ორშაბათი, მაისი 4, 2026
მთავარი წაკითხვა გვერდი 146

ყველაზე გავრცელებული ალერგენები

მიერ
© საქართველოს საზოგადოებრივი ჯანდაცვის ინსტიტუტი
-
0
ალერგიის ტესტირება - ყველაფერი, რაც უნდა იცოდეთ, რას წარმოადგენს და როგორ მუშაობს – საინფორმაციო ბუკლეტები
#post_seo_title

ალერგია არის იმუნური სისტემის გადამეტებული რეაქცია ნივთიერებაზე, რომელსაც ალერგენს უწოდებენ.

ალერგიის დროს ორგანიზმი გამოიმუშავებს ცილას(ანტისხეულს), რათა ებრძოლოს ალერგენს. ეს იწვევს ისეთ სიმპტომებს, როგორიცაა ცემინება, ქავილი, ჭინჭრის ციება და სუნთქვის გაძნელება.

ეს სიმპტომები ჩვეულებრივ მსუბუქია. თუმცა, ზოგჯერ ალერგიამ შეიძლება გამოიწვიოს სერიოზული რეაქცია, რომელსაც ანაფილაქსია ეწოდება და პოტენციურად სიცოცხლისთვის საშიშია.

რა არის ალერგენი?

ალერგენი არის ნივთიერება, რომელიც იწვევს ალერგიულ რეაქციას. ყველაზე გავრცელებული ალერგენებია:

მტვერი
ტარაკნები
შინაური ცხოველების ბეწვი, ბალანი, შარდი და ნერწყვი
ობი
ზოგიერთი საკვები, განსაკუთრებით რძე, კვერცხი, ხორბალი, სოიო, არაქისი, კაკალი და ზღვის პროდუქტები
მწერების შხამი, განსაკუთრებით ფუტკრის, კრაზანისა და ჭიანჭველის.
ლატექსი
ზოგიერთი მედიკამენტი, განსაკუთრებით ანტიბიოტიკები.
რესპირატორული ალერგია
რესპირატორული ალერგია ვრცელდება ჰაერში არსებული ნივთიერებების შესუნთქვის შედეგად. ეს ნივთიერებებია: ყვავილის მტვერი, შინაური ცხოველების ბეწვის ნაწილაკები, მტვერი, სოკოს სპორები და ა.შ. რესპირატორულ ალერგია აერთიანებს ალერგენებს – მუდმივი ალერგენები და სეზონური ალერგენები. მუდმივ ალერგენებს ნებისმიერ დროს შეუძლიათ იმოქმედონ ადამიანის ჯანმრთელობაზე, ხოლო სეზონური ალერგენები სეზონური ალერგიის დროს იჩენენ თავს.

რესპირატორული ალერგიის სიმპტომებია:

გამონადენი ცხვირიდან.
გაჭედილი ცხვირი.
ცხვირის ქავილი.
ცემინება.
თვალების ქავილი.
ცრემლიანი თვალები.
თუ გაქვთ ასთმა, ამ ტიპის ალერგიამ ასევე შეიძლება გამოიწვიოს ან გაამწვავოს თქვენი სიმპტომები, მათ შორის ხიხინი და სუნთქვის უკმარისობა.

მუდმივი ალერგენები:

შინაური ცხოველები. შინაური ცხოველების ალერგენები მოიცავს გარკვეულ ცილებს ცხოველის ბეწვში, კანში (ბალანი), შარდში და ნერწყვში.
მტვრის ტკიპები. მტვრის ტკიპა პატარა, ობობების მონათესავე სახეობაა. ის ძალიან პატარაა, რომ თვალით დაინახოთ. ტკიპები ცხოვრობენ მტვერში და საოჯახო ნივთების ბოჭკოებში, როგორიცაა ბალიშები, ლეიბები, ხალიჩები.
ტარაკნები. ტარაკნის ფეკალიების, ნერწყვის, კვერცხებისა და მკვდარი სხეულის ნაწილების ცილებს შეუძლია გამოიწვიონ ალერგიული რეაქციები.
ობი. ობს აქვს სპეციფიკური სპორები, რომლებიც ჰაერში დაფრინავენ, როგორც მტვერი.
სეზონური ალერგია
ალერგიის სეზონებია გაზაფხული და შემოდგომა. ალერგია, რომელიც გეწყებათ ყოველწლიურად მსგავს დროს (სეზონური ალერგია), ჩვეულებრივ გამოწვეულია ხეების, ბალახისა და სარეველების მტვრით. უმეტესი ხე მტვერს გაზაფხულზე გამოყოფს. გვიან გაზაფხულზე ამოდის ალერგიის გამომწვევი ბალახი, ხოლო სარეველები – გვიან ზაფხულსა და ადრეულ შემოდგომაზე. ზოგჯერ სხვადასხვა სეზონური ალერგია ერთმანეთს ემთხვევა, განსაკუთრებით მაშინ, როცა ხეები ადრე გამოყოფენ მტვერს ან როცა წვიმიანი გაზაფხული იწვევს მეტი მცენარისა და ობის ზრდას. ამიტომ, იმისდა მიხედვით, თუ სად ცხოვრობთ, რა მცენარეები იზრდება თქვენს ახლოს და რა იწვევს თქვენს ალერგიას, შესაძლოა გქონდეთ ერთი გრძელი სეზონური ალერგია წელიწადში.

ალერგიის სიმპტომები

ალერგიის სიმპტომები შეიძლება გავლენას ახდენდეს თქვენს სასუნთქ გზებზე, სინუსებსა და ცხვირის არეებზე, კანზე და საჭმლის მომნელებელ სისტემაზე. ალერგიული რეაქციები განსხვავდება სიმძიმის მიხედვით. ზოგიერთ მძიმე შემთხვევაში, ალერგიას შეუძლია გამოიწვიოს სიცოცხლისთვის საშიში რეაქცია, რომელსაც ანაფილაქსია ეწოდება.

