#datashvil#drpkhakadze#sheniganatleba#sheniambebi #shenipulsi
შაქრის შემცველი პროდუქტები ბავშვის ჯანმრთელობაზე დიდ გავლენას ახდენს.
ამერიკის გულის ასოციაციის (American Heart Association) რეკომენდაციის თანახმად, ორ წლამდე ასაკის ბავშვი საერთოდ არ უნდა იღებდეს შაქრის შემცველ პროდუქტებს, ხოლო ორიდან 18 წლამდე ასაკის ადამიანისთვის დღე-ღამის განმავლობაში მიღებული შაქრის ოდენობა არ უნდა აღემატებოდეს 25 გრამს (6 ჩაის კოვზი).
კვლევების საფუძველზე დადასტურებულია, რომ მცირე ასაკში შაქრის დიდი რაოდენობით მიღება მომავალში ხელს უწყობს სხეულის მასის ინდექსის ზრდას და ჭარბწონიანობისკენ მიდრეკილების ჩამოყალიბებას.
მიჩნეულია, რომ შაქარი იწვევს მიჩვევას, ხოლო მისი ჭარბი მიღება, განსაკუთრებით ბავშვებისთვის, ჯანმრთელობის დიდ პრობლემებთანაა დაკავშირებული.
ჭარბი წონა – შაქრით სავსე საკვებს აკლია ზრდა-განვითარებისთვის საჭირო კომპონენტები, ის ბავშვის ორგანიზმს არაჯანსაღ ნივთიერებებს აწვდის, რაც ჭარბწონიანობისკენ მიდრეკილებას იწვევს.
დიაბეტის მომატებული რისკი – შაქრის ჭარბი მიღებისას ორგანიზმში ინსულინის დონე იმატებს, რაც ტიპი 2 დიაბეტის განვითარების წინაპირობაა.
იმუნური სისტემის დასუსტება – ბავშვის განვითარების ფაზაში მყოფი ორგანიზმისთვის შაქრისა და რაფინირებული ნახშირწყლების ნორმაზე დიდი რაოდენობით მიღება ასუსტებს იმუნურ სისტემას. ის ვეღარ მუშაობს ისე, როგორც საჭიროა, შესაბამისად ბავშვის ორგანიზმი უფრო მოწყვლადი ხდება ინფექციების მიმართ.
კუჭ-ნაწლავის პრობლემები – ორგანიზმში შაქრის დონის მატებისას იკლებს სასარგებლო ბაქტერიების რაოდენობა საჭმლის მომნელებელ სისტემაში. შედეგად ვითარდება კუჭ-ნაწლავის პრობლემები.
დაზიანებული კბილები – როდესაც ბავშვი ბევრ ტკბილეულს ჭამს, მისი პირის ღრუს ბინადარი ბაქტერიები შაქარს მჟავად გარდაქმნიან, რომელიც კბილის მინანქარს არბილებს. შედეგად კბილები ცვდება.
რეკომენდაციები
ორ წლამდე ასაკის ბავშვისთვის საერთოდ არ არის რეკომენდებული შაქრის შემცველი პროდუქტები. ბავშვს ნელ-ნელა შესთავაზეთ ჯანსაღი ტკბილეული, უმჯობესია მიაწოდოთ ხილი. თუ ბავშვი უკვე მიჩვეულია ტკბილეულს, თანდათან უნდა გადააჩვიოთ.
კლინიკა “ინოვა”-ს ნეიროქირურგიული განყოფილების ხელმძღვანელი, ირაკლი ჭელიშვილი სამწვერა ნერვის ნევრალგიის შესახებ საუბრობს:
„სისხლძარღვი ედება ნერვს, არის ქრონიკული პროცესი. წლების განმავლობაში იწვევს ნერვის დამცავი გარსის დაზიანებას და შემდეგ იწყება სამწვერა ნერვის ნევრალგია. სამწვერა ნერვის ნევრალგია გამოიხატება ძალიან ძლიერი ტკივილებით…“
პინეო სამედიცინო ეკოსისტემა ჩართულია აკრედიტაცია კანადას საერთაშორისო სამედიცინო აკრედიტაციის პროგრამაში.
