ნანი ჩოჩია

დაიბადა 1952 წლის 15 ივლისს მარტვილის რაიონში. 1959–1969 წლებში მან განათლება მიიღო აბაშის მეორე საჯარო სკოლაში, ხოლო 1971–1977 წლებში სწავლობდა თსსუ-ში, სანიტარიის, ჰიგიენისა და ეპიდემიოლოგიის სპეციალობით. ნანი ჩოჩიამ 1977–1978 წლებში მუშაობდა სამტრედიის სანიტარიულ-ეპიდემიოლოგიურ სადგურში ექიმ-ეპიდემიოლოგად, ხოლო 1978–1983 წლებში საქმიანობა აბაშის სანიტარიულ-ეპიდემიოლოგიურ სადგურში განაგრძო. 1983 წლიდან დღემდე ის ერთგულად ხელმძღვანელობს აბაშის რაიონული საავადმყოფო-კლინიკის დიაგნოსტიკურ ლაბორატორიას. ამასთანავე, 2001 წლიდან დღემდე არის აბაშის მუნიციპალიტეტის საზოგადოებრივი ჯანდაცვის სამსახურის ექიმი-ეპიდემიოლოგი. 2020 წლიდან მან დაიკავა სს „საქართველოს კლინიკების“ აბაშის კლინიკის ლაბორატორიული მიმართულების ხელმძღვანელისა და უფროსი სპეციალისტის პოზიცია, ხოლო 2024 წლიდან დღემდე ამავე კლინიკის ექიმი-ეპიდემიოლოგია. ნანი ჩოჩია ფლობს სახელმწიფო სერტიფიკატებს ეპიდემიოლოგიასა და ლაბორატორიულ საქმეში. მას წარმატებით აქვს გავლილი არაერთი სპეციალიზებული კურსი და სემინარი. მისი პროფესიული მომზადება ასევე მოიცავს წითელას, წითურასა და ყბაყურას ეპიდემიოლოგიის, დიაგნოსტიკის, მკურნალობის, პრევენციისა და მართვის საკითხებს (2007 წ.), განსაკუთრებით საშიში ინფექციების ეპიდემიოლოგიასა და ზედამხედველობას, ეპიდზედამხედველობის მონაცემთა ანალიზსა და ეპიდემიოლოგიური გამოკვლევის წარმოებას (2008 წ.). გარდა ამისა, გავლილი აქვს კურსები ინფექციური დაავადებების ზედამხედველობის ელექტრონული ინტეგრირებული სისტემების მართვის, თანამედროვე ჰემოსტაზიოლოგიის ბაზისური საკითხების, მწვავე ლეიკოზების ლაბორატორიული დიაგნოსტიკის, სისხლისა და ნაწლავთა პარაზიტული დაავადებების ლაბორატორიული დიაგნოსტიკის (უახლესი ტექნოლოგიების გამოყენებით) და მალარიისა და მისი დიაგნოსტიკის თანამედროვე ასპექტების მიმართულებით.

რა არის კარგი ექიმი?
ექიმობა განსაკუთრებული პასუხისმგებლობაა, რომელიც ღრმა ცოდნას, მუდმივ თვითგანვითარებას, შრომისმოყვარეობასა და სწორ კლინიკურ აზროვნებას მოითხოვს. თუმცა, ყოველივე ამის საფუძველი ჰუმანური ღირებულებები და ემპათიაა.

რატომ აირჩიეთ მედიცინა?
მედიცინა ჩემთვის მხოლოდ პროფესია არ არის, ის ცხოვრების წესია და ოჯახური ტრადიცია. მამა რესპუბლიკის დამსახურებული პროვიზორი იყო, და კარდიოლოგი, ხოლო მეუღლე, ბადრი ლიპარტია, მეან-გინეკოლოგი.

ვინ არის თქვენი მისაბაძი?
ჩემი მთავარი იდეალი მამაა, რომლის პროფესიული კეთილსინდისიერება, შრომისმოყვარეობა და საზოგადოებრივი პასუხისმგებლობა დღემდე მისაბაძ მაგალითად რჩება. ამასთანავე, უდიდეს პატივს ვცემ ქართულ სამედიცინო სკოლას და მეოცე საუკუნის დიდ ქართველ მოღვაწეებს.

რჩევა მომავალ ექიმებს
მომავალ კოლეგებს ვურჩევდი გააცნობიერონ, რომ მედიცინა უწყვეტი სწავლისა და ადამიანებისადმი მსახურების გზაა.

გამოცდილება

ნანი ჩოჩია დაიბადა 1952 წლის 15 ივლისს მარტვილის რაიონში. 1959–1969 წლებში მან განათლება მიიღო აბაშის მეორე საჯარო სკოლაში, ხოლო 1971–1977 წლებში სწავლობდა თსსუ-ში, სანიტარიის, ჰიგიენისა და ეპიდემიოლოგიის სპეციალობით. ნანი ჩოჩიამ 1977–1978 წლებში მუშაობდა სამტრედიის სანიტარიულ-ეპიდემიოლოგიურ სადგურში ექიმ-ეპიდემიოლოგად, ხოლო 1978–1983 წლებში საქმიანობა აბაშის სანიტარიულ-ეპიდემიოლოგიურ სადგურში განაგრძო. 1983 წლიდან დღემდე ის ერთგულად ხელმძღვანელობს აბაშის რაიონული საავადმყოფო-კლინიკის დიაგნოსტიკურ ლაბორატორიას. ამასთანავე, 2001 წლიდან დღემდე არის აბაშის მუნიციპალიტეტის საზოგადოებრივი ჯანდაცვის

სამუშაო ადგილი

ღია გული / მე-5 კლინიკური საავადმყოფო