დაბალი წონა
რატომ არის ეს მნიშვნელოვანი
ახალშობილის მცირე წონა ითვლება პერინატალური სიკვდილიანობის დ ავადობის ერთ-ერთ სერიოზულ მიზეზად.
დაბალი წონა ზრდის რისკს
არაგადამდები დაავადებებისა, როგორიცაა დიაბეტი და გულის დაავადებები
როგორ დავიცვათ თავი გრიპისგან?
ქვეყნის მასშტაბით, სეზონური გრიპის საწინააღმდეგო ვაქცინაცია გრძელდება. იმუნიზაცია ყველა მოქალაქისთვის უფასოა და Abbott Biologicals B.V.-ის წარმოების, ოთხ-კომპონენტიანი ვაქცინით მიმდინარეობს, რომელიც ერთ-ერთია ჯანმრთელობის მსოფლიო ორგანიზაციის მიერ რეკომენდებულ ვაქცინებს შორის. ამ დრომდე, ქვეყნის მასშტაბით 130 000 მოქალაქე უკვე აიცრა. აცრა ვაქცინაციის სერვისის მიმწოდებელ სამედიცინო დაწესებულებებში 6 თვის ასაკიდანაა შესაძლებელი.
დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორის მოადგილის, ეკა ადამიას განცხადებით, როგორც მსოფლიოში, ისე საქართველოში, გრიპის ვირუსი ცირკულირებს. მისივე თქმით, საქართველოში, ამ სეზონზე, გავრცელებულია გრიპის A და B ტიპის ვირუსები, ასევე – სხვა ვირუსებიც, მათ შორის რინოვირუსი და ადენოვირუსი.
„ვირუსების პრევენციის მიზნით, განსაკუთრებით მნიშვნელოვანია ხელების დაბანა, ასევე – სადეზინფექციო ხსნარით დამუშავება, ხალხმრავალ ადგილებში პირბადეების გამოყენება, ოთახის ხშირი განიავება და ერთ-ერთი და ყველაზე მნიშვნელოვანი ღონისძიებაა ვაქცინაცია, რომელიც არის ყველაზე უსაფრთხო და ყველაზე ეფექტური საშუალება გრიპის წინააღმდეგ“, – განაცხადა ეკა ადამიამ.
ვაქცინაცია გრიპის და მისი გართულებების თავიდან აცილების ყველაზე ეფექტური საშუალებაა. განსაკუთრებით მნიშვნელოვანია რისკ-ჯგუფების: ასაკოვანი ადამიანების, ორსულების, მცირეწლოვანი ბავშვებსა და ქრონიკული დაავადებების მქონე პირების ყოველწლიური ვაქცინაცია.
აცრა ვაქცინაციის სერვისის მიმწოდებელ სამედიცინო დაწესებულებებში ექვსი თვის ასაკიდანაა შესაძლებელი
ქვეყნის მასშტაბით, სეზონური გრიპის საწინააღმდეგო ვაქცინაცია გრძელდება. იმუნიზაცია ყველა მოქალაქისთვის უფასოა და Abbott Biologicals B.V.-ის წარმოების, ოთხკომპონენტიანი ვაქცინით მიმდინარეობს, რომელიც ერთ-ერთია ჯანმრთელობის მსოფლიო ორგანიზაციის მიერ რეკომენდებულ ვაქცინებს შორის.
ამ დრომდე, ქვეყნის მასშტაბით 130 000 მოქალაქე უკვე აიცრა. აცრა ვაქცინაციის სერვისის მიმწოდებელ სამედიცინო დაწესებულებებში ექვსი თვის ასაკიდანაა შესაძლებელი.
დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორის მოადგილის, ეკა ადამიას განცხადებით, როგორც მსოფლიოში, ისე საქართველოში, გრიპის ვირუსი ცირკულირებს. მისივე თქმით, საქართველოში, ამ სეზონზე, გავრცელებულია გრიპის A და B ტიპის ვირუსები, ასევე – სხვა ვირუსებიც, მათ შორის რინოვირუსი და ადენოვირუსი.
„ვირუსების პრევენციის მიზნით, განსაკუთრებით მნიშვნელოვანია ხელების დაბანა, ასევე – სადეზინფექციო ხსნარით დამუშავება, ხალხმრავალ ადგილებში პირბადეების გამოყენება, ოთახის ხშირი განიავება და ერთ-ერთი და ყველაზე მნიშვნელოვანი ღონისძიებაა ვაქცინაცია, რომელიც არის ყველაზე უსაფრთხო და ყველაზე ეფექტური საშუალება გრიპის წინააღმდეგ“, – განაცხადა ეკა ადამიამ.
