემი პასუხი მარტივია – დაუკავშირდით თქვენს ოჯახის ექიმს, რომელიც შეაფასებს თქვენი ჯანმრთელობის მდგომარეობას. თანმხლები დაავადებების გათვალისწინებით აწონ-დაწონეთ რისკები და ბენეფიტები და იმის მიხედვით მიიღეთ გადაწყვეტილება.

იმასაც გეუბნებოდით, ვინც კოვიდი გადაიტანა, არა აქვს მნიშვნელობა რთული თუ იოლი ფორმით, ამ ადამიანების დაახლოებით 30 პროცენტამდე სხვადასხვა ტიპის ნარჩენი მოვლენები უვლინდება. მსოფლიოს სხვადასხვა ქვეყნებში სხვადასხვა ტიპის კვლევები ჩატარდა, რამაც ეს შედეგები აჩვენა;

მე თქვენ წინასწარ, რამდენიმე თვით ადრე გეუბნებით იმას, რაც შემდეგ საჯაროვდება. საიდან მომაქვს ეს ინფორმაციები?! – ვარ ძალიან ბევრი სამეცნიერო ჟურნალის სარედაქციო საბჭოში, სადაც შემოდის ეს კვლევები გამოქვეყნებამდე. სანამ ჟურნალში სტატია დაიბეჭდება, ეს სტატია უნდა განიხილონ სხვადასხვა ტიპის ექსპერტებმა, თითოეულ სტატიას უამრავი კვლევა ახლავს. ამ კვლევების საფუძველზე გაწვდით იმ ინფორმაციას, რასაც გაწვდით და რაც არ არის საყოველთაოდ გაჟღერებული.

მსოფლიოში კორონავირუსის უამრავი შტამია გავრცელებული, რომლებზეც ვაქცინების უდიდესი უმრავლესობა არაეფექტურია, ეს ვაქცინები ე.წ. უხანის ვირუსის საწინააღმდეგოა, ეს ვირუსი კი უკვე მილევადია.

კარგი ამბავი არის ის, რომ ვაქცინები, რომლებიც რნმ ტექნოლოგიითაა დამზადებული (მაგალითად, ფაიზერი), იოლად შეიძლება, გადაეწყონ ახალი შტამების წინააღმდეგ და უკვე დაიწყო ამ მიმართულებით პირველი კვლევები;

კიდევ ერთი რამ მინდა შეგახსენოთ – მაგალითად, „ფაიზერით“ ვაქცინაციის შემთხვევაში ვაქცინის მესამე დოზაც აუცილებლად იქნება გასაკეთებელი, ვაქცინაციიდან 5-6 თვის შემდეგ. ამაზე ვინმე ლაპარაკობს საქართველოში?!

ქვეყანაში გაქანებული მესამე ტალღაა. არავინ არაფერს არ იცავს. ყველა ლანძღავს პოლიტიკურ ელიტას – პოზიციას და ოპოზიციას. კი არიან სალანძღავი, მაგრამ მოქალაქეებს საკუთარი პასუხისმგებლობა ავიწყდებათ.

რომ ვუყურებ, ჩემი დასკვნაა:- მოსახლეობას სულ არ აინტერესებს კორონაპანდემია. ნახეთ, რა ხდება მეტროში და ავტობუსში. მე ჩაკეტვის და წესების მკაცრი დაცვის მომხრე ვარ, მაგრამ რეალურად რომ ვუყურებ, ალბათ, სხვა გამოსავალი არ არის, ალბათ, უნდა გაიხსნას ყველაფერი და ადამიანებმა ინდივიდუალურად მიიღონ გადაწყვეტილება, დაიცვან თუ არა პანდემიის წესები;

რასაც ვუყურებ, კუკუდამალობანას აზრი არა აქვს. ხან დაკეტავენ ნახევრად, ხან ნახევრად გახსნიან – ამას აზრი არა აქვს. ვიღაცისთვის რესტორანი გახსნილია, ვიღაცისთვის დაკეტილია. ქვეყანაში ყველას თანაბარი უფლებები უნდა ჰქონდეს. ამით უფრო აღიზიანებთ ხალხს. ბარემ გახსენით ყველასთვის და იმიეცით ადამიანებს უფლება, აკეთონ ის, რაც უნდათ.

ჩვენს სახელმწიფოში არაპროფესიონალების და კორუმპირებულების გოგლიმოგლია. მთავრობის მიმართ მოსახლეობის ნდობა ნულია.

თუ ვერ მართავთ ქვეყანას, აღიარეთ მაინც. მე, მაგალითად ახლა სასწრაფოდ რასაც გავაკეთებდი – გავაკეთებდი კლინიკებში საწოლების მობილიზებას, ჟანგბადის მომარაგებას. ქვეყანაში გაქანებული მესამე ტალღაა.

ვაქცინაციის პროცესი მოუმზადებელია. ელექტრონული ჯანდაცვა არა გვაქვს. ადამიანები ვაქცინაცის მეორე დოზისთვის რეგისტრაციას ვერ ახერხევბენ.

