მსოფლიოს სხვა მრავალი ქვეყნის მსგავსად, გარემოს მავნე ზემოქმედების შედეგად გამოწვეული დაავადების ტვირთი საქართველოშიც საკმაოდ მაღალია (17%).
გარემოსთან-ასოცირებული დაავადებების ტვირთის შემცირებისა და პრევენციის
მიზნით, ამასთანავე ეკოლოგიური რისკებისადმი მოსახლეობის ექსპოზიციის
შესამცირებლად შემუშავდა გარემოსა და ჯანმრთელობის ეროვნული სამოქმედო გეგმა
საქართველოსა და ევროკავშირს შორის ასოცირების ხელშკრულების მოთხოვნების
შესაბამისად.
ლაბორატორია უზრუნველყოფს თანამშრომელთა სრულ უსაფრთხოებას, გარემოს მაქსიმალურ დაცვას, პათოგენების დაცულ შენახვას, დაავადების ზუსტ და დროულ დიაგნოსტიკას, კვლევების შესახებ ინფორმაციის დროულ გადაცემას შემდგომი რეაგირებისათვის.
ლაბორატორიაში ხდება ვირუსული და ბაქტერიული განსაკუთრებით საშიში ინფექციების დიაგნოსტიკა სეროლოგიური, ბაქტერიოლოგიური და მოლეკულური მეთოდების გამოყენებით ეს ინფექციებია:
შავი ჭირი, ტულარემია, ჯილეხი, ბრუცელოზი, ყირიმ-კონგოს ჰემორაგიული ცხელება.
საქართველოს ტერიტორიაზე ლოკალიზებულია შავი ჭირის 2 ბუნებრივი კერა:
1) ამიერკავკასიის მაღალმთიანი კერა – ესაზღვრება თურქეთსა და სომხეთს, მოიცავს ნინოწმინდის, ახალქალაქის, დმანისის, ახალციხის რაიონებს. მდებარეობს ზღვის დონიდან 1500 მ. და ზემოთ.
2) ვაკე–მთისწინა კერა საქართველოს სამხრეთ აღმოსავლეთში მდებარეობს და ესაზღვრება აზერბაიჯანს და მოიცავს დედოფლისწყაროს , სიღნაღისა და გარდაბნის რაიონებს.
საქართველოში ტულარემიის კერებადაა მიჩნეული სამხრეთ-აღმოსავლეთ საქართველოს რაიონები, აგრეთვე შიდა და ქვემო ქართლის ტერიტორიები, ხოლო ჯილეხისა და ბრუცელოზის შემთხვევები ფიქსირდება როგორც აღმოსავლეთ ასევე დასავლეთ საქართველოს რეგიონებში.
ყირიმ-კონგოს ერთეული შემთხვევები რეგისტრირებულია ხაშურის, ახალციხისა და ასპინძის რაიონებში.
აღნიშნული ლაბორატორიის ბაზაზე ხორციელდება აგრეთვე განსაკუთრებით საშიში ინფექციების შესწავლასთან დაკავშირებული სხვადასხვა სამეცნიერო პროექტები, ამერიკისა და ევროკავშირის სხვადასხვა ქვეყნის კოლაბორეტორებთან ერთად.
„ზამთარში გარეთ სველი თმით ან ქურთუკის გარეშე არ გახვიდე, თორემ გაცივდები“ – ალბათ, არაერთხელ გსმენიათ ეს გაფრთხილება. თუმცა, რეალობა ბევრად უფრო კომპლექსურია, რადგან სიცივე გაციებას არ იწვევს. სინამდვილეში, ცივი ამინდი მხოლოდ ხელს უწყობს რესპირატორული ვირუსების, როგორიცაა გაციება, გრიპი და COVID-19-ის გავრცელებას.
კვლევები ასევე აჩვენებს, რომ დაბალ ტემპერატურაზე უფრო მაღალია COVID-19-ით ინფიცირების რისკი.
მრავალი ვირუსი, მათ შორის რინოვირუსი — ჩვეულებრივი გაციების მთავარი გამომწვევი — გრიპი და COVID-19-ის გამომწვევი კორონავირუსი SARS-CoV-2 დაბალ ტემპერატურასა და დაბალ ტენიანობაში უფრო დიდხანს რჩება ინფექციური და უფრო სწრაფად მრავლდება.