ვაქცინაცია გრიპის და მისი გართულებების თავიდან აცილების ყველაზე ეფექტური საშუალებაა. განსაკუთრებით მნიშვნელოვანია რისკ-ჯგუფების: ასაკოვანი ადამიანების, ორსულების, მცირეწლოვანი ბავშვებსა და ქრონიკული დაავადებების მქონე პირების ყოველწლიური ვაქცინაცია.
ინფორმაციას ჯანდაცვის სამინისტრო ავრცელებს.
8 ჩვევა, რომელიც თქვენს ჯანმრთელობას აზიანებს – ის, რაზეც აქამდე არ გიფიქრიათ
ყოველდღიური ჩვევები, რომლებიც თქვენს ჯანმრთელობას ზიანს აყენებს – 8 ჩვევა, რომელიც თქვენს ჯანმრთელობას აზიანებს
ჩვენ ყოველდღიურად უამრავ ჩვევას მივყვებით, რომლებიც, შესაძლოა, ჩვენს ჯანმრთელობას გაუცნობიერებლად აზიანებს. ზოგიერთი ჩვევა არამხოლოდ ჩვენს ფიზიკურ, არამედ ემოციურ და ფსიქოლოგიურ მდგომარეობაზეც უარყოფითად მოქმედებს. გთავაზობთ სიას მავნე ჩვევების შესახებ, რომლებმაც, შესაძლოა, გრძელვადიან პერსპექტივაში პრობლემები შექმნას.
1. დაცემინებისგან თავის შეკავება
დაცემინების შეკავება შეიძლება მიჩნეული იყოს მავნე ჩვევად, რადგან ეს მნიშვნელოვნად ზრდის შიდა წნევას და არღვევს ტვინისთვის სისხლის მიწოდებას. როდესაც პირს ვხურავთ და ცხვირზე ხელს ვიჭერთ, სისხლძარღვები და ნერვული ქსოვილები იკუმშება, რაც იწვევს თავბრუსხვევას და სმენის პრობლემებს. ამიტომ, არასდროს შეიკავოთ თავი დაცემინებისგან.
2. სუნამოს გამოყენება
თანამედროვე სუნამოებში ხშირად გამოიყენება სინთეზური ნივთიერებები იმისთვის, რომ სუნი ძლიერი და გრძელვადიანი იყოს, მაგრამ ამ ნივთიერებებმა შეიძლება გამოიწვიოს თავბრუსხვევა, გულისრევა, ძილიანობა და კანის ან თვალების გამაღიზიანებელი ეფექტები. საუკეთესო არჩევანი იქნება ბუნებრივი ზეთებით დამზადებული სუნამო.
3. ძილის წინ სმარტფონის გამოყენება
დროული ძილი აუცილებელია ჩვენი ჯანმრთელობისთვის, რადგან ის ხელს უწყობს ჰორმონ მელატონინის წარმოებას, რომელიც ძილს არეგულირებს. სმარტფონის გამოყენება და მასზე შუქის ცვლა ამ პროცესს აფერხებს, რამაც საბოლოოდ შესაძლოა გამოიწვიოს დეპრესია, სიმსივნეები, წონის მატება, გულის დაავადებები და სხვა ჯანმრთელობის პრობლემები. მოერიდეთ სმარტფონის გამოყენებას ძილის წინ.
4. საჭმლის ჭამა პლასტმასის კონტეინერებიდან
პლასტმასის კონტეინერები, რომლებიც შეიცავენ ქიმიურ ნივთიერებებს, როგორიცაა ფტალატის მჟავა და ბისფენოლი, შეიძლება გავლენა მოახდინონ თქვენს ენდოკრინულ სისტემაზე. ჯანმრთელობისათვის სარისკოა მათი გამოყენება. უკეთესია, თუ საჭმელს შეინახავთ შუშის, კერამიკის ან უჟანგავი რკინის კონტეინერებში.
5. ჭამის შემდეგ მალევე კბილების გახეხვა
კბილების გახეხვა ჭამის შემდეგ, განსაკუთრებით მაღალი მჟავიანობის მქონე საკვების შემთხვევაში, ხელს უწყობს მჟავას გადატანას კბილის ემალზე და დენტინზე, რაც კბილების სენსიტიურობას და ემალის დაზიანებას იწვევს. სტომატოლოგები გვირჩევენ კბილების გაწმენდას 30 წუთიდან ერთი საათის შემდეგ.