ალერგიული რინიტი
ალერგიული რინიტი, რომელიც ასევე ცნობილია როგორც თივის ცხელება, შემდეგი სიმპტომებით ხასიათდება:

ცემინება
ცხვირის, თვალების ან სასის ქავილი
გამონადენი, გაჭედილი ცხვირი
ცრემლიანი, გაწითლებული ან შეშუპებული თვალები (კონიუნქტივიტი)

მედიკამენტური მკურნალობა:

ალერგიის სიმპტომების შესამსუბუქებლად არსებობს სხვადასხვა მედიკამენტური საშუალება. მნიშვნელოვანია, რომ ნებისმიერი მედიკამენტის გამოყენებამდე გაიაროთ კონსულტაცია ექიმთან. ყველაზე ხშირად გამოყენებული მედიკამენტებია:

ანტიჰისტამინური პრეპარატები:ბლოკავს ჰისტამინის მოქმედებას, რომელიც გამოიყოფა ალერგიული რეაქციის დროს და იწვევს სიმპტომებს, როგორიცაა ცემინება, ქავილი და გამონაყარი. ხელმისაწვდომია როგორც რეცეპტის გარეშე, ასევე რეცეპტით.
ცხვირის სპრეი კორტიკოსტეროიდები: ამცირებს ცხვირის ლორწოვანი გარსის ანთებას და შეშუპებას, ეფექტურია ცხვირის გაჭედვისა და სხვა ცხვირის სიმპტომების დროს. საჭიროა ექიმის დანიშნულება.
თვალის წვეთები:ამცირებს თვალების ქავილს, სიწითლეს და ცრემლდენას. არსებობს როგორც ანტიჰისტამინური, ასევე სხვა ტიპის თვალის წვეთები.
დეკონგესტანტები: ამცირებს ცხვირის შეშუპებას, მაგრამ არ არის რეკომენდებული მათი ხანგრძლივი გამოყენება.
ალერგიის საწინააღმდეგო ვაქცინაცია (იმუნოთერაპია): ეს არის გრძელვადიანი მკურნალობის მეთოდი, რომელიც მიზნად ისახავს ორგანიზმის მგრძნობელობის შემცირებას კონკრეტული ალერგენების მიმართ. იგი მოიცავს ალერგენის მცირე დოზების რეგულარულ შეყვანას, რაც თანდათანობით ავარჯიშებს იმუნურ სისტემას. იმუნოთერაპია შეიძლება იყოს ეფექტური ალერგიის მძიმე ფორმების დროს.

სახლის გარემოს კონტროლი:

სახლის შიგნით სუფთა და ალერგენებისგან თავისუფალი გარემოს შექმნა მნიშვნელოვნად ამცირებს ალერგიის სიმპტომებს:

რეგულარულად გაასუფთავეთ სახლი: ნესტიანი წესით, რათა თავიდან აიცილოთ მტვრის აფრქვევა. გამოიყენეთ მტვერსასრუტი HEPA ფილტრით, რომელიც ეფექტურად იჭერს მცირე ზომის ალერგენებს.მოერიდეთ ხალიჩებსა და რბილ ავეჯს: რომლებიც მტვრისა და ალერგენების დაგროვების წყაროა. თუ ეს შეუძლებელია, რეგულარულად გაასუფთავეთ ისინი სპეციალური საშუალებებით.შეინარჩუნეთ ოპტიმალური ტენიანობა: სახლში. ზედმეტმა ტენიანობამ შეიძლება ხელი შეუწყოს ობისა და ტკიპების გამრავლებას, რომლებიც ასევე ალერგენებია. გამოიყენეთ ჰაერის გამაშრობი, თუ ტენიანობა მაღალია.გამოიყენეთ ჰაერის გამწმენდი: HEPA ფილტრით, რომელიც ეფექტურად აშორებს ჰაერიდან მტვერს, მტვრის ტკიპებს, ცხოველების ბეწვს და სხვა ალერგენებს.მოერიდეთ შიდა მცენარეებს: ზოგიერთმა შიდა მცენარემ შეიძლება გამოიწვიოს ალერგიული რეაქციები მგრძნობიარე ადამიანებში.

გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!

მიიღე სანდო და აქტუალური ინფორმაცია ჯანმრთელობის შესახებ – საქართველოდან და მთელი მსოფლიოდან.

“ეს არაპროგნოზირებადი დაავადებაა, რომელიც მოულოდნელად გვატყდება თავს“ -რატომ შეიძლება, პოზიციური თავბრუსხვევა დაგვემართოს და რა პრობლემებს იწვევს ეს

მიერ
© საქართველოს საზოგადოებრივი ჯანდაცვის ინსტიტუტი
-
0
როგორ ავიცილოთ თავბრუსხვევა წამოდგომისას მარტივი სავარჯიშოებით
#post_seo_title

პოზიციური თავბრუსხვევა რა პრობლემებს იწვევს

ნეიროოტოლოგი, პროფესორი ეკა ხარხელი გადაცემაში “პირადი ექიმი მარი მალაზონია“ საუბრობს, რატომ შეიძლება, პოზიციური თავბრუსხვევა დაგვემართოს და რა პრობლემებს იწვევს ეს:

„ეს დაავადება ხშირად სრულიად მოულოდნელად იჩენს თავს და წინასწარ პროგნოზირება რთულია — განსაკუთრებით მაშინ, როცა ადამიანი ფიზიკურად გადაღლილია. დღესასწაულების წინ და შემდეგ ადამიანი ხშირად ზედმეტად იტვირთება: აკეთებს გენერალურ დასუფთავებას, ალაგებს მაღალ თაროებს, კიდებს ფარდებს და სხვა მსგავსი მოძრაობებისას შეიძლება თავი იჩინოს პოზიციურმა თავბრუსხვევამ.

მდგომარეობას ახასიათებს მკვეთრი „ტრიალის“ შეგრძნება, რომელიც ჩნდება მაშინ, როცა თავს ზემოთ აწევს, სწრაფად აბრუნებს, ან საწოლში გვერდით გადაბრუნდება. ზოგჯერ ეპიზოდი რამდენიმე წამიდან 1 წუთამდე გრძელდება. უფრო მძიმე შემთხვევებში სითხეში მდებარე კრისტალები ისეთ პოზიციაში ხვდებიან, რომ გრავიტაციის გამო მუდმივად აწარმოებენ გაღიზიანებას და თავბრუსხვევაც ხანგრძლივდება.

