ნინო ბეგიაშვილი

დაიბადა 1962 წლის 5 მაისს სიღნაღის რაიონში. 1969–1979 წლებში სწავლობდა სიღნაღის რაიონის სოფელ ძველი ანაგის საშუალო სკოლაში, რომელიც ოქროს მედლზე დაამთავრა. 1980 წელს ჩაირიცხა თბილისის სახელმწიფო სამედიცინო ინსტიტუტის სამკურნალო ფაკულტეტზე, რომელიც წარმატებით დაასრულა 1986 წელს. 1986– 1987 წლებში ინტერნატურის კურსი გაიარა თელავის რაიონულ საავადმყოფოში. სამედიცინო საქმიანობა ნინო ბეგიაშვილმა 1987 წელს სიღნაღის პოლიკლინიკაში თერაპევტად დაიწყო, სადაც 1998 წლამდე მუშაობდა. 1999 წელს მან გაიარა კვალიფიკაცია კარდიოლოგიის მიმართულებით და სამედიცინო პრაქტიკა განაგრძო სოფელ მაღაროს პოლიკლინიკის კარდიოლოგად. 2009 წლიდან დღემდე, იგი სოფელ ბოდბის ოჯახის ექიმია. პროფესიული განვითარების მიზნით, 2021–2022 წლებში გაიარა გადაუდებელი მედიცინის კურსი, ხოლო 2022 წელს — კარდიოექოსკოპიის სპეციალიზაცია. 2022 წლიდან იგი მუშაობს დედოფლისწყაროს რეგიონულ ჯანდაცვის ცენტრში ემერჯენსოლოგად, ხოლო 2023 წლიდან, ამავე ცენტრში საქმიანობს როგორც კარდიოექოსკოპისტი. პროფესიული ლიცენზიები: შინაგანი მედიცინა კარდიოლოგია, საოჯახო მედიცინა, გადაუდებელი მედიცინა, ტრანსთორაკალური ექოკარდიოგრაფია. ჰყავს მეუღლე (ექიმი) და ერთი შვილი.

რა არის კარგი ექიმი?
ჩემი აზრით, გულისხმიერი და პროფესიონალი ექიმი მხოლოდ ცოდნით არ ყალიბდება. ამისთვის კიდევ რამდენიმე მნიშვნელოვანი თვისების ერთობლიობაა საჭირო: თანაგრძნობა (ემპათია) - პაციენტის ტკივილისა და შფოთვის გაგება და პატივისცემა. ცოდნა და მუდმივი სწავლა - მედიცინა სწრაფად მიიწევს წინ, მუდმივად ვითარდება, ამიტომ ექიმიც ყოველთვის უნდა სწავლობდეს ახალს; პასუხისმგებლობა, გადაწყვეტილების მიღება - ისე, რომ საუკეთესო შედეგი მივიღოთ.

რატომ აირჩიეთ მედიცინა?
პროფესიის არჩევის დროს დიდხანს ვფიქრობდი. ბავშვობაში პედაგოგობა მინდოდა თუმცა, როდესაც გავიზარდე მივხვდი, რომ ადამიანის დახმარებას ექიმის პროფესიით უფრო შევძლებდი, ამიტომაც ავირჩიე სამედიცინო ინსტიტუტი.

ვინ არის თქვენი მისაბაძი?
ასეთი იდეალი ერთი არ ყოფილა ჩემს ცხოვრებაში. ცხოვრების ყოველ ეტაპზე (მას შემდეგ, რაც ექიმი გავხდი) ხშირად ვხედავდი მართალი პროფესიონალიზმისა და ადამიანური სითბოს მატარებელ ექიმებს და ისინი ხდებოდნენ ჩემთვის მისაბაძ მაგალითად.

რჩევა მომავალ ექიმებს
მომავალ ექიმებს ვეტყოდი, რომ შენთვის პაციენტი არასდროს გახდეს „შემთხვევა“ ან „დიაგნოზი“ , რადგან მის უკან ადამიანი დგას თავისი ცხოვრებით, იმედებით და ოცნებებით. ასევე ვეტყოდი, რომ მუდმივად ისწავლოს, იყოს თავმდაბალი, არ იფიქროს რომ ყველაფერი იცის და ამიტომ გაიზიაროს სხვა კოლეგების ჭკვიანური აზრიც. უნდა იზრუნოს საკუთარ ჯანმრთელობაზეც, რადგან გადაღლილი ექიმი პაციენტს კარგად ვერ დაეხმარება. არასოდეს დაიშუროს ადამიანური სითბო პაციენტებისთვის.

განათლება

სწავლობდა სიღნაღის რაიონის სოფელ ძველი ანაგის საშუალო სკოლაში, რომელიც ოქროს მედლზე დაამთავრა. ჩაირიცხა თბილისის სახელმწიფო სამედიცინო ინსტიტუტის სამკურნალო ფაკულტეტზე, რომელიც წარმატებით დაასრულა 1986 წელს.

გამოცდილება

ნინო ბეგიაშვილი დაიბადა 1962 წლის 5 მაისს სიღნაღის რაიონში. 1969–1979 წლებში სწავლობდა სიღნაღის რაიონის სოფელ ძველი ანაგის საშუალო სკოლაში, რომელიც ოქროს მედლზე დაამთავრა. 1980 წელს ჩაირიცხა თბილისის სახელმწიფო სამედიცინო ინსტიტუტის სამკურნალო ფაკულტეტზე, რომელიც წარმატებით დაასრულა 1986 წელს. 1986– 1987 წლებში ინტერნატურის კურსი გაიარა თელავის რაიონულ საავადმყოფოში. სამედიცინო საქმიანობა ნინო ბეგიაშვილმა 1987 წელს სიღნაღის პოლიკლინიკაში თერაპევტად დაიწყო, სადაც 1998 წლამდე მუშაობდა. 1999 წელს მან გაიარა კვალიფიკაცია კარდიოლოგიის მიმართულებით და სამედიცინო პრაქტიკა განაგრძო სოფელ მაღაროს პოლიკ

სამუშაო ადგილი

გოთუას სამედიცინო ცენტრი