#datashvil#drpkhakadze#sheniganatleba#sheniambebi #shenipulsi
ევროპა აქტივი EQF 4 დონის პილატესის ინსტრუქტორის სტანდარტებს ანახლებს
„ევროპა აქტივმა” პილატესის მასწავლებლის პროფესიული როლის სტანდარტები განიხილა და განაახლა. განხილვა ჩაატარა ტექნიკურმა ექსპერტთა ჯგუფმა, რომელიც „ევროპა აქტივის” პროფესიული სტანდარტების კომიტეტმა შექმნა და პილატესის ეროვნული ფედერაციების, პილატეს ასოციაციებისა და სასწავლო სკოლების ექსპერტებისგან შედგებოდა. შემდეგ, სტანდარტების შესახებ ინდუსტრიის გარე კონსულტაციები შედგა, სადაც დაინტერესებულ მხარეებს პროექტზე უკუკავშირის მიცემის საშუალება ჰქონდათ.
ცოდნისა და უნარების მოთხოვნების თვალსაზრისით, სტანდარტები ევროპული კვალიფიკაციის ჩარჩოს (EQF) მე-4 დონეზე რჩება. თუმცა, უფრო მარტივად გაგებისა და გამოყენების მიზნით, სტანდარტები ასოცირებული სწავლის შედეგებითა და შეფასების კრიტერიუმებით სასწავლო ერთეულების სერიებად არის წარმოდგენილი. ამჟამად აკრედიტებული სასწავლო დაწესებულებები უნდა დარწმუნდნენ, რომ მათ მიერ შეთავაზებული პილატესის ინსტრუქტორის კურსები ყველა ამ ერთეულსა და თითოეულის მოთხოვნას შეესაბამება. ანალოგიურად, ნებისმიერ სასწავლო დაწესებულებას, რომელსაც „ევროპა აქტივის” აკრედიტაციის მიღება სურს და ამჟამად მის სტანდარტებს ეწინააღმდეგება, განახლებული სტანდარტების მოთხოვნების შესრულება მოუწევს.
#datashvil#drpkhakadze#sheniganatleba#sheniambebi #shenipulsi
2024 წლის 27 მარტს “აკრედიტაცია კანადას” წარმომადგენლობის ოფიციალური შეხვედრა გაიმართა კლინიკა “ჰერა 2011”-ის წარმომადგენლებთან.
“აკრედიტაცია კანადა”, რომლის წარმომადგენელი საქართველოში ჯანდაცვის საერთაშორისო ექსპერტი, პროფესორი გიორგი ფხაკაძეა, საქართველოს 20-ზე მეტი კლინიკის აკრედიტაციის პროცესშია ჩართული.
ამჟამად “აკრედიტაცია კანადას” წარმომადგენლობა, გიორგი ფხაკაძის ხელმძღვანელობით, საქართველოშია და კლინიკებთან შეხვედრებს მართავს.
შეხვედრის შემდეგ “შენი პულსი” ჰერა 2011″ის გენარალურ დირექტორს, მედიცინის დოქტორ, მეან-გინეკოლოგ ირაკლი მაჭარაძეს ესაუბრა:
“აკრედიტაცია კანადა” ავირჩიეთ, რადგან გავარკვიეთ, რომ იქნებოდა მათი მხრიდან დახმარება იმ საკითხებში, რაც ჩვენთვის ახალი მოთხოვნა იყო.
პროცესში ჩართულია ბატონი გიორგი ფხაკაძე და აქედან გამომდინარე, კომუნიკაცია უფრო მარტივია… გავაკეთეთ არჩევანი “აკრედიტაცია კანადაზე” მას შემდეგ, რაც მათ მიერ აკრედიტებული საავადმყოფოების რაოდენობას და გატარებულ ღონისძიებებს გავეცანით მსოფლიოს სხვადასხვა ქვეყანაში.
მნიშვნელოვანია ასეთი ვიზიტები და ადგილზე გაცნობა სიტუაციისა. თვითშეფასების პერიოდი დავარულეთ, გადაგზავნილია. ახლა ვამოწმებთ, სწორად არის თუ არა ჩვენ მიერ ჩატარებული სამუშაოები, კიდევ რა დაგვრჩა გასაკეთებელი, სწორი მიმართულებით მივდივართ და ა.შ. ეს შუალედური დასკვნა საინტერესოა შემდგომი ნაბიჯებისთვის…
პროცესის შუა ნაწილში ვართ და უკვე ვხვდებით, რომ აკრედიტაცია არის საკმაოდ მნიშვნელოვანი სამედიცინო დარგისთვის, სადაც ავტომატიზმამდე უნდა იყოს დაყვანილი ყველა ნაბიჯი პაციენტის შემოსვლიდან პაციენტის გაწერამდე.