ვისაც უკვე ჰქონია მსგავსი პრობლემა და იცის, რა იწვევს მას, ან უბრალოდ ეჭვობს, რომ გარკვეულ მოძრაობებზე სიმპტომები შეიძლება გაუჩნდეს, სიფრთხილე სჭირდება. რადგან ამ მდგომარეობას ხშირად მოჰყვება მოულოდნელი წონასწორობის დაკარგვა, არსებობს დაცემის, მოტეხილობისა და სხვა არასასიამოვნო შედეგების სერიოზული რისკი და სრულიად არასასურველი შედეგი მოაქვს. ადამიანი მოწყვეტით ეცემა.“

 

გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!

მიიღე სანდო და აქტუალური ინფორმაცია ჯანმრთელობის შესახებ – საქართველოდან და მთელი მსოფლიოდან.

პირველი ფიტნეს აკადემიის გვერდზე გამოჩნდა ახალი ინფორმაცია ქართული ეროვნული რეესტრის შესახებ, რა ფუნქციას ასრულებს ეს რეესტრი და რა ბენიფიტები აქვს მას

მიერ
© საქართველოს საზოგადოებრივი ჯანდაცვის ინსტიტუტი
-
0
#post_seo_title

პირველი ფიტნეს აკადემიის გვერდზე გამოჩნდა ახალი ინფორმაცია ქართული ეროვნული რეესტრის შესახებ

ფიტნეს ინსტრუქტორი და საქართველოში პირველი ფიტნეს აკადემიის დამაარსებელი ვალიტა გორელჩანიკი

ვალიტა მოგესალმებით.   

პირველი ფიტნეს აკადემიის გვერდზე გამოჩნდა ახალი ინფორმაცია ქართული ეროვნული რეესტრის შესახებ, რა ფუნქციას ასრულებს ეს რეესტრი და რა ბენიფიტები აქვს მას ?

მოგესალმებით. დიახ,შეიქმნა სერტიფიცირებულ ფიტნესმწვრთნელთა ქართულ-ევროპული რეესტრი.

ეს იყო FFA და ჩვენი ევროპელი პარტნიორების ინიციატივა.

რეესტრი პირველ რიგში გააუმჯობესებს და გაადვილებს დამსაქმებლისთვის კვალიფიციური კადრების მოძიების პროცესს.

ასევე მწვრთნელი, რომელიც შეტანილი იქნება ამ რეესტრში, ადასტურებს, რომ მან გაიარა აკრედიტებული  პროფესიული მომზადების ან გადამზადების  კურსი, და ის  შეესაბამება სწავლების ხარისხით იმ კვალიფიკაციის დონეს, რომელიც მიენიჭა კურსის დამთავრების შემდეგ.

ეს შეიძლება იყოს ეროვნული ან ევროპული აკრედიტაციის მქონე აკადემია.

-იმ აკადემიის კურსდამთავრებულებს, რომელსაც არ აქვთ ეროვნული ან ევროპული აკრედიტაცია, შეძლებენ ამ რეესტრში დარეგისტრირებას?

არა, ემ რესსტრში მხოლოდ ეროვნული ან ევროპული აკრედიტაციის მქონე სერტიფიკატით დარეგისტრირება თავად კურსდამთავრებულებს შეუძლიათ.

-რას ფიქრობთ, ეს შეცვლის ამ სფეროში ახლანდელ სიტუაციას?

კი, ეს კარგი შესაძლებლობაა პროფესიულ განათლებაში ფიტნესის მიმართულებით ხარისხის ამაღლებისთვის.

ჩვენმა აკადემიამ პირველმა შემოიტანა საერთაშორისო საგანმანათლებლო სტანდარტები საქართველოში ამ დარგში და ასევე პირველმა მოიპოვა ეროვნული და ევროპული სერტიფიკატების გაცემის უფლება.

სხვა აკადემიები არ თვლიდნენ საჭიროდ, ამ გზით წასულიყვნენ.

მაგრამ, კონკურენტულმა გარემომ არ დაუტოვა სხვა გამოსავალი და მიხვდნენ, რომ, თუ არ გაივლიან ამ გზას, კონკურენცია გაუჭირდებათ. იგივე უნდა მოხდეს დანარჩენ ფიტნეს აკადემიებშიც. პრეცენდენტი უკვე გვაქვს, ახლა უნდა შეიქმნას ჯანსაღი კონკურენცია, რაც ძალიან უჭირს ჩვენს ბიზნეს.

მაგრამ ეს მაინც მოხდება ადრე თუ გვიან.

დარჩებიან მხოლოდ ის აკადემიები, რომელებიც შეძლებენ ეროვნული ან ევროპული საგანმანათლებლო სტანდარტების მიხედვით სწავლების უზრუნველყოფას.

 

 

გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!

მიიღე სანდო და აქტუალური ინფორმაცია ჯანმრთელობის შესახებ – საქართველოდან და მთელი მსოფლიოდან.

ISO 15189 რატომ საჭიროა ეს სტანდარტი საქართველოში

მიერ
© საქართველოს საზოგადოებრივი ჯანდაცვის ინსტიტუტი
-
0
ISO 15189 სტანდარტი — ლაბორატორიის ხარისხის საერთაშორისო დონე
ISO 15189 სტანდარტი — ლაბორატორიის ხარისხის საერთაშორისო დონე

ISO 15189 – რატომ გახდა ეს სტანდარტი კრიტიკულად მნიშვნელოვანი საქართველოს ლაბორატორიებისთვის?

„ISO 15189 არ არის მხოლოდ სტანდარტი — ეს არის უსაფრთხოების, სიზუსტისა და ხარისხის ფილოსოფია. ჩვენი მიზანია, რომ საქართველოს ყველა ლაბორატორიამ შეძლოს მუშაობა იმავე დონეზე, რასაც მსოფლიოს წამყვანი დაწესებულებები ასრულებენ.“
— პროფესორი გიორგი ფხაკაძე, MD, MPH, PhD

ლაბორატორიული მედიცინა დღეს წარმოადგენს დიაგნოსტიკისა და კლინიკური გადაწყვეტილების მიღების ერთ-ერთ ყველაზე მნიშვნელოვან საყრდენს.
მცირე შეცდომამაც კი, მაგალითად პრეანალიტიკურ ანალიტიკურ პროცესებში, შეიძლება შეცვალოს პაციენტის მართვის გეგმა. ISO 15189:2022 სწორედ ამ გამოწვევების საპასუხოდ გაჩნდა. ამ სტანდარტმა უდიდესი როლი შეასრულა ლაბორატორიული ხარისხის, სიზუსტისა და უსაფრთხოების ამაღლებაში. გარდა ამისა, ISO 15189 უზრუნველყოფს იმ პროცესების სტანდარტიზაციას, რომლებიც აუცილებელია საერთაშორისო დონეზე აღიარებული სამსახურისთვის.

