ოლია ბუაჩიძე

დაიბადა 1972 წლის 28 აპრილს ქალაქ ქარელში. მისი პროფესიული არჩევანი ბავშვობას უკავშირდება — ექიმ პაპასთან სამსახურში გატარებულმა წლებმა, იქ არსებულმა თბილმა გარემომ, ყურადღებამ და სიყვარულმა უდიდესი გავლენა იქონია მასზე და სამომავლო ცხოვრებისეული გზის მთავარ საწყისად იქცა. დაბა აგარის საშუალო სკოლის დასრულების შემდეგ, მან სწავლა ცხინვალის სამედიცინო სასწავლებელში განაგრძო. სასწავლებლის წარმატებით დასრულებისა და ექთნის დიპლომის მიღების შემდეგ, პირველი დამოუკიდებელი პროფესიული ნაბიჯები პედიატრიულ განყოფილებაში, პატრონაჟის ექთნის პოზიციაზე გადადგა. ამას მოჰყვა სტუდენტობის ექვსწლიანი, რთული, თუმცა სიახლეებით სავსე პერიოდი ლატვიის სამედიცინო აკადემიაში. უცხო ქვეყანასა და გარემოში ადაპტაციის სირთულეები მან სწავლისადმი უშრეტი სწრაფვით, მეგობრების მხარდაჭერითა და ქართველ სტუდენტებს შორის არსებული მტკიცე ურთიერთთანადგომით სძლია. 1997 წელს ოლია ბუაჩიძემ წარმატებით დაამთავრა მედიცინის ფაკულტეტი ქალაქ რიგაში, რომელიც დღემდე მის ყველაზე თბილ მოგონებად რჩება. საქართველოში დაბრუნების შემდეგ, წარმატებით ჩააბარა სასერტიფიკაციო გამოცდები სამ სპეციალობაში: შინაგან მედიცინაში, (ინტენსიურ თერაპია) კრიტიკულ მედიცინასა და საოჯახო მედიცინაში. ახალგაზრდა ექიმმა საქმიანობა სოფლის ამბულატორიიდან დაიწყო, რის შემდეგაც გამოცდილება ხაშურის საავადმყოფოს რეანიმაციისა და ინტენსიური თერაპიის განყოფილებაში განაგრძო. 2007 წლიდან ოლია ბუაჩიძე საქმიანობდა სადაზღვევო სექტორში თავდაპირველად ოჯახის ექიმად, მოგვიანებით კი ბორჯომსა და სამცხე-ჯავახეთის რეგიონში სადაზღვევო პროგრამების კოორდინატორად. 2013 წლიდან დღემდე ის ერთგულად ემსახურება თავის პროფესიას შპს „ჯეო ჰოსპიტალსის“ ბორჯომის მრავალპროფილურ სამედიცინო ცენტრში, სადაც კლინიკური და ხარისხის მენეჯერის საპასუხისმგებლო პოზიციას იკავებს. ის პარალელურად, არის საქართველოს რესპირაციული ასოციაციის აქტიური წევრი, სამცხე-ჯავახეთის რეგიონის თანათავმჯდომარე. ოლიას ცხოვრებაში უმთავრესი ადგილი უჭირავს ოჯახსა და ტრადიციულ ღირებულებებს. მშობლებმა — დედამ (პედაგოგმა) და მამამ (მშენებელმა) — ქვეყნისთვის ურთულეს წლებში შეძლეს მისთვის საზღვარგარეთ ხარისხიანი განათლების მიცემა. დღეს კი თავად არის სამაგალითო დედა და მეუღლე; მისი უფროსი ვაჟი საინფორმაციო ტექნოლოგიების სპეციალისტია, ხოლო უმცროსი — მომავალი არქიტექტორი, რომელიც სწავლას მაგისტრატურაში აგრძელებს.

რა არის კარგი ექიმი?
აუცილებელია ემპათია, პასუხისმგებლობის მაღალი გრძნობა, პატივისცემა ადამიანის ღირსებისადმი და მოსმენის უნარი.

რატომ აირჩიეთ მედიცინა?
ჩემთვის მედიცინა მხოლოდ პროფესია არასოდეს ყოფილა — ეს არის ცხოვრების არჩევანი:

ვინ არის თქვენი მისაბაძი?
ჩემთვის იდეალური ექიმი ის არის, ვის გვერდითაც პაციენტი თავს უსაფრთხოდ გრძნობს.

რჩევა მომავალ ექიმებს
არასოდეს დაივიწყოთ, რომ ყოველი კლინიკური შემთხვევის უკან დგას ადამიანი.

გამოცდილება

ოლია ბუაჩიძე დაიბადა 1972 წლის 28 აპრილს ქალაქ ქარელში. მისი პროფესიული არჩევანი ბავშვობას უკავშირდება — ექიმ პაპასთან სამსახურში გატარებულმა წლებმა, იქ არსებულმა თბილმა გარემომ, ყურადღებამ და სიყვარულმა უდიდესი გავლენა იქონია მასზე და სამომავლო ცხოვრებისეული გზის მთავარ საწყისად იქცა. დაბა აგარის საშუალო სკოლის დასრულების შემდეგ, მან სწავლა ცხინვალის სამედიცინო სასწავლებელში განაგრძო. სასწავლებლის წარმატებით დასრულებისა და ექთნის დიპლომის მიღების შემდეგ, პირველი დამოუკიდებელი პროფესიული ნაბიჯები პედიატრიულ განყოფილებაში, პატრონაჟის ექთნის პოზიციაზე გადადგა. ამას მოჰყვა სტუდენტობის ექვსწლიანი,

სამუშაო ადგილი

თოდუას კლინიკა