რესპუბლიკური საავადმყოფოს ექიმი აცხადებს, რომ იმ თანამშრომლებს, რომლებმაც კომპენსაცია მიიღეს, სურვილის შემთხვევაში, საავადმყოფოში მუშაობის გაგრძელების საშუალება ექნებათ. კახი ხუციშვილის თქმით, ამის წინააღმდეგი არავინ წავა.
„რაც შეეხება იმ ადამიანებს, რომელთაც კომპენსაციებს ხელი უკვე მოაწერეს. სხვათა შორის, პირდაპირ ამ საკითხით დაიწყო საუბარი ბატონმა პრემიერმა, რომ არის რაღაც ნაწილი, ვინც უკვე ხელი მოაწერა და კომპენსაცია ჩაერიცხა. ოპტიმალურად უნდა დაკომპლექტდეს, დარგის ხელმძღვანელობაც იქნება ამაში ჩართული, მთლიანად კოლექტივიც. იქნებიან ადამიანები, ვისაც აღარ უნდათ უბრალოდ იქ მუშაობა და დატოვებს კოლექტივს, ვისაც ამის სურვილი ექნება, უკან დაბრუნდება, ამის წინააღმდეგი არავინ არის. ჩვენ ამას არანაირად არ შევეწინააღმდეგებით, პირიქით, ჩვენ ყოველთვის ვამტკიცებდით, რომ ჩვენი ერთად მუშაობა იყო რესპუბლიკური საავადმყოფოს წარმატების ერთ-ერთი მთავარი საწინდარი“, – განაცხადა კახი ხუციშვილმა.
დღეს მთავრობის ადმინისტრაციაში რესპუბლიკური საავადმყოფოს მედპერსონალთან შეხვედრა გაიმართა, რომელსაც ჯანდაცვის მინისტრიც დაესწრო.
საქართველოს პრემიერ-მინისტრმა, ირაკლი კობახიძემ რესპუბლიკური საავადმყოფოს მედპერსონალთან შეხვედრის შემდეგ განაცხადა, რომ საავადმყოფოს უკანა ტერიტორიაზე აშენდება ახალი სამედიცინო დაწესებულება, ხოლო საავადმყოფოს შენობის დემონტაჟი არ განხორციელდება, ვიდრე არ აშენდება ახალი საავადმყოფო.
#datashvil #drpkhakadze #sheniganatleba #sheniambebi #sheniekimi
„პრემიერთან შეხვედრაზე საუბარი წარიმართა ძალიან პოზიტიურად, ჩვენთვის სასარგებლო შედეგით“, – ამის შესახებ რესპუბლიკური საავადმყოფოს ექიმმა, ნინო ოთარიშვილმა პრემიერ-მინისტრ ირაკლი კობახიძესთან შეხვედრის შემდეგ ჟურნალისტებს განუცხადა. მისი თქმით, შეხვედრაზე მათი არგუმენტაციის ძალიან დიდი ნაწილი გაითვალისწინეს.
„გადაწყდა, რომ სახელმწიფო კლინიკა, ერთადერთი მრავალპროფილური კლინიკა თბილისში, რესპუბლიკური საავადმყოფო დარჩება იმ ლოკაციაზე, რომელზეც არის. გააგრძელებს მუშაობას, ვიდრე ახალი აშენდება უკანა მხარეს ეზოში. ამავე დროს მოხდება იმ კორპუსის, ნაწილის, რომელშიც დღესდღეობით რესპუბლიკური საავადმყოფოა განთავსებული, მოდერნიზაცია, იმისთვის, რომ გარდამავალ პერიოდში კლინიკამ სრულად შეძლოს პაციენტებისთვის სერვისების მიწოდება. უკან ახალი შენობა როდესაც აშენდება რესპუბლიკური საავადმყოფოს მედპერსონალი გადავა ახალ შენობაში“, – აღნიშნა ექიმმა.