ერთადერთი, რაც მინდა გთხოვოთ, გამოიყენეთ სამედიცინო პირბადე, დაიცავით მაქსიმალური დისტანცია, 2 მეტრს მაინც არ დაიცავთ, ვხედავ.

ყველაზე მთავარი, გაუფრთხილდით ნერვებს. არ ინერვიულოთ , დეპრესია უფრო აზიანებს იმუნურ სისტემას, ვიდრე კოვიდი. იარეთ ფეხით, გამოიყენეთ პირბადე, იქონიეთ ნაკლები კონტაქტი ხალხთან;

ბიზნესმენებსაც მივმართავ:

– გახსენით ბიზნესებიო, რომ მოითხოვენ, ამისთვის მომზადებაა საჭირო. ეს კოვიდი კარგა ხანს იქნება, ბიზნესმაც და მომხმარებელმაც მასთან თანაცხოვრება უნდა ისწავლოს. ბიზნესმენებს მივმართავ, დაიქიარაეთ კვალიფიციური ექსპერტები, გინდა ფხაკაძე, გინდა სხვა, რომ სწორი რეგულაციებით ბიზნესის წამოებაში დაგეხმარონ…

ბოლო დროს, რაც მახარებს, ეს არის ჩვენი „საქართველოს აკრედიტაციის ინიციატივა“. სულ უფრო მეტი სამედიცინო დაწესებულება გვემატება. ამჟამად მიმდინარეობს მოსამზადებელი სამუშაოები. მომავალ კვირას უკვე დავიწყებთ უშუალოდ აკტრედიტაციის მინიჭების პროცესს;

კიდევ ერთხელ ვიმეორებ – ქვეყანა უნდა გაიხსნას, ოღონდ მოსახლეობას უნდა აუხსნან არსებული რეალობა და მოსალოდნელი საფრთხეები, ამის შემდეგ მოსახლეობამ თავად უნდა მიიღოს გადაწყვეტილება, როგორ უნდა მოიქცეს“, – ამბობს გიორგი ფხაკაძე.

საქართველოს ჯანდაცვის მინისტრის მოადგილის, თამარ გაბუნიას განცხადებით:

-„სინოფარმით” ვაქცინაცია აპრილის ბოლოდან დაიწყება. ჯანმო „სინოფარმისთვის“ ავტორიზაციის განხილვას სწორედ ამ დროისთვის დაასრულებს.

მიმდინარეობს მუშაობა, „სინოფარმის” ვაქცინის დასანერგად მოსამზადებელი სამუშაოები დასრულდეს ამ კვირაში და რეგისტრაცია დაიწყოს 27 აპრილიდან. „სინოფარმი“ დღემდე რეგისტრირებულია 35 ქვეყანაში, ახალი შემთხვევების თავიდან აცილების თვალსაზრისით, მისი ეფექტურობა საკმარისად მაღალია, 80 პროცენტამდეა, თუმცა რაც განსაკუთრებით მნიშვნელოვანია, მძიმე შემთხვევებისგან დაცვისა და ლეტალობის შედეგების თავიდან აცილების მხრივ, ამ ნაწილში “სინოფარმის” ეფექტურობა საკმაოდ მაღალია იმ ქვეყნებში, სადაც „სინოფარმის“ გამოყენება დაიწყო. ეს მაჩვენებლები საკმაოდ კარგ და იმედისმომცემ შედეგებს იძლევა. აქედან გამომდინარე, მიმდინარე პერიოდში ჯანდაცვის მსოფლიო ორგანიზაცია განიხილავს „სინოფარმის” ავტორიზაციის საკითხს გადაუდებელი გამოყენებისთვის. ვფიქრობთ, აპრილის ბოლოსთვის ეს პროცესი დასრულდება, საქართველოც დაიწყებს “სინოფარმის” გამოყენებას აქტიურად”.

საქართველოში კორონავირუსის საწინააღმდეგო ვაქცინაცია 15 მარტიდან დაიწყო. ვაქცინაციის პროცესი ამ ეტაპზე „ასტრაზენეკასა“ და „ფაიზერის“ ვაქცინით მიმდინარეობს. საქართველომ „სინოფარმის“ ვაქცინის 100 ათასი დოზა მიიღო.

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

Пхакадзе: Корона бушует, жизни уходят

მიერ

ნოემბერი 14, 2021

28 Декабря, 2021

Эксперт по вопросам общественного здравоохранения, профессор Георгий Пхакадзе критикует национальный план вакцинации.

“Пхакадзе с первого же дня обнародования национального плана вакцинации говорил, план вакцинации является «тостом», и его не смогут выполнить, ознакомьте общественность с 82-мя “мифическими” экспертами, которые написали этот план. Этот план должны сначала составить настоящие специалисты!

Тогда, Гамкрелидзе, Координационный совет и весь официоз хвалили план и ругали Пхакадзе.

Прошло столько времени. Пророчество сбылось, и официоз заговорил на языке Пхакадзе.

Результат: люди непривиты, корона бушует, жизни уходят, все официальные лица на своих местах, а Пхакадзе по-прежнему теневой верховный советник страны без статуса!», – написал в соцсети Георгий Пхакадзе.