6. ანტიბაქტერიული საპნის ხშირი გამოყენება
ანტიბაქტერიული საპონი ხშირად გამოიყენება ხელების დასაბანად, მაგრამ ამან შეიძლება გამოიწვიოს სასარგებლო ბაქტერიების მოცილება, რაც ჩვენს ორგანიზმზე ცუდად მოქმედებს. ექიმები გირჩევენ, რომ ანტიბაქტერიული საპონი გამოიყენოთ მხოლოდ საჭირო შემთხვევებში, მაგალითად, ჭრილობების ან ნაკაწრების დროს.
7. ნატურალური წვენის დალევა
ხილის ნატურალური წვენი, როგორც ჩანს, ჯანმრთელობას უნდა უწყობდეს, მაგრამ ხშირად ის სახიფათოა გარკვეული დაავადებების მქონე ადამიანებისთვის. მაგალითად, ყურძნის წვენი არ არის რეკომენდირებული დიაბეტით დაავადებულთათვის ან ზედმეტი წონის მქონე პირებისთვის. ბავშვებისთვის წვენის დალევა უნდა მოხდეს მხოლოდ ექიმის რეკომენდაციით.
რისკები და სარგებელი
ამ ჩვევების, როგორიცაა ძილის წინ სმარტფონის გამოყენება, ანტიბაქტერიული საპნის ხშირი გამოყენება, ან ნატურალური წვენის სმა, ზედმეტმა დამოკიდებულებამ შეიძლება გამოიწვიოს ჯანმრთელობის პრობლემებს. იმისათვის, რომ თავიდან ავიცილოთ ამგვარი რისკები, მნიშვნელოვანია, რომ ყურადღება მივაქციოთ ჩვევების სწორად მართვას და შესაბამისი ცვლილებების შეტანას ჩვენი ცხოვრების წესში.
გრიპის ვირუსი მუდმივად განიცდის ცვლილებას, ამიტომ ყოველწლიურად ხდება გრიპის საწინააღმდეგო ვაქცინის შემადგენლობის გადახედვა და განახლება, რათა მისი შემადგენლობა შეესაბამებოდეს ვირუსის ყველაზე გავრცელებულ შტამებს
გრიპის ვირუსი მუდმივად განიცდის ცვლილებას, ამიტომ ყოველწლიურად ხდება გრიპის საწინააღმდეგო ვაქცინის შემადგენლობის გადახედვა და განახლება, რათა მისი შემადგენლობა შეესაბამებოდეს ვირუსის ყველაზე გავრცელებულ შტამებს.
ვაქცინაცია ხელს უწყობს დაავადების გართულების, ჰოსპიტალიზაციისა და სიკვდილის თავიდან აცილებას.
მაქსიმალური დაცვის უზრუნველსაყოფად აუცილებელია ყოველწლიური ვაქცინაცია.
სულ მალე, საქართველოს კიდევ 60 სოფელში იქნება ხელმისაწვდომი ტელემედიცინის სერვისი
სულ მალე, საქართველოს კიდევ 60 სოფელში იქნება ხელმისაწვდომი ტელემედიცინის სერვისი, რაც პაციენტებს საშუალებას მისცემს დისტანციურად, სოფლის ამბულატორიიდან დაუკავშირდნენ თბილისის წამყვანი კლინიკების სპეციალისტ ექიმებს და მიიღონ პროფესიონალური მომსახურება.
ამის უზრუნველსაყოფად, ევროკავშირის, ჯანმრთელობის მსოფლიო ორგანიზაციისა და გაეროს პროექტების ოფისის მხარდაჭერით ციფრული ტექნოლოგიებით აღიჭურვა სოფლის ამბულატორიები, შეიქმნა შესაბამისი ციფრული პლატფორმა და გადამზადდა ამბულატორიის პერსონალი.
ევროკავშირისა და გაეროს ორგანიზაციების მხარდაჭერით საქართველოში ტელემედიცინის ინოვაციური სერვისები ინერგება
ევროკავშირისა და გაეროს ორგანიზაციების მხარდაჭერით საქართველოში ტელემედიცინის ინოვაციური სერვისები ინერგება.
ამ ინიციატივის ფარგლებში, ჯანმრთელობის მსოფლიო ორგანიზაციისა და გაეროს პროექტების ოფისის მიერ უკვე 60 სოფლის ამბულატორია აღიჭურვა.
