ნინო უმეკაშვილი

არის ანესთეზიოლოგ- რეანიმატოლოგი და მოწვეული ლექტორი. მან 2005–2011 წლებში დაამთავრა ივანე ჯავახიშვილის სახელობის თბილისის სახელმწიფო უნივერსიტეტი, ხოლო 2012–2015 წლებში თბილისის სახელმწიფო სამედიცინო უნივერსიტეტის რეზიდენტურის კურსი გაიარა, სადაც სრული აკადემიური და პრაქტიკული მომზადება მიიღო ანესთეზიოლოგია- რეანიმატოლოგიის სპეციალობით. მისი პროფესიული საქმიანობა მჭიდროდ არის დაკავშირებული ქვეყნის წამყვან სამედიცინო დაწესებულებებთან. 2012–2016 წლებში ის ი. ციციშვილის სახელობის ბავშვთა კლინიკის კრიტიკული მედიცინის განყოფილებაში უმცროს ექიმად მუშაობდა, 2016 წლიდან დღემდე კი ამავე განყოფილების ექიმი-რეანიმატოლოგია. პარალელურად, 2022 წლიდან დღემდე, იგი ამავე კლინიკაში ანესთეზიის განყოფილების ექიმ-ანესთეზიოლოგის პოზიციასაც იკავებს. მისი კლინიკური გამოცდილება ასევე მოიცავს ვახტანგ ბოჭორიშვილის კლინიკას, სადაც 2019–2020 წლებში ექიმ-რეანიმატოლოგად საქმიანობდა. ამასთანავე, ნინო უმეკაშვილი აქტიურად არის ჩართული „ჯო ენის კლინიკის“ სამედიცინო პრაქტიკაში. საექიმო საქმიანობის პარალელურად, ის ნაყოფიერ პედაგოგიურ პრაქტიკას ეწევა. 2024 წლიდან არის კავკასიის საერთაშორისო უნივერსიტეტის, ხოლო 2026 წლიდან ალტე უნივერსიტეტის მოწვეული ლექტორი. ნინო უმეკაშვილი მუდმივად ზრუნავს პროფესიულ განვითარებასა და კვალიფიკაციის ამაღლებაზე. მას წარმატებით აქვს გავლილი ევროპის ანესთეზიოლოგიის განათლების კომიტეტის (CEEA) საერთაშორისო სასერტიფიკატო კურსები, რომლებიც მოიცავს რესპირაციული სისტემის, გულ- მკერდის ქირურგიის, გულ-სისხლძარღვთა სისტემის, ინტენსიური თერაპიის, გადაუდებელი მედიცინის, სისხლისა და მისი კომპონენტების 1 ტრანსფუზიის, აგრეთვე რეგიონული ანესთეზიისა და ტკივილის მართვის აქტუალურ საკითხებს. გარდა ამისა, ფლობს ახალშობილთა განვითარებაზე ორიენტირებული და დამზოგველი მზრუნველობის საერთაშორისო სერტიფიკატს ახალშობილთა ინტენსიური თერაპიის განყოფილებაში (NICU, 2019 წ.) და გავლილი აქვს სპეციალიზებული კურსი „ულტრასონოგრაფიული კვლევა გადაუდებელი მედიცინის ექიმთა პრაქტიკაში“ (2023 წ.).

რა არის კარგი ექიმი?
პროფესიონალ ექიმს სჭირდება მუდმივი პროფესიული განვითარება, ემპათია, პატიოსნება და კომუნიკაციის კარგი უნარი.

რატომ აირჩიეთ მედიცინა?
პროფესიის არჩევისას ინსპირაცია მომცა პაციენტების დახმარების სურვილმა და მედიცინისადმი ინტერესმა.

ვინ არის თქვენი მისაბაძი?
ჩემი იდიალია ისეთი ექიმი, რომელიც გამოირჩევა არა მხოლოდ პროფესიული ცოდნითა და გამოცდილებით, არამედ ადამიანურობით, პასუხისმგებლობითა და პაციენტებისადმი თანაგრძნობით.

რჩევა მომავალ ექიმებს
მომავალ ექიმებს ვურჩევდი, რომ მუდმივად ისწავლონ, რადგან მედიცინა მუდმივად იცვლება.

გამოცდილება

ნინო უმეკაშვილი არის ანესთეზიოლოგ- რეანიმატოლოგი და მოწვეული ლექტორი. მან 2005–2011 წლებში დაამთავრა ივანე ჯავახიშვილის სახელობის თბილისის სახელმწიფო უნივერსიტეტი, ხოლო 2012–2015 წლებში თბილისის სახელმწიფო სამედიცინო უნივერსიტეტის რეზიდენტურის კურსი გაიარა, სადაც სრული აკადემიური და პრაქტიკული მომზადება მიიღო ანესთეზიოლოგია- რეანიმატოლოგიის სპეციალობით. მისი პროფესიული საქმიანობა მჭიდროდ არის დაკავშირებული ქვეყნის წამყვან სამედიცინო დაწესებულებებთან. 2012–2016 წლებში ის ი. ციციშვილის სახელობის ბავშვთა კლინიკის კრიტიკული მედიცინის განყოფილებაში უმცროს ექიმად მუშაობდა, 2016 წლიდან დღემდე კი ამავ

სამუშაო ადგილი

ი. ციციშვილის სახელობის ბავშვთა ახალი კლინიკა