დღეს მთავრობის ადმინისტრაციაში რესპუბლიკური საავადმყოფოს მედპერსონალთან შეხვედრა გაიმართა, რომელსაც ჯანდაცვის მინისტრიც დაესწრო.
საქართველოს პრემიერ-მინისტრმა, ირაკლი კობახიძემ რესპუბლიკური საავადმყოფოს მედპერსონალთან შეხვედრის შემდეგ განაცხადა, რომ საავადმყოფოს უკანა ტერიტორიაზე აშენდება ახალი სამედიცინო დაწესებულება, ხოლო საავადმყოფოს შენობის დემონტაჟი არ განხორციელდება, ვიდრე არ აშენდება ახალი საავადმყოფო.
#datashvil #drpkhakadze #sheniganatleba #sheniambebi #sheniekimi
„მივიღეთ შემდეგი გადაწყვეტილება, რომ გაჩერდება დაწყებული პროცესი, რომელიც უკავშირდებოდა ექიმებისა და პერსონალის მიერ განცხადებების დაწერას, რეორგანიზაციას, ჩვენ მოვამზადებთ წინადადებებს და ამის შემდეგ განისაზღვრება, როგორ გაგრძელდება პროცესები“, – ამის შესახებ პრემიერ-მინისტრმა, ირაკლი კობახიძემ რესპუბლიკური საავადმყოფოს პერსონალთან შეხვედრის შემდეგ განაცხადა.
მისი განმარტებით, უახლოესი თვეების განმავლობაში მთავრობა და ჯანდაცვის სამინისტრო იმუშავებენ ალტერნატიულ პროექტზე.
„როგორც მოგეხსენებათ, არსებული პროექტი ითვალისწინებდა საავადმყოფოს გარკვეული ტერიტორიის, უკანა ტერიტორიის გამოყენებას საინვესტიციო მიზნებისთვის, ხოლო წინა ტერიტორიის, არსებული შენობის დემონტაჟის საფუძველზე, საინვესტიციოდ გამოყენებას. ალტერნატიული ვარიანტი შემოგთავაზეს ექიმებმა, რაც გულისხმობდა იმას, რომ უკანა ტერიტორიაზე შეიძლებოდა საავადმყოფოს მშენებლობა, ხოლო წინა ტერიტორია მოგვიანებით გამოყენებულიყო საინვესტიციო მიზნებისთვის. ეს შემოთავაზება შეესაბამება იმ გეგმას, რომელიც არსებობდა თავის დროზე 2007 წელს, ჯერ კიდევ ბიძინა ივანიშვილს ჰქონდა დაგეგმილი არსებული შენობის მშენებლობა უკანა ტერიტორიაზე, ანუ იგეგმებოდა ახალი საავადმყოფოს მშენებლობა.
ჩვენ ვიმუშავებთ სწორედ ასეთ პროექტით, კიდევ ერთხელ წარიმართება შესაბამისი სამუშაოები, დაიგეგმება პროცესი და მომზადდება წინადადებები, რომ განხორციელდეს უკანა ტერიტორიაზე საავადმყოფოს მშენებლობა და წინა ტერიტორია გამოყენებული იყოს საინვესტიციო მიზნებისთვის“, – აღნიშნა პრემიერმა.
მისივე თქმით, ქვეყანას ახალი რესპუბლიკური საავადმყოფო სჭირდება.
„დღევანდელი რესპუბლიკური საავადმყოფო არ არის სათანადო მდგომარეობაში. ეს მიზანი აუცილებლად განხორციელდება, უახლოესი რამდენიმე წლის განმავლობაში აუცილებლად აშენდება ახალი რესპუბლიკური საავადმყოფო, თუმცა, მანამდე ახალი ვერსია მოგვცემს იმის საშუალებას, რომ უახლოესი წლების განმავლობაში შევინარჩუნოთ დღეს მოქმედი საავადმყოფო თავისი პერსონალით. შესაბამისად, რესპუბლიკური საავადმყოფო უახლოესი წლების განმავლობაშიც გააგრძელებს ფუნქციონირებას. მიღებული იქნება ზომები, რომ გაუმჯობესდეს ინფრასტრუქტურა“, – განაცხადა ირაკლი კობახიძემ.