რაც შეეხება ჩვენს კლინიკას, 2000-2001 წლიდან ფუნქციონირებს, გვაქვს დამოუკიდებელი, კერძო ახლად შექმნილი კლინიკა, რომელიც ახალ ეტაპზე გადავიდა 2012 წლიდან, როდესაც ახალ შენობაში გადმოვედით.
ყველა ინოვაციას ჩვენ ვნერგავთ, ვაგრძელებთ და ვითვალისწინებთ ახალ პროტოკოლებსა თუ გაიდლაინებს. დავამატეთ 2012 წლიდან ქირურგიული განყოფილება, ახალშობილთა რეანიმაცია, რომელიც მიგვაჩნია, რომ დღეს ერთ-ერთი საუკეთესო არის არამხოლოდ საქართველოში, არამედ რეგიონში, სადაც უამრავი ახალი მიმართულება და მიდგომაა ნადრევი ახალშობილის მკურნალობის, გამოზრდის მხრივ.
ქორურგიის ნაწილში შემიძლია ვისაუბრო თანამედროვე ტექნოლოგიებზე: ლაპარასკოპიულ ოპერაციებზე, ორგანოს შემანარჩუნებელ, დამზოგველ ოპერაციებზე, რომლებიც დღეს არის წამყვანი ქირურგიაში და კიდევ ბევრი გეგმა გვაქვს სამეანოში, ქირურგიაშიც, ახალშობილთა მიმართულებითაც.
გვინდა რამდენიმე სერვისის დამატება – ინვიტრო განყოფილების მხრითაც წავიდეთ, თუმცა ჩვენი მთავარი გამოწვევა არის ფართო ტერიტორია და ყველა გვირჩევს, რომ დროა გაფართოების.
ჩვენს კლინიკაში მართლაც დიდი ნაკადია პაციენტების, მსურველების და ფართის ნაკლებობის გამო ზოგჯერ უარის თქმაც გვიწევს.
ბოლოს აკრედიტაციის საკითხს დავუბრუნდები და მინდა, გამოვხატო კმაყოფილება ჩვენს არჩევანზე, “აკრედიტაცია კანადას” ორგანიზაციაზე, ბატონ გიორგისთან ერთად იმიტომ, რომ თავიდან ბევრი რამ იყო გაურკვეველი, რომლის აღქმაც რთული იყო. თუმცა ახლა ყველაფერი ნათელია, ვიცით, რა და როგორ უნდა გავაკეთოთ, ყველა კითხვაზე პასუხს ვიღებთ.”
კლინიკა “ინოვა”-ს ნეიროქირურგიული განყოფილების ხელმძღვანელი, ირაკლი ჭელიშვილი სამწვერა ნერვის ნევრალგიის შესახებ საუბრობს:
„სისხლძარღვი ედება ნერვს, არის ქრონიკული პროცესი. წლების განმავლობაში იწვევს ნერვის დამცავი გარსის დაზიანებას და შემდეგ იწყება სამწვერა ნერვის ნევრალგია. სამწვერა ნერვის ნევრალგია გამოიხატება ძალიან ძლიერი ტკივილებით…“
პინეო სამედიცინო ეკოსისტემა ჩართულია აკრედიტაცია კანადას საერთაშორისო სამედიცინო აკრედიტაციის პროგრამაში.
#datashvil#drpkhakadze#sheniganatleba#sheniambebi #shenipulsi
მადლიერი პაციენტი.
“ძალიან დიდი მადლობა მინდა გადაგიხადოთ “ჩაფიძის გულის ცენტრის”კოვიდ-19-ის განყოფილებას. მადლობა მთელ პერსონალს, თავდაუზოგავი შრომისთვის და უსაზღვრო ყურადღებისთვის.
16 დღის განმავლობაში ენერგია არ დაგიზოგავთ ჩემი დედიკოს კარგად ყოფნისთვის. თანმხლები რთული დაავადების მიუხედავად, თქვენ შეძელით ის, რომი ჯანმრთელი დაბრუნდა სახლში.
განსაკუთრებული მადლობა ქ-ნ ლელა კოპალეიშვილს და ქ-ნ ნაია ამირანაშვილს.
გისურვებთ ყველაფერს საუკეთესოს”
პატივისცემით
სოფო ხუციშვილი
#datashvil#drpkhakadze#sheniganatleba#sheniambebi #shenipulsi
მსოფლიოში პირველად, იაპონური ფარმაცევტული სტარტაპი მედიკამენტზე მუშაობს, რომელსაც კბილების ამოყვანა შეუძლია.