„საბოლოო ჯამში ეს იქნება სეზონური გრიპის ვაქცინის მაგვარი“ – ყოველ 6 თვეში იქნება თუ არა ვაქცინა…“

მიერ

ნოემბერი 13, 2021

20/08/2021

ავტორი: ირინა დათაშვილი

„მიმოხილვა თუ სად ვართ “ – წერს პროფესორი, ორგანიზაცია – „აკრედიტაცია საზღვრების გარეშე“ ხელმძვანელი, გიორგი ფხაკაძე.

COVID-19 situation in Georgia, update 19/08/2021

„არ ვისწავლეთ მეორე და მესამე ტალღის დროს ეპიდემიის მართვა. ნამეტანი თვითდაჯერებულები ვიყავით და პრაქტიკულად 1 ივლისს,, როდესაც მე საჯაროდ ვთქვი, რომ დაიწყო მეოთხე ტალღა, არავინ ყურად არ იღო. ყველაზე დიდი მიზეზი ასეთი კოვიდაფეთქების არის არჩევნები. არჩევნების წინააღმდეგი არ ვარ, მაგრამ როდესაც არის არჩევნები, როდესაც არის წინაასარჩევნო მზადება, მთავრობა არ და ვერ იღებს სწორ გადაწყვეტილებებს. მთავრობა იღებს წინასაარჩევნო გადაწყვეტილებას. ამ ყველაფრის კომბინაციით ჩვენ მივიღეთ ის, რომ სამწუხაროდ ზრდა იქნება კლიდევ უფრო მაღალი. ჩვენ პიკს დავინახავთ სექტემბრის პირველ ნახევარში“, – განაცხადა გიორგი ფხაკაძემ.

მისი თქმით, საველე ჰოსპიტალი უფრო პიარული კამპანიაა, საქართველოში არის 17 ათას საწოლამდე, აქედან თითქმის 8000-ს სახელმწიფო უკვე იყენებს კოვიდდაწესებულებებისათვის.

„გვაქვს დაახლოებით 6000 საწოლფონდი, ჩვენ გვაქვს საწოლები ქვეყანაში, მაგრამ ამ საწოლებს არ იყენებენ შესაბამისად. ჩემთვის აშკარაა, რომ ჯანდაცვის სამინისტრო სამწუხაროდ ვერ უმკლავდება კერძო ბიზნესს, ვის ხელშიც არის ეს საწოლ-ფონდები. როდესაც არის ეპიდემია, ყველაფერი უნდა იყოს მეორეხარისხოვანი, პირველ ადგილას უნდა იყოს მხოლოდდამხოლოდ კოვიდპაციენტების მართვა. ქვეყანაში ხორციელდება გეგმიური ოპერაციები, პლასტიკური ოპერაციები და ა.შ. ეს ყოვლად მიუღებელია.

კოვიდსასტუმროები არსად არ არის მსოფლიოში, მარტო საქართველოშია და ამით ამაყობენ. ალბათ ეს უფრო ფულის კეთების ამბავია“, – აღნიშნა გიორგი ფხაკაძემ.

მისივე თქმით, მსუბუქი პაციენტი არ უნდა იყოს საავადმყოფოში.

„სამწუხაროდ, საქართველოში მსუბუქი პაციენტები არიან საავადმყოფოებში, კოვიდსასტუმროები არის იგივე „სახლის საწოლი“, იქ ხომ უნდა იყოს ადამიანისთვის ელემენტალური შესაბამისი პირობები. როცა ოჯახში ერთ ადამიანს უკვე დაემართა კოვიდი, მთელი ოჯახი უნდა გადავიდეს იზოლაციაში, მთელი სადარბაზო უნდა გადავციეს იზოლაციაში, კლასტერებზეა საუბარი, ქვეყანაში კლასტერები უკვე აღარ იმართება, ეს არის ყველაზე დიდი დანაშაული და შეცდომა.

საქართველოში ვაქცინაციის პროგრამა ეფექტურად ვერ ხორციელდება იმიტომ, რომ პოლიტიკა არის ჩარეული ამ პროცესში. მსოფლიოში ყველაზე ეფექტური ვაქცინებია მოდერნა და ფაიზერი, ჩვენთან კი არის არაეფექტური ვაქცინები. ვიცით, რომ ბავშვებშია პრობლემა. დელტა ვარიანტი ახალი ვირუსივითაა, ძალიან ვერაგია. მთელს მსოფლიოში ვაქცინაცია უკვე იწყება 12 წლიდან, უსაფრთხოა ეს ვაქცინა ბავშვებისათვის. რაც უფრო ახალგაზრდაა ადამიანი, მით უფრო ეფექტურია ვაქცინაცია, ასაკიანისთვის ნაკლებად ეფექტურია, ამიტომაც არის მესამე დოზა ბუსტერი მთელს მსოფლიოში“, – ამბობს გიორგი ფხაკაძე.

როგორც მან აღნიშნა, საქართველოში დაახლოებით ერთ-ორ კვირაში ოფიციალურად 100 ადამიანი გარდაიცვლება.