საზოგადოებრივი ჯანდაცვის ექსპერტი, ჯანდაცვის მსოფლიო ორგანიზაციის კონსულტანტი, ექიმი, აკრედიტაცია კანადას წარმომადგენელი საქართველოში გიორგი ფხაკაძე ამბობს, რომ “B” ვიტამინის შესახებ ახალი რამ უნდა ვიცოდეთ.
გულ-სისხლძარღვთა დაავადებების (CVD) ინტენსიური პროფილაქტიკური მცდელობების მიუხედავად, კარდიოვასკულური დაავადება მნიშვნელოვანი რისკია იმ პირებისთვისაც, რომლებიც იღებენ ყველა გაიდლაინებით რეკომენდებულ ინტერვენციას.
ნიაცინი არის არსებითი მიკროელემენტი, რომლითაც გამდიდრებულია საკვები პროდუქტები, მაგრამ მისი როლი გულ-სისხლძარღვთა დაავადებების დროს კარგად არ არის გასაგები.
ამ კვლევაში, უზმოზე პლაზმის არამიზნობრივი მეტაბოლური ანალიზი სტაბილური გულის პაციენტებისგან პერსპექტიული აღმოჩენის კოჰორტაში (n = 1,162 სულ, n = 422 ქალი) ვარაუდობს, რომ ნიაცინის მეტაბოლიზმი დაკავშირებული იყო ინციდენტთან გვერდით გულ-სისხლძარღვთა მოვლენებთან (MACE). ჭარბი ნიაცინის, N1-მეთილ-2-პირიდონ-5-კარბოქსამიდის (2PY) და N1-მეთილ-4-პირიდონ-3-კარბოქსამიდის (4PY) ტერმინალური მეტაბოლიტების შრატის დონეები ასოცირებული იყო 3-წლიან MACE რისკთან ორი ვალიდაციის კოჰორტა (აშშ n = 2,331 სულ, n = 774 ქალი; ევროპული n = 832 სულ, n = 249 ქალი) (მორგებული საშიშროების კოეფიციენტი (HR) (95% ნდობის ინტერვალი .2.2) და .2.2 (2,6-4) 2PY-სთვის. (1.29–3.18), შესაბამისად; 4PY–სთვის: 1.89 (1.26–2.84) და 1.99 (1.26–3.14), შესაბამისად). rs10496731 გენეტიკური ვარიანტის ასოციაციის ფენომენის მასშტაბური ანალიზი, რომელიც მნიშვნელოვნად იყო დაკავშირებული როგორც 2PY, ასევე 4PY დონეებთან, გამოავლინა ამ ვარიანტის ასოციაცია ხსნადი სისხლძარღვთა ადჰეზიის მოლეკულის 1 დონეებთან (sVCAM-1). შემდგომმა ანალიზებმა დაადასტურა rs10496731-ის კავშირი sVCAM-1-თან (n = 106,000 სულ, n = 53,075 ქალი, P = 3.6 × 10−18).
გარდა ამისა, sVCAM-1 დონეები მნიშვნელოვნად იყო დაკავშირებული როგორც 2PY-თან, ასევე 4PY-თან ვალიდაციის კოჰორტაში (n = 974 სულ, n = 333 ქალი) (2PY: rho = 0.13, P 0.13, P 0.71 . , P = 1.1 × 10−8).