კიოტოს უნივერსიტეტის ბაზაზე შექმნილმა Toregem Biopharma-მ ცდები თაგვებზე წარმატებით ჩაატარა, 2024 წლიდან კი პრეპარატის ადამიანებზე გამოცდას იწყებს.
უცხოური გამოცემის ინფორმაციით, კომპანია 2025 წლიდან კლინიკური ცდის ჩატარებას ანოდონტიის დიაგნოზის მქონე 2-დან 6-წლამდე ბავშვებში გეგმავს. სამომავლოდ მედიკამენტის გამოყენება იმ ზრდასრულებსაც შეეძლებათ, რომლებმაც კბილები კარიესის გამო დაკარგეს.
საქართველოში, კლინიკებმა საერთაშორისო აკრედიტაციის გავლისთვის მზადება დაიწყეს.
საერთაშორისო აკრედიტაციის ორგანიზაციას „აკრედიტაცია კანადას“ საქართველოში საზოგადოებრივი ჯანდაცვის ექსპერტი, ჯანდაცვის მსოფლიო ორგანიზაციის კონსულტანტი, ექიმი, აკრედიტაცია კანადას წარმომადგენელი საქართველოში გიორგი ფხაკაძე წარმოადგენს.
გიორგი ფხაკაძე საქართველოში იმყოფება.
აკრედიტაცია კანადას ამჟამად გადის 24 სამედიცინო დაწესებულება, საქართველოში.
“აკრედიტაცია კანადას” წარმომადგენლობის ოფიციალური შეხვედრა გაიმართა “ჯო ენის საუნივერსიტეტო ჰოსპიტლის” წარმომადგენლებთან.
ჯო ენის საუნივერსიტეტო ჰოსპიტალში საერთაშორისო სამედიცინო აკრედიტაციის მოსაპოვებლად სამუშაო პროცესები მიმდინარეობს.
2024 წლის 26 მარტს “აკრედიტაცია კანადას” წარმომადგენლობის ოფიციალური შეხვედრა გაიმართა
“ჯო ენის საუნივერსიტეტო ჰოსპიტლის” წარმომადგენლებთან.
“აკრედიტაცია კანადა”, რომლის წარმომადგენელი საქართველოში ჯანდაცვის საერთაშორისო ექსპერტი, პროფესორი გიორგი ფხაკაძეა, საქართველოს 20-ზე მეტი კლინიკის აკრედიტაციის პროცესშია ჩართული.
ამჟამად “აკრედიტაცია კანადას” წარმომადგენლობა, გიორგი ფხაკაძის ხელმძღვანელობით, საქართველოშია და კლინიკებთან შეხვედრებს მართავს.
შეხვედრის შემდეგ “შენი პულსი” “ჯო ენის საუნივერსიტეტო ჰოსპიტლის” გენერალურ დირექტორ ზაზა სოფრომაძეს ესაუბრა:
“აკრედიტაციის პროცესი ყველა სამედიცინო დაწესებულებისთვის არის ძალიან მნიშვნელოვანი, რადგან ემსახურება თანამედროვე სტანდარტებთან შესაბამისობაში მოყვანას. ეს კი მნიშვნელოვანი და აუცილებელია ჩვენი ქვეყნისათვის, მოსახლეობისათვის ადეკვატური, ხარისხიანი სამედიცინო სერვისების მისაწოდებლად.
მოხარული ვართ, რომ “აკრედიტაცია კანადას” წარმომადგენლებს ვმასპინძლობთ. ჩვენი კლინიკის ყველა თანამშრომელი მობილიზებულია, მზად არის ამ ერთობლივი სამუშაოსთვის.
ყველა მადლობელია იმისათვის, რომ “აკრედიტაცია კანადა” ასე აქტიურად არის ჩართული ამ პროცესში და სულის მოთქმის საშუალებას არ აძლევენ ჩვენს თანამშრომლებს, რა თქმა უნდა, კარგი გაგებით…
კარგად გვესმის, რაოდენ მნიშვნელოვანია “აკრედიტაცია კანადასთან” თანამშრომლობა, რადგან ვიცით, რომ ის არის ერთ-ერთი ყველაზე ავტორიტეტული ორგანიზაცია ამ სფეროში და ცხადია, ჩვენთვისაც პრესტიჟია ამ ორგანიზაციასთან თანამშრომლობა.”
© SheniEkimi.ge