„დღეს რომ გარდაიცვალა 60 ადამიანი, ეს ციფრი ყოველთვის უნდა გაამრვალოთ ორზე იმიტომ, რომ სტატისტიკა არ ითვალისწინებს იმ ადამიანებს, ვინც გარდაიცვალა კოვიდის გამო, – ადამიანს დაემართა ინსულტი, აქვს გულის პრობლემა, სასწრაფო დახმარება ვერ მივიდა დროულად იმიტომ, რომ ყველა კოვიდრესურსი არის ამოწურული და ამის გამო ადამიანი გარდაიცვალა. ასეთ სიკვდილს არ ვითვლით სტატისტიკაში. ჩემთვის ესეც არის კოვიდსტატისტიკა.

ამ ვირუსთან ძალიან დიდხანს მოგვიწევს ცხოვრება, ეს ვირუსი იქნება როგორც პინკპონკი, გავიკეთებთ აცრას, დავიცავთ დისტანციას, გავიკეთებთ პირბადეს და ა.შ. როგორც კი შემცირდება ერთი ან ორი ზომა, მაშინვე დაბრუნდება უკან. სანამ ბოლო ადამიანი არ იქნება განკურნებული, ეს ვირუსი ყოველთვის იქნება ცირკულაციაში.

ცუდი ამბავის არის ის, რომ არის არაერთი ფაქტი, რომ კოვიდი გადავიდა ცხოველებზე, ცხოველებიდან ადამიანებზე გადასვლის ფაქტებიც არის. ერთადერთი გზა, რაც ახლა გვაქვს, ეს არის მოსახლეობის 90%-ის ვაქცინაცია. წინააღმდეგ შემთხვევაში ამ ვირუსის აფეთქება იქნება ყოველთვის…

თუ გვინდა, რომ მეტნაკლებად სტაბილურად ვიცხოვროთ, ვაქცინაცია არის ერთ-ერთი, ერთადერთი არა, კარგი, ძლიერი საშუალება, რომელიც დაგვეხმარება ჩვენ დავუბრუნდეთ ე.წ. ნორმალურ ცხოვრებას. სამწუხაროდ, ბევრი ადამიანი ჩვენს ქვეყანაში და საზღვარგარეთაც, ამ ხალხს მე ვეძახი ანტივაქსერულ სექტას, იქცევიან ისე როგორც სექტები, ავრცელებენ ადამიანებში შიშს, თითქოს ვაქცინა ძალიან ცუდია და ა.შ. ვირუსის აფეთქება არის ძირითადად იმ ადამიანებში, რომლებიც არ არიან აცრილები. სიკვდილიანობა 99% არის ძირითადად იმ ადამიანებში, ვინც არ არის აცრილი.

ანტივაქსერები შოულობენ ფულს. აინტერესებთ მხოლოდ ფული. ვინც არიან ამ „სექტების“ სათავეში, დაინტერესებული არიან ძირითადად ფულის შოვნით. არიან ადამიანები, რომლებიც არ არიან სამედიცინო სფეროს წარმომადგენლები და ლაპარაკობენ კოვიდზე.

გამოსავალი რა არის? გამოსავალი არის ის, რომ უნდა გავუფრთხილდეთ თითოეული ადამიანის სიცოცხლეს. ამ ვირუსთან ცხოვრება მოგვიწევს ძალიან დიდხანს.

ბევრი ქრონიკული დაავადების მქონე ადამიანი სწრაფად უნდა აიცრას, უფრო დაცულები იქნებიან. ერთადერთი შეზღუდვა არის, რომ აცრის დროს სიცხე არ უნდა ჰქონდეს. ვაქცინის მიღების დროს თუ გექნებათ სიცხე, შეიძლება იყოს უკუჩვენება. ადამიანი თუ არის ალერგიული და იმ კონკრეტულ დღეს აქვს ალერგიული აფეთქება, არ უნდა გაიკეთოს ვაქცინა.. ალერგიული აფეთქება როგორც კი ჩაივლის, აუცილებლად უნდა გაიკეთოს ფაიზერის ვაქცინა…

