როგორ გვეხმარება მაწონი ნაბუხუსევზე?
ექიმი ნუტრიციოლოგი, კვების ეროვნული ცენტრის დირექტორიმარი მალაზონია გადაცემაში“პირადი ექიმი მარი მალაზონია” საუბრობს, როგორ გვეხმარება მაწონი ნაბახუსევზე:
„ალკოჰოლის ჭარბად მიღების შემდეგ ორგანიზმს აღდგენა სჭირდება და ამისთვის გარკვეული შიდა ბალანსის მოწესრიგებაა აუცილებელი. განსაკუთრებით მნიშვნელოვანია ის გარემო, რომელიც ნაწლავებში არსებულ მიკროორგანიზმებს უკავშირდება. მიუხედავად იმისა, რომ წარსულში ადამიანები მიკრობიომის შესახებ არაფერს იცნობდნენ, დაკვირვებით მიხვდნენ, რომ ზოგიერთი ტრადიციული საკვები ორგანიზმს ამ მდგომარეობის გადატანაში ეხმარებოდა. სწორედ ასეთი მაგალითია მაწონი, რომლის გამოყენების გამოცდილება საქართველოს მრავალ კუთხეში არსებობდა.
დღეს ეს ტრადიცია ნაკლებად არის შემორჩენილი, თუმცა თანამედროვე მედიცინა ადასტურებს, რომ ფერმენტირებული პროდუქტები, რომლებიც მდიდარია სასარგებლო ბაქტერიებითა და მათი მოქმედების შედეგებით, ორგანიზმისთვის დამხმარე შეიძლება იყოს. მაწონი ამ მხრივ უნიკალურ პროდუქტად მიიჩნევა, რადგან მასში ერთდროულად გვხვდება როგორც ცოცხალი ბაქტერიები, ისე მათი საკვები გარემო და მოქმედების პროდუქტები.
ასეთ დროს განსაკუთრებით მნიშვნელოვანია ჩვენი კვებითი კულტურისა და გამოცდილების გახსენება. წინაპრების მიერ დაგროვილი ცოდნა ხშირად შეიძლება იყოს უფრო რბილი და ეფექტური გზა ორგანიზმის მხარდასაჭერად, ვიდრე არასწორი ჩვევების გაგრძელება. ტრადიციული კვებისადმი დაბრუნება ბევრ ადამიანს დაეხმარება, თავი უკეთ იგრძნოს და თავიდან აიცილოს ზედმეტი დატვირთვა ორგანიზმზე“
iPhone: https://apps.apple.com/fr/app/sheni/id6746877342?l=en-GB
Telegram არხი: https://t.me/SheniEkimi