საქართველოში ISO 15189-ის პოპულარიზაციას, განათლებასა და პრაქტიკულ მხარდაჭერას უზრუნველყოფს სამი პლატფორმა:

მნიშვნელოვანია აღვნიშნოთ, რომ ეს ორგანიზაციები არ არიან ISO 15189-ის სერტიფიცირების ორგანოები და შესაბამისად არ გასცემენ ISO სერთიფიკატს.
საერთაშორისო წესების მიხედვით, სერტიფიცირების ორგანო არ უნდა აწარმოებდეს კონსულტირებას, ამიტომ ჩვენი საქმიანობა ფოკუსირებულია მხოლოდ მომზადებაზე, ტრენინგზე, ხარისხის სისტემების განვითარებასა და ISO 15189-ის სტანდარტის პოპულარიზაციაზე. ამასთანავე, ჩვენი მიზანია, რომ ლაბორატორიებს შევუქმნათ რეალური, ფუნქციური და მდგრადი სისტემები.

რას მოიცავს ISO 15189-ის სტანდარტზე მომზადება?

ISO 15189-ის დანერგვა მოითხოვს სამართლიანად დაგეგმილ ნაბიჯებს, რათა ლაბორატორიის ყველა პროცესი იყოს გამართული და სტანდარტიზებული.
ამიტომ პროგრამა მოიცავს შემდეგ ძირითად კომპონენტებს:

  • ხარისხის მართვის სისტემის (QMS) სრული არქიტექტურა
  • SOP-ების, ფორმებისა და ჟურნალების სტანდარტიზაცია
  • Flowchart-ებისა და პროცესების რუკების შექმნა
  • პრეანალიტიკური, ანალიტიკური და პოსტანალიტიკური ეტაპების ოპტიმიზაცია
  • რისკების შეფასება, პრიორიტეტიზაცია და CAPA სისტემის დანერგვა
  • QC/MU/Westgard სტატისტიკური მოდელების გამოყენება
  • შიდა აუდიტის სისტემის განვითარება და პერიოდული მონიტორინგი
  • Simulation Audit – ISO-ს მოდელირებული შეფასება
  • პერსონალის ტრენინგი და კომპეტენციის შეფასება Sheni Academy-ს მეშვეობით

ამრიგად, ლაბორატორია იღებს არა მხოლოდ დოკუმენტების პაკეტს, არამედ რეალურ, პროცესებზე დაფუძნებულ სამუშაო ფილოსოფიას,
რომელიც უზრუნველყოფს ხარისხისა და უსაფრთხოების მაღალ სტანდარტს.

ISO 15189-ის პაკეტები

1) Diagnostic Check-Up

ლაბორატორიის ISO 15189-ის შესაბამისობის საწყისი დიაგნოსტიკა: შიდა აუდიტი, დოკუმენტაციის შეფასება, პროცესების ანალიზი,
რისკების მატრიცა და გაუმჯობესების რეკომენდაციები.
ამასთანავე, ქლინიკა იღებს მკაფიო რუკას – სად არის ახლა და საით უნდა იმოძრაოს.

2) Documentation Master Pack

ISO 15189-ისთვის საჭირო დოკუმენტაციის სრული სტრუქტურირება: SOP-ები, ფორმები, Flowchart-ები, Risk Register,
ვერსიის კონტროლის სისტემა.
გარდა ამისა, დოკუმენტები მორგებულია კონკრეტული ლაბორატორიის პროფილსა და საჭიროებებზე.

3) Competence & Training Suite

ლაბორატორიის გუნდის უნარების გაძლიერება: ISO მოთხოვნები, შიდა აუდიტი, QC/MU/Westgard, CAPA/RCA, უსაფრთხოება და
კომპეტენციის შეფასება.
ასევე, სასწავლო მოდულები ხელმისაწვდომია Sheni Academy-ში.

4) Full ISO Acceleration Program

ISO 15189:2022-ის სრული მომზადება: დოკუმენტაციის გამართვა, შიდა აუდიტები, რისკების მართვა, CAPA პროცესები,
PT/QC სისტემების გაუმჯობესება, ტრენინგები და Simulation Audit.
საბოლოოდ, ლაბორატორია იღებს სრული შესაბამისობისთვის საჭირო სტრუქტურას.

5) Mini ISO Pack

პატარა და ამბულატორიული ლაბორატორიებისთვის: შიდა აუდიტი, 25 ძირითადი SOP, QC/PT ფორმები, რისკების მატრიცა და
ორი სამიზნე ტრენინგი.
ამასთანავე, ეს პაკეტი იდეალურია ISO-სკენ პირველი ნაბიჯისთვის.

6) Corporate ISO Program

მრავალფილიალიანი კლინიკებისთვის: ერთიანი დოკუმენტაცია, ცენტრალიზებული QC/PT, CAPA მართვა და
რეგულარული შიდა აუდიტები.
შედეგად, ყველა ფილიალი მუშაობს ერთნაირი ხარისხის სტანდარტით.

რატომ არის ISO 15189 ასეთი მნიშვნელოვანი?

  • უზრუნველყოფს ანალიზის მაქსიმალურ სიზუსტეს;
  • ზრდის პაციენტის უსაფრთხოებას;
  • სტანდარტიზაციას ახდენს ყველა პროცესს;
  • ზრდის ექიმების გადაწყვეტილებების სიზუსტეს;
  • აუმჯობესებს ლაბორატორიის პროფესიულ რეპუტაციას;
  • ქმნის გამართულ, სტაბილურ და უსაფრთხო სამუშაო სისტემას.