ე.წ ტრადიციული ვაქცინებისგან განსხვავებით, სადაც ასე ვთქვათ მკვდარი, ან ნახევრად მკვდარი ნაწილაკები არის ვირუსის, “ფაიზერი” აწვდის მხოლოდ და მხოლოდ ინფორმაციას ორგანიზმს და მისი ეფექტურობა არის 5-6 თვე. ორივე კომპანია – “მოდერნა” და “ფაიზერი” მუშაობენ აქტიურად, რომ გააუმჯობესონ მათი ტექნოლოგიები. “მოდერნა” მუშაობს უკვე იმისთვის, რომ ახლო მომავალში გვქონდეს საშუალება სხვადასხვა შტამებს უფრო ეფექტურად ვებრძოლოთ. ბუსტერი არის ფაიზერის მესამე დოზის ვაქცინა, ჩვენ ეს უკვე ვიცით, მე ჯერ კიდევ წელიწადნახევრის წინ ვამბობდი, რომ “ფაიზერის” ეფექტიანობა არის 5 თვე, იმიტომ, რომ ე.წ ტრადიციული ვაქცინებისგან განსხვავებით, სადაც ასე ვთქვათ მკვდარი, ან ნახევრად მკვდარი და ასე შემდეგ ნაწილაკები არის ვირუსის, ფაიზერი აწვდის მხოლოდ და მხოლოდ ინფორმაციას ორგანიზმს – ეს არის ვერაგი ვირუსი და მიხედე! ამიტომ არის მისი ეფექტურობა 5-6 თვიანი. ასევე, განსხვავებულია მისი ეფექტურობა ასაკიდან გამომდინარე. მაგალითად, 12 წლის ასაკში, მისი ეფექტურობა თუ არის 94% მდე, 80 წელს გადაცილებულ ადამიანებში ეფექტიანობა არის 64%-მდე. ამას ემატება ისიც, რომ ეს ვაქცინა ეფექტურობასა და სიძლიერეს დროთა განმავლობაში კარგავს, ამიტომ ორივე კომპანია “მოდერნა” და ფაიზერი მუშაობენ აქტიურად, გააუმჯობესონ მათი ტექნოლოგიები. “მოდერნა” მუშაობს უკვე იმისთვის , რომ ახლო მომავალში გვქონდეს საშუალება სხვადასხვა შტამებს უფრო ეფექტურად ვებრძოლოთ. რაც შეეხება იმას, რომ ყოველ 6 თვეში გვექნება თუ არა გასაკეთებელი ეს ვაქცინა, ვფიქრობ რომ საბოლოო ჯამში ეს იქნება სეზონური გრიპის ვაქცინის მაგვარი, როგორც ჩვენ ყოველწლიურად ვიკეთებდით მაგალითად 4 კომპონენტიან გრიპის ვაქცინას, ასე სექტემბერ-ოქტომბერში ყოველწლიურად გვექნება 5 კომპონენტიანი გრიპის ვაქცინა, სადაც იქნება კოვიდიც, სეზონური გრიპიც და ა.შ. მე იმედი მაქვს, ამ მიმართულებით წავალთ. ვინაიდან, სანამ ბოლო ადამიანი არ იქნება განკურნებული კორონასგან ეს ვირუსი იტრიალებს,“ – აცხადებს პროფესორი, ორგანიზაცია – „აკრედიტაცია საზღვრების გარეშე“ ხელმძვანელი, გიორგი ფხაკაძე „თრიალეთთან“.

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

„პრეტენზია მაქვს ადამიანების დაყოფასთან დაკავშირებით. მაგალითად, ერთ-ერთ ინტერვიუში ბატონმა…“

მიერ

ნოემბერი 13, 2021

23/07/2021

ავტორი: ირინა დათაშვილი

#drpkhakadze #accreditationge #გიორგიფხაკაძე

„საქართველოში ხალხი ვირუსის პირისპირ მარტოა დატოვებული. შუაში სახელმწიფო უნდა ყოფილიყო, მაგრამ სახელმწიფოს კოლაფსი აქვს. არაეფექტურობაა ყველგან და ყველაფერში. მარტო იმაზე ფიქრობენ, როგორ გააკეთონ ფული. ქვეყანაში ვაქვინა არ არის, ამიტომ ერთადერთი იარაღი გრჩებათ, სამედიცინო პირბადე – გამოიყენეთ!

ამდენს ვლაპარაკობ – რამდენი ადამიანი გავაბრაზე, ბიზნესები გადავიმტერე, მაგრამ ერთი ადამიანიც თუ გადავარჩინე, ჩემი დღე რომ დადგება „ზევით“, ჩამეთვლება.

ასევე პრეტენზია მაქვს ადამიანების დაყოფასთან დაკავშირებით. მაგალითად, ერთ-ერთ ინტერვიუში ბატონმა ცერცვაძემ თქვა, „ფაიზერით“ ავიცერი, რადგანაც მძიმე დაავადება მაქვსო. შეკითხვა მაქვს, მაგალითად, ბებო მარო ხულოდან, რომელსაც, ვთქვათ, დიაბეტი და გულის პრობლემები აქვს, რატომ არ უნდა აიცრას „ფაიზერით“?!

„ხალხისთვის ყველაფერი წავა“ – ასე მიდგომა არ შეიძლება.

რჩევა მეგობრებისთვის – გაიკეთეთ მხოლოდ კარგი ვაქცინა. არ არის?! – მოითხოვეთ. არ გინდათ ვაქცინის გაკეთება? ალტერნატივა – გაიკეთეთ „ფხაკაძის პირბადე“.

გარეთ როცა ბევრი ხალხია, ატარე პირბადე ისე, როგორც დახურულ სივრცეში.

იცხოვრეთ ცხოვრების ჯანსაღი წესით – 10 000 ნაბიჯი დღეში, სიგარეტი და ყველანაირი მოსაწევი გადააგდეთ, მიიღეთ ხილი და ბოსტნეული, შაქარი ხმარებიდან ამოიღეთ. იარეთ ჰაერზე, კარგია დე ვიტამინი, მზეზე ზედმეტად არ გაირუჯოთ, მავნებელია. დაიცავით 2-მეტრიანი დისტანცია, იყავით კარგ ხასიათზე“, -ამბობს პროფესორი, ორგანიზაცია – „აკრედიტაცია საზღვრების გარეშე“ ხელმძვანელი, გიორგი ფხაკაძე.

Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

„თენგიზ ცერცვაძე არის ანტივაქსერი!“ – გიორგი ფხაკაძე

მიერ

ნოემბერი 13, 2021

15/02/2023

ავტორი: ირინა დათაშვილი

ლინკი https://fortuna.ge/fortuna/post/akhla-ukve-gviania-saqartveloshi-dghes-arc-erti-moqalaqe-ar-aris-acrili-giorgi-fkhakadze-bivalentur-vaqcinasa-da-krakenis-safrtkheebze?fbclid=IwAR3YDfDBeCIiwgTQTCE3pfW6yU_2Ri35FZQTc_yTp-QB6sgfWcTj1gxlVFM

პროფესორი, ორგანიზაცია „აკრედიტაცია საზღვრების გარეშე“ ხელმძვანელი გიორგი ფხაკაძე ინფექციური საავადმყოფოს დირექტორის, თენგიზ ცერცვაძის განცხადებას ეხმაურება:

„ეს ადამიანი ვინმე გააჩუმეთ! ჯერ მისი ცნობილი “ვადაგასული ფაიზერი”, პრაქტიკულად ჩააგდო ქვეყანაში კოვიდ ვაქცინაცია… ეხლა კიდევ უფრო უარესს ამბობს.

ვინმემ, სახელმწიფო სპიკერად დანიშნა?!

მართლაც, ყველაფერს უნდა ჰქონდეს საზღვარი!“

როგორც გიორგი ფხაკაძე აღნიშნავს, ბივალენტური ვაქცინები საქართველოში ნოემბრისთვის უნდა შემოეტანათ და შესაბამისი ვაქცინაციის გეგმა ოქტომბერში დაემტკიცებინათ, სავარაუდოდ, 2023 წლის იანვარში ვაქცინაციის გეგმა უნდა ყოფილიყო გადახედილი («კრაკენის” გათვალისწინებით).

ცნობისთვის, ევროპა და ამერიკა მთლიანად გადავიდნენ ბივალენტურ კოვიდვაქცინაზე.

„მაგალითისთვის, ავსტრალიაში 20 თებერვლიდან კოვიდის მე-5 დოზის ვაქცინაციის კამპანია იწყება…

ამ ბატონის ტერმინი “სტანდარტული ვაქცინები”, განგიმარტავთ, ეს არის ჩინური სინოფარმის და სინოვაკის ვაქცინებიც. ახლაც კი არ აღიარებს ეს ბატონი, რომ ეს ვაქცინები არაეფექტურები იყვნენ და არიან. ამის შესახებ, წლებია მთელი მსოფლიოს სამეცნიერო საზოგადოება საუბრობს!

და ბოლოს, ეს ციტატა, – “რაც შეეხება XBB1.5 სუბვარიანტს, ახალი „ბივალენტური“ ვაქცინები ადამიანს მისგანაც იცავენ, მაგრამ ნაკლებად, ვიდრე მანამდე არსებული სუბვარიანტებისგან“ ანუ ეს ბატონი იგივეს იმეორებს რაც უკვე ერთხელ თქვა, – “ფაიზერი ვადაგასულიაო”! ზემოთ ჩემოთვლილიდან გამომდინარე, დასკვნა არის მხოლოდ ერთი, – ეს ბატონი არის ანტივაქსერი!“, – განაცხადა გიორგი ფხაკაძემ.

ინფექციური საავადმყოფოს დირექტორი თენგიზ ცერცვაძე აცხადებს, რომ მისი ინფორმაციით, „ბივალენტური“ ვაქცინები საქართველოში უმოკლეს დროში შემოვა.

„ე.წ. ბივალენტური ვაქცინები საიმედოდ იცავენ, როგორც „დელტა“ შტამისგან, ისე „ომიკრონის“ უმეტესი სუბვარიანტებისგან.

„დიახ, ჩვენთან „ბივალენტური“ ვაქცინები ჯერ არ არის, თუმცა მოლაპარაკებები ინტენსიურად მიმდინარეობს და არის რეალური მოლოდინი, რომ ეს ვაქცინები საქართველოში უმოკლეს დროში შემოვიდეს. თუ მოსახლეობის რომელი ჯგუფებისთვის იქნება ახალი თაობის ვაქცინები რეკომენდებული და ხელმისაწვდომი, ამაზე ჯანდაცვის სამინისტრო და NCDC მუშაობენ და მოსახლეობა დროულად იქნება ინფორმირებული“.