და ბოლოს, მკურნალობამ 4PY-ის ფიზიოლოგიური დონეებით, მაგრამ არა მისი სტრუქტურული იზომერი 2PY, გამოიწვია VCAM-1-ის და ლეიკოციტების ადჰეზირება სისხლძარღვთა ენდოთელიუმთან თაგვებში. ერთობლივად, ეს შედეგები მიუთითებს, რომ ჭარბი ნიაცინის ტერმინალური დაშლის პროდუქტები, 2PY და 4PY, ორივე ასოცირდება ნარჩენი CVD რისკთან. ისინი ასევე ვარაუდობენ ანთებაზე დამოკიდებულ მექანიზმს, რომელიც ემყარება კლინიკურ კავშირს 4PY-სა და MACE-ს შორის.
#datashvil #drpkhakadze #sheniganatleba #sheniambebi #sheniekimi
ჰეპატიტის C როგორ ვრცელდება, რა სიმპტომები ახასიათებს, როგორ დავიცვათ თავი, რა ლაბორატორიული გამოკვლვები ტარდება.
ჰეპატიტი C ღვიძლის დაავადებაა, რომელსაც იწვევს C ჰეპატიტის ვირუსი. გავცელებულია მთელ მსოფლიოში ავადდებიან ქალებიც და მამაკაცებიც. მიმდინარეობს ყოველგვარი კლინიკური სიმპტომის გარეშე.
ხშირად დაავადებას თან სდევს ზოგადი კლინიკური ნიშნები: საერთო სისუსტე, გრიპის მსგავსი სიმპტომები, დისკომფორტი მუცლის არეში, დეპრესია, უხასიათობა, ზოგადი აღგზნებადობა.
#datashvil #drpkhakadze #sheniganatleba #sheniambebi #sheniekimi
A ჰეპატიტი ღვიძლის ვირუსული ანთების ყველაზე გავრცელებული ფორმაა, მთელ მსოფლიოში გვხვდება და ხშირად ეპიდემიური ხასიათი აქვს. ავადობის სიხშირის მიხედვით, მესამე ადგილი უკავია გრიპისა და მწვავე რესპირატორული ინფექციების შემდეგ. A ჰეპატიტი სხვადასხვა დროს ცნობილი იყო ინფექციური ჰეპატიტის, ეპიდემიური ჰეპატიტის, ბოტკინის დაავადების, სიყვითლის სახელწოდებით. სამედიცინო ლიტერატურაში იგი ჭუჭყიანი ხელების დაავადებადაც მოიხსენიება.
ჰეპატიტი ღვიძლის ანთებას ნიშნავს. მისი გამოწვევა შეუძლია ტოქსინს, წამალს, ნივთიერებათა ცვლის დარღვევას და, რა თქმა უნდა, ინფექციასაც.
ბავშვებთან ყველაზე ხშირად A ვირუსით გამოწვეული ჰეპატიტი გვხვდება, რომელსაც A ჰეპატიტს უწოდებენ, ძალიან გადამდებია. შესაძლოა, საკვებისა თუ სასმლის მასობრივი დაბინძურება A ჰეპატიტის ეპიდემიის მიზეზად იქცეს.
#datashvil #drpkhakadze #sheniganatleba #sheniambebi #sheniekimi
აშშ-ის სურსათისა და წამლების ადმინისტრაციამ (FDA) ძლიერი მოყინვის სამკურნალო პირველი მედიკამენტი დაუშვა. ინფორმაციას თავად სააგენტო ავრცელებს.
მედიკამენტს ილოპროსტი ეწოდება და Aurlumyn-ის სახელით არის ბრენდირებული. იგი სისხლძარღვებს ხსნის და თრომბების გაჩენას უშლის ხელს, ასე კი ძლიერი მოყინვისას ამპუტაციის საჭიროებას ამცირებს. მარეგულირებელმა ორგანომ ნებართვა წარმატებული კლინიკური ცდის საფუძველზე გასცა.
კვლევაში 47 ზრდასრული ადამიანი მონაწილეობდა, რომლებსაც სერიოზული მოყინვა ჰქონდათ. მეცნიერებმა ცდისპირები სამ ჯგუფად დაყვეს: ნაწილს ყოველდღე 6 საათით მხოლოდ ილოპროსტს უკეთებდნენ ვენაში, ნაწილს — ილოპროსტისა და სხვა მედიკამენტების ნაზავს, ნაწილს კი — მხოლოდ სხვა მედიკამენტებს.
