საქართველოში ფიტნეს სექტორის აკრედიტაციის პროცესი იწყება.
“ჯორჯიან აქტივმა” და “საზოგადოებრივი ჯანდაცვის ინსტიტუტმა” ერთობლივად ჩამოაყალიბა დამოუკიდებელი, მიუკერძოებელი, ნებაყოფლობითი ფიტნეს სექტორის აკრედიტაციის სისტემა.
პროცესში ჩართულია საქართველოში პირველი ფიტნეს აკადემია, რომლის დამაარსებელ ვალიტა გორელჩანიკს “შენი პულსი” ესაუბრა:
“პირველი ფიტნეს აკადემია” ამ ეტაპზე საქართველოში არის ერთადერთი, რომელმაც განათლების სამინისტროს აღიარება და “ევროპა აქტივის” აკრედიტაცია მოიპოვა. ჩვენ ვმუშაობთ, როგორც მწვრთნელების მომზადებასა და გადამზადებაზე, ასევე მათთვის, ვისაც მომავალში სურს მწვრთნელობა.
ჩვენ ვართ ინიციატორები იმისა, რომ საქართველოში არსებული ყველა ფიტნესკლუბი თუ აკადემია აუცილებლად იყოს აკრედიტებული და ლიცენზირებული, რაც ძალიან მნიშვნელოვანია და აამაღლებს მომუშავე ბიზნეს სექტორის ხარისხს.
ლიცენზიების პროექტის ფარგლებში აკადემია, როგორც ინიციატორი, შემოუერთდა “ევროპულ ფიტნეს აკადემიას”და გიორგი ფხაკაძეს, რომელიც იქნება ჩვენი პროექტის ხელმძღვანელი. ჩვენი აკადემიის მხრიდან არის უფრო დარგობრივი რეკომენდაციები, სტანდარტებთან იქნება ეს დამოკიდებული თუ უშუალოდ მის განხორციელებასთან. ჩვენ ვაძლევთ მიმართულებას, თუ რაში გვჭირდება კონკრეტულად ეს საკითხები…”
ცნობისთვის, “პირველი ფიტნეს აკადემია” არის პირველი ქართული ორგანიზაცია, რიმელმაც მიიღო სახელმწიფო აკრედიტაცია ფიტნეს ინსტრუქტორების საბაზისო დონეზე ევროპული საკვალიფიკაციო ჩარჩო-დოკუმენტის მიხედვით და ამაში მათ გვერდით უდგას “ფიტნეს აკადემია”.
ამ ორი ორგანიზაციის ფუნქციაა საერთაშორისო სტანდარტებზე საუკეთესო პრაქტიკის გამოყენებით ერთობლივად შექმნას და შესთავაზოს ბაზარს სხვადასხვა დონის ინსტრუქტორის მოსამზადებელი და გადასამზადებელი კურსები. ორივე აკადემია ამ ეტაპზე არის მოწინავე, რომელთაც სურთ და აქვთ ინიციატივა, რომ ხარისხი იყოს უმაღლესი.
მასალის გამოყენების პირობები