გთხოვთ შეავსოთ ISO 15189 საჭიროებების კითხვარი: 👉 ISO 15189 Laboratory Needs Survey

Dr Malkhaz Babuashvili

ISO 15189 ლაბორატორიის მუშაობას აძლევს სტრუქტურას, სიზუსტეს და უსაფრთხოებას. ჩვენი მიზანია, საერთაშორისო სტანდარტები გადავაქციოთ ყოველდღიურ პრაქტიკად, რათა თითოეული ლაბორატორია მუშაობდეს პროგნოზირებად, გამართულ და ხარისხზე ორიენტირებულ გარემოში. ISO მომზადება მხოლოდ დოკუმენტაცია კი არა — სისტემური კულტურის შექმნაა.– მალეხაზ ბაბუაშვილი, ISO პროგრამის კოორდინატორი, Accreditation Canada Georgia Office.

როგორ დავიწყოთ?

დაგვიკავშირდით და მიიღეთ ინდივიდუალური ISO 15189 შეთავაზება:
Email: info@accreditation.ge
Survey: ISO 15189 Laboratory Needs Survey

📌 ფასები ინდივიდუალურია და გაიცემა მოთხოვნის საფუძველზე.

რომელი ვირუსი ცირკულირებს საქართველოში – მდგომარეობა სტაბილურია, ვაქცინაცია აქტიურად გრძელდება

მიერ
© საქართველოს საზოგადოებრივი ჯანდაცვის ინსტიტუტი
-
0
საქართველოში იმუნიზაციის სახელმწიფო პროგრამა 1996 წლიდან ხორციელდება და მისი მიზანია ქვეყნის მოსახლეობის ეფექტურად დაცვა ვაქცინაციით მართვადი დაავადებებისაგან
#post_seo_title

ჯანდაცვის სამინისტროს ინფორმაციით, საქართველო გრიპის სეზონს მზად ხვდება.

სამინისტროს ინფორმაციითვე, ამჟამად, ქვეყნის ყველა რეგიონში, ძირითადად, A/H3N2 ვირუსი ცირკულირებს.

„ასევე, დაფიქსირებულია სხვა სეზონური რესპირაციული ვირუსები — რინოვირუსები, პარაგრიპი, რესპირატორული სინციტიური ვირუსი და სხვა.

ვირუსი, ძირითადად, სახლის პირობებში, ოჯახის ექიმის მიერ იმართება. გრიპის წლევანდელ შტამებზე მოქმედი ვაქცინა ქვეყანაში აქტიურად გამოიყენება და დაახლოებით, 150 000 ადამიანი უკვე აიცრა. ჯანდაცვის სამინისტროს მიერ შეძენილი ფრანგული წარმოების, ოთხკომპონენტიანი სეზონური ვაქცინა ყველა მსურველისთვის ხელმისაწვდომია და უფასოდ ტარდება.

გრიპის საწინააღმდეგო ვაქცინაცია რეკომენდებულია მოსახლეობის ყველა ჯგუფისთვის, განსაკუთრებით კი მნიშვნელოვანია მაღალი რისკის მქონე პირებისთვის, როგორებიცაა ორსულები, მოხუცები, ბავშვები (6 თვიდან), სუსტი იმუნური სისტემის და ქრონიკული დაავადებების მქონე პირები.

ვაქცინაციასთან ერთად, ვირუსის გავრცელების პრევენციის მიზნით, მნიშვნელოვანია ხელების ხშირი დაბანა, ოთახების განიავება, სიმპტომების გამოვლენის შემთხვევაში, საზოგადოებრივი თავშეყრის ადგილებისგან თავის არიდება.

დღეს არსებული ეპიდსიტუაციის შეფასებით, პროცესი სრულად მართულია და ჯანდაცვის სისტემა მზადაა სეზონის მიმდინარეობის შესაბამისად, მოსახლეობას დროული და ხარისხიანი მომსახურება გაუწიოს“, – აღნიშნულია ინფორმაციაში.

ახალი კვლევით დადგინდა ზუსტი მიზეზი, თუ რატომ ამცირებს ვარჯიში კიბოს რისკს

მიერ
© საქართველოს საზოგადოებრივი ჯანდაცვის ინსტიტუტი
-
0
განსხვავება კარდიო და აერობული ვარჯიშებს შორის
#post_seo_title

თაგვებზე ჩატარებული ახალი კვლევის თანახმად, შესაძლოა, ამის მიზეზი იყოს მეტაბოლური ცვლილება, რომელიც როგორც ჩანს, კუნთის უჯრედებს მეტ საწვავს აძლევს, ხოლო კიბოს უჯრედებს ზრდისთვის საჭირო ენერგიას აკლებს.

იელის უნივერსიტეტის მკვლევართა ჯგუფმა ძუძუს კიბოს ან მელანომა სიმსივნეების მქონე თაგვების მეტაბოლური რეაქციები შეისწავლა; თაგვები ჯგუფებად დაყვეს მათი კვების რაციონის და ვარჯიშის დონის მიხედვით.

გუნდმა მოლეკულური მარკერები გამოიყენა იმის დასადგენად, თუ სად მეტაბოლიზდებოდა გლუკოზა თაგვებში. ასე დაადგინეს, რომ აქტიური ცხოველები ეფექტიანად ახდენდნენ ენერგიის გადამისამართებას, კიბოს უჯრედებს საწვავს ართმევდნენ და კუნთებთან მიჰქონდათ.

ოთხი კვირის შემდეგ, მაღალცხიმიან რაციონზე მყოფ თაგვებს, რომლებიც რეგულარულად ვარჯიშობდნენ, მნიშვნელოვნად პატარა სიმსივნეები ჰქონდათ, ვიდრე მათ, რომლებიც ასეთივე რაციონზე იმყოფებოდნენ, მაგრამ არ იყვნენ აქტიურები.

„მსუქან თაგვებს, რომლებიც სიმსივნის შეყვანის შემდეგ ოთხი კვირის განმავლობაში დარბოდნენ ბორბალზე, კიბოს ზომა თითქმის 60 პროცენტით შეუმცირდათ“, — ამბობს იელის უნივერსიტეტის ექიმი-მეცნიერი ბრუკს ლეიტნერი.