ამბულატორიებს 1,144,000 დოლარის ღირებულების ციფრული სამედიცინო მოწყობილობები გადაეცათ – ოფთალმოსკოპები, დერმატოსკოპები, ოტოსკოპები, ელექტროკარდიოგრამის აპარატები, ასევე, კომპიუტერები თუ პრინტერები;
მომზადდა და დაინერგა ტელემედიცინის პლატფორმა ექიმსა და პაციენტს შორის კავშირის გასაუმჯობესებლად.
100-მდე ექიმმა გაიარა გადამზადება ამ თანამედროვე ტექნოლოგიების გამოყენების მიზნით.
ამ აღმოჩენამ ახსნა, თუ როგორ იწმინდება ტვინი ნარჩენებისგან და მნიშვნელოვანი გავლენა მოახდინა ტვინის ჯანმრთელობისა და ნევროლოგიური დაავადებების შესახებ ჩვენი თანამედროვე გაგების ჩამოყალიბებაზე
გლიმფური სისტემა არის ტვინის გამწმენდი სისტემა, ან “ნარჩენების მართვის სისტემა”. ის პირველად 2012 წელს აღწერა დანიელმა ნეირომეცნიერმა მაიკენ ნედერგაარდმა და ამიტომ შედარებით ახალ აღმოჩენად ითვლება ნეირომეცნიერებაში.
ამ აღმოჩენამ ახსნა, თუ როგორ იწმინდება ტვინი ნარჩენებისგან და მნიშვნელოვანი გავლენა მოახდინა ტვინის ჯანმრთელობისა და ნევროლოგიური დაავადებების შესახებ ჩვენი თანამედროვე გაგების ჩამოყალიბებაზე.
სისტემის სახელი არის სიტყვების -გლიის(ნერვული სისტემის არანეირონული უჯრედები) და ლიმფურის კომბინაცია, რადგან ლიმფური სისტემის მსგავსად, რომელიც აგროვებს და გამოდევნის გამოუყენებელ საკვებ ნივთიერებებს და უჯრედულ ნარჩენებს სხეულის დანარჩენი ნაწილებიდან, თავ-ზურგ ტვინის სითხეც მოქმედებს როგორც საექსპორტო გზა ტვინიდან ნარჩენი ცილების გამოსადევნად.გლიმფური სისტემა ძილის დროს აქტიურდება.ძილის დროს ტვინის უჯრედები მცირედ იკუმშება, რაც ქმნის სივრცეს თავ-ზურგტვინის სითხის უკეთესი ცირკულაციისთვის.
ეს პროცესი მოქმედებს როგორც “ჩამრეცხი სისტემა”, რომელიც ტვინს აშორებს დღის განმავლობაში დაგროვილ მეტაბოლურ ნარჩენებს. ის ტვინს ათავისუფლებს უჯრედული ნარჩენებისგან, მაგალითად ისეთი ცილებისგან, როგორიცაა ამილოიდ-ბეტა, რომლის დაგროვებაც დაკავშირებულია ალცჰაიმერის დაავადებასთან.გლიმფური სისტემა ყველაზე აქტიურია ღრმა, ნელი ტალღების ძილის დროს, როდესაც ხდება ტვინის ყველაზე ინტენსიური გაწმენდა.რეგულარული ძილი და შესაბამისად, ტვინის გაწმენდა, კრიტიკულად მნიშვნელოვანია ტვინის ჯანმრთელობისთვის. ქრონიკულმა უძილობამ შეიძლება ხელი შეუშალოს ამ პროცესს.ქრონიკულმა უძილობამ შეიძლება გამოიწვიოს კოგნიტური პრობლემები.ის ასევე ზრდის ნეიროდეგენერაციული დაავადებების, მათ შორის ალცჰაიმერისა და პარკინსონის დაავადების რისკს.
აშშ-ში მოღვაწე ქართველი ექიმი, ქეთი შავლიაშვილი.
გრიპისა და სხვა რესპირატორული ვირუსების ლაბორატორია ახორციელებს სადიაგნოსტიკო და კვლევით აქტივობებს სხვადასხვა რესპირატორულ ვირუსებზე
გრიპისა და სხვა რესპირატორული ვირუსების ლაბორატორია
გრიპისა და სხვა რესპირატორული ვირუსების ლაბორატორია ახორციელებს სადიაგნოსტიკო და კვლევით აქტივობებს სხვადასხვა რესპირატორულ ვირუსებზე.