მისი თქმით, სტანდარტული ვაქცინები ე.წ. ბუსტერ დოზების ჩათვლით საიმედოდ იცავენ ადამიანს „დელტა“ შტამისგან, მაგრამ გაცილებით ნაკლებად „ომიკრონისგან”. „რაც შეეხება ახალი თაობის ე.წ. ბივალენტურ ვაქცინებს, ისინი საიმედოდ იცავენ, როგორც „დელტა” შტამისგან, ისე „ომიკრონის“ უმეტესი სუბვარიანტებისგან (BA4, BA5, BQ1, BQ1.1 და სხვ.). რაც შეეხება XBB1.5 სუბვარიანტს, ახალი „ბივალენტური“ ვაქცინები ადამიანს მისგანაც იცავენ, მაგრამ ნაკლებად, ვიდრე მანამდე არსებული სუბვარიანტებისგან“, – განაცხადა ცერცვაძემ „ინტერპრესნიუსთან“ ინტერვიუში.

გასული წლის ოქტომბერში, მეცნიერებმა კორონავირუსის ახალი შტამის, „ომიკრონის“ ქვევარიანტის აღმოჩენის შესახებ განაცხადეს.

პირველად აშშ-ში დაფიქსირებულ XBB.1.5-ს არაოფიციალურად „კრაკენი“ უწოდეს და აღნიშნეს, რომ ეს პანდემიის დაწყებიდან დღემდე გავრცელებულ მუტაციებს შორის, ყველაზე სწრაფად გავრცელებადი ვარიანტია.

პროფესორმა, ორგანიზაცია „აკრედიტაცია საზღვრების გარეშე“ ხელმძვანელმა გიორგი ფხაკაძემ აღნიშნული ვარიანტის საქართველოში გავრცელებისა და ვაქცინაციის მნიშვნელობის შესახებ იანვრის დასაწყისში ისაუბრა:

„ომიკრონის“ ვარიანტი – XBB.1.5, მეტსახელად „კრაკენი“ უკვე საქართველოშია.“

გიორგი ფხაკაძე აღნიშნავს, რომ „კრაკენი“ გადადების ყველაზე მაღალი უნარით გამოირჩევა.

„ეს უკვე ოფიციალურია, ჯანმრთელობის მსოფლიო ორგანიზაციამ გასცა რეკომენდაცია, რომ ავიახომალდებში პირბადეების გამოყენება აღდგეს.

ევროპის დაავადებათა კონტროლის ცენტრმა სათანადო (უფრო მკაცრი) რეკომენდაციები გასცა გუშინ.

ომიკრონის XBB.1.5, მეტსახელად „კრაკენი“ არის საფრთხის შემცველი.

მოიმარაგეთ და გამოიყენეთ პირბადეები, ვინაიდან ეფექტიანი კოვიდვაქცინები საქართველოში არ არის.

მსოფლიო ჯანდაცვის ორგანიზაციამ ოფიციალურად თქვა, რომ ეს ახალი ვარიანტი არის ყველაზე გადამდები, რაც მანამდე იყო მსოფლიოში.

აშშ-ში „კრაკენი“, ვფიქრობ, ამ თვის ბოლოს უკვე დომინანტი იქნება, ევროპისკენაც წამოვიდა და, რა თქმა უნდა, ეს ვარიანტი საქართველოშიც არის.

რადგან ის ძალიან სწრაფად ვრცელდება და ზეგადამდებია, ეს ნიშნავს, რომ ერთი ადამიანი თუ შემოვიდა ოთახში „კრაკენით“, ნიშნავს, რომ ყველას „დააკრაკენებს“, – განაცხადა გიორგი ფხაკაძემ.

6 თებერვალს, ალერგოლოგ-იმუნოლოგმა ბიძინა კულუმბეგოვმა განაცხადა, რომ ალბათ, 2-3 კვირაში საქართველოში „კრაკენი“ დომინანტი გახდება.

„სახელმწიფომ ბევრი უნდა იმუშაოს, რათა ხელმისაწვდომი იყოს ბივალენტური ვაქცინა, რომელიც სწორედ „კრაკენისთვის“ არის განკუთვნილი და რომლის არც ერთი დოზა არ არის საქართველოში“, – აღნიშნა ბიძინა კულუმბეგოვმა.

პროფესორმა, ორგანიზაცია „აკრედიტაცია საზღვრების გარეშე“ ხელმძვანელმა გიორგი ფხაკაძემ 7 თებერვალს „ფორტუნასთან“ საუბარში განაცხადა:

„ბივალენტური ვაქცინების წარმოება წამლის მწარმოებელმა კომპანიებმა „ფაიზერმა“ და „მოდერნამ“ ერთი წლის წინ დაიწყეს. ეს არის წინამორბედი კოვიდვაქცინების გაუმჯობესებული ვერისა, რომელიც სპეციალურად „ომიკრონის“ შტამის წინააღმდეგ არის მიმართული:

„როდესაც „ომიკრონი“ გამოჩნდა, ძველი ვაქცინა განაახლეს ანუ ეს არის გაუმჯობესებული ვაქცინა, რომელიც უფრო ებრძვის „ომიკრონს“. არის იმავე კონცეფციის ვაქცინები, როგორიც მანამდე „ფაიზერს“ და „მოდერნას“ ჰქონდა, თუმცა უფრო გაუმჯობესებული და სპეციფიკურად გათვალისწინებულია „ომიკრონზე“. ხარისხის დონითაც აბსოლუტურად ერთნაირია.“

მისი თქმით, დაახლოებით 4 თვეა, რაც ევროპის ქვეყნები სრულად გადავიდა ბივალენტურ ვაქცინაზე. აშშ-მა ახალი წლიდან გამოაცხადა, რომ მოქალაქეები მხოლოდ და მხოლოდ ბივალენტური ვაქცინით აიცრებიან. ევროპაში, აშშ-ში ძველ ვაქცინას ფიზიკურად ვერ იშოვით, ხმარებიდან არის ამოღებული.

