ხშირად, რესპირატორული ინფექციის გადატანის შემდეგ, რაღაც პერიოდის განმავლობაში, შეინიშნება ტემპერატურის უმნიშვნელო მატება 37,2 გრადუსამდე
ექიმი არჩილ ჯალაღონია საინტერესო რჩევებს გვაძლევს:
“ხშირად, რესპირატორული ინფექციის გადატანის შემდეგ, რაღაც პერიოდის განმავლობაში, შეინიშნება ტემპერატურის უმნიშვნელო მატება 37,2 გრადუსამდე. თუ თერმომეტრზე ნახავთ ასეთ მაჩვენებლებს, ყურადღება უნდა მიაქციოთ ისეთ ინდიკატორებს, როგორიცაა:
- როგორია თქვენი თვითშეგრძნება,
- არის თუ არა რაიმე სიმპტომი, რომელიც მიუთითებს გაციების შემდეგ გართულებების გაჩენაზე.ბევრი ექიმი ფიქრობს, რომ ზოგიერთი სასუნთქი გზების ინფექციების გადატანის შემდეგ, სხეულის ტემპერატურის ასეთ ნიშნულებამდე მომატება შეიძლება შეინიშნებოდეს კიდევ 2 კვირის განმავლობაში. ამ დროს თვინებურად წამლების მიღება არ შეიძლება, მიზანშეწონილია დაიცვათ შემდეგი რეკომენდაციები:
- თუ შესაძლებელია, დარჩით სახლში, მეტი დაისვენეთ, ნუ დატვირთავთ დიეტას ცხიმიანი საკვებით და დალიეთ რაც შეიძლება მეტი სითხე.
- თუ სამსახურში წასვლა გარდაუვალია, მაშინ სიფრთხილე გმართებთ გაზრდილი ფიზიკური დატვირთვისგან, რადგან ამან შეიძლება უარყოფითად იმოქმედოს გულის და სისხლძარღვების აქტივობაზე;
- თქვენ შეგიძლიათ თქვენი სხეულის მხარდაჭერა ჩაის და სხვადასხვა სასარგებლო ნაყებების დალევით.
- უნდა შეეცადოთ, იყოთ თბილად და კომფორტულად.
- თუ ზოგადი მდგომარეობა და ამინდი გაძლევთ საშუალებას, ხშირად ისეირნეთ სუფთა ჰაერზე.
- თუ გაქვთ ნარჩენი ხველება, სითხის მიღებამ და ორთქლით ან პულვერიზებული წვეთებით ინჰალაციამ შესაძლოა შეამციროს სეკრეტის რაოდენობა და მისი გამოდევნა გააიოლოს.
ადრე სამკურნალოდ მოწოდებული იყო თუთიის პრეპარატების და C ვიტამინის გამოყენება, მაგრამ მცირე რაოდენობით ჩატარებული კვლევების მხოლოდ ნაწილმა აჩვენა, რომ ეს საშუალებები ეფექტურია, სხვა კვლევები კი მათ არაეფექტურად მიიჩნევს. ჯერჯერობით არ ჩატარებულა ფართო კლინიკური კვლევები ამ პრეპარატების ეფექტურობის დასადასტურებლად. ექსპერტების უმრავლესობა მათ სამკურნალოდ გამოყენებას უწევს რეკომენდაციას.
ასეთ დროს ანტივირუსული პრეპარატები არ არის ეფექტური.
ანტიბიოტიკები არ იძლევიან შედეგს მაშინაც კი, როდესაც ცხვირიდან ან ხველების დროს გამოიყოფა სქელი და შეფერილი ლორწო, თუ ეს პროცესები არ არის გამოწვეული ბაქტერიული ეტიოლოგიით.
ძველი თაობის ანტიჰისტამინური მედიკამენტები, როგორიცაა ქლორფენირამინი, ძილიანობას იწვევენ.
ახალი თაობის ანტიჰისტამინური მედიმედიკამენტები ნაკლებად იწვევს ძილიანობას, მაგრამ არაეფექტურია გაციების დროს არსებული ხველებისთვის.
ასპირინი არ არის რეკომენდებული ბავშვებისათვის, რადგან მან შესაძლოა ბავშვებში რეიეს სინდრომის განვითარების რისკი გააძლიეროს.
ხველების სუპრესანტების რუტინულად გამოყენება არ არის რეკომენდებული, გამომდინარე იქიდან, რომ ხველება ხელს უწყობს სასუნთქი გზების სეკრეტისაგან განთავისუფლებას. ამიტომ მათი გამოყენება შეიძლება მხოლოდ მძიმედ გამოხატული ხველების შემთხვევაში, როდესაც იგი ხელს უშლის ნორმალური ძილის პროცესს და დისკომფორტს უქმნის პაციენტს.
ეს მეთოდები ეფექტურია ტემპერატურასთან მიმართებაში, რომელიც არ აღემატება 37,2 გრადუს ზღურბლს და თუ ზოგადი მდგომარეობა არ ირღვევა. თუ თავს ცუდად გრძნობთ, უნდა მიმართოთ ექიმს, რომელიც ჩაატარებს გამოკვლევას და დანიშნავს შესაბამის მკურნალობას.
როგორც წესი, სისხლის ზოგადი და კლინიკური ტესტები ასეთ შემთხვევებში ძალიან ინფორმაციულია და საშუალებას გაძლევთ განსაზღვროთ და თავიდან აიცილოთ შესაძლო გართულების დაწყება.
ასე რომ, ყველა ადამიანი მგრძნობიარეა გაციების მიმართ. სიმპტომები შეიძლება იყოს მეტ-ნაკლებად გამოხატული, მაგრამ “გაციებას” ყოველთვის ახასიათებს: სურდო, ყელის ტკივილი და ტემპერატურის უმნიშვნელო მატება. დაავადების გამოვლენის მიზეზი არის ვირუსი, რომელიც შევიდა სხეულში.
ზოგჯერ “გაციების” საფარქვეშ სხვა, უფრო რთული დაავადებები, როგორიცაა გრიპი და SARS , შეიძლება იმალებოდეს. ამიტომ, სასიცოცხლოდ მნიშვნელოვანია მათი სიმპტომების ცოდნა. რიგი ფაქტორებით დასუსტებული იმუნური სისტემის ფონზე, გაციება შეიძლება ჩვეულებრივზე უფრო ხშირად მოხდეს. ასეთი პირობები საფრთხეს უქმნის გართულებების განვითარებას და საჭიროებს სამედიცინო დახმარებას. ამიტომ თუ თქვენ გეცოდინებათ ზოგადი რეკომენდაციები “გაციების” და მისი გადატანის შემდეგ, თქვენ ყოველთვის შეგეძლებათ მიაწოდოთ საკუთარ თავს და სხვებსაც ადეკვატური დახმარება ინფექციის წინააღმდეგ ბრძოლაში.” – წერს არჩილ ჯალაღონია.
გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!
მიიღე სანდო და აქტუალური ინფორმაცია ჯანმრთელობის შესახებ – საქართველოდან და მთელი მსოფლიოდან.