ჯგუფმა ასევე გამოავლინა მეტაბოლიზმთან დაკავშირებული 417 სხვადასხვა გენი, რომლებიც სხვადასხვაგვარად გამოიხატებოდნენ აქტიურ და უმოძრაო, მაგრამ გამხდარ თაგვებში.

ერთად აღებული, ეს მოლეკულური ცვლილებები აჩვენებდა, რომ სიმსივნეები გადადიოდა მაღალი სტრესის, თვითგადარჩენის რეჟიმში.

თაგვების სიმსივნეებში ვარჯიშმა განსაკუთრებით შეამცირა ცილა, სახელად mTOR, რამაც შეიძლება მნიშვნელოვნად შეზღუდოს მათი ზრდა; ამ აღმოჩენამ შეიძლება გზა გაუხსნას ახალ პრეპარატთა კვლევა-ძიებას.

მკვლევართა განცხადებით, აღმოჩენა მიუთითებს, რომ გლუკოზა ვარჯიშის კიბოს დამთრგუნველი ეფექტების მთავარი მეტაბოლური მედიატორია.

თუმცა, ისინი ასევე აღნიშნავენ, რომ ეს მეტაბოლური კავშირი და ვარჯიშის უნარი, შეამციროს კიბოს ზრდა — შეიძლება დამოკიდებული იყოს ვარჯიშის ხანგრძლივობაზე.

კიბო, თავის მრავალი სხვადასხვა ფორმით, არის კომპლექსური დაავადება; სიმსივნეების ზრდასა და გაჩენაში ჩართულია მრავალი მექანიზმი. პაციენტები კიბოს მხოლოდ სპორტდარბაზში სიარულით ვერ აიცილებენ თავიდან.

თუმცა, ფიზიკური აქტივობა შეიძლება მნიშვნელოვანი ფაქტორი იყოს ამ დაავადების პრევენციის შანსის მაქსიმალურად გასაზრდელად. ამ კვლევაში ასევე დადგინდა, რომ მსუქან თაგვებს, რომლებიც კიბოს ჩანერგვამდე ორი კვირის განმავლობაში ვარჯიშობდნენ, უფრო მცირე სიმსივნეები განუვითარდათ, ვიდრე უმოძრაო თაგვებს.

„მონაცემები წარმოაჩენს ვარჯიშის მეტაბოლური ეფექტების ნიუანსურ, სისტემური ხედვის მნიშნვნელობას კიბოში“, — წერენ მკვლევრები. განაგრძე კითხვა

კვლევა ჟურნალ PNAS-ში გამოქვეყნდა.

გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!

მიიღე სანდო და აქტუალური ინფორმაცია ჯანმრთელობის შესახებ – საქართველოდან და მთელი მსოფლიოდან.

თბილისში სასწრაფოს ექიმებმა უგონო მდგომარეობაში მყოფ მამაკაცს გული აუმუშავეს

მიერ
© საქართველოს საზოგადოებრივი ჯანდაცვის ინსტიტუტი
-
0
თბილისში სასწრაფოს ექიმებმა უგონო მდგომარეობაში მყოფ მამაკაცს გული აუმუშავეს
#post_seo_title

„გამოძახების მოტივი – მუცლის ტკივილი. შემთხვევის ადგილზე მისულ თბილისის მე-5 რაიონული სამსახურის 0532 ბრიგადას შუახნის მამაკაცი უგონო მდგომარეობაში დახვდა. საცხოვრებელ კორპუსთან მისულ ბრიგადის წევრებს ხმაური შემოესმათ, პაციენტის ოჯახის წევრები პანიკაში იყვნენ. მათი გადმოცემით, პაციენტი მთელი დღის განმავლობაში შეუძლოდ გრძნობდა თავს, მოგვიანებით დაკარგა გონება და ბრიგადის მისვლისას პულსი არ აღენიშნებოდა.

ექიმებმა დაუყოვნებლივ დაიწყეს გულ-ფილტვის რეანიმაცია, პარალელურად მოხდა მისი მონიტორზე აყვანა, სადაც დაფიქსირდა პარკუჭოვანი ფიბრილაცია. პროტოკოლით გათვალისწინებული ღონისძიებების ფარგლებში მოხდა ელექტროშოკის გამოყენება, სასუნთქი სისტემის მართვა ტრაქეის ინტუბაცია და მედიკამენტური დახმარება, რის შედეგად გულისცემა აღდგა და პაციენტი გადაიყვანეს თბილისის ერთ-ერთ კლინიკაში. ექიმი ამბობს, რომ ასეთ შემთხვევებში განსაკუთრებული ადგილი უჭირავს სასწრაფოს მანქანაში არსებულ CPR ტუმბოს, რომელიც მისი თქმით, რთულ შემთხვევებში რეალური მხარდაჭერაა და ბრიგადის მუშაობას კიდევ უფრო ეფექტურს ხდის. ექიმის თინა თათარიშვილის თქმით, პაციენტის სრულყოფილ და წარმატებულ მართვაში მნიშვნელოვანი წვლილი მიუძღვით ბრიგადის უმცროს ექიმს – დავით მიქაბერიძეს და ბრიგადის მძღოლს- ნუგზარ ღვინიაშვილს. თინა თათარიშვილი 20 წელია სასწრაფო დახმარების ექიმია და არაერთი მადლიერი პაციენტი ჰყავს, რაც შეეხება 0532-ის ბრიგადას, ისინი უკვე მეორე წელია ერთად მუშაობენ. როგორც თინა ექიმი ამბობს: „ჩვენ ერთი გუნდი ვართ და ერთმანეთით ძალიან ვამაყობთ“.
გვეამაყება ექიმი, თინა თათარიშვილი
უმცროსი ექიმი დავით მიქაბერიძე
მძღოლი ნუგზარ ღვინიაშვილი“- წერს სოციალურ ქსელში „ფეისბუკ“ გვერდი „შენი სიცოცხლის გადასარჩენად“.

გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!

მიიღე სანდო და აქტუალური ინფორმაცია ჯანმრთელობის შესახებ – საქართველოდან და მთელი მსოფლიოდან.

ტოვებს თუ არა იმუნიტეტს, „ღორის გრიპი“?