გრიპს და რესპირატორულ-სინციტიურ ვირუსს (RSV) ახასიათებთ შემოდგომისა და ზამთრის განსაზღვრული სეზონურობა.
ზამთრის ცივი და მშრალი ჰაერი ნამდვილად ხელს უწყობს ვირუსების უფრო ადვილად გავრცელებას, თუმცა, სწორი პრევენციული ზომების მიღებით, თქვენ შეგიძლიათ ხელი შეუშალოთ დაავადებების გავრცელებას და მთელი ზამთარი ჯანმრთელად გაატაროთ.
„არ ინერვიულოთ, მშობლებო, 2 წლიდან 6 წლამდე ჩვენი პატარები ვირუსებთან ურთიერთობის და მათ მიერ გამოწვეული ინფექციების აქტიურ ფაზაში არიან, უნდა გაიცნონ და მერე შექმნილი იმუნური მეხსიერების წყალობით მარტივად გაუმკლავდნენ, ეს არის ბუნებრივი მოვლენა…
თქვენი წუხილიც მესმის, მაგრამ ისევე, როგორც სტიქიას ვერ ვაჩერებთ, ამ პროცესების ხელოვნურად შეჩერებაც წარმოუდგენელია!
ერთი მხრივ, ბოროტები არიან ეს პათოგენები, მაგრამ, მეორე მხრივ, ზრუნავენ იმუნიტეტის მდგრადობაზე, ცოტა ნამეტანი კი მოსდით, მაგრამ მაინც!
მთავარია არ დაისტრესოთ, რაც უფრო მედგრად შეხვდებით და დაუცაცხანებთ, მით უფრო მარტივად დატოვებენ ორგანიზმს! სტრესული გარემოს და ცუდი გუნება-განწყობის მოყვარულები არიან მიკროორგანიზმები, ხალასი და ბედნიერი ადამიანების აუტანლობა სჭირთ!
დაიცავით ჰიგიენური ეტიკეტი, კარგად იკვებეთ, წყალი სვით ბევრი, ძილი მოიწესრიგეთ, ფიზიკურ აქტივობას არ მოერიდოთ, შეძლებისდაგვარად იხალისეთ და შეუქმენით პოზიტიური სამყარო პაწუკებს. მიყვარს ბავშვები და ვეთაყვანები ყველას, ვისაც მათზე ზრუნვა ძალუძთ“, – წერს პედიატრი ინგა მამუჩიშვილი სოციალურ ქსელში.
საკითხი ეხება მოქმედი კანონით განსაზღვრული თარიღის გადავადებას.
როგორც ჯანმრთელობის დაცვისა და სოციალურ საკითხთა კომიტეტის თავმჯდომარემ ზაზა ლომინაძემ აღნიშნა, კანონპროექტი „ადამიანის სისხლისა და მისი კომპონენტების ხარისხისა და უსაფრთხოების შესახებ“ საქართველოს კანონის 41-ე მუხლის პირველი პუნქტის „ა“ ქვეპუნქტით გათვალისწინებული ვადის – 2024 წლის 1 დეკემბერი – შეცვლას ითვალისწინებს.
კერძოდ, პროექტის თანახმად, „ადამიანის სისხლისა და მისი კომპონენტების ხარისხისა და უსაფრთხოების შესახებ“ საქართველოს კანონის ამოქმედებამდე მოქმედი სისხლის დაწესებულებები (სისხლის გადასხმის დაწესებულება/სისხლის ბანკი), ვალდებული იქნებიან, ნაცვლად 2024 წლის 1 დეკემბრისა, 2025 წლის 1 სექტემბრამდე დარეგისტრირდნენ ამავე კანონით გათვალისწინებული არასამეწარმეო (არაკომერციული) იურიდიული პირის ორგანიზაციულ-სამართლებრივი ფორმით. აღნიშნული მიდგომის პარალელურად, ცვლილებები ასევე შეეხება თანმდევი ღონისძიებების პროპორციულ გადავადებას.
მომხსენებლის განცხადებით, თარიღის გადავადება აუცილებელია იმისათვის, რომ სამედიცინო სექტორი უკეთ მოემზადოს კანონით განსაზღვრული მნიშვნელოვანი ცვლილებების განსახორციელებლად.
კანონპროექტის ინიციატორები არიან პარლამენტის წევრები: ზაზა ლომინაძე, ვლადიმერ კახაძე, ზაალ მიქელაძე, რიმა ბერაძე, დიმიტრი ხუნდაძე, ანტონ ობოლაშვილი და ირმა ზავრადაშვილი.