ლაბორატორია წარმოადგენს ეპიდზედამხედველობის პროგრამის მნიშვნელოვან ნაწილს; მონაწილეობს გრიპისმაგვარი დაავადებებისა და მძიმე მწვავე რესპირატორული დაავადებების კვლევის ეპიდზედამხედველობის პროგრამებში.
2007 წლიდან ლაბორატორიას ჯანმოსგან მინიჭებული აქვს საქართველოს გრიპის ნაციონალური ცენტრის სტატუსი და მისი ძირითადი მიზნებია: საქართველოში მოცირკულირე გრიპის ვირუსების მონიტორინგი; გრიპის ვირუსის ახალი ქვეტიპების დროული დეტექცია – განსაკუთრებით პანდემიური საფრთხის მქონე ვირუსების; გრიპის შტამების მუდმივი გაზიარება ჯანმო-ს გრიპის კოლაბორაციულ ცენტრებთან ვაქცინის შემადგენლობის განსაზღვრის მიზნით.
ლაბორატორია ახორციელებს გრიპის ვირუსებთან დაკავშირებულ კვლევებს, როგორიცაა გრიპის ვირუსების დეტექცია რეალურ დროში პოლიმერაზული ჯაჭვური რეაქციით (Influenza A, H1, H3, H1p, H5, H7N9, Influenza B); გრიპის ვირუსების იზოლაცია უჯრედულ კულტურაზე (MDCK); სუბტიპირება ჰემაგლუტინაციის ინჰიბირების რეაქციით და სეკვენირება.
სხვა რესპირატორული ვირუსების დეტექცია ხორციელდება რეალურ დროში პოლიმერაზული ჯაჭვური რეაქციის საშუალებით. ამჟამად შესაძლებელია ისეთი რესპირატორული პათოგენების იდენტიფიკაცია, როგორიცაა: კორონავირუსები MERS-CoV, HKU, 229, 43, 63; პარაგრიპის ვირუსები 1, 2, 3, 4; ადამიანის მეტაპნევმოვირუსი A/ B; რინოვირუსი, რესპირატორულ სინციტიალური ვირუსი A/B; ენტეროვირუსი; პარექოვირუსი; ბოკავირუსი; ადენოვირუსი; მიკოპლაზმა პნევმონია.
ლაბორატორია ყოველწლიურად მონაწილეობს ჯანმოსა და აშშ-ს CDC-ს მიერ ორგანიზებულ გარე ხარისხის გარე კონტროლის პროგრამებში.
ამჟამად ლაბორატორია რამდენიმე სამეცნიერო კვლევითი პროექტის მონაწილეა:
CRDF #60211 ”გრიპის ვირუსის კვლევა შინაურ ცხოველებში”
GDD “მძიმე მწვავე რესპირატორული ინფექციისა და საზოგადოებაში შეძენილი პნევმონიის ზედამხედველობითი კვლევა”
პერსონალი
ლაბორატორიაში მუშაობს 4 კვალიფიციური თანამშრომელი, მათ შორის ორი ექიმი.
ლაბორატორიის ორი თანამშრომელი მუშაობს სადოქტორო ნაშრომებზე გრიპის ვირუსსა და ტკიპისმიერ ენტეფალიტზე.
გულის დაავადებები – გულის დაავადებათა სიმპტომები დამოკიდებულია დაავადების სახეობაზე
გულის დაავადებები
სიმპტომები
გულის დაავადებათა სიმპტომები დამოკიდებულია დაავადების სახეობაზე.
გულის ათეროსკლეროზული დაავადებები
სიმპტომები შესაძლოა იყოს განსხვავებული ქალებსა და მამაკაცებს შორის. მაგალითად, მამაკაცებს უფრო ხშირად აღენიშნებათ ტკივილი გულმკერდის მიდამოში; ქალებში სჭარბობს სხვა ხასიათის სიმპტომატიკა – დისკომფორტი გულმკერდის მიდამოში, ჰაერის უკმარისობა და ქოშინი, გულისრევა, ძლიერი საერთო სისუსტე.
სიმტომები მოიცავს:
- გულის ანგინა-სტენოკარდიის დროს: ტკივილს, შებოჭვის შეგრძნებას, ზეწოლას და დისკომფორტს გულმკერდის მიდამოში
- პერიფერიული სისხლძარღვოვანი დაავადებების დროს: ტკივილს, დაბუჟებას, სისუსტისა და სიცივის შეგრძნებას ქვემო კიდურებში
- ე.წ. ატიპიური ლოკალიზაციის ტკივილი გულის ანგინისას: ტკივილს კისრის, ყელის, ყბების, ეპიგასტრიუმის, ზურგის მიდამოში.
