ნანა კახნიაშვილი

დაიბადა 1959 წლის 28 სექტემბერს თბილისში. მისი აკადემიური გზა წარმატებით დაიწყო 1976 წელს დაამთავრა თბილისის აკადემიკოს ი. ვეკუას სახელობის N42 ფიზიკა-მათემატიკის სკოლა, ხოლო 1979 წელს სწავლა განაგრძო თბილისის სახელმწიფო სამედიცინო ინსტიტუტის პედიატრიულ ფაკულტეტზე. მიუხედავად იმისა, რომ სახელმწიფო გამოცდაზე ერთ-ერთ საგანში მიღებულმა შეფასებამ მას „წითელი დიპლომი“ დააკარგვინა, სწორედ ამ მოვლენამ განსაზღვრა მისი მომავალი პრაქტიკული გამოცდილება: სწავლის გაგრძელების ნაცვლად, იგი განაწილებით ხარაგაულის რაიონის სოფელ კიცხის ამბულატორიაში პედიატრად გაიგზავნა. ახალგაზრდა თბილისელი ექიმისთვის იქ გატარებული ხუთი წელი უდიდესი პროფესიული და პიროვნული გამოცდა აღმოჩნდა, რომელმაც საფუძველი ჩაუყარა მის ჩამოყალიბებას მტკიცე და გამოცდილ სპეციალისტად. მისი შემოქმედებითი და პროფესიული წინსვლა მრავალფეროვანია: საქმიანობა დაიწყო საბავშვო ბაღების, სკოლებისა და სკოლა-ინტერნატის პედიატრობით, მოგვიანებით კი ამბულატორიის გამგისა და საავადმყოფოს მთავარი ექიმის პოზიციამდე დაწინაურდა. 1991–1993 წლებში ნანა კახნიაშვილმა გაიარა კლინიკური ორდინატურა თსსუ-ის ბავშვთა პროპედევტიკის კათედრაზე, ცნობილი პროფესორის, ნოდარ ხერხეულიძის ხელმძღვანელობით. პარალელურად მუშაობდა თბილისის ბავშვთა N13 პოლიკლინიკაში, სხვადასხვა ბაგა-ბაღებსა და 51-ე საჯარო სკოლაში პედიატრად, მოგვიანებით კი — უბნის პედიატრად და პედიატრიული განყოფილების გამგედ. 2004 წელს, შესაბამისი სერტიფიკატის მიღების შემდეგ, მან საქმიანობა განაგრძო როგორც ოჯახის ექიმმა და პედიატრმა. დღემდე იგი წარმატებით აგრძელებს მუშაობას სამედიცინო ცენტრ „მედიმედში“. მისმა ხანგრძლივმა და ერთგულმა შრომამ სათანადო აღიარება ჰპოვა — 2006 წელს ნანა კახნიაშვილი დაჯილდოვდა „დამსახურებული მედიკოსის“ საპატიო მედლით, რაც მისი ჰუმანური საქმიანობისა და პროფესიონალიზმის კიდევ ერთი ნათელი დასტურია.

რა არის კარგი ექიმი?
უპირველეს ყოვლისა, ექიმს უნდა უყვარდეს ადამიანი. აუცილებელია მოსმენის უნარი, საქმისადმი ერთგულება, მაღალი პასუხისმგებლობა და პაციენტის ნდობის მოპოვების ნიჭი.

რატომ აირჩიეთ მედიცინა?
ზუსტ ინსპირაციას ვერ გავიხსენებ, თუმცა ჩემი თავი მახსოვს იმ დროიდან, როცა დედის მიერ შეკერილ პატარა ბალიშებს “ინექციებს“ ვუკეთებდი, ვთამაშობდი ექიმობანას და ვკურნალობდი ჩემს თოჯინებს.

ვინ არის თქვენი მისაბაძი?
ჩემთვის იდეალია ყველა ის პროფესიონალი, რომელიც შეყვარებულია თავის საქმეზე. თავად არავის ვბაძავ, საკუთარ გზას მივყვები.

რჩევა მომავალ ექიმებს
მჯერა, რომ არჩევანი მხოლოდ ანაზღაურებამ ან “პრესტიჟმა“ არ უნდა განაპირობოს. ექიმობა მოწოდებაა და არა მხოლოდ ვალდებულება. სრულად ვიზიარებ აზრს: ბედნიერია ადამიანი, რომელსაც დილით უხარია სამსახურში წასვლა და სამსახურის შემდეგ - შინ დაბრუნება.

განათლება

დაამთავრა თბილისის აკადემიკოს ი. გაიარა კლინიკური ორდინატურა თსსუ-ის ბავშვთა პროპედევტიკის კათედრაზე, ცნობილი პროფესორის, ნოდარ ხერხეულიძის ხელმძღვანელობით.

გამოცდილება

ნანა კახნიაშვილი დაიბადა 1959 წლის 28 სექტემბერს თბილისში. მისი აკადემიური გზა წარმატებით დაიწყო 1976 წელს დაამთავრა თბილისის აკადემიკოს ი. ვეკუას სახელობის N42 ფიზიკა-მათემატიკის სკოლა, ხოლო 1979 წელს სწავლა განაგრძო თბილისის სახელმწიფო სამედიცინო ინსტიტუტის პედიატრიულ ფაკულტეტზე. მიუხედავად იმისა, რომ სახელმწიფო გამოცდაზე ერთ-ერთ საგანში მიღებულმა შეფასებამ მას „წითელი დიპლომი“ დააკარგვინა, სწორედ ამ მოვლენამ განსაზღვრა მისი მომავალი პრაქტიკული გამოცდილება: სწავლის გაგრძელების ნაცვლად, იგი განაწილებით ხარაგაულის რაიონის სოფელ კიცხის ამბულატორიაში პედიატრად გაიგზავნა. ახალგაზრდა თბილისელი ექი

სამუშაო ადგილი

მედიმედი