მიერ
© საქართველოს საზოგადოებრივი ჯანდაცვის ინსტიტუტი
-
0
აშშ-ში ფრინველის გრიპით ღორის ინფიცირების პირველი შემთხვევა
#post_seo_title

„ბოლო ორ კვირაში გრიპის გავრცელების მაჩვენებელი გაორმაგდა – ჭარბობს კარგად ცნობილი „ღორის გრიპი“. ძალიან ბევრი ბავშვი წევს იაშვილის კლინიკაში ფილტვების ანთებით, ჰოსპიტალიზაციის მაჩვენებელიც გაზრდილია“,- ამის შესახებ იაშვილის სახელობის ბავშვთა ცენტრალური საავადმყოფოს სამედიცინო დირექტორმა, ივანე ჩხაიძემ მედიაცენტრ „მთავარში“ განაცხადა.

მისი თქმით, გადატანის შემდეგ გრიპი ტოვებს იმუნიტეტს.

„ყველაზე მეტი მაინც არის H1N1, კარგად ცნობილი „ღორის გრიპი“. ყველაზე მეტი შემთხვევა ფიქსირდება H1N1 ვირუსიდან გამომდინარე.

ჩვენს კლინიკაში, ახლა ყველაზე ბევრი პაციენტი წევს რესპირაციული ვირუსით. მათი აბსოლუტური უმრავლესობა გრიპის ვირუსია. შემთხვევათა 30-40%-ში ვითარდება ფილტვების ანთება. ძალიან ბევრი ბავშვი წევს იაშვილის კლინიკაში ფილტვების ანთებით, ბევრ ბავშვთან დაგვჭირდა ანტივირუსული პრეპარატის გამოყენება. ჰოსპიტალიზაციის მაჩვენებელიც გაზრდილია გრიპის შემთხვევების მატების ხარჯზე“,- აღნიშნა ჩხაიძემ.

გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!

მიიღე სანდო და აქტუალური ინფორმაცია ჯანმრთელობის შესახებ – საქართველოდან და მთელი მსოფლიოდან.

რეფორმის მთავარი მიზანი უსაფრთხო და ხარისხიანი სისხლის პროდუქტების ხელმისაწვდომობის უზრუნველყოფაა, ცვლილებების დანერგვის პროცესში კი აუცილებელია სექტორის უშუალო ჩართულობა და მათი მოსაზრებების გათვალისწინება

მიერ
© საქართველოს საზოგადოებრივი ჯანდაცვის ინსტიტუტი
-
0
რეფორმის მთავარი მიზანი უსაფრთხო და ხარისხიანი სისხლის პროდუქტების ხელმისაწვდომობის უზრუნველყოფაა, ცვლილებების დანერგვის პროცესში კი აუცილებელია სექტორის უშუალო ჩართულობა და მათი მოსაზრებების გათვალისწინება
#post_seo_title

ჯანდაცვის მინისტრი სამედიცინო სექტორის წარმომადგენლებს შეხვდა და ადამიანის სისხლისა და მისი კომპონენტების ხარისხისა და უსაფრთხოების შესახებ კანონთან დაკავშირებული სამართლებრივი აქტები განიხილა.

მიხეილ სარჯველაძის განცხადებით, რეფორმის მთავარი მიზანი უსაფრთხო და ხარისხიანი სისხლის პროდუქტების ხელმისაწვდომობის უზრუნველყოფაა, ცვლილებების დანერგვის პროცესში კი აუცილებელია სექტორის უშუალო ჩართულობა და მათი მოსაზრებების გათვალისწინება. მინისტრმა განსაკუთრებული ყურადღება გაამახვილა უანგარო დონაციის ხელშეწყობაზე, რაც ევროდირექტივების მოთხოვნათა შესაბამისად, უსაფრთხოების მაღალ სტანდარტებს ამკვიდრებს.

შეხვედრაზე აღინიშნა, რომ რეფორმის განხორციელების პროცესში, ხარისხთან ერთად, განსაკუთრებული ყურადღება ექცევა სისხლის პროდუქტების მიწოდების უწყვეტობის უზრუნველყოფას.

რეფორმის სრულყოფის მიზნით, სამუშაო შეხვედრები მომავალშიც გაგრძელდება, სადაც ჰემატოლოგები, სისხლის ბანკებისა და ჰოსპიტალური სექტორის წარმომადგენლები, მიმდინარე ცვლილებებთან დაკავშირებით, თავიანთ წინადადებებსა და რეკომენდაციებს წარადგენენ.

წარმოდგენილი კანონქვემდებარე აქტების მიხედვით, სისხლის უსაფრთხო პროდუქტებით უზრუნველყოფის მიზნით, უმჯობესდება დონორთა შერჩევისა და ტესტირების პროცედურები, ინერგება სისხლისა და მისი კომპონენტების მიკვლევადობისა და ჰემოზედამხედველობის სისტემა, განისაზღვრება სისხლის დაწესებულებების ლიცენზირების ახალი წესები, რაც ხელს შეუწყობს მთლიანად ტრანსფუზიოლოგიის სექტორის ხარისხობრივ განვითარებას.

გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!

მიიღე სანდო და აქტუალური ინფორმაცია ჯანმრთელობის შესახებ – საქართველოდან და მთელი მსოფლიოდან.

კვლევა – სუნთქვის რიტმით ადამიანის იდენტიფიცირება 97%-იანი სიზუსტით შეიძლება

მიერ
© საქართველოს საზოგადოებრივი ჯანდაცვის ინსტიტუტი
-
0
სუნთქვა-ადამიანის იდენტიფიცირება
#post_seo_title

მეცნიერებმა დაადგინეს, რომ ადამიანის სუნთქვის რიტმი იმდენად უნიკალურია, რომ მისი გამოყენებით ადამიანის იდენტიფიცირება 97%-იანი სიზუსტით შეიძლება.

შესაბამისი კვლევა ისრაელის ვეიცმანის ინსტიტუტის მეცნიერებმა ჩაატარეს. მათ წინაშე იდგა მთავარი კითხვა– თუ ყოველი ადამიანის ტვინი უნიკალურია, აისახება თუ არა ეს სუნთქვის თავისებურებებზე?პასუხის გასაცემად მეცნიერებმა შექმნეს პორტატიული მოწყობილობა – ინსტრუმენტი, რომელიც უწყვეტ რეჟიმში აკვირდებოდა ცხვირში ჰაერის ნაკადების მოძრაობას.