მხოლოდ ილოპროსტის მიმღები ადამიანებიდან ერთი კვირის შემდეგ ამპუტაცია არცერთს არ დასჭირვებია; ამპუტაცია დასჭირდა იმ ხალხის 19%-ს, რომლებიც ამ პრეპარატს სხვა წამლებთან ერთად იღებდნენ; მხოლოდ სხვა მედიკამენტების მიმღები მონაწილეებიდან მოყინული ადგილის მოკვეთა 69%-ს დასჭირდა.
კანადასა და ევროპაში ექიმები აქამდეც იყენებდნენ თრომბის საწინააღმდეგო მედიკამენტებს, რათა პაციენტებისთვის მოყინული ადგილების ამპუტაცია აერიდებინათ თავიდან. ეს წამლები სისხლდენის რისკს ზრდის ანდა დაზიანების მიღებიდან მხოლოდ 24 საათის განმავლობაშია ეფექტიანი.
ამის საპირისპიროდ, ახალი წამალი სისხლდენის რისკს არ ქმნის და დაზიანებიდან სამ დღემდე ვადაში შეგვიძლია გამოვიყენოთ. მას მოყინვის სამკურნალოდ უკვე წლებია იყენებენ კანადაში თუ ევროპის სხვადასხვა სახელმწიფოში. ცნობისთვის, მედიკამენტი FDA-მ თავიდან 2004 წელს დაუშვა ფილტვის არტერიული ჰიპერტენზიის სამკურნალოდ.
ძლიერი მოყინვა 0°C-ზე დაბალ ტემპერატურაზე იჩენს თავს.
მოყინვისას შესაბამის ადგილას სისხლის მიწოდება მცირდება და ქსოვილებს ჟანგბადი აღარ მიეწოდება, ისინი იხოცება. შესაძლოა, ამ დროს თრომბებიც ჩამოყალიბდეს, რაც სისხლის მიმოქცევას კიდევ უფრო ანელებს. ასეთი მოყინვა იშვიათია, თუმცა ამ დროს ერთადერთი გამოსავალი ხშირად ამპუტაციაა ხოლმე.
CDC-ს მიხედვით, მოყინვის ადრეული ნიშანი კანში შეგრძნებისა და ფერის დაკარგვაა. შესაძლოა, იგი გათეთრდეს, მონაცრისფრო-მოყვითალო ელფერი შეიძინოს ან უჩვეულოდ გამაგრდეს და ცვილისებრი გახდეს. ამ დროს სასწრაფოდ სამედიცინო დახმარებას უნდა მივმართოთ.
ყველაზე მსუბუქ შემთხვევებში კანი მხოლოდ დროებით ზიანდება. ამ დროს ადამიანი ჩხვლეტას ან პულსაციას გრძნობს შესაბამის ადგილას. როგორც წესი, ასეთ დროს მოყინული ადგილი საკუთარი სხეულის ტემპერატურით ანდა თბილი (არა ცხელი) წყლით შეგვიძლია გავითბოთ.
#datashvil #drpkhakadze #sheniganatleba #sheniambebi #sheniekimi
26 თებერვალს, პროფესორი გურამ ქარაზანაშვილი, MMT ჰოსპიტალში, საქართველოსა და კავკასიის რეგიონში პირველ რობოტ- ასისტირებად ქირურგიულ ოპერაციას განახორციელებს.
MMT ჰოსპიტალის ინფორმაციით, მიმდინარე წლის თებერვლიდან, პროფესორ გურამ ქარაზანაშვილისა და MMT ჰოსპიტლის წარმატებული საქმიანობისა და ინოვაციური მიდგომების შედეგად, საქართველოს ჯანდაცვის სექტორში რობოტ-ასისტირებადი ქირურგია დაინერგება.
