მაია იოსელიანი

დაიბადა 1956 წლის 20 აპრილს. 1979 წელს წარჩინებით დაამთავრა თბილისის სახელმწიფო სამედიცინო ინსტიტუტის პედიატრიული ფაკულტეტი, რის შემდეგაც ინტერნატურის კურსი გაიარა ქალაქ ქუთაისის ბავშვთა მრავალპროფილურ საავადმყოფოში. 1997 წელს წარმატებით დაიცვა დისერტაცია პედიატრიის გრიფით და მიენიჭა მედიცინის მეცნიერებათა კანდიდატის აკადემიური ხარისხი. იგი ფლობს სახელმწიფო სერტიფიკატებს პედიატრიასა (2001 წ.) და საოჯახო მედიცინაში (2010 წ.). მისი მრავალწლიანი და მრავალმხრივი კლინიკური საქმიანობა ძირითადად ქალაქ ქუთაისს უკავშირდება. 1980 წლიდან 2011 წლამდე მაია იოსელიანი მუშაობდა ქუთაისის ბავშვთა №3 პოლიკლინიკაში უბნის პედიატრად, ხოლო 2011 წლიდან დღემდე ამავე სამედიცინო დაწესებულებაში და ნაზარიშვილის სახელობის საოჯახო მედიცინის ცენტრში მუშაობს როგორც ოჯახის ექიმი. პარალელურად, 2014 წლიდან დღემდე იგი არის ქუთაისის ბავშვთა მე-3 პოლიკლინიკის გადაუდებელი დახმარების გუნდის ექიმი-პედიატრი, ხოლო 2014– 2018 წლებში საექიმო საქმიანობას ეწეოდა სადაზღვევო კომპანია „უნისონშიც“. ის მონაწილეობდა საერთაშორისო, მულტიცენტრულ, რანდომიზებულ, ორმაგად ბრმა, პარალელურ ჯგუფებში მიმდინარე კვლევაში, რომელიც ატოპიური დერმატიტით დაავადებულ ბავშვეში დამარბილებელი კრემის ეფექტურობისა და უსაფრთხოების შესწავლას ითვალისწინებდა. 2001 წლიდან დღემდე, იგი არის აკაკი წერეთლის სახელმწიფო უნივერსიტეტის მედიცინის ფაკულტეტის მოწვეული ლექტორი, ხოლო 2015 წლიდან — თბილისის სახელმწიფო სამედიცინო უნივერსიტეტის რეზიდენტურის პროგრამის მოდულზე პასუხისმგებელი პირი. ამასთანავე, ქალბატონი მაია არის ნაზარიშვილის სახელობის საოჯახო მედიცინის ცენტრის ტრენერი და ოჯახის ექიმთა ევროპული აკადემიის (EURACT) წევრი, იგი არაერთი საერთაშორისო სამეცნიერო პუბლიკაციის თანაავტორი და დარგობრივი კონგრესების აქტიური მონაწილეა. ასევე, 2024- 2027 წლებში ჩეხეთის კარიტასის მიერ საქართველოში განხორციელებულ პროექტში - „საქართველოს მოსახლეობის სამედიცინო მომსახურების ხარისხის გაუმჯობესება გენდერ-სენსიტიურ მენტალურ ჯანმრთელობაზე აქცენტირებით“ - იგი საქმიანობს ტრენერისა და ფასილიტატორის პოზიციაზე. 2026 წელს კი ექსპერტის სტატუსით არის ჩართული გაეროს ბავშვთა ფონდის პროექტში.

რა არის კარგი ექიმი?
ექიმის პროფესია წარმოუდგენლად რთულია და მისი არჩევისას ხშირად არც კი ვითვალისწინებთ ამ სირთულეებს: მუდმივ მზაობას სხვისი ჯანმრთელობის სადარაჯოზე ყოფნისთვის, უწყვეტ განათლებასა და ტრენინგებს.

რატომ აირჩიეთ მედიცინა?
ჩემი შთაგონების წყარო ჩემი პედიატრი, ბაბულია ჭელიძე იყო.

ვინ არის თქვენი მისაბაძი?
ჩემი იდეალი ჩემი უფროსი კოლეგა, ლეილა დავითაიაა, რომლისგანაც უამრავი პრაქტიკული თუ ცხოვრებისეული რჩევა მივიღე.

რჩევა მომავალ ექიმებს
მომავალ ექიმებს ვურჩევდი, კარგად დაფიქრდნენ იმ პროფესიაზე, რომელიც დიდ სიყვარულსა და უდიდეს თავგანწირვას მოითხოვს.

გამოცდილება

მაია იოსელიანი დაიბადა 1956 წლის 20 აპრილს. 1979 წელს წარჩინებით დაამთავრა თბილისის სახელმწიფო სამედიცინო ინსტიტუტის პედიატრიული ფაკულტეტი, რის შემდეგაც ინტერნატურის კურსი გაიარა ქალაქ ქუთაისის ბავშვთა მრავალპროფილურ საავადმყოფოში. 1997 წელს წარმატებით დაიცვა დისერტაცია პედიატრიის გრიფით და მიენიჭა მედიცინის მეცნიერებათა კანდიდატის აკადემიური ხარისხი. იგი ფლობს სახელმწიფო სერტიფიკატებს პედიატრიასა (2001 წ.) და საოჯახო მედიცინაში (2010 წ.). მისი მრავალწლიანი და მრავალმხრივი კლინიკური საქმიანობა ძირითადად ქალაქ ქუთაისს უკავშირდება. 1980 წლიდან 2011 წლამდე მაია იოსელიანი მუშაობდა ქუთაისის ბავშვთა

სამუშაო ადგილი

აკად. გ. ჩაფიძის სახელობის გადაუდებელი კარდიოლოგიის ცენტრი