კანონპროექტს პარლამენტი გამარტივებული წესით იხილავს.
“აკრედიტაცია კანადა”:
ჩვენი პროგრამის მენეჯერი იულია შჩერბინა ბედნიერი იყო, რომ დაესწრო Politico Health Care Summit-ს ბრიუსელში და კვლავ დაკავშირება მოახდინა ჯანდაცვის ლიდერებთან ევროპის სხვადასხვა ქვეყნიდან.
მნიშვნელოვან თემებს შორის იყო EU Health Union-ის პრიორიტეტები, ევროკავშირის მზადყოფნა ჯანმრთელობის სასწრაფო მდგომარეობების მისაღებად და ეროვნული მთავრობების თანამშრომლობის მნიშვნელობა საერთო გამოწვევების გადაწყვეტის პროცესში.
როგორც გლობალური ორგანიზაცია, რომელიც მსოფლიოს მასშტაბით ადამიანებს აძლევს შესაძლებლობას და შთააგონებს უწყვეტად გააუმჯობესონ ჯანმრთელობის დაცვის ხარისხი, HSO და AC (აკრედიტაცია კანადა) ამაყობენ, რომ მონაწილეობდნენ კანადის ინსულტის მოვლის კონგრესში.
ჩვენი პროგრამის ხელმძღვანელს, ერინ მაჰეტის, პატივი ჰქონდა აღენიშნა ორგანიზაციები, რომლებმაც წარმატებით მოიპოვეს ინსულტის დისტინქციის ჯილდო, რაც გულისხმობს ინსულტის საუკეთესო პრაქტიკის რეკომენდაციების უმაღლესი სტანდარტების დაკმაყოფილებას, აქცენტით ინსულტის სპეციფიკურ პროტოკოლებზე, განათლებასა და ინოვაციებზე მწვავე და სტაციონარული რეაბილიტაციის სერვისებში.
გილოცავთ Centre hospitalier de l’Université de Montréal-ს, Mackenzie Health – Cortellucci Vaughan Hospital-ს, Lakeridge Health – Oshawa-ს, Trillium Health Partners – Mississauga Hospital-ს და მათ დაუღალავ გუნდებს! თქვენი მიღწევები შთააგონებს ყველას. უამრავი სიცოცხლე უკვე გაუმჯობესდა და კიდევ გაუმჯობესდება თქვენი დაუღალავი შრომისა და ერთგულების წყალობით.
გაიგეთ მეტი პროგრამის შესახებ და ის, რაც საჭიროა ინსულტის მოვლის საკითხში ლიდერად გამოსაჩენად: https://accreditation.ca/stroke-distinction/
#drpkhakadze
“აკრედიტაცია კანადაში” პაციენტზე ორიენტირებული მზრუნველობა ჩვენი ფილოსოფიისა და მიდგომის განუყოფელი ნაწილია. ჩვენ ვამაყობთ, რომ ვუჭერთ მხარს ჯანდაცვის ორგანიზაციებს ამ აუცილებელი კულტურის ჩამოყალიბებისა და შენარჩუნების პროცესში.
ცოტა ხნის წინ, წმინდა ჯუდეს საავადმყოფომ სენტ-ლუსიაში, ჯანმრთელობის, კეთილდღეობისა და ხანდაზმულთა საქმეთა სამინისტროსთან თანამშრომლობით, გადადგა მნიშვნელოვანი ნაბიჯი ხარისხისა და პაციენტის უსაფრთხოების თვალსაზრისით ვალდებულების გასამყარებლად. მათ გაიარეს ჩვენი გუნდის მიერ ჩატარებული საფუძვლიანი სასწავლო პროგრამა, რომელიც მოიცავდა ძირითად მიმართულებებს, როგორიცაა ხარისხის გაზომვითი შეფასება, რისკების მართვა და, რა თქმა უნდა, პაციენტზე ორიენტირებული მზრუნველობა.
ეს ტრენინგი წმინდა ჯუდეს საავადმყოფოს ხარისხის გაუმჯობესების გზაზე მნიშვნელოვანი ეტაპია, რაც მათ საერთაშორისო აკრედიტაციის მიღებასა და სენტ-ლუციაში ჯანდაცვის მიწოდების ტრანსფორმაციაში დაეხმარება.
© SheniEkimi.ge