„10 წლიანი მოსამზადებელი სამუშაოების შედეგად, ჰოსპიტლის აღჭურვილობას უკვე შეემატა კიდევ ერთი, უახლესი სამედიცინო ტექნოლოგია – რობოტ-ასისტირებადი ქირურგიული სისტემა TOUMAI SERGI AI SYSTEM. MMT ჰოსპიტალის წინასწარ შერჩეული სპეციალისტები გადამზადდნენ ამერიკის შეერთებულ შტატებსა და ჩინეთში, ხოლო უცხოელი სპეციალისტების უშუალო მეთვალყურეობით – ასისტენტი ექიმები და ექთნები MMT ჰოსპიტლის ბაზაზე. აღსანიშნავია ისიც, რომ ქირურგიული სისტემა TOUMAI SERGI AI SYSTEM წარმოადგენს პირველ რობოტს, რომლის მეშვეობითაც განხორციელდა ურთულესი ოპერაციები დისტანციურად, 12 000 კილომეტრის მანძილზე. აღნიშნული უნიკალური შედეგი ადასტურებს ამ ულტრათანამედროვე რობოტის სანდოობას.
ფაქტორები, რის გამოც რობოტ-ასისტირებადმა ქირურგიამ, რიგ სფეროებში პრაქტიკულად სრულად ჩაანაცვლა ტრადიციული, ლაპარასკოპიული თუ ღია ქირურგიული ოპერაციები, შემდეგია: რობოტ-ასისტირებადი ქირურგია უნიკალური მოქნილობით, მინიმალური განაკვეთით და უმაღლესი ხილვადობით, უდიდეს გავლენას ახდენს როგორც ოპერაციის წარმატებაზე, ისე პაციენტის სწრაფ გამოჯანმრთელებაზე.
ტექნოლოგიურად განვითარებულ ქვეყნებში როგორებიცაა აშშ, გერმანია, იტალია, საფრანგეთი, შვეიცარია, ნიდერლანდები, უახლეს რობოტ-ასისტირებად ოპერაციებს უკვე მიმართავენ მედიცინის ისეთ სპეციალობებში, როგორებიცაა უროლოგია, თოროკალური (გულ-მკერდის) დააბდომინალური (მუცლის ღრუს), ასევე გინეკოლოგიური და კარდიოლოგიური ქირურგია.
დღეს დღეობით რობოტ-ასისტირებადი ქირურგიული სისტემები უკვე წარმოადგენენ სამკურნალო სტანდარტს ამერიკის, ევროპისა თუ აზიის რიგ ქვეყნებში, მიმდინარე წელი კი გარდამტეხი აღმოჩნდა ჩვენი რეგიონისთვის და საკუთრივ საქართველოსთვის. პროფესორ გურამ ქარაზანაშვილისა და MMT ჰოსპიტლის მიერ გაწეული სამუშაოების შედეგად, ინოვაციური და მომავლის სამედიცინო ტექნოლოგიები უკვე ჩვენი ქვეყნის მოქალაქეთათვის და ასევე ვიზიტორთათვისაც ხელმისაწვდომი გახდა.
რობოტ-ასისტირებადი ქირურგია კავკასიის რეგიონისთვის ახალი ერაა და მომავლის სამედიცინო ტექნოლოგიების დანერგვის საწყისი ეტაპი. შედეგად, საქართველოს ჯანდაცვის სექტორი მოწინავე ტექნოლოგიური სიახლეებით წამყვან ქვეყანათა საერთაშორისო რუკაზე ღირსეულ ადგილს დაიკავებს“,-აღნიშნულია ინფორმაციაში.
https://www.facebook.com/mmt.ge
MMT Hospital · ემ ემ ტე ჰოსპიტალი ჩართულია აკრედიტაცია კანადას საერთაშორისო სამედიცინო აკრედიტაციის პროგრამაში.
#datashvil #drpkhakadze #sheniganatleba #sheniambebi #sheniekimi
© SheniEkimi.ge