„ბივალენტური ვაქცინა ცოტათი უფრო უკეთესად მუშაობს, ვიდრე ძველი ვაქცინები, რადგან ის სპეციფიკურად არის მიმართული „ომიკრონზე“, „კრაკენი“ კი „ომიკრონის“ ქვეშტამია“, – აღნიშნა გიორგი ფხაკაძემ.

მისივე განცხადებით, აშშ-სა და ევროკავშირში ჩატარებული არაერთი კვლევის შედეგად, „ბივალენტურმა ვაქცინამ აჩვენა უფრო მაღალი ეფექტიანობა წინა ვაქცინებთან შედარებით და ამცირებს სიკვდილიანობას და დაავადების სიმძიმეს“.

გიორგი ფხაკაძე მიიჩნევს, რომ საქართველოში ბივალენტური ვაქცინის შემოტანა რომც გადაწყვიტონ, უკვე დაგვიანებულია.

„გასული წლის დეკემბერში, აშშ-ში „კრაკენის“ გავრცელების მაჩვენებელი მხოლოდ და მხოლოდ 2% იყო, თებერვალში კი 66 % გახდა.

პირველი ვიყავი, რომელმაც იანვრის პირველ კვირაში ვთქვი: ხალხო, „კრაკენი“ უკვე საქართველოშია, მოვემზადოთ.. ვინ გისმენს?!

რეკომენდაციას ვუწევდი ბივალენტურ ვაქცინას, მაგრამ, სამწუხაროდ, ჯანდაცვის სამინისტრომ ასე გადაწყვიტა.. ხელზე მაქვს საბუთი, სადაც სამინისტრო ოფიციალურად წერს, რომ 2022 წელს არ შემოუტანიათ ბივალენტური ვაქცინა და 2023 წელს განიხილავენ შესაძლებლობას, გააჩნია, რა ეპიდემიოლოგიური სიტუაცია იქნება.

ფაქტია, საქართველოს მთავრობა არ აპირებს ბივალენტური ვაქცინის შემოტანას, რომც დააპიროს, სანამ ბივალენტური ვაქცინა საქართველოში ჩამოვა, უკვე ახალი ვაქცინა იქნება საჭირო..

ახლა უკვე გვიანია. ჯერ შეკვეთა არ გაუკეთებია ქვეყანას, რა უნდა შემოიტანოს? მით უმეტეს იმ ფონზე, როდესაც დიდი მოთხოვნაა და რიგია იმ ქვეყნების, რომლებსაც უნდათ მისი შეძენა. რეალობას ჩავხედოთ თვალებში – საქართველოში ბივალენტური ვაქცინა არ ჩამოვა. საქართველოში დღეს, ქვეყნის არც ერთი მოქალაქე აცრილი არ არის“, – ამბობს გიორგი ფხაკაძე.

მისი თქმით, „კარგი ამბავია ის, რომ „კრაკენი“ არ არის ისეთი აგრესიული, როგორიც წინა ვარიანტები იყო. შედარებით ნაკლები სიმძიმით არის გამოხატული, მაგრამ 65 წელს გადაცილებული ადამიანებისა და იმ პირებისთვის, რომლებსაც იმუნურ სისტემასთან პრობლემები აქვთ, მაინც საშიშია.

„ქვეყანაში პოსტკოვიდური მდგომარეობა ძალიან რთული იქნება: „კრაკენი“ ძალიან სწრაფად ვრცელდება, ჰოსპიტალიზაცია მაინც გაიზრდება და თუ წინა ვარიანტების დროს 100 ადამიანი იყო ინფიცირებული და გვყავდა 10 ჰოსპიტალიზებული, ახლა იმავე პერიოდში გვეყოლება 10 000 ინფიცირებული, საიდანაც საავადმყოფოში 1000 ადამიანი იქნება.

არ დაგვავიწყდეს პოსტკოვიდიც – ეს ნიშნავს, რომ „კრაკენი“ დაგემართებათ, „ომიკრონი“ თუ სხვა რამ, პოსტკოვიდი პოსტკოვიდია.

შესაბამისად, ქვეყანაში პოსტკოვიდური მდგომარეობა ძალიან რთული იქნება.

საბოლოო ჯამში, საქართველოს მოსახლეობის, დაახლოებით, 50 %-ს ექნება სხვადასხვა ტიპის პოსტკოვიდური პრობლემები. დიაბეტის აფეთქება ნახეთ 2023 წელს“, – განაცხადა გიორგი ფხაკაძემ.

Professor Giorgi Pkhakadze, MD, MPH, PhD

#drpkhakadze #accreditationge #გიორგიფხაკაძე

Профессор Гиорги Пхакадзе. #ПрофессорПхакадзе