მეგი გეორბელიძე

დაიბადა 1983 წელს ქალაქ თბილისში. დაამთავრა მე-2 ექსპერიმენტული სკოლა. 2001 წელს სწავლა გააგრძელა თბილისის სახელმწიფო სამედიცინო უნივერსიტეტის მედიცინის ფაკულტეტზე, რომელიც წარმატებით დაასრულა 2007 წელს და მიენიჭა დიპლომირებული მედიკოსის ხარისხი. უმაღლესი განათლების მიღების შემდეგ, მან სწავლა რეზიდენტურაში განაგრძო ნეონატოლოგიის მიმართულებით. 2011 წელს მოიპოვა ნეონატოლოგიის სახელმწიფო სერტიფიკატი (ლიცენზია). მოგვიანებით, მან ასევე გაიარა სპეციალიზაცია ანესთეზიოლოგია-რეანიმატოლოგიის მიმართულებით, რის საფუძველზეც 2015 წელს მიიღო სახელმწიფო სერტიფიკატი ანესთეზიოლოგია-რეანიმატოლოგიაში. მეგი გეორბელიძეს სამედიცინო სფეროში მუშაობის 20-წლიანი პროფესიული გამოცდილება აქვს. საექიმო საქმიანობა ჯერ კიდევ უნივერსიტეტის მესამე კურსიდან გ. ჟვანიას სახელობის კლინიკის რეანიმაციულ განყოფილებაში დაიწყო. წლების განმავლობაში პროფესიულ პრაქტიკას ეწეოდა თბილისის წამყვან კლინიკებში, მათ შორის: თბილისის სახელმწიფო სამედიცინო უნივერსიტეტის გ. ჟვანიას სახელობის პედიატრიულ კლინიკაში, წმინდა იოაკიმესა და ანას სახელობის სამედიცინო ცენტრსა და ი. ციციშვილის ბავშვთა ახალ კლინიკაში. ი. ციციშვილის ბავშვთა კლინიკაში მეგი გეორბელიძე გახსნის დღიდან რეანიმაცია-ანესთეზიის მიმართულებით მუშაობს. ის დღემდე ამ პროფესიონალთა გუნდის აქტიური წევრია და ამჟამად ხელმძღვანელობს რეანიმაცია-ანესთეზიის განყოფილებას. იგი აქტიურად არის ჩართული აკადემიურ და საგანმანათლებლო საქმიანობაში. 2021 წლიდან არის „ევექსის ჰოსპიტლების“ აკრედიტებული პროგრამის — ბავშვთა ანესთეზიისა და კრიტიკული მედიცინის სარეზიდენტო პროგრამის ლოკალური ხელმძღვანელი. 2024 წლიდან კი კავკასიის საერთაშორისო უნივერსიტეტის მოწვეული ლექტორი და დიპლომისშემდგომი სამედიცინო განათლების პედაგოგია. იგი საკუთარ ცოდნასა და მრავალწლიან გამოცდილებას დიდი პასუხისმგებლობით უზიარებს სტუდენტებსა და რეზიდენტებს, შესაბამისად მნიშვნელოვანი წვლილი შეაქვს ახალგაზრდა სპეციალისტების პროფესიულ განვითარებასა და მომავალი თაობების აღზრდაში. ჰყავს მეუღლე და ორი შვილი.

რა არის კარგი ექიმი?
მიმაჩნია, რომ უპირველეს ყოვლისა უნდა ვიყოთ ადამიანები და მხოლოდ ამის შემდეგ - ექიმები. ამასთანავე, უმნიშვნელოვანესია საკუთარი საქმის უზომო სიყვარული.

რატომ აირჩიეთ მედიცინა?
ამ კითხვაზე მარტივი პასუხი მაქვს - ბავშვების უკიდეგანო სიყვარულმა.

ვინ არის თქვენი მისაბაძი?
რა თქმა უნდა, მყავს მისაბაძი პროფესიონალი - ქალბატონი მაია ჩხაიძე.

რჩევა მომავალ ექიმებს
სწავლის პროცესი არასოდეს მთავრდება - სამედიცინო სფეროში მუდმივად ჩნდება სიახლეები, რომლებსაც ფეხი უნდა ავუწყოთ, რადგან ჩვენ სიცოცხლისა და სიკვდილის სადარაჯოზე ვდგავართ. მთავარი, რაც შემიძლია ვურჩიო მომავალ კოლეგებს, არის ის, რომ უზომოდ უყვარდეთ თავიანთი საქმიანობა.

განათლება

დაამთავრა მე-2 ექსპერიმენტული სკოლა. დაასრულა 2007 წელს და მიენიჭა დიპლომირებული მედიკოსის ხარისხი.

გამოცდილება

მეგი გეორბელიძე დაიბადა 1983 წელს ქალაქ თბილისში. დაამთავრა მე-2 ექსპერიმენტული სკოლა. 2001 წელს სწავლა გააგრძელა თბილისის სახელმწიფო სამედიცინო უნივერსიტეტის მედიცინის ფაკულტეტზე, რომელიც წარმატებით დაასრულა 2007 წელს და მიენიჭა დიპლომირებული მედიკოსის ხარისხი. უმაღლესი განათლების მიღების შემდეგ, მან სწავლა რეზიდენტურაში განაგრძო ნეონატოლოგიის მიმართულებით. 2011 წელს მოიპოვა ნეონატოლოგიის სახელმწიფო სერტიფიკატი (ლიცენზია). მოგვიანებით, მან ასევე გაიარა სპეციალიზაცია ანესთეზიოლოგია-რეანიმატოლოგიის მიმართულებით, რის საფუძველზეც 2015 წელს მიიღო სახელმწიფო სერტიფიკატი ანესთეზიოლოგია-რეანიმატოლოგი

სამუშაო ადგილი

ი. ციციშვილის სახელობის ბავშვთა ახალი კლინიკა