ეს მოწყობილობა 100-მა ჯანმრთელმა ახალგაზრდამ ყოველდღიურ ცხოვრებაში გამოიყენა.

მოწყობილობიდან მიღებული მონაცემების ანალიზის შედეგად, მეცნიერებმა დაასკვნეს, რომ ადამიანების გარჩევა სუნთქვის რიტმის მიხედვით შესაძლებელია თითქმის 100%-იანი სიზუსტით. კვლევამ ასევე აჩვენა, რომ სუნთქვის განსხვავებული პათერნები დაკავშირებულია ძილისა და გაღვიძების ციკლებთან, დეპრესიის სიმპტომებთან და სხეულის მასის ინდექსთან.

„ინტუიციურად გვგონია, რომ დეპრესიის ან შფოთვის დონე განსაზღვრავს, როგორ ვსუნთქავთ. მაგრამ ყველაფერი შეიძლება პირიქით იყოს – იქნებ სწორედ სუნთქვა იწვევს შფოთვას ან დეპრესიას? თუ ასეა, მაშინ შეგვეძლო სუნთქვის შეცვლით ამ მდგომარეობების მართვა“, – აღნიშნავს კვლევის თანაავტორი, ნოამ სობელი.

გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!

მიიღე სანდო და აქტუალური ინფორმაცია ჯანმრთელობის შესახებ – საქართველოდან და მთელი მსოფლიოდან.
1...145146147...1,029გვერდი 146 of 1,029

ბოლო სიახლეები

პოპულარული ამბები

კატეგორიები

ჩვენ შესახებ

info@accreditation.ge
ჩვენ შესახებ / რეკლამა / კონტაქტი

გამოგვყევი სოციალურ ქსელებში

© SheniEkimi.ge

შენიექიმი
sheniekimi.ge · PHIG
გამარჯობა 👋
სასურველი სერვისი აირჩიეთ ქვემოთ
⚡ გადაუდებელი შემთხვევა?
მყისიერი სამედიცინო დახმარება
📞 112
🩺
სიმპტომების შეფასება
150 კლინიკური სცენარი · WHO · AHA · NICE · 29 CDR
›
💉
ვაქცინაციის კალენდარი
WHO · ECDC · NCDC საქართველო 2025
›
💊
დანამატების შემოწმება
supplement.ge — 2,095 ინგრედიენტი
›
ℹ️ეს სისტემა ახდენს ტრიაჟს — არა დიაგნოზს. ყოველი გადაწყვეტილება დაფუძნებულია WHO, AHA, NICE, BTS სახელმძღვანელოებზე. ექიმის კონსულტაცია სავალდებულოა.
© PHIG — Public Health Institute of Georgia
პირადი ინფორმაცია
სიმპტომების ზუსტი შეფასებისთვის შეიყვანეთ ასაკი და სქესი
👤სავალდებულო
📏 ანთროპომეტრია
სიმაღლე · წონა · BMI — არასავალდებულო
⌄
🩺 სასიცოცხლო მაჩვენებლები
წნევა · პულსი · ტემპერატურა · SpO2 — არასავალდებულო
⌄
ნორმა: 90–129
ნორმა: 60–100
36–37.2
12–20
≥95%
© PHIG — Public Health Institute of Georgia
სიმპტომების შეფასება
აირჩიეთ სცენარი სისტემის მიხედვით
🔍
© PHIG — Public Health Institute of Georgia
კითხვა 1 / 1
© PHIG — Public Health Institute of Georgia
📋 მტკიცებულებითი საფუძველი
World Health Organization (WHO) — IMAI სახელმძღვანელო
American Heart Association (AHA) / ACC
National Institute for Health and Care Excellence (NICE)
ICD-11 (2025) · World Health Organization
ეს ინსტრუმენტი ახდენს ტრიაჟს — არა დიაგნოზს. სიმპტომები შეიძლება მიუთითებდეს — ეს არ ნიშნავს, რომ დაავადება გაქვთ. ექიმის კონსულტაცია სავალდებულოა.
📰 სიახლეები ყველა ›
© PHIG — Public Health Institute of Georgia
ვაქცინაციის კალენდარი
აირჩიეთ ასაკობრივი ჯგუფი
WHO ECDC NCDC 2025
📚წყარო: NCDC საქართველო 17.09.2025 · WHO · ECDC
© PHIG — Public Health Institute of Georgia
ასაკობრივი ჯგუფი
📚წყარო: NCDC საქართველო 17.09.2025 · WHO · ECDC
📰 ვაქცინაციის სიახლეები ყველა ›
© PHIG — Public Health Institute of Georgia
დანამატების შემოწმება
გადადით supplement.ge-ზე და შეამოწმეთ ნებისმიერი პროდუქტი
SUPPLEMENT.GE
საქართველოს სასურსათო დანამატების უსაფრთხოების შემოწმების სისტემა
📊 2,095 ინგრედიენტი 📦 688 პროდუქტი
supplement.ge-ზე გადასვლა ↗
ახალი ფანჯარა გაიხსნება
›
✨რას შეგიძლიათ შეამოწმოთ
🔬
ინგრედიენტის შემოწმება
NIH · EU · FDA · Health Canada მონაცემები
📷
ეტიკეტის სკანირება
AI ამოიცნობს ყველა ინგრედიენტს ფოტოდან
🌍
ქვეყნის მიხედვით სტატუსი
რეგულაცია 14 ქვეყანაში — აშშ, ევროკავშირი, კანადა
⚠️
წამალთან ინტერაქცია
აუცილებელი გაფრთხილებები მიმდინარე მკურნალობისას
✅ supplement.ge — საქართველოში ერთადერთი სრული სისტემა დანამატების უსაფრთხოების შესაფასებლად, PHIG-ის (საზოგადოებრივი ჯანდაცვის ინსტიტუტის) კონტროლით.
© PHIG — Public Health Institute of Georgia
Verified by MonsterInsights