ასიმპტომურ პირებში გულის დაავადებათა დიაგნოსტირება რთულია სტენოკარდიის, ინსულტის ან გულის უკმარისობის გამოვლინებამდე. აქედან გამომდინარე, ნებისმიერი სიმპტომი უნდა შეფასდეს ექიმთან ერთად, რაც გულის დაავადებათა ადრეული გამოვლენის საშუალებას მოგვცემს.
გულის დაავადებების სიმპტომები-არანორმალური გულისცემისას (გულის არითმია):
- გულის ფრიალი
- აჩქარებული გულისცემა
- შენელებული გულისცემა
- ტკივილი და/ან დისკომფორტი გულმკერდში
- ჰაერის უკმარისობა
- თავბრუსხვევა
- წონასწორობის დარღვევა
- სინკოპე და პრესინკოპე (გულისწასვლა ან მისი წინა პერიოდი)
გულის დეფექტებით გამოწვეული სიმპტომები
სერიოზული თანდაყოლილი დეფექტები მჟღავნდება დაბადებისთანავე. ბავშვებში ეს სიმპტომებია:
- ციანოზი
- შეშუპება ქვემო კიდურების, მუცლის მიდამოსა და თვალის ირგვლივ
- ახლშობილებში ქოშინი კვებისას, რაც ხდება ზრდის შეფერხების მიზეზი
ნაკლებად სერიოზული თანდაყოლილი დეფექტები ხშირად ვერ დიაგნოსტირდება გვიან ბავშვობამდე და/ან მოზრდილობამდე. გულის თანდაყოლილი დაავადებების ნიშნები და სიმპტომები, რომლებიც არ ხდება გადაუდებელი მკურნალობის მიზეზი, შესაძლოა იყოს:
- ჰაერის მსუბუქი უკმარისობა ფიზიკური დატვირთვისას
- მსუბუქი დაღლა ფიზიკური დატვირთვისას
- ხელის, წვივისა და ტერფის პასტოზურობა (მსუბუქი შეშუპება)
გულის კუნთის კუმშვადობის ფუნქციის დარღვევასთან დაკავშირებული გულის დაავადებები, (ე.წ. გულის კუნთის სისუსტე) -კარდიომიოპათია
კარდიომიოპათიის ადრეულ სტადიას შესაძლოა სიმპტომები არ ახლდეს. მდგომარეობის პროგრესირება დაკავშირებულია შემდეგ სიმპტომებთან:
- ქოშინი ფიზიკური დატვირთვისას ან მოსვენებისას
- ქვემო კიდურების შეშუპება
- ადვილად დაღლა
- არარეგულარული გულისცემა, გამოვარდნის შეგრძნება და/ან ციმციმი
გულის ინფექციური დაავადებები
სიმპტომები
- ცხელება
- ქოშინი
- სისუსტე და ადვილად დაღლა
- ქვემო კიდურების შეშუპება
- გულის რითმის დარღვევა
- მშრალი გახანგრძლივებული ხველა
- გამონაყარი და ლაქები კანზე
გულის სარქვლოვანი დაავადებები
გულს ოთხი სარქველი აქვს – აორტის, მიტრალური ანუ ორკარიანი, ფილტვის არტერიის და სამკარიანი. მათი გაღება-დაკეტვა არის საფუძველი სისხლის მოძრაობისა სისხლის მიმოქცევის დიდ და მცირე წრეში. შესაძლო დაზიანებებია – სტენოზი ანუ შევიწროვება, რეგურგიტაცია ანუ ნაკლოვანება ან არასწორი დახურვა (პროლაფსი).
სარქველების არასათანადოდ ფუნქციონირებისას ადგილი აქვს შემდეგ სიმპტომებს:
- ადვილად დაღლა
- ჰაერის უკმარისობა
- არარეგულარული გულისცემა
- ქვემო კიდურების შეშუპება
- ტკივილი გულმკერდის არეში
მიმართეთ ექიმს, თუ გაქვთ
v ტკივილი გულმკერდის არეში
v ქოშინი
v ადვილად დაღლა
გულის დაავადებათა გამოსავალს ანუ პროგნოზს მათი ადრეული გამოვლენა განაპირობებს!
დამატებითი ინფორმაცია შეგიძლიათ მოიძიოთ:
http://www.who.int/ncds/prevention/en/
